کەسنەزان، ھەولێر

کەسنەزان
شارۆچکە
وڵات	کوردستان
پارێزگا	ھەولێر
ڕووبەر
• سەرجەم	٧ کیلۆمەتری چوارگۆشە (٣ میلی چوارگۆشە)
ژمارەی دانیشتووان
• سەرجەم	٤٠،٠٠٠+
زمان و ئایین
• زمان	کوردی، ئیسلام (زۆرینە)

کەسنەزان شارۆچکەیەکە لە قەزای دەشتی ھەولێر، دەکەوێتە دووری ١٠ کیلۆمەتر لە ڕۆژھەڵاتی شاری ھەولێر. ژمارەی دانیشتووانی سەروو ٤٠ ھەزار کەسە. لە ١٥٪ دانیشتووانی کەسنەزان پەنابەری ڕۆژاوای کوردستانن لەگەڵ کەمینەیەک لە پەنابەرانی کوردانی باکوور و ڕۆژھەڵات.

مێژوو

دروستبون یاخود بوونی «کەسنەزان» بە بەشارۆچکە، دەگەڕێتەوە بۆ ساڵی (١٩٧٩)و دوای ڕاگواستنی خەڵکی گوندنشین لە گوندەکانیانەوە بۆ ئۆردۆگا زۆرەملێکان لەلایەن ڕژێمی بەعسی پێشووەوە، «کەسنەزان»یش یەکێک بوو لەو ئۆردۆگایانانە.

ئابووری

شارۆچکەی کەسنەزان خاوەنی ناوچەی پیشەسازی تایبەتە کەبە (پیشەسازیی کەسنەزان) دەناسرێت، دەکەوێتە ڕێگای نێوان کەسنەزان-بنەسڵاوە؛ و ئەو شارۆچکەیە خاوەنی چەند ناوچەیەکی گەشت و گوزارییە وەکوو سەیرانگەی دڵۆپە.