ئێن ئاڕ تی

لە ئینسایکڵۆپیدیای ئازادی ویکیپیدیاوە
(ڕەوانەکراوە لە تەلەڤیزیۆن و ڕادیۆی نالیاەوە)
Jump to navigation Jump to search
ئێن ئاڕ تی
NRT
NRT TV.png
خاوەن ئاوات عەلی
وڵات کوردستان، عێراق
ماڵپەڕ http://www.nrttv.com
دەستکەوتن
سەتەلایت
نایلسات ١٢٥٢١ - V - ٢٧٥٠٠

ئێن ئاڕ تی (ناوی تەواو: تەلەڤیزیۆن و ڕادیۆی نالیا) (بە ئینگلیزی: Nalia Radio and TV یان NRT) کەناڵێکی ھەواڵییە و لە ساڵی ٢٠١١ دامەزروە، لەژێر ھەرسێ دروشمی ڕاستگۆی ھاوسەنگی بوێری

سووتاندنی کەناڵ[دەستکاری]

وێنەی سەرەتای کەناڵەکە

ئێن ئار تی لەژێر دروشمی «ڕاستگۆیی، ھاوسەنگی و بوێری» لەڕۆژی ١٧ی شوباتی ٢٠١١ بەکاتی کوردستان و لەسەروبەندی ڕووداوەکانی ١٧ی شوبات، NRT یەکەمین کەناڵبوو کە ڕووداوەکی ئەم خۆپشاندانەی ڕووماڵکرد. لەڕۆژی ١٩ی شوباتی ٢٠١١ ئێن ئار تی ڕایگەیاند: «کەچەند بەرپرسێک داوای وەستاندنی پەخشی کەناڵەکەیان دەکرد، ئەگەرنا بەزەبری ھێز پەخشی کەناڵەکە ڕادەگرن». شەوی ٢٠ی شوباتی ٢٠١١ ھێزێکی چەکدار کە نزیکەی ٥٠ چەکدار دەبوو ھەڵیانکووتایە سەر بارەگای سەرەکی کەناڵەکە لە گوندی ئەڵمانی شاری سلێمانی و دوای شکاندنی ئامێرەکانی نێو بارەگاکە، ئاگریان لەبارەگاکە بەردا. دواتر لە ٢٢ی نیسانی ٢٠١١، ئێن ئارتی توانی تەلارەکەی نۆژەنبکاتەوە و دەست بەپەخشی کەناڵەکەی بکاتەوە.

ڕەخنەکان[دەستکاری]

وێڕای ئەوەی کەناڵەکە بە سەربەخۆ خۆی دەناسێنێت، بەڵام زۆرجار ڕەخنەی ئەوەی لێدەگیرێت کە پاڵپشتی جووڵانەوەی نەوەی نوێ دەکات ئەمەش جگەلەوەی ھێشتا لەڕووی داراییەوە پشتگیری لە شاسوار عەبدولواحید وەردەگرێت.[١][٢][٣] لەبەرامبەر ئەوەی بەچڕی چالاکییەکانی نەوەی نوێ ڕووماڵ دەکەن، ئاوات عەلی بەڕێوبەری کەناڵەکە وتی، «ئێن ئاڕ تی تاکە کەناڵە کە ھەموو حزبەکانی تێدا دەردەکەون، ھیچ کەناڵێک نییە لە ھەرێمدا جگە لە ئێن ئاڕ تی، ڕووماڵی ھەواڵی نەوەی نوێ بکات کە سەدان ھەزار دەنگی ھێناوە.»[١]

لەرەلەری کەناڵ و بەرنامەکانی و ماوەی پەخش[دەستکاری]

لەرەلەری کەناڵ[دەستکاری]

تەلەڤیزیۆن و ڕادیۆی نالیا لەسەر مانگی دەستکردی نایلسات دەستی بەپەخشکرد و لەرەلەرەکانی بریتی بوون لە:

  1. لەسەرەتادا بەلەرەلەری (١٠٩٤٩) بەرامبەر بە (٢٧٥٠٠) بە (V) دەستی بەپەخشکرد.
  2. دواتر بە لەرەلەری (١١٥٢٦) بەرامبەر بە (٢٧٥٠٠) بە (H) پەخشی دەکرد.
  3. پاشان بە لەرەلەری (١١١٥٨) بەرامبەر بە (٢٧٥٠٠) بە (v) پەخشی دەکرد.
  4. لە ١ی تشرینی یەکەمی ٢٠١٥ەوە، بە لەرەلەری (١٢٥٢١) بەرامبەر بە (٢٧٥٠٠) بە (v) پەخش دەکات.
  5. لە ٢٥ی ئایاری ٢٠١٨ەوە، بە لەرەلەری (١٠٩٧١) بەرامبەر بە (٢٧٥٠٠) بە (H) پەخش دەکات.[٤]

