ئێڤەنێسنس

لە ئینسایکڵۆپیدیای ئازادی ویکیپیدیاوە
(ڕەوانەکراوە لە ئیڤانیسینسەوە)
باز بدە بۆ: ڕێدۆزی، گەڕان

Disambig RTL.svg  ئەم وتارە سەبارەت بە گرووپی ڕۆکی ئێڤەنێسنس نووسراوە. بۆ بینینی وتارە هاوشێوەکان بڕوانە ئێڤەنێسنس (ڕوونکردنەوە).

ئێڤەنێسنس
ئێڤەنێسنس لە ٢٠١٥. ڕاست بۆ چەپ: ویڵ ھەنت، ترۆی مەکلاوەرن، ئەیمی لی، تیم مەککۆرد و جێن ماجورا
پاشەبنەما
بنەچە لیتل ڕاک، ئارکنساس،  ویلایەتە یەکگرتووەکان
چەشن ڕۆک، ئاڵتەرنەتڤ مێتاڵ
ساڵانی چالاکبوون ١٩٩٥–ئێستا[١][٢]
(پشوو: ٢٠١٢–٢٠١٥)
کۆمپانیای تۆمارکردن وایند-ئەپ (٢٠٠٢–٢٠١٣)
کۆنکۆرد/بایسیکل (٢٠١٣–٢٠١٤) سەربەخۆ (٢٠١٤–ئێستا)
کارە پەیوەستەکان وی ئار زە فۆڵێن
ماڵپەڕ www.evanescence.com
ئەندامەکان
ئەیمی لی
جێن ماجورا
تیم مەککۆرد
ویڵ ھەنت
ترۆی مەکلاوەرن
ئەندامانی پێشوو
بێن موودی
دەیڤد ھاجێز
ڕاکی گرەی
جۆن لیکۆمپت
ویڵ بۆید
تێری باڵسامۆ

ئێڤەنێسنس (ئینگلیزی: Evanescence • فۆنەتیک: /ˌɛvəˈnɛsəns/) گرووپێکی ڕۆکی ئەمریکییە‌، شوێنی دامەزرانی شاری لیتل ڕاکی ویلایەتی ئارکنساسە، لە ساڵی١٩٩٥ لەلایەن گۆرانیبێژ و پیانۆژەن ئەیمی لی و گیتارژەن بێن موودییەوە دامەزرا.[١][٣] دوای تۆمارکردنی چەند ئەلبومێکی سەربەخۆ گرووپەکە یەکەم ئەلبومی درێژخایەنی ستۆدیۆیان بڵاوکردەوە بەناوی فۆڵێن لە ڕێگەی تۆمارەکانی وایند-ئەپەوە. فۆڵێن زیاتر لە ١٧ ملیۆن کۆپی لێ فرۆشرا لە جیھاندا[٤] یارمەتی گرووپەکەشی دا بۆ بردنەوەی ٢ خەڵاتی گرامی لە کۆی ٧ جار کاندیداکردن و ھەروەھا بەدەست ھێنانی ژمارە ٦ی باشترین ئەلبومە فرۆشراوەکانی ١٠ ساڵی ڕابردووی CBS.[٥] دوای ساڵێک ئێڤەنێسنس یەکەم ئەلبومی ڕاستەوخۆی بڵاوکردەوە بەناوی ھەرشوێنێک جگە لە ماڵەوە، کە زیاتر لە ١ ملیۆن کۆپی لێ فرۆشرا لە ھەموو جیھاندا. لە ٢٠٠٦دا گرووپەکە دووەم ئەلبومی ستودیۆی بڵاوکردەوە بەناوی دەرگا کراوەکە، کە زیاتر لە ٥ ملیۆنی لێ فرۆشرا.[٤]

