یانەی تۆپی پێی ڕیال مەدرید

ڕیاڵ مەدرید

ناوی تەواو	یانەی تۆپی پێی شاھانەی مەدرید
نازناو	Los Blancos (سپێکان) Los Merengues (مێرەنگیەکان) Los Galácticos (ئەستێرەکان)
ناوی کورتکراوە	ڕیاڵ
دامەزراندن	٦ـی ئازاری ١٩٠٢
زەوی	سانتیاگۆ بەرنابیۆ ، مەدرید، ئیسپانیا
پانتایی	٨١٫٠٤٤
سەرۆکی یانە	فلۆرەنتینۆ پێریز
بەرپرسی جێبەجێکەر	خۆزێ ئەنخێل سانچێز
ڕاھێنەر	کارلۆ ئەنچێلۆتی
خول	لالیگا
٢٠٢١–٢٠٢٢	یەکەم
ماڵپەڕی فەرمی	ماڵپەڕی فەرمی
گەورەترین بردنەوە	ڕیال مەدرید ١١–١ بەرشەلۆنە
گۆڵکەر	کریستیانۆ ڕۆناڵدۆ (٤٥٠ گۆڵ)
جلوبەرگی سەرەکی جلوبەرگی دووەم جلوبەرگی سێھەم
وەرزی ئەمساڵ

یانەی تۆپی پێی ڕیاڵ مەدرید (بە ئیسپانی: Real Madrid Club de Fútbol) زیاتر بە ڕیاڵ مەدرید یان کورتدەکرێتەوە بە ڕیاڵ، یانەیەکی پیشەگەری تۆپی پێی ئیسپانیە و بە یانەی پایتەختی ئیسپانیا مەدرید و یانەی شاھانە یان مێرەنگی ناسراوە.

لە ساڵی ١٩٠٢ دامەزراوە، یانەکە لە خولی ئیسپانی یاریدەکات و ھەڵبژێردرا بە باشترین یانەی تۆپی پێ لە جیھان، یانەی ڕیال مەدرید ٣٥ جار خولی ئیسپانی بەدەستھێناوە (ژمارەی پێوانەیی)، و ١٩ جاریش جامی شای ئیسپانیای بەدەستھێناوە و ژمارە پێوانەییەکی تریشی تۆمار کردووە بە بەدەستھێنانی ١٤ خولی یانە پاڵەوانەکانی ئەورووپا و لە ٢١ـی ئایاری ١٩٠٤ ڕیاڵ مەدرید یەکێک بوو لە دامەزرێنەرەکانی یەکێتی تۆپی پێی جیھانی (فیفا) ھەروەھا ڕیاڵ مەدرید یەکێکە لە ئەندامانی گرووپی (G-14) بۆ یانە سەرەکییەکان لە ئەورووپا کە ئێستا سڕاوەتەوە و گۆڕدراوە بە بزووتنەوەی یانە ئەوروپییەکان.

یانەکە ھەموو یارییە فەرمییەکانی لە یاریگای سانتیاگۆ بەرنابیۆ لە مەدریدی پایتەخت ئەنجام دەدات و ئەم یانەیە لە زۆر لە یانەکانی دیکەی جیھان جیاوازە چونکە ئەندامانی یانەکە (socios) خاوەنی ئەم یانەیەن و خۆیان یانەکەیان بەڕێوەدەبەن بەھەڵبژاردنی سەرۆکێک کە کارەکانی یانەکە بەڕێوەدەبات لە کاتی دامەزراندنی یانەکەوە لە ساڵی ١٩٠٢ ـەوە لە ٢٣ـی کانوونی یەکەمی ٢٠٠٠ فیفا ڕیاڵ مەدریدی ھەڵبژارد بە «باشترین یانە لە سەدەی بیستەمدا».

ڕیاڵ مەدرید بە گەورەترین یانە دادەنرێت لە جیھاندا کە خاوەنی زۆرترین ھاندەربێت بەپێی لێکۆڵینەوەیەک کە زانکۆی ھارڤارد ئەنجامی داوە لە ساڵی ٢٠٠٧دا؛ و ئێستاش بە دەوڵەمەندترین یانە دادەنرێت لە جیھاندا بەپێی بودجەی ساڵانە.

