ئال پاچینۆ

لەدایکبوون	ئەلفرێد جەیمز پاچینۆ 1940 نیۆیۆرک
نیشتەجێ	نیویۆرک
نەتەوە	ئەمریکی
ناوەکانی تر	ئەل
نەژاد	ئیتاڵی-ئەمریکی
پیشە	ئەکتەر ، دەرهێنەر ، بەرهەمهێنەر ، پەردەنووس
ساڵانی چالاکی	1968 - تا ئێستا
خەڵاتەکان	ئاکادمی ئاوارد

ئەلفرێد جەیمز پاچینۆ ناسراو بە ئەل‌پاچینۆ لە دایک بوو 1940ی زایینی ئەکتەری سینەما و شانۆ و دەرھێنەری ئەمریکی و یەکێک لە بە ناوبانگترین ھۆنەرمەندەکان لە زەمان‌دایە.

ئەل ناسیاوە بە بینینی دەوری : مایکڵ کۆرلیۆن لە سێدانەیی سەرۆک خێزان (Godfather)، سەنی ڤۆرتزیک لە دوانیوەڕۆیەکی تەواو خراپ (Dog Day Afternoon)، تۆنی مۆنتانا لە سەر و چاو بریندار (Scarface)، فرەنک سێرپیکۆ لە سێرپیکۆ (Serpico)، کۆلۆنەل فرەنک سلەید لە بۆنی خۆشی ژنێک . ئال ساڵی ١٩٩٢ دوای ٧جار پاڵێوراوی ، ئال خەڵاتی ئۆسکاری بۆ فیلمی بۆنی خۆشی ژنێک پێدراوە.

ژیان

ئاڵ پاچینۆ لە شاری مەنھاتن سەر بە ویلایەتی نیویۆرکی وڵاتە یەکگرتووەکانی ئەمەریکا ، لە بنەماڵەیەکی ئەمەریکی-ئیتاڵی ھاتە دونیاوە. ناوی دایکی ڕۆز و ناوی باوکی ساڵواتۆرە ئەلفرێد پاچینۆ و ھەردووکیان لەدایک بووی شاری کۆرلێۆنە‌ی سیسیلی ئیتاڵی بوون. لە منداڵی‌دا دایک و بابی لە یەک جودا ئەبنەوە و ئاڵ دەگەڵ دایکی ژیان ئەباتە سەر. ئاڵ پاچینۆ زۆری پێ‌خۆش ئەبێ بڕواتە قۆتابخانەی The School of Performing Art لە شاری نیویۆرکدا‌؛ ھەر ئەو قوتابخانەی وا ئەکتەری سەرەکی فیلمی سەرۆک خێزان دوو the Godfather Part II، ڕۆبەرت دێ نیرۆ ئەیویست لێی بخوێنێ. ئاڵ پاچینۆ لە تەمەنی ١٧ساڵی‌دا لە قۆتابخانەکەی خۆی بە ھۆی دەرنەچوونی لە زۆرینەی دەرسەکانی ، دەر کرا. دایکی ئاڵ ئەوەی پەسند نەدەکرد و ئەو کێشەیە بوو ھۆی ڕۆشتنە دەرەوەی ئاڵ پاچینۆ لە ماڵەوە. ماوەیەکی زۆر لەم شوێن و لەو شوێن کاری بێ نرخی ئەکرد تەنھا بۆ ئەوەی بە ئارەزووی بگەیەت.

بە نرخترین ئەزموونەکانی کایە‌کردنی لە شانۆکانی نادیاری نیۆیۆرک و دواتر لە ئەستۆدیۆی ھێربێرت بێرگھۆف‌ Herbert Berghof Studio دا دیت. ھەر لەوێش بوو وا مامۆستای ئەکتەری چارلی لاگتۆنی ناسی بووە ڕفێقی. لەو سەردەمەدا ئاڵ پاچینۆ زیاتری کاتەکان بێ ماڵ بوو و مەجبوور بوو لە ماڵی ڕفێقانی تەنانەت لە سەر شانۆ یا شەقام بخەوێ.