گرووپەکە چەندجارێک گۆڕانکاری بەسەردا ھاتووە: دەیڤد ھاجێز لە ٢٠٠٢دا گرووپەکەی بەجێھێشت و دۆزەرەوەی گرووپ بێن موودی لە ٢٠٠٣ (لە نیوەی گەشتەکەی فۆڵێن دا)، بەیس ژەن ویڵ بۆید لە ٢٠٠٦ و بەدوایدا جۆن لیکۆمپت و ڕاکی گرەی لە ٢٠٠٧دا و تێری باڵسامۆ لە ٢٠١٥، لە ئەنجامدا ھیچ کامێک لە سێ ئەلبومەکانی ستودیۆی ئێڤەنێسنس ھەمان ئەندامانی لەخۆ نەگرتووە، کۆتا دوو گۆڕانکاری بووە ھۆی وچانێکی درێژخایەن بۆ گرووپەکە. بیلبۆرد پلەی حەفتا و یەکەمینی بە ئێڤەنێسنس داوە لە لیستی باشترین ھونەرمەندانی دەیە.[٦]

ئێڤەنێسنس دواتر بە سێھەم ئەلبومیانەوە کە سەرکەوتنێکی گەورەی بەدەست ھێنا، لەگەڵ نوێترین لاین-ئەپی گرووپەکە دەرکەوتنەوە، ئەلبومی ئێڤەنێسنس کە سێھەم ئەلبومی ستودیۆی گرووپەکەیە و بە ناوی گرووپەکەوە ناو نراوە لەبەر «خۆشەویستی ئەیمی لی بۆ ئێڤەنێسنس.» کە لە ١١ی تشرینی یەکەمی ٢٠١١ بڵاوکرایەوە. ئەلبومەکە ژمارە ١ی بەدەست ھێنا لە بیلبۆرد ٢٠٠ بە ١٢٧٬٠٠٠ فرۆشەوە[٧] ھەروەھا لە ژمارە ١ی چوار لە چارتەکانی تریش مایەوە وەک: زە ڕۆک ئەلبومز، دیجیتاڵ ئەلبومز، ئاڵتەرنەیتڤ ئەلبومز و ھارد ڕۆک ئەلبومز. گرووپەکە ساڵی ٢٠١٢یان بەڕێکرد بە گەشتەکەیان بۆ ئەلبومەکە لە پەنا چەند ھونەرمەند و گرووپێکی تریشدا وەک زە پریتی ڕێکلێس و فەیر تو میدلاند. ھەر لە ھەمان ساڵدا ترۆی مەکلاوەرن وەک ئەندامێکی فەرمی گەڕایەوە بۆ ناو گرووپەکە. دوای کۆتایی ھاتنی گەشتی ئەلبوکە، گرووپەکە دووبارە بۆ ماوەیەکی درێژخایەن لە گوێگرەکانیان دابڕان.

لە ساڵی ٢٠١٥ گرووپەکە وای بڵاوکردەوە کە پشووەکەیان کۆتایی پێھاتووە و دووبارە دەستدەکەنەوە بە گەشتکردن، لە ھەمان کاتیشدا، ئەوان بڵاودەکەنەوەی ئەلبوم و کاری نوێیان ڕەتکردەوە چوونکە ئەیمی لی خەریکی بەرھەمێکی تەنیایی بوو، بەڵام لە چاوپێکەوتنێکی لاودوایەر گوێگرەکانی دڵنیا کردەوە کە «ئێڤەنێسنس لە داھاتوودا ھەیە.» ھەر لە ھەمان ساڵدا بڵاوکرایەوە کە تێری باڵسامۆ کە ئەندامێکی فەرمی ئێڤەنێسێنس و یارمەتیدەری نووسینی ئەیمی لی بووە لە ساڵی ٢٠٠٣ەوە، گرووپەکەی بەجێھێشتووە و جێن ماجورا جێی گرتۆتەوە.

مێژوو[دەستکاری]

١٩٩٥–٢٠٠١: دامەزران و ساڵانی پێشوو[دەستکاری]

فۆنتی فەرمی گرووپەکە دروست کرا کاتێک کە فۆڵێن لە بەرھەمھێناندا بوو. دیساینەرەکانی کۆمپانیاکە پیتەکانیان بە وردی دەستکاری کرد بۆ ئەوەی سەرناوی تراکەکان دەگمەن دەربکەوێت. فۆنتەکە بە ئێڤەنێسێنت ناسراوە.[٨]