دەستکەوتەکانی مەدرید

ناوی خول	بەدەستھێنان
خولی ئیسپانیا	٣٥ جار
شای ئیسپانیا	١٩ جار
سووپەری ئیسپانیا	١٢ جار
خولی یانە پاڵەوانەکانی ئەورووپا	١٤ جار
یۆرۆ لیگ (یەکێتی ئەورووپا)	٢ جار
سووپەری ئەورووپی	٤ جار
جامی کیشوەرەکان	٣ جار
جامی جیھانی یانەکان	٤ جار

ئەو جامانەی کە ڕیاڵ مەدرید بەدەستی ھێناون

کلاسیکۆ

کلاسیکۆ (بە ئیسپانی: El Clásico) (بە کەتەلۆنی: El Clàssic) یاری نێوان یانەی ڕیال مەدرید و بارسێلۆنایە کە ساڵانە ئەنجام دەدرێ گرنگی ئەم یارییە ئەوەندەیە کە جگە لە ئامادەبووانی یاریگا نزیکەی ١ ملیار کەس لەسەر گۆی زەوی لە ڕێگەی شاشەی تەلەڤیزیۆنەوە بینەری یاری کلاسیکۆی نێوان ڕیال و بارسێلۆنا دەبن.

دێربی مەدرید

دێربی مەدرید بریتییە لە یاریکردنی سێ یانەی شاری مەدرید لەنێوان ڕیال مەدرید و خیتاڤی و ئەتلەتیکۆ مەدرید ئەم دێربیە گرنگیەکەی تەنیا لە شاری مەدریدە بەوەی کام یانە دەبێتە پاڵەوانی یانەکانی شاری مەدرید تا ئێستا لە درێبیە مەدرییەکان یانەی شاھانەی ڕیال مەدرید زۆرترین سەرکەوتنی بەدەست ھێناوە.

لە ساڵانی (١٩٤٥–١٩٧٨)

کە سانتیاگۆ بەرنابیۆ بوو بە سەرۆکی یانەی ڕیال مەدرید لە ساڵی ١٩٤٣ دا کۆمەڵگایەکی گەورەی وەرزشی لە مەدرید دامەزراند، سانتیاگۆ کە بوو بە سەرۆکی یانە ھەوڵی دا ئەستێرەکان لە یانەکەدا کۆبکاتەوە ھەستا بە واژوو کردنی بۆند لەگەڵ یاریزانان (ئەلفێردۆ دیستیڤانۆ) (پوشکاش) (سانچێز) (کۆپا)پلە یەکەم وەرزی دا ئەلفریدۆ دی ستیڤانۆ بوو بە گۆڵکاری خولی ئیسپانی بە ٢٧ گۆل، دواتر بەھۆی بیرۆکەی ڕۆژنامەنووسی فەڕەنسی لیکیپ گابرێڵ خولی یانە پاڵەوانەکانی ئەورووپا وڕووژێنراو بیرۆکەکە جێبەجێکرا پاڵەوانییەتییەکە دەستی پێکرد کە بە بەشداری یانەکانی (ئیسپانیا و ئیتاڵیا و فەڕەنسا و پرتوگال) دەستی پێکرد لە پێنج وەرزی ئەم پاڵەوانییەتە لەسەر یەک یانەی شاھانە (ڕیال مەدرید) بووە پاڵەوان لەنێوان ساڵانی ١٩٥٥ بۆ ١٩٦٠ و لەساڵانی ١٩٦٢ و ١٩٦٤ پلەی دووەمی بەدەستھێنا دوای دۆڕانی لە یاری کۆتایی بەرامبەر بەنفیکا و ئینتەر میلان، و ھەروەھا ھەر لە سەردەمی سانتیاگۆ ڕیال مەدرید بووە خاوەنی ٥ نازناو لە خولی ئیسپانیا و جگە لەمانەش بوو بە خاوەنی چەندەھا جامی بەناوبانگی تر.

• 
• 
• 

سەردەمی یەکەمی پێرێز لە ساڵی ٢٠٠٠

دوای ھەڵبژاردن بۆ سەرۆکایەتی یانەی شاھانە ئەم جارەیان فلۆرەنتینۆ پێریز بوو بە سەرۆکی یانە و دەستی کرد بە کڕینی یاریزانە ناسراوەکانی جیھان و لە یەکەم ھەنگاویدا یاریزانی یانەی بەرشلۆنە لویس فیگۆی کڕی و یانەکەی زیاتر ناساند بە ھێنانی دەیڤد بێکام و ڕۆبێرتۆ کارلۆس و زەینەدین زێدان و ڕۆناڵدۆی بەڕازیلی دوای ئەو ھەموو کارانە یانەی ڕیال مەدید بەسەرکردایەتی پێرێز ھەموو نازناوەکانیان بردەوە کە گرنگتریان خولی یانە پاڵەوانەکانی ئەورووپا بوو دوای بردنەوە لە یانەی بایەرلێڤەرکۆزنی ئەڵمانی جگە لە جامی شای ئیسپانیا کە نەیانتوانی بەدەستی بھێنن.

