زوریخ
زوریخ یان زیوریخ (ئەڵمانی : Zürich، گۆکردنی ئەڵمانی: [ˈtsy:rɪç], فەڕەنسی : Zurich) یەکێکە لە گرنگترین و گەورەترین شارەکانی سویسڕا. [١] [٢] [٣] دەکەوێتە ناوەندی باکووری وڵاتەکە، نزیکە لە سنووری ئەڵمانیا لەسەر دەریاچەی زیوریخ. شارەکە بەناوبانگە بە کۆمپانیاکانی خزمەتگوزاری بانکی کە لە باشترین کۆمپانیاکانی جیھانن. شاری زیوریخی سویسڕا بۆ ماوەی سێ ساڵ لەسەریەک باشترین شاری جیھان بۆ ژیان بەدەست دەھێنێت. باشترین شارەکانی جیھان لەڕووی ئاسایش و پاکوخاوێنی و ئارامییەوە، و جوانییکەی لە تێکەڵکردنی بیناکانی ئێستا و ڕابردوویانە کە مێژووەکەی دەگەڕێتەوە بۆ چەند سەدەیەک، و گەورەترین بازاڕی زێڕی تێدایە، و چوارەم بۆرسەی جیھانە دوای نیویۆرک و لەندەن و تۆکیۆ، پەیمانگای تەکنەلۆژیای فیدراڵی لە زیوریخ لە دوای دوو زانکۆی کامبریج و زانکۆی ئۆکسفۆرد زیوریخ وەک سێیەم باشترین زانکۆ لە ئەوروپا پۆلێن دەکرێت، «پایتەختی ئەزموونەکانە» و تایبەتمەندە بە نزیکییەکەی لە ئاوەوە کە دیمەنێکی نایابی بەرزاییەکانی ئەلپ بەفراوی ھەیە لە ئاسۆدا. و ناوەندی شاری زیوریخ لە سویسڕا پێکھاتەیەکی ناوازەی سەرنجڕاکێش پێشکەش دەکات - وەک چۆن زیاتر لە ٥٠ مۆزەخانە و زیاتر لە ١٠٠ پێشانگای ھونەری، جلی جیھانی، دیزاینەکانی زیوریخ، و سەرنجڕاکێشترین و زیندووترین ژیانی شەوانە لە سویسڕا ھەیە. جگە لە کۆمەڵێک چالاکیی کات بەسەربردن، کە لەکاتی سەردانی بانک و شوێنەکانی خۆشووشتن و مەلەکردن لە کەنارەکانی دەریاچەکە لە دڵی شارەکەدا، تا بەرزایی سەرسوڕھێنەری شاخی «ئۆتێلۆبێرگ».
ئەو شارەی کە ئاستی ژیانی بەرزە، زیوریخ ئاستی ژیانێکی نایاب و بەرز پێشکەش دەکات: لە ساڵی ٢٠٠٢ تا ٢٠٠٨، زیوریخ لەلایەن کۆمپانیای ڕاوێژکاری سەرچاوە مرۆییەکانی مێرسێرەوە ٧ جار لەسەریەک وەک شارێک ناوی لێنرا کە بەرزترین کوالیتی ژیانی ھەیە لە جیھاندا، و شیکاریییەکە لەسەر بنەمای ئەم جۆرە بوو ئەم ستانداردانە وەک ئاسایش، پاکوخاوێنی، بۆنە کولتوورییەکان، خواردن، و شوێنە وەرزشییەکان لە یەکترەوە نزیکن.
لە ساڵی ٢٠١٢ شاری زیوریخ لە پێشەنگی لیستی باشترین شارەکانی جیھان بوو بۆ زۆرترین شار کە گونجاوترینە بۆ ژیان، کە گۆڤاری مۆنۆکلی بەریتانی بڵاویکردەوە.
لەنێو ئەو پێوەرانەی کە بۆ ڕیزبەندیکردنی شارەکان بەکاردەھێنرێن ڕێژەی تاوان، چاودێری تەندروستی، ژمارەی کاتژمێرەکانی خۆرھەڵاتن لە ساڵێکدا، قەبارەی جوگرافیای شارەکە، جۆری فڕۆکەخانە و گۆڕەپانی ھونەر.
سەرچاوەکان[دەستکاری]
- ^ "Worldwide Cost of Living survey 2009". Mercer.com. Retrieved 22 September 2013.
- ^ Museums and galleries ٢٤ی تشرینی یەکەمی ٢٠٠٧ لە وەیبەک مەشین، ئەرشیڤ کراوە.zurich-relocation.ch.
- ^ "Worldwide Cost of Living survey 2009". Mercer.com. Retrieved 22 September 2013.
بەستەرە دەرەکییەکان[دەستکاری]
 |
کۆمنزی ویکیمیدیا، میدیای پەیوەندیدار بە زوریخ تێدایە. |