ساڵی ١٩٦٢ دایکی کاتێ ٤٣ ساڵی بوو، مرد. ھەر لەو ساڵەدا باپیری ئاڵ، جەیمز جێڕاڕدی، یەکێک لە کاریگەرترین کەسایەتیەکانی ژیانی ، چاوە نایە یەک.

قۆناغەکانی ژیان

ساڵانی٦٠

دوای سەرنەکەوتوویێکی زۆر لە بواری خۆیدا لە The Actors Studio وەرگیرا بۆ ئەکتەری و خوێندنی لای مامۆستای ئەفسانەیی ئەکتەری لی سترازبێرگ (Lee Strasberg) دەست پێکرد. لەو ساڵانەدا بە دەیان کاری شانۆ کرد بەڵام ھیچکامیان سەرنج‌ڕاکێش نەبوون. یەکەمین فیلمەکەی !Awake and Sing بوو مووچەی بۆ ئەوە حەوتووی ١٢٥ $ بووە. دەگەل ئەکتەری درێژە بە خوێندنی و دیتنی ئەزموونی نوێ دەدات.

ساڵانی٧٠

کایە لە فیلمی The Panic in Needle Park لە ساڵی ١٩٧١دا وەک نەخۆشێکی ھێرۆیین، سەرنجی فرانسیس فۆرد کۆپۆلای دەرھێنەری ڕاکێشا، بۆیە بۆ دەورێکی گرینگ لە فیلمەکەیدا، مایکڵ کۆرلیۆن، لە نێوان ڕۆبەرت ڕێدفۆرد و وارێن بیتی و ڕۆبەرت دی نیرۆ کەمێک ناسراو و ئەل ، ئەل‌پاچینۆی ھەڵبژارد و بەو شێوە فیلمە مافیاییە سەرکەوتووەکەی خۆی ، باوکی ئایینی (Godfather) لە ١٩٧٢دا سازکرد و ئەل‌پاچینۆش لە دونیادابوو بە ئەکتەرەکی ناسراو ھەروەھا پاڵێوراو بۆ گرتنی خەڵاتی ئۆسکار.

لە ١٩٧٣دا و بە کایەی لە فیلمی سێرپیکۆ ، لە ١٩٧٤دا بە کایە لە سەرۆک خێزان ٢ و لە ١٩٧٥دا بە کایە لە فیلمی دوانیوەڕۆی سەگی، فیلمێک وا لەسەر چیرۆکی دزیەتیەک لە بانک کە ڕووداوێکی ڕاستقینێ بوو، ئەو ساڵانەی کرد بە مێژوویترین ڕۆژگاری ژیانی تا ئەو سەردەمە . چوارجار پاڵێوراوی بۆ خەڵاتی ئۆسکار بۆ باوکی ئایینی ٢، سێرپیکۆ، دوانیوەڕۆیەکی تەواو خراپ و یەکسانی بۆ ھەموان شتێک نیە بۆ ھەر ئەکتەرێک ڕوو تەنانەت لە تەواوی ژیانی ھۆنەریدا. شێوازی ئەکتەری ئەل‌پاچینۆ جیاواز بوو بۆیە تایبەت بە خۆیەتی و کەسی دی وەک ئەو نابێ.

ساڵانی٨٠

ئەم ساڵانە بە باشی ساڵانی پێش نەبوو بۆ ئەل‌پاچینۆ؛ بەڵام فیلمی سەروچاو بریندار ٤٥$ملیۆنی کۆ کردەوە و خەڵاتێکی گۆڵدن گلۆب بۆ ئە‌ل لەبەر کایەی لە دەوری بڵاوکەرەوەیەکی کووبایی مادە بێھۆشکەرەکان بە ناوی تۆنی مۆنتانا. چەن کاری فیلم و شانۆی سەرنەکوتووی ھەبوو لەو ساڵانەدا. سەرکەوتووترین کاری شانۆی لە ساڵەکانی ٨٠ ناوی بووفالۆی ئەمریکی بوو.