ماوەی پەخش[دەستکاری]

لەسەرەتادا و لە ١٧ی شوباتی ٢٠١١، لەکاتژمێر ٦ی ئێوارەوە تا وەکو ١١ی شەو پەخشی بەرنامەکانی دەکرد، کەتا سووتانی بەردەوام بوو. لەکاتی دووبارەکردنەوەیدا لە کاتژمێر ٣ی ئێوارەوە تاوەکو ١٢ی شەو بەردەوام دەبوو. دواتر لەکاتژمێر ١٢ی نیوەڕۆ تا ٧ی بەیانی پەخشی بەرنامەکانی دەکرد و ئەمە تاوەکو ٦ی کانوونی یەکەمی ٢٠١٢ بەردەوام بوو. لە ٧ی کانوونی یەکەمی ٢٠١٢دا پەخشی بەرنامەکانی بوو بە ٢٤ کاتژمێر.

لە بەرنامەکانی[دەستکاری]

ناوی بەرنامە
ھاوڵاتی و دەسەڵات
دووجار بیربکەوە
١٨٠
بێ سنوور
بێ سۆراغ
سەکۆ
تاوتوێ
ڕووداو و مێژوو

گۆڕینی سیستەمی پەخش بۆ HD[دەستکاری]

دوای ئەوەی لە ١٧ی شوباتی ٢٠١١ەوە، کەناڵی ئێن ئاڕ تی دەستی بە پەخش کرد بۆ ماوەی ٤ ساڵ بەسیستەمی SD لەپەخش بەردەوام بوو. بۆ نوێکردنەوە و گۆڕینی لایەنی تەکنیکی و سیستەمی پەخش بۆ HD و کردنەوەی خولی پێگەیاندن و بەرزکردنەوەی ئاستی کارمەندەکانی بڕیاریدا بۆ ماوەی ٩٠ ڕؤژ پەخشی خۆی ڕابگرێت.

ڕاگرتنی پەخش لە کاتژمێر ١٢ی شەوی ١١ی تشرینی دووەمی ٢٠١٤ بەکاتی ھەولێر دەستی پێکرد و بڕیارە دوای ٩٠ ڕۆژ دەست بکاتەوە بەپەخشی ئاسایی خۆی بە سیستەمی HD.

گەشتی ھەواڵەکان[دەستکاری]

  • سەری ھەموو کاتژمێرێک کورتەی ھەواڵەکان.
  • کاتژمێر ١٢ی نیوەڕۆ و ٨ی شەو و ١٢ی شەو و ٣ی بەیانی گەشتی ھەواڵەکان بەسۆرانی.
  • کاتژمێر ١ی نیوەڕۆ و ٥ی شەو و ٥ی بەیانی گەشتی ھەواڵەکان بە بادینی.

پەخشی عەرەبی[دەستکاری]

ڕۆژی ٣ی حوزەیرانی ٢٠١٦، لەڕێگای کردنەوەی کەناڵێکی دیکەوە بەفەرمی پەخشی ئێن ئار تی عەرەبی دەستی بەوەشانی خۆیکرد کەبەرنامەکانی بەزمانی عەرەبین.

سەرچاوەکان[دەستکاری]

  1. ^ ی ا ئاوات عەلی: ئێن ئاڕ تی کەناڵی ھەموو خەڵکە و لە حزب و خودی شاسوار عەبدولواحیدیش گەورەترە، ماڵپەڕی سەنتەری میترۆ، ١٩ی کانوونی دووەمی ٢٠١٩ بڵاوکراوەتەوە.
  2. ^ شاسوار عەبدولواحید مووچەی کارمەندانی NRT بڕیوە و گوتوویەتی کێ ڕازی نییە با بڕوات، ماڵپەڕی باسنیوز، ٣١ی ئازاری ٢٠٢٠ بڵاوکراوەتەوە.
  3. ^ شاسوار عەبدولواحید دەستوەردانی کردووە ھەوڵی کەناڵی ئێن ئاڕتی بۆ گێڕانەوەی کارمەندە ناڕازییەکان شکست دەھێنێت، ماڵپەڕی شارپرێس، ٢٥ی تەممووزی ٢٠١٩ بڵاوکراوەتەوە.
  4. ^ "فریکوێنسی ئێن ئاڕ تی و ئێن ئاڕ تی ٢ گۆڕدرا". ئێن ئاڕ تی. لە ڕەسەنەوە ئەرشیڤ کراوە لە ٢٥ی ئایاری ٢٠١٨. لە ڕێکەوتی ٢٥ی ئایاری ٢٠١٨ ھێنراوە. 

بەستەرە دەرەکییەکان[دەستکاری]