ئێڤەنێسنس لە لایەن گۆرانیبێژ و پیانۆژەن ئەیمی لی وە گۆرانیبێژ و گیتارژەنی پێشوو بێن موودی دامەزراوە. ئەو دووانە لە ساڵی ١٩٩٤ یەکتریان ناسی لە کامپێکی گەنجان لە لیتل ڕاک، کاتێک کە موودی گوێی لە لی بوو گۆرانی «ئەتوانم ھەمووشتێک بکەم بۆ خۆشەویستی» دەوت لەسەر پیانۆکەی.[٩] یەکەم گۆرانیان پێکەوە ناوی «تەنیایی» و «پێمی ببەخشە» بوون و ھەردووکیان نوسراوی دەستی لی بوون، وە «تێگەیشتن» و نەمرەکەم ھەردووکیان نوسراوی دەستی موودی بوون و ھەردووکیان گۆڕانکاریان تێداکردوون. دوو گۆرانییان لەسەر ڕادیۆی ناوخۆ پەخشکرا و خەڵکی دەستیانکرد بە ناسینیان و ھەردووکیان بیریان لە کۆنسێرتێک کردەوە، دوای ماوەیەک گرووپەکە کۆنسێرتێکی ڕاستەوخۆیان ئەنجامدا و بوون بە بەناوبانگترین گرووپ لەو ناوچەیە.

دوای ھەڵسەنگاندنی ناو وەکو: ‌«خواستی منداڵانە» و «بریندارکراو» گرووپەکە ئێڤەنێسنسی ھەڵبژارد کە بە مانای کاڵ بوونەوە یاخود ون بوون دێت. (لە وشەی ئێڤەنێسی زمانی لاتینی وەرگیراوە کە بە مانای ون بوون یاخود نەمان دێت).[١٠] گرووپەکە دوو تۆمارکراوی درێژخایەنیان بڵاو کردەوە یەکەمیان بە ناوی گرووپەکەوەیە «ئێڤەنێسنس EP» کە لە ساڵی ١٩٩٨بڵاو کرایەوە کە نزیکەی ١٠٠ کۆپی لێ درووستکرا و لە کۆنسێرتەکاندا دابەشکرا و دووەم تۆمارکراوی درێژخایەنیش بە ناوی «لە خەوتندا» و بە «چرپە» ناسراوە لە ساڵی ١٩٩٩ بڵاو کرایەوە وە ھەروەھا تۆمارکراوێکی درێژخایەنی تریشیان ھەبوو کە ناسرابوو بە میستری کە لە ساڵی ٢٠٠٣ بڵاو کرایەوە لە ئەلبومی ئۆریجن کە ٢٫٥٠٠ کۆپی لێ فرۆشرا. لە چاوپێکەوتنێکی سەر ڕادیۆدا، موودی و لی ھانی گوێگرەکانیاندا کە گۆرانییە کۆنەکانیان لە ئینتەرنێتەوە دابگرن.[١١][١٢]

٢٠٠٢–٢٠٠٥: فۆڵێن و هەرشوێنێک جگە لە ماڵەوە[دەستکاری]