ساڵانی٩٠

ئەل‌پاچینۆ پاڵێوراوی وەرگرتنی خەڵاتی ئۆسکار بوو بۆ دەور بینین لە فیلمی دیک ترەیسی (Dick Tracy) لە ساڵی ١٩٩٠دا. ھەر لەو ساڵەدا بە باوکی ئایینی ٣ و دیسان بینینی دەوری مایکەل کۆرلێۆنێ گەڕایەوە . لە ١٩٩١دا لەگەل ھاوکایەکی لە فیلمی سەروچاو بریندار، فیلمی فرەنکی و جانی کایە کرد. پاش ماوەیەکی زۆر سەرنجام بووە بەرندەی خەڵاتی ئۆسکاری باشترین ئەکتەر بۆ بینینی دەوری کۆلۆنێلێکی خەمۆک و ھیلاک و کوێر بە‌ناوی فرەنک سلەید لە فیلمی بۆنی خۆشی ژن‌ لە ساڵی ١٩٩٢دا. لە ساڵانی ٩٠دا ئەل‌پاچینۆ بۆ کایە لە فیلمی دراما-تاوانکاری ڕێگەی کارلیتو(Csarlito's Way) لە ١٩٩٣دا، دەنی براسکۆنی لە ١٩٩٧دا و خۆمانە (Insider) لە ١٩٩٩دا ستایش کرا. لە ساڵی ١٩٩٥ ئەل‌پاچینۆ لە فیلمی گێچەڵ (Heat) کایە ئەکا ؛ واتە دەگەڵ ڕابێرت دێ‌نیرۆ لە یەک دیمەن‌دا کایە ئەکەن. ھەردوو ئەل‌پاچینۆ و ڕابێرت دێ‌نیرۆ لە فیلمی باوکی ئایینی ٢شدا کایە دەکەن بەڵام لە ھیچ دیمەنێکدا پێکەوە نین. ھەروەھا لە ساڵی ١٩٩٧دا بۆ بینینی دەوری شەیتان لە فیلمی پارێزەری شەیتان، ستایش کرا.

ئەل بۆ کایە لە فیلمەکانی پارێزەری شەیتان، بۆنی خۆشی ژن و گێچەڵ ستایش کرا و شێوازە تایبەتەکەی لە ئەکتەری‌دا ناوی کەوتە سەر زمانان.

ئەل‌پاچینۆ دوای بۆنی خۆشی ژن ئیدی نەبوو بە پاڵێوراوی خەڵاتی ئاکادێمی. بەلام بوو بە بەرەندەی ٢ خەڵاتی گۆڵدێن گلۆب، یەکەمین بۆ تەرخان کردنی تەمەنی بۆ خزمەتی ھۆنەر و دووھەمین بۆ کایە لە فریشتەکانی ئەمەریکا لە ٢٠٠٤دا.

ساڵانی دوا ٢٠٠٠

فیلمی بێ‌خەوی(Insomnia)، درووس‌کردنەوەیەی تر لە فیلمێکی نەرویجی ھەر بەو ناوە بە دەوری سەرەکی ئەل‌پاچینۆ ھەم لە لایەن ڕەخنەگرەکان و ھەم بواری ئابوریەوە سەرکەوتوو بوو. لە ساڵی ٢٠٠٣دا دەوری پارێزەرێکی لە فیلمی فریشتەکانی ئەمەریکادا بینی. لە دانی خەڵاتی ١٠٠ساڵ..١٠٠قارەمان و تاوانکار (AFI's ١٠٠ Years... ١٠٠ Heroes and Villains) ئەل‌پاچینۆ یەکێک لەو تەنھا دوو کەسەی بوو وا لە ھەردوو لیستی قارەمانەکان بۆ سێرپیکۆ و تاوانکارەکاندا بۆ مایکەل کۆرلیۆنێ بوو بەرندە. لە ساڵی ٢٠٠٤دا لە فیلمی بازرگانی وێنیزی دەوری بینی.

لە ساڵی ٢٠٠٦دا AFI (American Film Institute ) خەڵاتی تەرخان‌کردنی تەمەنی دا بە ئەل‌پاچینۆ.

