ویکیپیدیا:سیاسەتەکان و ڕێساکان
(لە ویکیپیدیا:ڕێبازەکان و ڕێساکانەوە ڕەوانە کراوە)
 | ئەم پەڕەیە سیاسەتێکی فەرمیی ویکیپیدیای کوردی. ئەم سیاسەتە لەلایەن زۆربەی بەکارھێنەران پەسەند کراوە و دەبێت ھەموو بەکارھێنەران پەیڕەوی لێ بکەن. پێش گۆڕینی ئەم پەڕەیە، دەبێت لەسەری یەکدەنگی ھەبێت. |
 | ئەم پەڕەیە بە کورتی: سیاسەتەکان و ڕێساکان ئەو پەڕانەن کە ئەو ڕاھێنانە باشانەی کۆمەڵگەی ویکیپیدیا پەسەندی کردوون دەکەنە بەڵگەنامە. ئەم سیاسەتە وەسفی چۆنیەتیی دروستکردن و ڕاگرتنی سیاسەتەکان و ڕێساکانمان دەکات. |
| سیاسەتەکان و ڕێساکان (پێڕست) |
|---|
| بنەماکان (en) |
| سیاسەتەکانی ناوەڕۆک (en) |
| سیاسەتەکانی ھەڵسوکەوت (en) |
ویکیپیدیا زانستنامەیەکە، کە لە ھەموو زانستەکان یان زانستێکی تایبەت زانیاریی پوختە و ھەڵبژاردەی تێدایە. زانستنامە لە وتارەکان پێکدێت ھەر وتارێک سەبارەت بە بابەتێکە.
ویکیپیدیا ئینسایکڵۆپیدیایەکی ئازادە کە ھەر کەسێک دەتوانێ تێیدا بەشدار بێت و دەستکاری تێدا بکات.
ھەر بۆیەش لەبەر وەی کە لە نێوان بەکارھێنەران کە جیاوازی بیر و ڕایان ھەیە کۆدەنگییەک ساز بکرێ دەبێ ڕێبازێک ھەبێ کە سەرجەم بەکارھێنەران دانی پێدا بنێن.
پێویست ناکات گشت سیاسەت و ڕێساکان بخوێنیتەوە بۆ ئەوەی دەست بە دەستکاری بکەیت پێنج کۆڵەکە بەشێکی سەرەکی و کورتکراوەیە بۆ زۆربەی حاڵەتەکانی ویکیپیدیا.
ڕێنوێنییە گرینگەکان
- ویکیپیدیا زانستنامەیە، ھەر بۆیە سەرجەم وتارەکان دەبێ، بێ لایەنانە نووسرا بن.
- یەکێک لە ڕێبازەکانی دەستکاری لە ویکیپیدیا، ڕێبازەکانی ڕوانگەی بێلایەنانە. ئەم ڕێبازە دەڵێت ئێمە ھەموو ڕوانگەکان سەبارەت بە بابەتێک وەردەگرین. لە جێگەی ئەوەی بە ئاسانی تەنھا بۆچوونێک دابنەین، ھەوڵ دەدەین ھەموو بۆچوون و ڕوانگە جیاوازەکان سەبارەت بە بابەتەکە لەپاڵ یەکەوە بنووسین بێ ئەوەی ھەڵسەنگاندنی ڕاستی ھیچ یەک بکەین. ئامانجی ئێمە گەیاندنی زانیارییەکانە، نەک ھاندان بۆ قەبووڵکردنیان. ئەم ڕێبازە بەو مانا نییە کە وتارەکان ھەموو فاکت و ڕاستیین، لەبەر ئەوەی لە ھەر مشتومڕێک ھەر لایەک دڵنیا کە ئەوەی خۆی دەیڵێ ڕاستییە.
- ھەر کات وتارێک لە ویکیپیدیا بنووسرێ یان شتێک بە وتارێک زیاد بکرێ دەبێ سەرچاوە و بەڵگەی بۆ بنوسرێت.
- بۆ زانیاری زیاتر و چۆنییەتی دانانی سەرچاوە کلیک بکە ئێرە.
- ڕێز لە یەکتر بگیرێت.
- ویکیپیدیا ئینسایکڵۆپیدیایەکی ئازادە کە بەکارھێنەرانی بە بیر و ڕای جیاواز بەشدارن، شتێکی ئاسایییە کە جاروبار لەسەر ناوەڕۆکی نووسراوێک ڕێککەوتن ساز نابێت، ھەر بۆیەش بە ڕێزگرتن لە یەکتر و وتووێژ دەبێ کار بکرێت.
ڕێنوێنییەکانی تر
- کۆپی کردن لە ماڵپەڕ و وێبلاگەکانی ئینتەرنێت نایاسایییە.
- کاتێ زانیارییەک زیاددەکەیتە سەر وتارێک، ھەوڵ بدە لە زاری خۆتەوە و بە وشەی خۆت نووسرابێت، نەک ڕاست لە سەرچاوە کۆپی-کراو. لە یادت بێ کە ھەرشتێک لەسەر ئینتەرنێت بڵاودەبێتەوە، مافی بڵاوکردنەوەی پارێزراوە مەگەر خاوەنەکەی پێچەوانەکەی وتبێت.
- تەواوی پیتەکان و نیشانەکان دەبێ بە نووسە دروستەکەیان بنووسرێن.
- بۆ زانیاری زیاتر دەتوانن چاو لە نووسینی کوردی بکەن.
- شێوازی نووسینی ناوەڕۆکی نووسراوەکان وەک ھەموو زانستنامەکانی دیکە دەبێ بە شێوەی فەرمی بێت.
- بۆ زانیاری زیاتر کلیک بکە ئێرە