یەکەم چاوپێکەوتنیان لەگەڵ کۆمپانیاکان لەگەڵ ئاردین ستودیۆس بوو لە مێمفیس و زۆریش بە دڵیان بوون. دەرھێنەر پیت ماتیوس ھەندێک لە گۆرانییەکانی بۆ ھاوڕێکەی، دیانا مێڵتزەر لێدا لە وایند-ئەپ ڕیکۆردز.[١٣] کاتێک کە گوێی لە گۆرانی نەمرەکەم بوو، گرووپەکە سەرنجی ڕاکێشا و بوو بە سپۆنسەریان و گوتیشی کە ئەو دەیزانی کە «سەرکەوتنی گەورە بەدەست دێنێت» نووسەرەکانی وایند-ئەپ ڕیکۆردز هەرچەندە کە گوتیان ئەندامانی گرووپەکە جیاواز و بەھرەمەندن، بەڵام هەر پێیان وابوو ھێشتا گەنجن و دەبێت وانەیان پێ بگوترێتەوە، وتیشیان کە «ئەگەر کات و هەلیان بدرێتێ، ئەوا دەتوانن دەنگێکی سەرسامکەریان هەبێت»[١٣] کاتێک کە گرووپەکە گرێبەستیان کرد لەگەڵ کۆمپانیاکە، نێردرانەوە بۆ لۆس ئانجلۆس و باڵەخانەیەکیان پێ درا، بۆ ئەوەی بتوانن لەوێ کاروباری خۆیان بەڕێوە ببەن. لەوێ لی وانەی نواندن و ڕێکیی دەنگی خوێند. دوای نزیکەی دوو ساڵ دەرھێنەر دەیڤ فۆرتمان بە کرێ گیرا بۆ دەرھێنانی یەکەم ئەلبومیان بە ناوی فۆڵێن[١٣] لە سەرەتادا کۆمپانیای بڵاوکردنەوەکە ڕەتیکردەوە کە ئەلبوومەکە بڵاوبکەنەوە مەگەر ئەوەی گۆرانیبێژێکی نێرینە زیادبکەن بۆ گرووپەکە، ئەیمی لی لە پۆستێکدا ڕایگەیاند «ئەوان دەیانویست بە من بڵێن کە تۆ تەنھا کچی ئەم جۆرە گۆرانیانە بڵێت، کەس گوێت لێ ناگرێت بە تەنھا دەبێت گۆرانیبێژێکی نێرینە ھەبێت لە ئەلبومەکە.» کاتێک کە گرووپەکە بەم مەرجە ڕازی نەبوون، بەڕێوەبەرانی کۆمپانیاکە دەستیان هەڵگرت لە داواکارییەکەیان، بەڵام هێشتاش سوور بوون لەسەر ھەبوونی گۆرانیبێژێکی نێرینە لە تاکی ئەلبومەکە بمھێنە بۆ ژیان. هەرچەندە لی ئەمەشی پێ خۆش نەبوو بەڵام هەر ڕازی بوو.[١٤]

ئەیمی لی لە کۆنسێرتێکدا لە ساڵی ٢٠٠٣

دواتر لە ساڵی ٢٠٠٣ ئەندامانی گرووپەکە پێکھاتبوون لە ئەیمی لی و بێن موودی ھاوڕێکانی جۆن لیکۆمپت، ڕاکی گرەی و ویڵ بۆید کە ھەموویان کاریان لەسەر گۆرانییەکانی پێشوویان کردبوو. کاتێک گرووپەکە خەریکی ڕێکخستن و چاککردنی ئەلبومەکە بوون ئۆفەرێکیان بەدەست ھێنا لە لایەن کۆمپانیا نینتێندۆ بۆ ئەوەی ھەندێک لە گۆرانییەکانیان پەخش بکەن لە «نینتێندۆ فیوژن تور» بە خۆشحاڵییەوە ئۆفەرەکەیان وەرگرت و لەساڵی ٢٠٠٣ نینتێندۆ کۆنسێرتێکی بۆ کردن.[١٥]

ئەلبومی فۆڵێن ٤٣ ھەفتە لە چارتەکانی ١٠ باشترین ئەلبوم مایەوە[١٦]، ٧ بڕاوانامەی پلاتینەمی پێبەخشرا لە ویلایەتە یەکگرتووەکان[١٧] و زیاتر لە ١٧ ملیۆن کۆپی لێ فرۆشرا لە جیھاندا.[٥] ئەلبومەکە دوای ئەوەی لە ١٠ باشترین ئەلبوم نەما، بۆماوەی ١٠٤ ھەفتە لە (٢٠٠ باشترین ئەلبوم) مایەوە.[١٨] وە یەکێک لەو ٨ ئەلبومانە بوو کە بۆ ماوەی ساڵێک لەسەر چارتی (٥٠ باشترین ئەلبوم) مایەوە.[١٩]

