ویکیپیدیا:ژیاننامەی کەسایەتییە زیندووەکان

بەشداربووان و ویکیپیدیاوانەکان پێویستە بە ئاگادارییەکی زۆرەوە لەسەر کەسایەتییەکان بنووسنەوە لە ویکیپیدیادا، بەتایبەتی ئەگەر ئەو کەسایەتییە زیندوو بێت. ئەو وتارانەی ژیاننامەی کەسایەتییە زیندووەکانن زۆر حەساسن و دەبێت بە ئاگادارییەکی زۆرەوە مامەڵەیان لەگەڵ بکرێت و لەگەڵ ھەموو سیاسەتەکانی ویکیپیدیا و ناوخۆ بگونجێت، بە تایبەتی: سیاسەتەکانی سەلماندنیبوون، بێلایەنی و خۆلادان لە توێژینەوەی سەرەتایی. ئەبێت ئەو وتارانە ھەموو ڕاست بن. دەبێت ڕێگری لە ھەر خراپکارییەک و بۆچوونێکی کەسی بگیرێت لە ناوەڕۆکی وتارەکەدا و دەبێت بەردەوام ئەپدەیت بکرێتەوە و زانیارییە ھەڵە و بێسەرچاوەکان بە زووترین کات لابدرێن. ھەموو ئەو نووسینانەی کە لە نێو وتارەکاندا داندراون و ئەگەر ھەیە لە داھاتوو دەمەقاڵێ دروست بکات، پێویستە بە سەرچاوەی دروست و باوەڕپێکراو پشتڕاست کرابێتنەوە. ھەر نووسینەوەیەکی لە ھەر شێوەیەک کە بێسەرچاوە بوو یاخود بە ھەژارانە نووسرابۆوە، ئەگەر خراپ بێت، پشتگیری بێت، یانیش بێلایەنیش بێت، پێویستە یەکسەر بە بێ وتووێژ و دواختسن لابرێن. ئەو بەکارھێنەرانەی کە بە بەردەوامی پێشێلی ئەم سیاسەتە دەکەن لەوانەیە بە خێرایی بەربەست بکرێن لە دەستکاریکردن لە ویکیپیدیا.

ھەموو بەشداربووان دەبێت بزانن کە ویکیپیدیا زانستنامەیەکە نەک ڕۆژنامەیەکی تایبەت بە بڵاوکردنەوەی قسەی ناڕاست. ھەموو ئەو زانیارییانەی لێرە دادەنرێن پێویستە ١٠٠٪‏ ڕاستیان سەلمێندراو بێت. سەرچاوەی لاواز لە ویکیپیدیادا جێگەی نابێتەوە.