لەم دوایانەدا و بە چاولێکردنی کاریگەری ئەل‌پاچینۆ لە سەر بواری ئابوری فیلمەکان کەڵکی لێ وەرگیرا بۆ سەرکەوتووی فیلمی Ocean's Thirteen وەک ئەو ئەکتەرە بەناوبانگانای تر جۆرج کلۆنی، براد پیت، مەت دەیمۆن و ئەندی گارسیا کە بوونی ھەرکامێکیان بۆ سەرکەوتوویی فیلمێک بەستە.

لە ساڵی ٢٠٠٨ لە فیلمە ٨٨خۆڵک دا دەوری پرۆفیسۆرێکی دەروون‌ناسی بینی ، بەڵام فیلمەکە زۆر سەرکەوتوو نەبوو. لە ٢٠٠٨دا لەگەل ئەکتەری بەناو بانگ وەک خۆی ڕابێرت دێ‌نیرۆ لە فیلمی کۆشتنی پاک (Righteous Kill) دەوری بینی بەڵام سەرکەوتوو نەبوو فیلمەکە وەکوو ڕابردووی ئەو دوو ئەکتەرە بە ناوبانگە.

هەروەها لەساڵی (٢٠١١) بۆ فیلمی (You Don't Know Jack) خەڵاتێکی گۆڵدن گڵۆبی پێدرا.لەساڵی ٢٠١٥ەش بەژداری کرد لە فیلمی (Danny Collins) لەڕۆڵی گۆرانیبێژێکی بەساڵاچوو کە هەوڵی گەرانەوە دەدات بۆ ئاستی پێشووی خۆی.

ئال ناوی لەنێو لیستی ئەکتەرانی فیلمی (Beyong Deciet)ە کەواباڕیارە لەساڵی ٢٠١٦ دەربچێت.

هەروەها ئال پڕۆژەی فیلمی (The Trap) لەبەردەستە کەوابڕیارە لەساڵی ٢٠١٧ بکەوێتە سینەماکانەوە کە لە پاڵ ئەکتەران بنیسیۆ دێل تۆرۆ،جەیمس فڕانکۆ،ڕۆبەرت پاتینسندا بەشدار دەبێت.

ژیانی تایبەت

ئەگەرچی ئاڵ پاچینۆ قەد ژنی نەهێناوە، بەڵام سێ مناڵی ھەیە؛ Julie Marie لەدایک بووی ١٩٨٩ و ھەر وەھا دوانەیەک بە ناوەکانی Anton James و Olivia Rose لە دایک‌بوونی ٢٠٠١ لە دەسگیرانە کۆنەکەی Beverly D'Angelo کە لە ساڵانی ١٩٩٦ھەتا ٢٠٠٣ پێکەوە بوون. ئەل دەگەڵ دایانا کیتۆن (Diane Keaton) ھاوکایەکی لە سێدانەیی سەرۆک خێزان پەیوەندی ھەبوو بەڵام ئەو پەیوەندیە تاوتاوە دوای فیلمی سەرۆک خێزا بەشی ٣ کۆتایی پێ ھات بۆ ھەمیشە.