سەرۆکی یانەی مەلەکی فلۆرەنتینۆ پیرێز

ڕامۆن کاڵدیڕۆن

لە ساڵی ٢٠٠٦ ھەڵبژاردن کرایەوە ئەم جارەیان ڕامۆن کاڵدیۆن ھەڵبژێردرا بە سەرۆک یانە و میاتۆڤیچ بوو بە بە بەڕێوبەری وەرزشی یانە و لە ھەمان ساڵ دا ڕاھێنەری ئیتاڵی فابیۆ کاپێلۆ کرایە ڕاھێنەری یانە لە وەرزی یەکەم بە وشکە ساڵی بەڕێکرا بەڵام لە وەرزی دووەم ساڵی ٢٠٠٧ خولی ئیسپانیان بەدەست ھێنا دواتر یانەی ڕیال مەدرید تا ڕادەیەک ئاستی بەدابەزین کرد و سەرۆکی یانە دەستی لەکارکێشایەوە دووبارە ھەڵبژاردن کرایەوە و وە دووبارە فلۆرەنتینۆ پێریز بوو بە سەرۆک یانە.

ھاتنەوەی پیرێز

دوای ھەڵبژاردنی ساڵی ٢٠١٠ دووبارە فلۆرەنتینۆ پێریز کرایەوە سەرۆک یانە و دووبارە ھاتەوە سەر نەریتی کڕینی یاریزانان ھەڵسا بە کڕینی ڕیکاردۆ کاکا، و کریستیانۆ ڕۆناڵدۆ بە ٩٤ ملیۆن یۆڕۆ، و کڕینی کەریم بێنزێما و ئەربێلوا و ئەلبیۆل بەڵام بەکڕینی ئەم یاریزانانە ڕیال ھیچی بۆ نەبڕایەوە بەڵام لە وەرزی دووەمدا ڕیال بە ھێزێکی گەورەوە گەڕایەوە بە کڕینی یاریزانی کوردی تورکیا مەسعوود ئۆزێڵ و یاریزانی ئەرجەنتینی ئەنخێل دیماریا کە توانیان گرێکوێرەی چەند ساڵەی خولی یانە پاڵەوانەکانی ئەورووپا بە بردنەوەی لە لیۆن بکەنەوەو بگەن بە قۆناغی پێش کۆتایی کە دواتر بە یانەی بارسێلۆنا دووچاری شکست بوونەوە بەڵام لە وەرزی نوێدا ڕیال گەڕایەوە سەر ئاستی ڕاستەقینەی خۆی بەھۆی ئەو ئاستە بەرزەی پێشکەشی کردووە تا ئێستا

بەڕێوبەرایەتی یانەکە لە ئێستادا

پلە و پایە	وڵات	ناو
سەرۆک یانە		فلۆرەنتینۆ پێریز
ڕاھێنەری یانە		کارلۆ ئەنچێلۆتی
ڕاھێنەری جەستەیی		ئەنتۆنیۆ پینتۆس
ڕاھێنەری گۆڵپارێز		ڕۆبێرتۆ ڤاسکوێز

کارلۆ ئەنچێلۆتی ڕاھێنەری ڕیال مەدرید

زەوی (یاریگا)

یاریگای یانەی شاھانە، سانتیاگۆ بەرنابیۆ

سانتیاگۆ بەرنابیۆ یاریگایەکی تۆپی پێیە دەکەوێتە شاری مەدرید لە وڵاتی ئیسپانیا، یاریگاکە لە ڕێکەوتی ١٤ەی دێسمبەری ساڵی ١٩٤٧ مووڵکی یانەی ڕیال مەدرید یاریگایەکە جێگای ٨٥٬٤٥٤ کەس دەبێتەوە، ناوی یاریگاکە لەپێشوودا نویڤۆ ستادیۆم کامارتین بووە بەڵام دواتر ناوەکە گۆڕدرا بۆ سانتیاگۆ بەرنابیۆ بەھۆکاری ئەوەی کە سانتیاگۆ باشترین دەسکەوتی بۆ یانەی شاھانە بەدەست ھێناوە، یاریگا ماوەی سێ ساڵی پێچوو تا بنیاد نرا کە لەماوەی ساڵی ١٩٤٤ ەوە دەستی پێکرد تا لە ساڵی ١٩٤٧ تەواو کرا و مەڕاسیمێک بۆ کرانەوەی یاریگاکە ئەنجام درا، یاریگاکە لەساڵانی ١٩٥٣ و ١٩٩٢ و ١٩٩٤ و ٢٠١١ نۆژەن و پەرەی پێدراوە، درێژی یاریگاکە ١٠٧ مەترە و پانییەکەشی ٧٢ مەترە

