پارتی داد و گەشەپێدان (تورکیا)

پارتی داد و گەشەپێدان
دامەزران	١٤ی ئابی ٢٠٠١
ناو بە زمانی فەرمی	Adalet ve Kalkınma Partisi
دامەزرێنەر	ڕەجەب تەییب ئەردۆغان، عەبدوڵڵا گوڵ، Bülent Arınç
ڕێبەر	ڕەجەب تەییب ئەردۆغان
سکرتێری گشتی	Fatih Şahin
وڵات	تورکیا
ئەندامی
لایەنگیریی سیاسی	ڕاستڕەوی
شوێنی دامەزران	ئەنقەرە
شوێنی بارەگاکان	ئەنقەرە
ڕووداوە بەرچاوەکان	ھەوڵی کودەتا لە تورکیا
Phone number	+90-312-204-5000
وێبگە	https://www.akparti.org.tr/en، https://www.akparti.org.tr/، https://www.akparti.org.tr/ar
لە ویکیدراوە دەستکاریی زانیارییەکان بکە

پارتی داد و گەشەپێدان (بە تورکی: Adalet ve Kalkınma Partisi)، ناسراو بە ئاک پارتی (بە تورکی: AK PARTI)، بە کورتە ئاکەپە یان ئەکەپە (بە تورکی: AKP)، پارتێکی شۆپپارێزە لە تورکیا کە لە سیاسەتدا وەکوو پارتێکی ڕاستڕەوی توندڕەو دەناسرێت. ئەم لە ھەڵبژاردنەکانی پەرلەمانی تورکیا توانی زیاتر لە ٣٥٪ی دەنگەکان بەدەستبھێنێت و بەوھۆیەوە بە ٢٦٥ کورسی لە ٦٠٠ کورسییەکانی پەرلەمان، وەکوو یەکەمین پارتی پەرلەمان بمێنێتەوە. سەرۆکی ئەم پارتە ڕەجەب تەییب ئەردۆغانە.

دامەزراندن

لە ١٤ی ئابی ٢٠٠١ پارتی داد و گەشەپێدان لەلایەن ڕەجەب تەییب ئەردۆغان و عەبدوڵڵا گول و ئیدریس شاھین و بینالی یلدرم و بڵند ئارینج دامەزرێندرا.

ھەڵبژاردنە گشتییەکانی پەرلەمانی تورکیا

پارتی داد و گەشەپێدان لە ساڵی ٢٠٠٢ بە سەرۆکایەتی ڕەجەب تەییب ئەردۆغان، بۆ یەکەمجار بەشداری لە ھەڵبژارنی گشتی تورکیا کرد و توانی ٣٤،٦٣% دەنگەکان بەدەستبێنێ کە نزیکەی دوو لەسەر سێی کورسییەکانی پەرلەمانی تورکیا بوو. پاش ئەم ھەڵبژاردنە عەبدوڵڵا گول حکوومەتی ٥٨ی پێکھێنا و بوو بە سەرۆک وەزیرانی تورکیا.

لە ھەڵبژاردنی ٢٢ی تەمووزی ٢٠٠٧، ئاک پارتی بۆ جاری دووھەم بەشداری ھەڵبژاردنەکانی کردەوە و دووبارە توانی بە ڕێژەی ٤٧%ی دەنگەکان زۆرینەی کورسییەکانی پەرلەمان مسۆگەر بکات بەڵام بەھۆی تێپەڕکردنی ڕێژەی ١٠%ی پارتی بزوتنەوەی نەژادپەر‌ستی تورکیا (مەھەپە) ژمارەی سەندەڵییەکانی ئاکەپە نەختێک کەم بووە.

لە ١٢ی حوزەیرانی ٢٠١١ بۆ جاری سێھەم ئاکەپە بەشداری لە ھەڵبژاردنەکانی پەرلەمان کرد و ئەم جارەش توانی بە ڕێژەی ٤٩.٩%ی دەنگەکان، پلەی یەکەمی ھەڵبژاردنەکان مسۆگەر بکا.

بەستەرە دەرەکییەکان

• ماڵپەڕی فەرمی پارتی داد و گەشەپێدان (تورکی)
• ماڵپەڕی پارتی داد و گەشەپێدان (ئینگلیزی)