لیستی فیلمەکان

ساڵ	ناوی فیلم	ڕۆڵ	ناوی فیلم بە زمانی ئینگلیزی	تێبینی
١٩٦٩	من، ناتالی	تۆنی	Me، Natalie	یەکەم فیلم
١٩٧١	ترسولەرز لە نێدڵ پاڕک	بۆبی	The Panic in Needle Park
١٩٧٢	سەرۆک خێزان	مایکڵ کۆرلیۆن	The Godfather	پاڵێورا بۆ خەڵاتی ئۆسکار وەک باشترین ئەکتەری یارمەتیدەر پاڵێۆرا بۆ خەڵاتی بافتا وەک باشترین ئەکتەری تازەھاتوو پاڵێورا بۆ خەڵاتی گۆڵدن کلووب بۆ باشترین ئەکتەر-فیلمی دراما الراتب : ٣٥،٠٠٠ دولار أمریکی
١٩٧٣	قەلەڕەشی پڕسام	لیون	Scarecrow
	سێرپیکۆ	فڕانک سێرپیکۆ	Serpico	بۆ خەڵاتی گۆڵدن کلووب وەک باشترین ئەکتەر -- فیلمی دراما پاڵێورا بۆ خەڵاتی ئۆسکار وەک باشترین ئەکتەر پاڵێۆرا بۆ خەڵاتی بافتا وەک باشترین ئەکتەر مووچە : ١٥،٠٠٠ دۆلاری ئەمریکی
١٩٧٤	سەرۆک خێزان ٢	مایکڵ کارلیۆنی	The Godfather Part II	پاڵێۆرا بۆ خەڵاتی بافتا وەک باشترین ئەکتەر پاڵێورا بۆ خەڵاتی ئۆسکار وەک باشترین ئەکتەر پاڵێورا بۆ خەڵاتی گۆڵدن کلووب وەک باشترین ئەکتەر -- فیلمی دراما مووچە : ٥٠٠،٠٠٠ دۆلاری ئەمریکی + ١٠% لە قازانجی فیلمەکە
١٩٧٥	دوانیوەڕۆیەکی تەواو خراپ	سۆنی	Dog Day Afternoon	خەڵاتی بافتا وەک باشترین ئەکتەر لە ڕۆڵی پاڵەوان پاڵێورا بۆ خەڵاتی ئۆسکار وەک باشترین ئەکتەر پاڵێورا بۆ خەڵاتی گۆڵدن کلووب وەک باشترین ئەکتەر -- فیلمی دراما
١٩٧٧	بۆبی دێرفێلد	بوبی دیرفیلد	Bobby Deerfield	پاڵێورا بۆ خەڵاتی گۆڵدن کلووب وەک باشترین ئەکتەر -- فیلمی دراما
١٩٧٩	دادمەندیی بۆ ھەمووان. . .	ئارەتەر کریکلاند	…And Justice for All	پاڵێورا بۆ خەڵاتی ئۆسکار وەک باشترین ئەکتەر پاڵێورا بۆ خەڵاتی گۆڵدن کلووب وەک باشترین ئەکتەر -- فیلمی دراما
١٩٨٠	گەشتی دەریایی	ستێڤ بۆرنس	Cruising
١٩٨٢	نووسەر! نووسەر!	ایفین ترافیلین	Author! Author!	پاڵێورا بۆ خەڵاتی گۆڵدن کلووب وەک باشترین ئەکتەر -- فیلمی مۆزیکی یان کۆمیدی
١٩٨٣	دەموجاو برین	تۆنی مۆنتانا	Scarface	پاڵێورا بۆ خەڵاتی گۆڵدن کلووب وەک باشترین ئەکتەر --فیلمی دراما
١٩٨٥	شۆڕش	تۆم دووب	Revolution
١٩٨٩	دەریای ئەوین	فڕانک کیلەر	Sea of Love	پاڵێورا -- خەڵاتی گۆڵدن کلووب بۆ باشترین ئەکتەر -- فیلمی دراما
١٩٩٠	ڕقی ناوخۆێی	گراھام	The Local Stigmatic	لە ساڵی ١٩٨٥ بەرھەمھێنرا
	دیک ترەیسی	بیگ بۆی	Dick Tracy	پالێورا -- خەڵاتی ئۆسکار بۆ باشترین ئەکتەری یارمەتیدەر پالێورا -- خەڵاتی بافتا بۆ باشترین ئەکتەری یارمەتیدەر پالێورا -- خەڵاتی گوڵدن بۆ باشترین ئەکتەری یارمەتیدەر -- سینەما مووچە : ٤،٥٠٠،٠٠٠ دۆلاری ئەمریکی
