باسنیوز

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان

باسنیوز basnews بابەتەکانی هەفتەنامەی باس بڵاو دەکاتەوە و خۆشی ئاژانسێکی هەواڵیی رۆژانەیە بە چەندین زمان.

باسنیوز ئاژانسێکی هه‌واڵی بێ لایه‌ن و فره‌زمانه‌ و له‌ کوردستان و عێراق و ڕۆژهه‌ڵاتی ناوه‌ڕاسته‌وه‌ هه‌واڵی سیاسی، ئابووری و کۆمه‌ڵایه‌تی ده‌گه‌یه‌نێت.
کوردستان که‌ بووه‌ به‌ ناوه‌ندێکی گرنگ له‌ پێشهاته‌ سیاسی و ئابوورییه‌کانی ڕۆژهه‌ڵاتی ناوه‌ڕاستدا، سه‌رنجی ڕۆژنامه‌نووسانی دامه‌زرێنه‌ری باسنیوزی ڕاکێشاوه‌ بۆ گرنگیی گه‌یاندنی ڕووداوه‌کان بۆ جیهان و ئامانجیان ئه‌وه‌یه‌ هه‌واڵی ڕاست و بێ لایه‌ن له‌ هه‌رێمه‌که‌وه‌ بگه‌یه‌نن. ‌

باسنیوز که‌ کۆمه‌ڵێك ڕۆژنامه‌نووسی خاوه‌ن ئه‌زموونی ناوچه‌ جۆراوجۆره‌کانی کوردستانی له‌خۆ گرتووه‌، ئامانجی ئه‌وه‌یه‌ له‌ داهاتوودا ببێت به‌ دامه‌زراوه‌یه‌ک بۆ گه‌یاندنی هه‌واڵی بایه‌خدار و بێ لایه‌ن و به‌کوالیتی له‌ هه‌رێمه‌که‌مانه‌وه‌.

هه‌روه‌ها بۆچوون و وتاری نووسه‌ران و ڕۆژنامه‌نووسان و که‌سایه‌تییه‌ بێلایه‌نه‌کان که‌ به‌ زمانه‌ جیاوازه‌کان پێشکه‌ش به‌ خوێنه‌رانی باسنیوزی ده‌که‌ین، وه‌ک ڕه‌گه‌زێکی ته‌واوکه‌ری هه‌واڵه‌کانمان داده‌نێین.

باسنیوز که‌ ئامانجی ئه‌وه‌یه‌ له‌ داهاتوودا خزمه‌تگوزاریی هه‌واڵ به‌ دیمه‌ن و ده‌نگه‌وه‌ پێشکه‌ش بکات، نووسینگه‌ی سه‌ره‌كی له‌ شاری هه‌ولێری پایته‌ختی هه‌رێمی کوردستانه‌.

ئاژانسه‌که‌مان له‌ چه‌ندین ناوه‌ندی سیاسی و کولتووریی گرنگی جیهان په‌یامنێر و نووسینگه‌ی هه‌یه‌. باسنیوز له‌ کوردستانی عێراقه‌وه‌ هه‌واڵی تایبه‌ت دروست ده‌کات و ئه‌گه‌ر داخوازی هه‌بێت، ئاماده‌یه‌ دۆسیه‌ی تایبه‌تیش به‌رهه‌م بهێنێت. ئاژانسه‌که‌مان وێنه‌ی فۆتۆگرافه‌رانی خاوه‌ن ئه‌زموون که‌ پێشهات و ڕووداوه‌ گرنگه‌کانی کوردستان دۆکیومێنت ده‌که‌ن، پێشکه‌ش ده‌کات. باسنیوز له‌ دۆخی په‌یوه‌ندی و ڕاوێژدایه‌ له‌گه‌ڵ ئاژانس و ڕۆژنامه‌نووس و ده‌زگا نێوده‌وڵه‌تییه‌کانی هه‌واڵ له‌وانه‌ی که‌ بایه‌خ به‌ هه‌رێمه‌که‌ ده‌ده‌ن. ئاژا‌نسه‌که‌مان له‌گه‌ڵ نوێنه‌رانی ئه‌و دامه‌زراوه‌ بیانییانه‌ی هه‌واڵدا که‌ له‌ کوردستان چالاکن، کار ده‌کات و پشتیوانییان لێ ده‌کات و خزمه‌تگوزارییه‌کانی وه‌ک ڕابه‌ری، وه‌رگێڕان و دانانی په‌یوه‌ندییان پێشکه‌ش ده‌کات.

ماڵپەڕی ئاژانسی باسنیوز