ناحیەی کۆڕێ

ناحیەی کۆڕێ
ناحیە
وڵات	کوردستان عێراق
ھەرێم	ھەرێمی کوردستان
پارێزگا	پارێزگای ھەولێر
قەزا	پیرمام
ناوەند	کۆڕێ
بوون بە ناحیە	٢٠٢٤
بەرزایی	٧٦٣ مەتر (٢٬٥٠٣ پێ)
زمان و ئایین
• زمان	کوردی (سۆرانی)
• ئایین	ئیسلام(سوننە)
ناوچەی کاتی	UTC+٣:٣٠ (ناوچەی کاتی)
• ھاوین (DST)	UTC+٤:٣٠ (ھاوین)
تەلەفۆن	٠٠٩٦٤

ناحیەی کۆڕێ (بە عەرەبی: ناحیة کوري، بە ئینگلیزی: Kore Subdistrict) یەکێکە لە ناحیەکانی قەزای پیرمام لە پارێزگای ھەولێر لە ھەرێمی کوردستان لە عێراق. ناوەندەکەی شارەدێی کۆڕێیە.

ناو

ناحیەی کۆڕێ لە ناوەندەکەیەوە وەرگیراوە کە شارۆچکەی کۆڕێیە.

• وشەی کۆڕێ، وشەیەکی لێکدراوە(کۆ + ڕێ)، کۆ بە واتای سەرجەم، ڕێ بەواتای ڕێگا واتای کۆی ڕێکان یان کۆی ڕێگاکان، ئەمەش لە سروشتی ھەڵکەوتەی شارەدێی کۆڕێوە وەرگیراوە کە لە دۆڵێکدایە و چەند ڕێگایەکی دەچێتەوە سەر وەک چوار ڕێیانێک وایە بە تایبەت دەکەوێتە سەر ڕێگای ھەولێر-پیرمام-شەقڵاوە.

جوگرافیا

سنووری ناحیەی کۆڕێ:

• لە باکوورەوە ناحیەی باسرمە.
• لە باشوورەوە ناحیەی بەستۆڕە.
• لە ڕۆژھەڵاتەوە ناحیەی بناری سەفین.
• لە ڕۆژاواوە ناحیەی بەستۆڕە.

مێژوو

• بەپێی بەیانی ژمارە(٤)ی ساڵی ٢٠٢٤ی وەزارەتی ناوخۆی حکوومەتی ھەرێمی کوردستان لە بەرواری ٠٣\٠٤\٢٠٢٤دا بڕیاریدا بە فراوانکردنی قەزای پیرمام، ئەویش بە ھێنانە کایەی ناحیەی کۆڕێ، ناحیەی بەستۆڕە، ناحیەی بناری سەفین و دابڕانی ناحیەی دارەشەکران لە قەزای خەبات و بەستنەوەی بە قەزای پیرمامەوە.

کارگێڕی

ئەم ناحیەیە لە (١٣) گوند پێکھاتووە:

• کۆڕێ(ناوەند)
• ئاژگە، کۆڕێ
• ئەلماوانی خواروو
• ئەلماوانی سەروو
• بیرێژ
• حوجران
• زەرگوز
• زێبارۆک
• شیوەماسی
• شێخ مەمودیان
• گردەچاڵ
• ماوەلۆ، کۆڕێ
• ناوکەندانی خواروو
• ناوکەندانی سەروو

ئەمانەش ببینە

• قەزای پیرمام
• ناحیەی دارەشەکران
• ناحیەی بەستۆڕە
• ناحیەی بناری سەفین