	سەرۆک خێزان بەشی ٣	مایکڵ کارلیۆنی	The Godfather Part III	پاڵێورا-- خەڵاتی گۆڵدن بۆ باشترین ئەکتەر -- فیلمی دراما الراتب : ٥،٠٠٠،٠٠٠ دولار
١٩٩١	فڕانکی وجۆنی	جۆنی	Frankie and Johnny
١٩٩٢	شەبقەی گلین ڕووس	ڕیکی	Glengarry Glen Ross	پاڵێورا-- خەڵاتی ئۆسکار بۆ باشترین ئەکتەری یارمەتیدەر پاڵێورا-- خەڵاتی گۆڵدن کلووب بۆ باشترین ئەکتەری یارمەتیدەر-- سینەما
	بۆنی خۆشی ئافرەتێک	فڕانک سلاد	Scent of a Woman	خەڵاتی ئۆسکار بۆ باشترین ئەکتەر خەڵاتی ئۆسکار بۆ باشترین ئەکتەر-- فیلمی دراما
١٩٩٣	ڕێگای کارلیتۆ	چارڵی	Carlito's Way
١٩٩٥	دووپارچە	گیتانۆ	Two Bits
	گەرمی	لێپرسەر	Heat	بە بەشداری لەگەڵ رۆبێرت دی نیرۆ
١٩٩٦	منەکردنی ڕیچارد	ڕیچارد	Looking for Richard	خەڵاتی سەندیکای ئەکتەرەکان -- لیستی بەڕێوەبەرانی دەستکەوت لە بەڵگەنامەیی
	ھۆڵی شارەکە	جۆن	City Hall
١٩٩٧	دونی بڕاسکۆ	بنیامین	Donnie Brasco
	پارێزەری نەگریس	جۆن میلتۆن	The Devil's Advocate
١٩٩٩	لە ژوورەوە	وێل براگمان	The Insider
	ھەر ڕۆژێکی یەکشەم	تۆنی داماتو	Any Given Sunday
٢٠٠٠	قاوەی چینی	ھاری لیڤین	Chinese Coffee	لەم فیلمە دەرھێنەریشە ؛لە ساڵی ١٩٩٧ بەرھەم ھێنراوە
٢٠٠٢	بێخەوی	ویڵ دۆرمەر	Insomnia
	سیمۆن	ڤیکتۆر ترانسکی	Simone	مووچە: ١١،٠٠٠،٠٠٠ دۆلاری ئەمریکی
	کەسانێک ئەیانناسم	لیورمان	People I Know
٢٠٠٣	سەرباز	واڵتەر برک	The Recruiter
	گیگلی	ستارکمان	Gigli
	فریشتەکان لە ئەمریکا	ڕۆی جۆن	Angels in America	خەڵاتی ئێمی بۆ باشترین ئەکتەر خەڵاتی گۆڵدن کلووب بۆ باشترین ئەکتەر لە کۆمەڵەیەکی بچووک کراوە یان وێنەی جوڵاو. خەڵاتی سەندیکای ئەکتەرانی شاشە -- خەڵاتی باشترین ئەکتەر لە کۆمەڵەیەکی بچووک دا یان فیلمی تەلەفزیۆن
٢٠٠٤	بازرگانی ڤێنیس	شایلۆک	The Merchant of Venice
٢٠٠٥	دووکەس بۆ پارە	واڵتەر ئەبرامس	Two for the Money
٢٠٠٧	ئۆقیانوسیای سیانزەھەم	ویڵی بانک	Ocean's Thirteen
٢٠٠٨	٨٨ خولەک	دوکتۆر جاک گرام	٨٨ Minutes
	کۆشتنی ڕەوا	دێڤید فیسک	Righteous Kill
٢٠١٠	ھیرۆد	ھیرۆد	Mary Mother of Christ
٢٠١٣	سالۆمێ	پادشا ھیرۆک	Salome
٢٠١١	تۆ جاک ناناسی	دکتۆر جاک	You Dont Know Jack	خەڵاتی گۆڵدن گڵۆب بۆ باشترین ئەکتەر.
٢٠١٤	مەنگڵهۆڕن		Mangelhorn
٢٠١٦	لە سەرووی فێڵەوە	ئابراهەمس	Beyon Deciet
٢٠١٨	پیاوە ئێرلەندیەکە	جیمی هۆفا	The Irishman	لە قۆناغی وێنەگرتن دایە و تایبەتە بە تۆڕی نێتفلیکس.

وتەی پاچینۆ

بێتواناییم .. کامەیە بێتواناییم ؟ پێویستە کەمێ بیر بکەمەوە .. پێم وایە ! ئەو وەڵامەمم دەبێ کاتێ لێم بپرسی کامەیە بەھێزیت ئەشێ ھەردوو یەک بن ..

سەرچاوەکان

• I M D B
• AL PACINO Biography