لۆگۆکانی یانەی ڕیاڵ مەدرید

• 

  ١٩٠٢

• 

  ١٩٠٨

• 

  ١٩٣١

• 

  ١٩٤١

لۆگۆی یەکەمی یانەی ڕیال مەدرید کورتکراوەی ھەرسێ وشەی ("MCF" Madrid Club de Fútbol) کەبە ڕەنگی شینی تۆخ نەخشێنرا بوو، تا دواتر لە ساڵانی (١٩٠٢، ١٩٠٨، ١٩٢٠، ١٩٣١، ١٩٤١) گۆڕانکاری تێدا کرا.

ڕاگەیاندنی یانە

ڕیال مەدرید لە چاو سەرجەم یانەکانی جیھان زۆرترین گرنگی بۆ ڕاگەیاندنە کە دوو ڕۆژنامەی نزیکی ھەیە ئەوانیش ڕۆژنامەی ئەی ئێس ناسراو بە ئاس و ڕۆژنامەی مارکا یە ھەروەھا ڕیال مەدرید خاوەن جەماوەرێکی گەورەیە لە پێگە کۆمەڵایەتییەکانی وەک فەیسبووک و تویتەر و مای سپەیس و کەناڵێکی ئاسمانی کە ڕۆژانە چەندەھا ھەواڵ و چالاکییەکانی یانەکە لە سەرجەم خولەکان دەخاتە ڕوو.

کەناڵی تەلەڤیزیۆنی

ڕیاڵ مەدرید خاوەنی کەناڵێکە بەھەمان ناوی یانەکە و لەلایەن سەرۆکی یانەکەوە پشتگیری ئەم کەناڵە دەکرێت و ڕۆژانە بە ھەردوو زمانی ئینگلیزی و ئیسپانی پڕۆگرامەکانیان پەخش دەکەن.

ھێمای و جلوبەرگی یانەکە

سپۆنسەرەکان و ئامادەکەرانی تیشێرتی (بلوز) یانەکە

ماوە	دابینکەری تیشێرت	سپۆنسەرەکان
١٩٨٠–١٩٨٢	Adidas	Fly Emirates
١٩٨٢–١٩٨٥		Zanussi
١٩٨٥–١٩٨٦		Parmalat
١٩٨٦–١٩٨٩	Hummel
١٩٨٩–١٩٩٠		Reny Picot
١٩٩٠–١٩٩٢		Otaysa
١٩٩٢–١٩٩٤		Teka
١٩٩٤–١٩٩٨	Kelme
١٩٩٨–٢٠٠١	Adidas
٢٠٠١–٢٠٠٢		Realmadrid.com
٢٠٠٢–٢٠٠٥		Siemens Mobile
٢٠٠٥–٢٠٠٦		Siemens
٢٠٠٦–٢٠٠٧		BenQ Siemens
٢٠٠٧–٢٠١٣		bwin.com
٢٠١٣–ئێستا		Fly Emirates

ئەوانەی زۆرترین یاریان بۆ یانەکە کردووە

تێبینی: ئەم خشتەیە تەنیا یارییە ڕەسمییەکان دەگرێتەوە و لەبەر ئەوەی ھەنێ یاریکەرەکان لە یاریکردن ماون ئەگەری گۆڕانکاری تیا ھەیە