لە ٢٢ی تشرینی یەکەمی ساڵی ٢٠٠٣ بێن موودی گرووپەکەی بەجێھێشت، وەک و لی و موودی دەڵێن بەھۆی جیاوازی ھونەرییەوە بووە.[٢٠] لە کاتی چاوپێکەوتنێک دا دوای چەند مانگێک لی وتی «ئێمە گەشتین بە بڕیارێک ئەگەر شتێکمان نەگۆڕیایە، نەمان دەتوانی ئەلبومێکی دیکە بکەین» ئەمە یەکسەر بووبە دوودڵیەک لە نێوان گوێگرەکانی ئێڤەنێسنس چونکە موودی و لی لە ئەلبومی فۆڵێن گوتویانە کە ئەوان باشترین و نزیکترین ھاوڕێن.[٢١] لی وتی کە ئەوە شتێکی باش بوو کە ئەو ڕۆیشت لەبەر ئەو گرژییەی لە گرووپەکەدا دروست ببوو.[٢١] لە چاوپێکەوتنێکی تردا، لی وتی «نازانم، من چاوەڕێی ئەمەم دەکرد، ئەو کەسێکە کە ئارەزووی لە ناوبانگ و ناودارییە و من وا نەبووم، من ئارەزوم دەکرد شتێک بکەین کە جیاواز بێت و ئەویش دەیەویست ئەوە بکات کە خەڵکی حەزیان لێیە گوێیان لێبێت، بۆیە ئەوە بەشێکی زۆری هۆکاری ئەوەی کە ئێستە نووسین زۆر خۆشترە ئەوەیە کە بیر لەو شتانە ناکەینەوە، کارەکان زۆرتر دەربارەی ئەوەن کە 'حەزمان لە چییە؟'، 'چی خۆشە؟' و 'دەمانەوێت چی بکەین کە جیاواز بێت؟'» تێری باڵسامۆ ئەندامی پێشووی «کۆڵد» جێی موودی گرتەوە.[٢٢][٢٣]

تاکی ئێڤەنێسنس «بمھێنە بۆ ژیان» بە یارمەتی گۆرانیبێژ پۆڵ مەککۆی ئەندامی «١٢ ستۆنس» یەکێک بوو لە سەرکەوتووترین گۆرانی گرووپەکە لە ھەموو جیھاندا، توانی بگاتە ژمارە ٥ لە بیلبۆردی (باشترین ١٠٠ گۆرانی).[٢٤]

لە بەریتانیا بۆ ماوەی مانگێک پلەی پێنجەمی بەرکەوت[٢٥] و بووبە ساوندتراکی فەرمی WWE No Way Out ٢٠٠٣. یەکێکی تر لە ھەرە بەناوبانگترین تراکی ناو ئەلبومەکە نەمرەکەم بوو کە چووە ژمارە حەوتی باشترین ١٠ گۆرانی لە بەریتانیا و ویلایەتە یەکگرتووەکان[٢٤] وە ھەردوو گۆرانییەکە لە فیلمی «دەیردێڤڵ» بەدی دەکرێن. «بمھێنە بۆ ژیان» ئەو تراکە بوو کە بووە ھۆی بردنەوەی «باشترین نواندنی ڕۆک» و ھەروەھا بردنەوەی باشترین ھونەرمەندی نوێ لەلایەن باندەکەوە.[٢٦] دوو تاکەگۆرانییەکەی تری ئەلبومی فۆڵێن بریتین لە ژێرکەوتن کە لە ژمارە ٥ی بیلبۆردی باشترین ١٠ گۆرانی بەریتانیا بوو[٢٤] وە دەبەنگی ھەمووان لە ژمارە ٣٦ی «ڕۆکی مۆدێرنی ویلایەتە یەکگرتووەکان» مایەوە.[٢٤] ئەلبومی فۆڵێن لە ژمارە ٦ی باشترین فرۆشراوی ١٠ ساڵی ڕابردووە.

ئێڤەنێسنس لە‏‏‏ کۆنسێرتێک لە پاریس، لە ئەلبومی هەرشوێنێک جگە لە ماڵەوە

لە ساڵی ٢٠٠٤، ئێڤەنێسنس ئەلبومێکی نوێی بڵاوکردەوە بە ناوی ھەرشوێنێک جگە لە ماڵەوە کە کۆنسێرتەکانی پاریسی تێدابوو ھەروەھا ڤیدیۆی پشت کامێراشی تێدا بڵاوکرابۆوە کە پێک ھاتبوو لە مەشق کردنی گرووپەکە پێش کۆنسێرتەکە و چاوپێکەوتنی گرووپەکە لەگەڵ گوێگرەکانیان. و ھەر لە ھەمان ئەلبوم لی کەڤەرێکی بۆ گۆرانی «بێ باک» کرد کە تایبەت بوو بە گرووپی ڕۆکی کۆرن.[٢٧]

٢٠٠٦–٢٠٠٩: دەرگا کراوەکە[دەستکاری]

