ویکیپیدیا:شێواز/ڕێکەوت و ژمارەکان

ئەم پەڕەیە ڕێسایەکی ویکیپیدیای کوردیی ناوەندی دەخاتە ڕوو.

ئەم پەڕەیە ستانداردێکی پەسەندکراوە و پێشبینی لە ھەموو بەکارھێنەران دەکرێت کە گوێڕایەڵی بن. لەوانەیە ھەندێکجار بۆ باشترکردنی ویکیپیدیا پەسەند بکرێت کە یەکێک لەم ڕێنماییانە پشتگوێ بخرێت. ھەر جۆرە دەستکارییەک لەم پەڕەیەدا بکرێت پێویستە لەسەر یەکدەنگی ئەنجام درابێت. ئەگەر گومانێکت ھەیە، لەسەر پەڕەی وتووێژ باسی بکە.

قەدبڕ

وپ:ڕوژ

ئەم پەڕەیە بە کورتی: ھەموو ڕێکەوت و ژمارەکان پێویستە بە ستانداردی بنووسرێن

لەم پەڕەیەدا شێوازی دروستی دانانی ڕێکەوت و ژمارە ڕوونکراوەتەوە.

شێواز

ڕێکەوتەکان دەبێت ھەموو بە کوردی بنووسرێن. بۆ نموونە دەبێت بنووسرێت ئەیلوول نەوەکا سێبتێمبەر
دانانی ڕێکەوت بەم شێوەیە: ١/١/٢٠١٨ ھەڵەیە. دەبێت بەم شێوەیە بنووسرێت: ١ی کانوونی دووەمی ٢٠١٨.
دەبێت ژمارەکان ستانداردی کوردی بن (٠١٢٣٤٥٦٧٨٩)
نابێت مانگ پێش ڕۆژ کەوێت وەک لە ئینگلیزی دەکرێت. کانوونی دووەمی ١ی ٢٠١٧ ھەڵەیە. ١ی کانوونی دووەمی ٢٠١٧ دروستە.
ڕێکەوتەکان لە ویکیپیدیای کوردی بە «ی» دەلکێنرێن بە یەکەوە نەوەکا فاریزە

خۆلادان لە ھەڵەی ڕێکەوت

دەبێت ھەتا دەتوانرێت خۆ لە ئاماژەدانی کاتی داھاتوو و ڕابردووی دیارینەکراو لادرێ. بۆ نموونە نابێت بووترێت: بەیانی فڵان بڕیار دەدرێت، ساڵێکی تر فڵان شت دەکرێت، ساڵێک لەمەوبەر فڵان شت ڕوویدا. ئەمانە ھەڵەن بەھۆی ئەوەی کات بەردەوام دەڕوات. ئەگەر بەم شێوەیە ئاماژە بە ڕووداوێک بدەیت، کاتێک خوێنەر لە کاتێکی دواتردا بیخوێنێتەوە و کەس نوێی نەکردبێتەوە، ئەو ڕێکەوتەکە بە ھەڵە تێدەگات. بۆ خۆپاراستن لەمە دایمەن ڕێکەوتێکی جێگیر بدە، بۆ نموونە: ١٢ی تشرینی دووەمی ٢٠١٧ بوومەلەرزەیەک ڕوویدا. ئەگەر ڕێکەوتی دیاریکراو نەدرابوو بۆ داھاتوو بەم شێوەیە بکە: ساڵێکی تر (لە ئێستاوە، ٢٠١٧)

شێوازەکانی ڕێکەوتی ناستاندارد

شێوازەکانی ڕێکەوتی ناستاندارد
ژمارەی ھیندۆ-عەرەبی	ژمارەی عەرەبی
١٨/٧/٢٠٢٠	18/7/2020
١٨-٧-٢٠٢٠	18-7-2020
١٨−٧−٢٠٢٠	18−7−2020
١٨―٧―٢٠٢٠	18―7―2020
١٨–٧–٢٠٢٠	18–7–2020
١٨—٧—٢٠٢٠	18—7—2020
٢٠٢٠/٧/١٨	2020/7/18
٢٠٢٠-٧-١٨	2020-7-18
٢٠٢٠−٧−١٨	2020−7−18
٢٠٢٠―٧―١٨	2020―7―18
٢٠٢٠–٧–١٨	2020–7–18
٢٠٢٠—٧—١٨	2020—7—18

چارەسەر

لە ئێستادا دەتواندرێت سەرجەم شێوازەکانی ڕێکەوتە ناستانداردەکانی سەرەوە لەڕێگەی بەکارهێنانی تووڵامراز چارەسەر بکرێن و ھەموو شێوازەکان بکرێن بە ستانداردی ویکیپیدیا؛ ١٨ی تەممووزی ٢٠٢٠.

کات

وا باشترە بۆ کات، کاتی ٢٤ کاتژمێری بەکاربێت. بۆ نموونە، لەجیاتی بڵێیت ٨ی شەو، بڵێ سەعات ٢٠.