پەیکوڵی
پەیکوڵی کە خەڵکی ناوچەکە بتخانەیان پێ وتووە، شوێنەوارێکی سەردەمی ساسانیەکانە کە دەکەوێتە نزیکی گوندی بەرکەل لە قەزای دەربەندیخانی پارێزگای سلێمانی. گرنگیی پەیکوڵی لەوەدایە کە بەسەر دیوارەکانیدا نووسراوەی بە ھەر دوو زمانی پاڵەویی ئەشکانی و زمانی پاڵەوی ھەبووە و یەکێک لە درێژترین دەقەکانی ئەو زمانانەیە. دیوارە نووسراوەکان چەند بلۆکی بەردین بوون کە ھەندێکیان ون بوون و ئەو بەردانەی کە نووسراوەیان ھەبووە ئێستا لە مۆزەخانەی سلێمانیدان. لە ساڵی ٢٠٠٦ەوە تیمێکی شوێنەوارناسی ئیتالی کاریان لەسەری کردووە.
لە وەرگێڕانی نووسراوەکان لە لایەن Ernst Herzfeldەوە وا دەر دەکەوێت کە لە ساڵی ٢٩٣ی زایینیدا، «نەرسێ» کە دەسەڵاتی پارێزگای ئەرمەنستانی ساسانی بە دەستەوە بووە، شۆڕش دەکات و برازاکای خۆی واتە «وەھرامی سێیەم» کە چەند مانگێک شای ئێران بووە لادەبات خۆی دەبێت بە ٧ەم شاھانشای ساسانی. پەیکوڵی مۆنۆمێنتێک بووە کە لە سەر سنووری ئاسوورستان (بابل) و لەسەر ڕێگای ئەرمەنستان بۆ تیسفۆنی پایتەختی ساسانیدا کراوەتەوە.
وێنەکان
[دەستکاری]-
یەکێک لە بەردە نووسراوەکانی پەیکوڵی لە مۆزەخانەی سلێمانیدا -
پەیکەری نەرسێ شای ساسانی لە مۆزەخانەی سلێمانیدا
سەرچاوەکان
[دەستکاری]- سەردانی بورجی پەیکوڵی، ئوسامە شوکر محەممەد ئەمین (بە ئینگلیزی)
پۆتانەکان: 35°5′53.91″N 45°35′25.95″E / 35.0983083°N 45.5905417°E
| قەزاکان و شارەکان |  | |||||
|---|---|---|---|---|---|---|
| وتاری پەیوەندیدار |
| |||||
| بابەتی گەشتیاری | ||||||
 | ئەم وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
 |
کۆمنزی ویکیمیدیا، میدیای پەیوەندیدار بە پەیکوڵی تێدایە. |