یەکێک لە ئەندامی کۆمپانیاکە ١٤ی تەمموزی ساڵی ٢٠٠٦ وای بڵاو کردەوە کە ویڵ بۆید گرووپەکەی بەجێھێشتووە لەبەر ئەوەی نەیویستووە کە «گەشتێکی گەورەی تر بکات» و ئارەزووی کردووە «لە خێزانەکەیەوە نزیک بێت.» دواتر ئەیمی لی خۆی پۆستێکی کرد بۆ ئەوەی بە گوێگرەکانی بڵێت لە ماڵپەڕێکی نا فەرمی ئێڤەنێسنس.[٢٨] لەکاتی چاوپێکەوتنێکی لەگەڵ MTV ئەیمی لی ڕایگەیاند کە تیم مەککۆرد ئێستە جێی ویڵ بۆید ئەگرێتەوەو بەیس لێدەدات، ھەر دواتریش لە ١٠ی ئابی ساڵی ٢٠٠٦ لە ماڵپەڕەکەی خۆیاندا بڵاوی کردەوە.[٢٩]

ئەیمی لی لە ساو پاولو، ٢٠٠٧

ئەلبومەکە لەبەر چەند ھۆیەک دواخرا، یەکێک لە سەرەکیترین ھۆکارەکان ئەیمی لی بوو کە ئارەزووی نەکرد پەلە بکات و گۆڕانکاری ھونەری تێدا ئەنجام بدات، ھۆکارەکانی تریش ئەوەبوون کە گیتارژەن تێری باڵسامۆ تووشی ڕووداوێک ببو ھەروەھا بەڕێوەبەرەکەی پێشویان لەدەستدا.[٢٧] ھەرچەندە ئەیمی لی لە بڵاوکراوەیەکدا گوتی کە ئەلبومەکە لە مارتی ٢٠٠٦ تەواو دەبێت[٣٠]، بەڵام دواخرا لەبەر ئەوەی کۆمپانیای تۆمارەکانی وایند-ئەپ ویستی گۆڕانکارییەک لە تاکی ئەلبومەکە بکات کاتێک بانگم بکە کە بە ھۆشیت کە لە ھەردوو ڕادیۆی ڕۆکی مۆدێرن و ڕۆکی جۆراوجۆر لە ٧ی ئابی ساڵی ٢٠٠٦ پەخش کرا. ئەلبومەکە لە ١٣ تراک پێکھاتووە و بەناوی دەرگا کراوەکە، کاتێک لە ئەیمی لیان پرسی بۆچی ئەو ناوەی ھەڵبژاردووە لە چاوپێکەوتنێکدا گوتی «لەبەر ئەوەی لە ساڵی ٢٠٠٦ لە کاتی دروست کردنی ئەلبومەکە، زۆر دەرگای نوێ کرایەوە لە ژیانم دا، ئەوەش ھۆکاری سەرەکییە» ئەلبومەکە لە کەنەدا و ویلایەتە یەکگرتووەکان بڵاو بۆوە لە ٣ی تشرینی یەکەمی ساڵی ٢٠٠٦[١٦]، لە بەریتانیا لە ٢ی تشرینی یەکەمی ساڵی ٢٠٠٦ لە ئوسترالیاش لە ٣٠ی ئەیلولی ساڵی ٢٠٠٦ بڵاو بۆوە.[٣١] ئەلبومەکە ٤٤٧٬٠٠٠ لێ فرۆشرا لە ویلایەتە یەکگرتووەکان لە یەکەم ھەفتەدا، وە چووە ژمارە یەکی باشترین ٢٠٠ ئەلبومەکانەوە، وە بوبە ٧٠٠ھەمین ئەلبووم کە بچێتە ژمارە یەکی چارتەکە لە ساڵی ١٩٥٦ وە.[١٨][٣٢]

کلیپی گۆرانییەکی «کاتێک بانگم بکە کە بە ھۆشیت» لە لۆس ئەنجیلس گیراوە کە ئەیمی لی تێیدا ڕۆڵی «کڵاو سور» دەبینێت، ئەلبومەکە لە ئایتیوونز بڵاو بۆوە ھەر لە ساڵی ٢٠٠٦.

کۆنسێرتی ئەلبومەکە دەستی پێکرد لە ٥ی تشرینی یەکەمی ساڵی ٢٠٠٦، کە سەردانی باکوری ئەمەریکاو ئەوروپایان کرد، بەردەوام بوون لە سەردانی وڵاتەکان بەتایبەتی جاپان و سیدنی، کۆنسێرتی «دەرگا کراوەکە» بەردەوام بوو تاکو ٥ی کانونی دووەمی ساڵی ٢٠٠٧.

