فاتیح شێخولئیسلامی

لە ئینسایکڵۆپیدیای ئازادی ویکیپیدیاوە
(ڕەوانەکراوە لە چاوەەوە)
Jump to navigation Jump to search

فاتیح (چاوە) شێخولئیسلامی ناسراو بە چاوە و ف. پشکۆ (لەدایکبووی ١٩٤٢ لە مەریوان، ڕۆژھەڵاتی کوردستان) شاعیر و سیاسەتوانێکی کوردە.

ژیان[دەستکاری]

فاتیح شێخولئیسلامی کوڕی سەید ئەحمەد نەورۆزی ١٩٤٢ لە شاری مەریوان لە دایک بوو. سێ چوار ساڵی سەرەتایی ژیانی ئاوارە بوون. قوتابخانەی سەرەتایی لە مەریوان و ناوەندەی لە سنە تەواو کرد و دوای ئەو لە ساڵەکانی ١٩٦٠–١٩٦١ وەک یەکەم خوێندکاری مەریوانی لە تاران وەرگیرا و لە زانکۆی تاران دەستی بە خوێندنی ئیلاھیات کرد و دواتر لە زانستە کۆمەڵایەتییەکاندا ماستەری وەرگرت. بە گشتی حەوت ساڵان لەوێ خوێندکار بوو و دواتر ھاتەوە و لە مەریوان بوو بە مامۆستا. چاوە ساڵی ١٩٧١ بەھۆی چالاکی سیاسییەوە بۆ ماوەی حەوت مانگ دەستەبەسەر کرا و دواتر ساڵی ١٩٨١ ڕووی کردە شاخ و لە ساڵی ١٩٩٠یشەوە لە سوید نیشتەجێیە. فاتیح شێخی لە سەردەمی زانکۆوە بیر و باوەڕی چەپی ھەڵبژارد[١] و ئێستاکەیش بە ئەندامی سەرکردایەتی پارتی کۆمۆنیستی کارگەری-حکمەتیست پێناسە دەکرێ.[٢]

شێعر[دەستکاری]

ساڵی ١٩٥٨ لەسەر کاریگەریی شۆڕشی ١٤ی تەممووز لەگەڵ کۆمەڵێک خوێندکارێکی تر بەھۆی درووشم نووسین لەسەر دیوارەکانی شاری سنە لە تەمەنی شانزادە ساڵیدا مانگ و نیوێک دەکەوێتە زیندان و لەوێ یەکەم شیعری خۆی دەھۆنێتەوە. لە زانکۆ لەگەڵ ھاوار و کاک سوارە ئاشنا دەبێ[٣] و بە دانانی شیعری (ھەسێرەکەم) لەسەر وەزنی کەژاڵێ،[٤][٥] دەبێتە دووھەم کەس لە ڕۆژھەڵاتی کوردستان کە شیعری نوێی کوردی خوڵقاندبێ.[٦] (شەوە) باشترین بەرھەمی شیعری شاعیرە.[٧]

بەرھەمەکان[دەستکاری]

  • ھەرێمی شەو (کۆی بەرھەمە شیعرییەکان)[٨]

سەرچاوەکان[دەستکاری]

  1. ^ گەشتی زیاتر لە نیو سەدەی چاوەی شاعیر، دەنگەکان، ۷ی کانوونی یەکەمی ۲۰۲۰ بڵاو کراوەتەوە.
  2. ^ چەند سەرنجێک لەسەر جنێوەکانی فاتیح شێخولئیسلامی، سۆران کەرباسیان، ٦ی ئایاری ۲۰۱٦ بڵاو کراوەتەوە.
  3. ^ سوارە ئیلخانیزادە، ڕووداو
  4. ^ شیعری کەژاڵێ، ڤەژینبوکس
  5. ^ گۆڤاری باران، ساڵی یەکەم، ژمارە ٢، ئەیلوولی ٢٠١٦
  6. ^ کێ ڕچەی کوتا؟، کتێبی گوناە، ڤەریبنوکس
  7. ^ ناساندنی نووسەران-فاتیح شێخەلئیسلامی(چاوە)، پشکۆ کامەران، خاک تیڤی، ۲نیسانی ۲۰۲۰ بڵاو کراوەتەوە.
  8. ^ ھەرێمی شەو، چاپی یەکەم، ناوەندەی غەزەلنووس، ۲۰۲۰