ڕۆبێرت دوڤاڵ

ڕۆبێرت دوڤۆڵ
دوڤۆڵ لە ساڵی ٢٠٠٨
لەدایکبوون	٥ی کانوونی دووەمی ١٩٣١ سان دیێگۆ، کالیفۆرنیا، ویلایەتە یەکگرتووەکانی ئەمریکا
مەرگ	١٥ی شوباتی ٢٠٢٦ (٩٥ ساڵ ژیاوە) میدلیورگ، ڤیرجینیا، ویلایەتە یەکگرتووەکانی ئەمریکا
نیشتەجێی	پلەینس، ڤیرجینیا، ویلایەتە یەکگرتووەکانی ئەمریکا
ھاوسەر	باربرا بێنجامین (ھاوسەرگیری ١٩٦٤؛ جیابوونەوە ١٩٧٥) گەیڵ یەنگ (ھاوسەرگیری ١٩٨٢؛ جیابوونەوە ١٩٨٥) لوسیانا پێدرازا (ھاوسەرگیری ٢٠٠٥)
خەڵاتەکان	خاوەنی ١ خەڵاتی ئۆسکار (١٩٨٣)

ڕۆبێرت سێڵدن دوڤاڵ (بە ئینگلیزی: Robert Selden Duvall؛ ٥ی کانوونی دووەمی ١٩٣١ – ١٥ی شوباتی ٢٠٢٦) ئەکتەر، بەرھەمھێنەر و دەرھێنەرێکی ئەمەریکی بوو. دوڤاڵ خەڵاتی ئۆسکاری بۆ باشترین ئەکتەری پێدرا بۆ ڕۆڵەکەی لە فیلمی Tender Mercies لە ساڵی ١٩٨٣. ھەروەھا خاوەنی خەڵاتی گۆڵدن گڵۆب و خەڵاتی فیلمی ئەکادیمیای بەریتانی بوو.

ژیانی سەرەتایی

دوڤۆڵ لە سان دیێگۆ، کالیفۆرنیا لەدایکبووە، دایکی ناوی میلدرد ڤیرجینیا ھارت و باوکی ناوی ویلیام ھاوارد دوڤۆڵ بووە. لە ساڵی ١٩٥٣دا، لە زانکۆی پرنیسیپا دەرچووە.

ژیانی پیشەگەری

دوڤۆڵ یەکەم ڕۆڵی لەساڵی ١٩٦٢ بوو لە فیلمی To Kill A Mocking Bird، دواتریش لە فیلمی کاپتن نیومانیشدا دەرکەوت لەساڵی ١٩٦٣.

یەکێک لە دیارترین دەرکەوتنەکانی دوڤۆڵ لە فیلمی سەرۆک خێزان بوو لەساڵی ١٩٧٢، کە دواتر بەھۆیەوە بۆ خەڵاتی ئۆسکاریش پاڵێورا. جگە لەمانەش، بەشداری لە فیلمی Apocalypse Now کردووە و لەوێشدا پاڵێورا بۆ خەڵاتی ئۆسکار. دوڤۆڵ بە یەکێک لە ئەفسانەکانی ھۆڵیوود دادەنرێت و ھەمیشە بە ئەکتەرە ڕۆح سووکەکە ناسراوە.

ژیانی تایبەتی

لەڕووی سیاسییەوە دوڤۆڵ باوەڕی بە لیبرالیزمە.

دوڤۆڵ لە ساڵی ١٩٦٤دا، باربرا بێنجامینی کردە ھاوسەری و دواتر لە ١٩٧٥ جیابوونەوە. لە ساڵی ١٩٨٢دا، گەیڵ یەنگی کردە ھاوسەر تاکو ١٩٨٥. دواتر لە ساڵی ٢٠٠٥دا، لوسیانا پێدرازای کردە ھاوسەری و تاکو ئێستاش بەیەکەوەن.

دوڤۆڵ ھیچ منداڵێکی نییە، و لە پلەینس، ڤیرجینیا نیشتەجێیە.

فیلمە دیارەکانی

دوڤۆڵ لە چەندەھا فیلمی دیاردا دەرکەوتووە، لەوانە:

• To Kill A Mockingbird (١٩٦٢)
• M*A*S*H (١٩٧٠)
• سەرۆک خێزان (١٩٧٢)
• Tomorrow (١٩٧٢)
• Apocalypse Now (١٩٧٩)
• Colors (١٩٨٨)
• The Apostle (١٩٩٧)
• The Judge (٢٠١٤)

تۆمارە جیھانییەکان

لە ساڵی ٢٠١٥دا، لە تەمەنی ٨٤ ساڵی، دوڤۆڵ بووە پیرترین ئەکتەر کە پاڵێورابێت بۆ خەڵاتی ئۆسکار بۆ باشترین ئەکتەری پاڵپشت بۆ ڕۆڵی باوکە پاڵمەر لە فیلمی The Judge.

سەرچاوەکان

ویکی ئینگلیزی