ئاژانسی مێزۆپۆتامیا
 | |
| دامەزرا | ٢٠ی ئەیلوولی ٢٠١٧ |
|---|---|
| بارەگا | ، |
بەردەستە لە | سەرانسەری جیھان |
| وێبگە | mezopotamyaajansi35 |
ئاژانسی مێزۆپۆتامیا (بە تورکی: Mezopotamya ajansı; MA) ئاژانسێکی ھەواڵنێریی کوردییە. بنکەی ئاژانسی مێزۆپۆتامیا لە بەیئۆغڵوی ئەستەمبوڵە.[١] ئەم ھەواڵنێرییە لەلایەن «پلاتفۆرمی پێشخستنی پاراستنی ڕۆژنامەگەری و سەلامەتی ڕۆژنامەنووسان»ی ئەنجومەنی ئەورووپا (COE) وەکوو ھواڵنێرییەکی لایەنگری کوردەکان[٢]، و لەلایەن «ڕوانگەی نێودەوڵەتیی مافەکانی مرۆڤ»ەوە وەکوو ھواڵنێرییەکی چەپگر[٣] وەسف کراوە. ئاژانسی مێزۆپۆتامیا بە زمانەکانی کوردی (کرمانجی)، تورکی و ئینگلیزی ھەواڵ بڵاو دەکاتەوە.[١]
مێژوو[دەستکاری]
ئاژانسی مێزۆپۆتامیا لە ٢٠ی ئەیلولی ٢٠١٧ بەدوای بنبڕکردنی زۆرێک لە ڕۆژنامە و ئاژانسە ھەواڵنێرییەکانی لایەنگری کورد دامەزرا.[٤] ئاژانسی مێزۆپۆتامیا بابەتگەلێکی ڕەخنەگرانە لەسەر حکومەتی تورکیا بڵاو دەکاتەوە. ھەتا تەممووزی ٢٠٢١، چوونە ناوی ماڵپەڕەکی ئاژانسی مێزۆپۆتامیا زیاتر لە ٢٠ جار لەلایەن دەسەڵاتدارانی تورکیاوە بلۆک کراوە[٥]، کە ھەر جارێک مێزۆپۆتامیا ڕاپۆرتەکانیان لەسەر دۆمەینێکی نوێ بڵاو دەکردەوە.[٣] ئاژانسەکە زۆرتر بابەتەکانێک سەبارەت بە پارێزگاکانی کوردنشینی تورکیا بڵاو دەکاتەوە.[٤]
کارمەندانی ئاژانسی مێزۆپۆتامیا زۆرجار لەلایەن دەسەڵاتدارانی تورکیاوە دەکرێنە ئامانج و ھەڵیانکوتایە سەر نووسینگەکانیان و دەست بەسەر کەلوپەلەکانیاندا دەگیرێت و تەنانەت چوونە ژوورەوەی ڕۆژنامەنووسانی ئاژانسەکە بۆ دامەزراوە گشتییەکانی تورکیا قەدەغە دەکرێت.[٤] تا بە ئێستاکە چەند پەیامنێری ئاژانسی مێزۆپۆتامیا دەستگیر کراون یان سزای زیندانیکردنیان بەسەردا سەپێنراوە.[٦][٧] لە مانگی کانوونی یەکەمی ٢٠١٩ دوو ڕۆژنامەنووسی ئاژانسی مێزۆپۆتامیا بە ناوەکانی سەعدیە ئەسەر و سادیق تۆپالئۆغڵو[٢] بە تۆمەتی ئەندامبوون لە ڕێکخراوێکی تیرۆریستی دەستگیر کران و چەند مانگێک دواتر لە مانگی ئازاری ٢٠٢٠ ھەتا کاتی دادگاییکردنیان ئازاد کران.[٨]
لە ڕۆژی ٦ی تشرینی یەکەمی ٢٠٢٠، دوو ڕۆژنامەنووسی ئاژانسی مێزۆپۆتامیا، بەدوای ئەوەی کە ھەواڵی فڕێدانی دوو ھاوڵاتیی گوندنشین لە ھەلیکۆپتەرێکی سەربازیی تورکیا لە پارێزگای وانیان بڵاو کردەوە، زیندانی کران[٩] کە ھەتا مانگی نیسانی ساڵی ٢٠٢١ لە زینداندا بوون.[١٠] ھەروەھا محەممەد ئەسڵان کە سەبارەت بە بارودۆخی زیندانیانی کورد ھەواڵی بڵاو کردبوو، لە مانگی کانوونی دووەمی ٢٠٢١ زیندانی کرا[٢] و لە مانگی ئایاری ٢٠٢١ وێڕای قەدەغەکردنی سەفەری نێودەوڵەتی ھەتا کاتی دادگاییکردنی ئازاد کرا.[١١]
ئەمانەش ببینە[دەستکاری]
- ئاژانسی ھەواڵی فرات
- ئاژانسی ھەواڵی دیجلە
- ئاژانسی ھەواڵی ڕۆژنیوز
- ئاژانسی ھەواڵی ھاوار
- ئاژانسی ھەواڵی ژن
- ئاژانسی ھەواڵی نوو-ژن
سەرچاوەکان[دەستکاری]
- ^ ئ ا "contact - Mezopotamya News". Mezopotamya Agency. Retrieved 2021-07-12.
- ^ ئ ا ب "Platform to promote the protection of journalism and safety of journalists". Council of Europe. Retrieved 12 July 2021.
- ^ ئ ا "Four Turkish journalists arrested: Turkey remains the worst jailer of journalists globally". International Observatory of Human Rights (بە ئینگلیزی). Retrieved 2021-07-12. ٥ی ئایاری ٢٠٢٠ لە وەیبەک مەشین، ئەرشیڤ کراوە.
- ^ ئ ا ب "Reporting under fire: Mezopotamya news agency". International Journalists (بە ئینگلیزی). 2020-12-03. Retrieved 2021-07-12.
- ^ "Turkish court blocks access to Mezopotamya News Agency's website for the 28th time". Gazete Duvar (بە تورکیی ئەستەمبوڵی). 2021-03-03. Retrieved 2021-07-12.
- ^ Luque, Javier (27 November 2020). "Turkey must stop harassment of Mezopotamya Agency reporters". Free Turkey Journalists (بە ئینگلیزی). Retrieved 2021-07-12.
- ^ "Mezopotamya Agency Reporter Barış Polat Sentenced to 6 Years, 3 Months in Prison". Bianet. 7 January 2020.
- ^ "Verdict of Release for Journalists Sadiye Eser, Sadık Topaloğlu". Bianet. 27 March 2020.
- ^ "Turkey: Four journalists detained after reporting on alleged torture / IFJ". www.ifj.org (بە ئینگلیزی). Retrieved 2021-07-12. ١٦ی کانوونی دووەمی ٢٠٢١ لە وەیبەک مەشین، ئەرشیڤ کراوە.
- ^ "Court rejects appeal against release of journalists reporting on torture". Bianet. 8 April 2021.
- ^ "Journalist Mehmet Aslan released". Bianet. 27 May 2021. Retrieved 13 July 2021.
