ئەنسارولئیسلام

لە ئینسایکڵۆپیدیای ئازادی ویکیپیدیاوە
Jump to navigation Jump to search
ناوچەی بیارە لەژێر دەسەڵاتی ئەنسارولئیسلام لە ساڵانی ٢٠٠١-٢٠٠٣

ئەنسارولئیسلام ڕێکخراوێکی ئوسوڵی ئیسلامیی کوردییە. لە ساڵی ٢٠٠١ لە ناوچەکانی سەر سنووری ھەرێمی کوردستان - ئێران دروستبوونی خۆیان ڕاگەیاند و زۆرێک لە لایەنە سیاسییە دەوڵەتە دیموکراتییەکانی رەتدەکردەوە.

لە پرۆسەی داگیرکردنی عێراقدا ھێزی ئەنسارولئیسلام بەڕێگەی ئاسمانی و وشکانی لەلایەن ھێزی ئەمریکا و ھێزی پێشمەرگەی یەکێتیەوە لێیان دراو و بەناو خاکی ئێراندا پەرتەوازەبوون پاشان چونە ناوچە عەرەبیەکان و دژی ئیحتیلال دەستیان بەشەڕ کرد.[١][٢]

مێژوو[دەستکاری]

ئەنسارولئیسلام لە ساڵی ٢٠٠١ پاش لێکترازانی بزوتنەوەی ئیسلامی لە ئەنجامی یەکگرتنی ھەردوو گرووپی جوندولئیسلام، بە ڕابەرایەتی ئەبو عەبدوڵڵای شافعی و باڵی ئیسڵاح ڕابەرایەتی مامۆستا کرێکار دامەزرا. مامۆستا کرێکار بووە ڕابەری ئەنسارولئیسلام . دواتر وترا کە پەیوەندیان لەگەڵ ئەلقاعیدە هەیە کە قسەیەک بوو کۆڵن پاوڵ کردبوی بەڵام دواتر گوتی ئەوە پەڵەیەکی ڕەشە بەناوچاوانمەوە دەرکەوت قسەکە ڕاست نییە. بنکەی سەرەکی ئەنسارولئیسلام ناحیەی بیارە بوو و ھەورامان لەژێر دەسەڵاتیاندا بوو. دانیشتوانی ئەو گوندانە لەژێر دەسەڵاتی ئەنسارولئیسلامدا دەگوزەران. ئەنسارولئیسلام لە سەرەتاوە لە ٧٠٠ کەس پێک هاتبوو کە هەموو چەکدارەکانیان چەکدارانی پێشوی بزوتنەوەی ئیسلامی کوردستان بوون. ئێستا ئەمیری ئەنسارولئیسلام ئەبوو عەبدوڵڵای شافیعیە کە بەندکراوە و ھێزەکانی بە رێبەری ئەبوو ھاشم ئەلئیبراھیم و دژ بە تیرۆریستانی داعش شەڕ دەکەن.[٣] ھێزەکانی دەوڵەتی سووریا، ھێزە شێعە کانی عێراق و داعش ھێزگەلێکن کە دژ بە ئەنسارولئیسلام شەڕ دەکەن.

بیروباوەڕ[دەستکاری]

ئەنسارولئیسلام ھێزێکی جیھادی سەلەفیە کە داوای دامەزراندنی ئیمارەتێکی ئیسلامی دەکا. کە شەرعی خوای گەورە حاکم بێ.نان و ئەمانیش بۆ خەڵکی دابین بێ

لێدانی ئەنسارولئیسلام[دەستکاری]

لە پرۆسەی داگیرکردنی عێراقدا پاش چەند ڕۆژێک دەستکرا بە لێدانی ھێزەکانی ئەنسارولئیسلام. لە ڕێگەی ھێرشی زەمینی و ئاسمانیی ھێزەکانی هاوپەیمانان و ھێزی پێشمەرگەی یەکێتی دەستیپێکرد و لە سەرەتاوە زیاد لە ١٠٠ موشەکی جۆری تۆماھاوک ئاڕاستەی بنکە و بارەگاکانی ئەنسارولئیسلام کران و لە چەند ڕۆژێکی کەمدا تەواوی ناوچەکە کەوتەوە دەست یەکێتی.

سەرچاوەکان[دەستکاری]

  1. کورپێدیا

داڕێژە:ویکیپدیای فارسی

  1. ^ https://fa.wikipedia.org/wiki/داعش
  2. ^ https://en.wikipedia.org/wiki/Ansar_al-Islam
  3. ^ https://fa.wikipedia.org/wiki/انصار_الاسلام