	یاریزان	ماوەی یاری	خولی تۆپی پێی ئیسپانیا	جامی شای ئیسپانیا	جامەکانی ئەورووپا	پاڵەوانییەتی تر	کۆی گشتی
١	ڕاول گۆنزالیس	١٩٩٤–٢٠١٠	٥٥٠	٣٧	١٢٥	١٩	٧٤١
٢	مانوێل شانشێز	١٩٨٣–٢٠٠١	٥٢٤	٦٧	٩٩	٢١	٧١١
٣	کارلۆس سانیلا	١٩٧١–١٩٨٨	٤٦١	٨٤	٨٧	١٣	٦٤٥
٤	ئیکەر کاسیاس	١٩٩٩ – تا ٢٠١٥	٤٥٠	٢٨	١٢١	١٦	٦١٥
٥	فرناندۆ ھێڕۆ	١٩٨٩–٢٠٠٣	٤٣٩	٤٣	١٠١	١٨	٦٠١
٦	فڕانشیسکۆ خینتۆ	١٩٥٣–١٩٧١	٤٢٨	٧٥	٩٦	٠	٥٩٩
٧	خۆسیۆ ئەنتۆنیۆ کاماتچۆ	١٩٧٣–١٩٨٩	٤١٤	٦١	٩٠	١٢	٥٧٧
٨	بێری	١٩٦٤–١٩٧٩	٤١٧	٦٥	٧٥	٢	٥٥٩
٩	مێشێل	١٩٨١–١٩٩٦	٤٠٤	٥٣	٨٨	١٤	٥٥٩
١٠	گووتی ھێرناندز	١٩٩٦–٢٠١٠	٣٨٧	٤٠	١٠١	١٤	٥٤٢
١١	ڕۆبێرتۆ کارلۆس	١٩٩٦–٢٠٠٧	٣٧٠	٣٣	١٠٩	١٥	٥٢٧
١٢	چیندۆ	١٩٧٧–١٩٩٨	٣٦٣	٥٣	٧٠	١١	٤٩٧
١٣	ئەماورۆ	١٩٦٢–١٩٧٦	٣٤٤	٥٨	٦٧	٢	٤٧١
١٤	بووتراگینۆ	١٩٨٣–١٩٩٥	٣٤١	٣٩	٧٥	٨	٤٦٣
١٥	باکو بیو	١٩٨٦–١٩٩٧	٣٤٣	٤٤	٦٠	٧	٤٥٤
١٦	زۆکۆ	١٩٦٢–١٩٧٤	٣١٨	٥٠	٦٤	٢	٤٣٤
١٧	پینتۆ	١٩٦٩–١٩٨٢	٣١٧	٤٥	٥٨	٠	٤٢٠
١٨	ڕافایل ماڕتن ڤازکوز	١٩٨٣–١٩٩٠	٣٠١	٤٤	٥٤	٢	٤٠١
١٩	خوان گۆمێز گۆنزالس	١٩٧٧–١٩٨٧	٢٨٤	٥٠	٥٥	١٢	٤٠١
٢٠	ئەلفرێدۆ دی ستیڤانۆ	١٩٥٣–١٩٦٤	٢٨٢	٥٠	٥٨	٢	٣٩٢
٢١	خۆزیۆ ئەنتۆنیۆ ڕس

پێکھاتەی ئێستا

ھەتا ٣١ـی ئابی ٢٠٢١

ژ. نەتەوە ھێڵ یاریزان 1 گۆڵپارێز تیبۆ کۆرتووا 2 بەرگریکار دانی کارڤاخال 3 بەرگریکار ئێدێر میلیتاو 4 بەرگریکار دەیڤد ئالابا 5 بەرگریکار خیسۆس ڤالێخۆ 6 بەرگریکار ناچۆ 7 ھێرشبەر ئێدین ھازارد 8 ناوەڕاست تۆنی کرووس 9 ھێرشبەر کەریم بێنزێما (vice-captain) 10 ناوەڕاست لوکا مۆدریچ 11 ھێرشبەر ماڕکۆ ئاسینسۆ 12 بەرگریکار مارسێلۆ (captain) 13 گۆڵپارێز ئاندریی لونن

ژمارە نەتەوە هێڵ یاریزان 14 ناوەڕاست کاسیمێرۆ 15 ناوەڕاست فیدریکۆ ڤالڤێردی 16 داڕێژە:Country data SER ھێرشبەر لوکا یۆڤیچ 17 ناوەڕاست لوکاس ڤاسکێز 18 ھێرشبەر گارێس بەیل 19 ناوەڕاست دانی سیبایۆس 20 ھێرشبەر ڤینیسیۆس جۆنیۆر 21 ھێرشبەر رۆدریگۆ 22 ناوەڕاست ئیسکۆ 23 بەرگریکار فێرلاند مێندی 24 ھێرشبەر ماریانۆ 25 ناوەڕاست ئێدواردۆ کاماڤینگا

سەرچاوەکان

• ویکیپیدیای عەرەبی