لە ٤ی ئایاری ساڵی ٢٠٠٧ جۆن لیکۆمپت ڕایگەیاند کە لە گرووپەکە دەرکراوە، وە وتیشی کە دوای ڕۆیشتنی ئەو ڕاکی گرەییش وازی لە گرووپەکە ھێناوە.[٣٣] دواتر کۆمپانیای تۆمارەکانی وایند-ئەپ لە ٢٧ی ئایاری ساڵی ٢٠٠٧ ڕایگەیاند کە دوو ئەندامی نوێ بشداری گرووپەکەیان کردووە بە ناوی ویڵ ھەنت و ترۆی مەکلاوەرن.[٣٤] وا گوترابوو کە ھەنت و مەکلاوەرن ھەتاکو کۆتای گەشتی فامیلی ڤالیوز لەگەڵ ئێڤەنێسنس دەبن[٣٥]، بەڵام ھەردووکیان تاکو کۆتای گەشتی دەرگا کراوەکە مانەوە.[٣٦]

٢٠٠٩–٢٠١٥: ئێڤەنێسنس و پشووەکەیان[دەستکاری]

ئەیمی لی لە فێستیڤاڵی ماکویناریا‏‏‏ لە‏‏‏ ساڵی ٢٠٠٩

لە مانگی حوزەیرانی ساڵی ٢٠٠٩ ئەیمی لی لە بڵاو کراوەیەکدا ڕایگەیاند کە ئەوان خەریکی نوسینی گۆرانی نوێن بۆ ئەوەی لە ساڵی ٢٠١٠ بڵاوی بکەنەوە، گوتیشی کە ئەم ئەلبومەیان تایبەت دەبێت «باشترو بەھێزترو سەرنج ڕاکێشتر ئەبێت»[٣٧] ئێڤەنێسنس کۆنسێرتێکیان کرد لە مانھەتانی نیویۆرک لە مانھەتان سێنتەر گراند باڵڕوم لە ٢٠٠٩ لەگەڵ گرووپی «سیڤیڵ توایلایت.» پسوڵەکان لەماوەی پێنج خولەکدا فرۆشران. وەک ڕاھێنانێک وابوو بۆ کۆنسێرتە گەورەکەیان لە فێستیڤاڵی ماکویناریا لە ساۆ پاولای بەڕازیل.[٣٨][٣٩][٤٠]

ئێڤەنێسنس گەڕانەوە ناو ستودیۆ لە ٢٢ی شوباتی ٢٠١٠ بۆ تۆمار کردنی ئەلبومەکە.[٤١] دواتر ویڵ ھەنت گەڕایەوە بۆ گرووپەکەو چێلۆژەن دەیڤد کامپبێڵیش کە پێشتر لە ئەلبومی «دەرگا کراوەکە»دا کاری کردبوو گەڕایەوە.[٤٢][٤٣][٤٤] ڕۆژی بڵاو کردنەوەکەی لە لایەن دەرھێنەر ستیڤ لیڵیوایت دیاری کرا[٤٥]، دواتر ئەیمی لی وتی کە «ئەو کەسێکی باش نەبوو بۆ ئەم کارە» بۆیە نیک ڕاسکیولونێکس جێی گرتەوە.[٤٦]

ئەوکاتەی کە گرووپەکە خەریکی تۆمارکردنی ئەلبومەکە بوون بڕیار وابوو کە لە ئاب یاخود ئەیلولی ٢٠١٠ بڵاوبکرێتەوە[٤٧] بەڵام لە ٢١ی حوزەیرانی ساڵی ٢٠١٠ ئەیمی لی لە ماڵپەڕێکی نا فەرمی ئێڤەنێسنس بڵاویکردەوە کە بۆ ماوەیەکی کاتیی ستودیۆیان بەجێ ھێشتووە بۆ ئەوەی کاری زیاتر لەسەر ئەلبومەکە بکەن. ھەروەھا ئاماژەی بەوەش کرد کە کۆمپانیای تۆمارەکانی وایند-ئەپ بە «ھەندێک کاتی سەخت دا» تێپەڕ بوون ئەمەش دەبێتە ھۆی دواخستنی ئەلبومەکە.[٤٨][٤٩] گرووپەکە دەستیان بە تۆمارکردن کردەوە لە مانگی نیسانی ٢٠١١، گرووپەکە ئەوەشی ئاشکرا کرد کە ئەلبومەکە لە مانگێکی ساڵی ٢٠١١ بڵاودەکرێتەوە بەڵام «ھێشتا دیاری نەکراوە.»[٥٠][٥١]

