واکین فینیکس

لە ئینسایکڵۆپیدیای ئازادی ویکیپیدیاوە
واکین فینیکس

واکین لە ٦٨ەم فێستیڤاڵی نێودەوڵەتیی فیلمی بەرلین لە ٢٠١٨
لەدایکبوون
واکین ڕافایەڵ بۆتەم

(١٩٧٤-١٠-٢٨) ٢٨ی تشرینی یەکەمی ١٩٧٤ (تەمەن ٤٨ ساڵ)
سان خوان، پوێرتۆ ڕیکۆ
نەتەوەئەمریکی
ناوەکانی ترلیف فینیکس
پیشەئەکتەر، بەرھەم ھێنەر
چالاکبوون١٩٨٢–ئێستا
یارڕونی مارا (٢٠١٦–ئێستا، مارەی کردووە)
باوان
  • جۆن لی بۆتەم (باوک)
  • ئارلین فینیکس (دایک)
خزمەکانڕیڤەر فینیکس (برا)
ڕەین فینیکس (خوشک)
ڵایبێرتی فینیکس (خوشک)
سەمەر فینیکس (خوشک)


واکین ڕافایەڵ فینیکس[ئ] (/hwɑːˈkiːn/؛ né بۆتەم؛ لەدایکبووی ٢٨ی تشرینی یەکەمی ١٩٧٤) ئەکتەر، ژینگەپارێز، چالاکوانی مافی ئاژەڵان، وە بەرھەمھێنەرێکی ئەمریکییە. ئەو زۆر خەڵاتی وەرگرتووە و بۆ زۆر خەڵات پاڵێوراوە، وەک خەڵاتێکی ئۆسکار، خەڵاتێکی گرامی، وە دوو خەڵاتی گۆڵدن گڵۆب.

لە منداڵیدا، واکین دەستی کرد بە ڕۆڵ گێڕان لە تەلەڤزیۆندا لەگەڵ براکەی ڕیڤەر وە خوشکەکەی سەمەر. یەکەم ڕۆڵی سەرەکی لە فیلمدا لە SpaceCamp (١٩٨٦) دا بوو. لەو ماوەیەدا، بە لیف فینیکس ناسرابوو، ناوێک کە خۆی دابووی بە خۆی. دواتر گەڕایەوە بۆ ناوە ڕاستییەکەی وە دەنگۆی پۆسەتیڤی لێکەوتەوە بۆ ڕۆڵی یاریدەدەری لە فیلمی کۆمیدی-درامی To Die For (١٩٩٥) وە فیلمی مێژووی Quills (٢٠٠٠). سەرنجی زیاتری خرایە سەر بۆ ڕۆڵی کۆمۆدەس لە فیلمی مێژووی درامی Gladiator (٢٠٠٠)، کە بەھۆیەوە پاڵێورا بۆ خەڵاتێکی ئەکادیمی بۆ باشترین ڕۆڵی یاریدەدەر. ئەو دوابەدوا پاڵێورا بۆ باشترین ئەکتەر بۆ ڕۆڵی وەک موزیکژەن جۆنی کاش لە Walk the Line (٢٠٠٥)، جەنگاوەرێکی کۆنی سەرخۆش لە The Master (٢٠١٢)، وە کارەکتەری سەرەکی لە فیلمی Joker (٢٠١٩)، کە بەھۆیەوە خەڵاتەکەی بردەوە. فیلمەکانی تری بریتین لە فیلمە ترسناکەکانی Signs (٢٠٠٢)، وە The Village (٢٠٠٤)، فیلمی مێژووی درامی Hotel Rwanda (٢٠٠٤)، فیلمی ڕۆمانسی درامی Her (٢٠١٣)، فیلمی سووکایەتی تاوانی Inherent Vice (٢٠١٤)، وە فیلمی دەروونی ھەستبزوێن You Were Never Really Here (٢٠١٧)، کە بەھۆیەوە خەڵاتی فیستیڤاڵی کانسی بردەوە بۆ باشترین ئەکتەر.

واکین پڕۆژەی موزیک ڤیدیۆیشی کردووە، ھەروەھا بەرھەم ھێنانی فیلم و زنجیرەی تەلەڤزیۆنی. بۆ ڕیکۆردکردنی ساوندتراکی Walk the Line، خەڵاتێکی گرامی بردەوە بۆ باشترین کۆکراوەی ساوندتراک لە ھونەرێکی بینراو. ئەو چالاکوانێکی کۆمەڵایەتییە وە یارمەتی زۆربەی کۆمەڵگە خێرخوازی و مافی مرۆڤی داوە. ئەو لە لیستی دەرھێنەرەکان دایە لە The Lunchbox Fund، کۆمەڵەیەکی نەکەدکار کە خواردنی ڕۆژانە دابین ئەکات بۆ قوتابییەکانی قوتابخانەکانی شاری سۆوێتۆی باشووری ئەفریقا. ئەو ناسراوە بۆ لایەنگری لە مافی ئاژەڵان؛ ئەو ڕووەکی بووە لە تەمەنی سێ ساڵییەوە وە زۆرجار کامپەین لەگەڵ PETA و In Defense of Animals ئەکات.[٣][٤]

تێبینییەکان[دەستکاری]


سەرچاوەکان[دەستکاری]

  1. ^ "PREMIERE April 1988". Aleka.org. Archived from the original on July 12, 2017. Retrieved August 24, 2010.
  2. ^ "Joaquin Phoenix". Hello!. Archived from the original on April 4, 2019. Retrieved June 17, 2017.
  3. ^ "Joaquin Phoenix's Charity Work". Look to the Stars. Archived from the original on September 20, 2007. Retrieved August 22, 2007.
  4. ^ "Fake leather please!". Daily News and Analysis. November 14, 2006. Archived from the original on February 14, 2013. Retrieved December 1, 2012.

بەستەرە دەرەکییەکان[دەستکاری]


ھەڵەی ژێدەرەکان: <ref> tags exist for a group named "kurdish-alpha", but no corresponding <references group="kurdish-alpha"/> tag was found

وەرگیراو لە «https://ckb.wikipedia.org/w/index.php?title=واکین_فینیکس&oldid=1096163»