ڕائول گۆنزالێس

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
ڕاول گۆنزالیس
لەدایکبوون ١٩٧٧
مەدرید ، ئیسپانیا
نەتەوە ئیسپانی
پیشە یاریکەر
ساڵانی چالاکی ١٩٩٤ - ئێستا
باڵا ١.٨٠م
یار مامێن سانز
منداڵەکان ماریا (کچە) ، جۆرگ و هۆگۆ و هیکتۆر و ماتیۆ (کوڕن)

ڕاول گۆنزالیس بلانکۆ وەرزشکاری ئیسپانی لەدایک بووی ٢٧ی جونی ساڵی ١٩٧٧ ناوبراو یاریکەرێکی ئەزموونداری ھەڵبژاردەی تۆپی پێ ئیسپانیا بووە لەھێلی ھێرشبەریدا لەپێشوودا و لە ئێستادا یاری بۆ یانەی ئەل سەدی قەتەری دەکات، ڕاول لەگەڵ ھەموو ئەو تیپانەی یاری بۆ کردوون درێسی ژمارە حەوتی پۆشیوە.

یانەکان[دەستکاری]

ئاتلەمتیکۆ مەدرید[دەستکاری]

دەستپێکی یاریکردنی بۆ ساڵی ١٩٩٢ تا ١٩٩٤ یاری بۆ یانەی ئەتلەتیکۆ مەدریدی ئیسپانی کردووە دواجار پەیوەندی بە ڕیال مەدرید کردووە.

ڕیال مەدریدی ئیسپانی[دەستکاری]

ڕائول خاوەن مێژوویەکی سەروەریە لەگەڵ یانەی شاھانەی ئیسپانیا کە یانەی ڕیال مەدریدە، بەوەی کە ناوبراو لە مناڵیەوە یاری بۆ ئەو تیپە کردووە تاوەکوو ساڵی ٢٠١٠ کە ئەمەش ماوەی زۆرتر لە ١٦ ساڵ بووە، کاتێک لە لاوی لەساڵی ١٩٩٤ لە تیپی C یانەی ڕیال مەدرید بووە، دواتر لەھەمان ساڵ واتە ساڵی ١٩٩٤ ھاتۆتە تیپی B یانەکە، لەھەمان ساڵیشدا دوای کەمێک یاری ھاتە تیپی A کە ئەمەش لە مێژوودا نەبووە یاریکەرێک بتوانێت لە تیپی C بچێت بۆ تیپ B و دواتر بچێت بۆ تیپی A ی ھەمان یانەکە! ، ڕاول لەگەڵ یانەی ڕیال مەدرید ٥٥٠ یاری تەواوی ئەنجام داوە لەکۆی ئەم یاریانەش خاوەنی ٢٢٨ گۆڵە.

شاڵکەی ئاڵمانی[دەستکاری]

لە ٢٨ ی جوڵای ساڵی ٢٠٠٨ بەشێوەیەکی فەرمی بۆندی لەگەل یانەی شاڵکەی ئاڵمانی وواژوو کرد، ڕاول لەگەڵ ئەم یانەیەش بەردەوام بوو لە گۆڵ ھەژاندن توانیویەتی لەکۆی ٦٦ یاری ٢٨ گۆڵ تۆمار بکات.

سەدی قەتەری[دەستکاری]

لە ١٢ی مەی ساڵی ٢٠١٢ ڕاول بەشێوەیەکی فەرمی بۆندی لەگەڵ یانەی سەدی قەتەری واژوو کرد، واش بڕیارە ڕاول لەگەڵ یانەی سەد یاری بکات لە وەرزی ٢٠١٢ - ٢٠١٣ دەدا.

ژیانی تایبەتی[دەستکاری]

لە تەمەنی لاویدا، لەساڵی ١٩٩٩ لەگەڵ مامێن سانزی ھاوڕێی ھاوسەرگیریان ئەنجام دا، و خاوەنی چوار کوڕ و کچێکن، ناوی کوڕەکانی جۆرگ و ھۆگۆ و ھیکتۆر و ماتیۆ و ناوی کچە تاقانەکەشی ماریایە، ڕاول دڵخۆش دەبێت کاتێک گوێ لە گۆرانی و میوزیکی ئیسپانی دەگرێت و ئەو سەرسامە بە نووسەری ئیسپانی ئارتیرۆ پیرێز.

دەستکەوتەکان[دەستکاری]

ڕیال مەدریدی ئیسپانی[دەستکاری]

  • خولی لالیگای ئیسپانی شەش جار
  • جامی سووپەری ئیسپانی چوار جار
  • خولی یانە پاڵەوانەکانی ئەورووپا سێجار
  • سووپەری ئەورووپا یەک جار لەساڵی ٢٠٠٢
  • جامی جیھانی یانەکان دوو جار

شاڵکەی ئاڵمانی[دەستکاری]

  • یەک جار جامی "DFB-Poka"
  • یەک جار جامی سووپەری "DFL"

ھەڵبژاردەی ئیسپانیا[دەستکاری]

  • جامی جیھانی فیفا بۆ خوار تەمەن ٢٠ ساڵی
  • مەدالیای سلڤەر لە ئۆڵەمپیادی ١٩٩٦

سەرچاوە[دەستکاری]