دواتر لە ١٢ی حوزەیرانی ساڵی ٢٠١١ ئەیمی لی لەسەر تویتەرەکەی بڵاوی کردەوە کە ڕۆژی بڵاوبوونەوەی ئەلبومەکە ١١ی تشرینی یەکەمی ٢٠١١ دەبێت. وە یەکەم تاکی ئەلبومەکە ناوی چیت دەوێت دەبێت.[٥٢] ئەلبومەکە لە «بلاکبێرد ستودیۆ» تۆمار کراوە لە ناشڤیڵ[٥٣] لە کاتی چاوپێکەوتنێکی ئەیمی لی لەسەر کەناڵی !Karreng ئەیمی لی گوتی کە ناوی ئەلبومەکە بە ناوی گرووپەکەوە خۆی ئەندرێت ئێڤەنێسنس[٥٤][٥٥] گوتیشی ئەم ناوەی بۆیە ھەڵبژاردووە لەبەر خۆشەویستیەکەی بۆ ئێڤەنێسنس. وە ھەروەھا زۆرێک لە ئەندامانی گرووپەکە بەشدار بوون لە نوسینی گۆرانیەکان، کە پێشتر ئەمە ڕووی نەداوە، ئەوەش ھۆکارێکی تر بوو.[٥٥] دەڵێت «ئەمە یەکەم جارە شتێکی وا ببێت، من پێشتر زۆر لەم شتە ئەترسام، بەڵام لە کۆتایدا ئەلبومێکی زۆر نایاب دەرچوو وە زۆریش بەدڵم بوو» چەند ناوێکی تریشی ھەیە وەک زی ئۆشنس[٤٦]، کوێست فۆر فریدۆم و فۆڵین ئین ڵۆڤ.[٥٦]

ئێڤەنێسنس لە شانۆی ویلترنی کالیفۆرنیا، ٢٠١٥

گەشتەکەی ئەلبومی ئێڤەنێسنس لە ١٧ی ئابی ٢٠١١ دەستی پێکرد، یەکەم کۆنسێرتیان لە «وار مێمۆریال ئۆدیتۆریوم» بوو لە ناشڤێڵ[٥٧]. دواتر گرووپەکە لە «ڕۆک ئۆن زە ڕانج»ی وینپینگ دووەم کۆنسێرتیان کرد لە ٢٠ی ئابی ٢٠١١[٥٨]، بەدوایدا لە «ڕۆک ئین ڕێۆ» لە ٢ی تشرینی یەکەم.[٥٩] دوای چەند کۆنسێرتێکی ئێڤەنێسنس لە باکووری ئەمریکا، ئەوان گەشتێکیان کرد بۆ ئەورووپا و سەردانی پاریس، ئەڵمانیا و بەریتانیایان کرد بۆ چەند کۆنسێرتێک. ئێڤەنێسنس کۆنسێرتێکیان کرد لە «نۆبڵ پییس پڕایز کۆنسێرت» دوو لە گۆرانییەکانیان پێشکەش کرد کە بریتی بوون لە «بمھێنە بۆ ژیان» و «لە بەھەشتدا ون بووم.»[٦٠]

ئێڤەنێسنس گەشتەکەیان وەستاند بۆ ئەوەی بەشداری لە گەشتی کارنیڤاڵ ئۆف مادنس بکەن لەپاڵ ھونەرمەندەکانی وەک ھەیڵستۆرم، کاڤۆ، نو مێدێسن و شیڤێڵ. ئەم گەشتە لە ٣١ی تەممووزی ٢٠١٢ دەستی پێکرد لە سپرینگفیڵدی ئیڵینۆی و بەردەوام بوو تاکو ٢ی ئەیلولی ٢٠١٢، کۆتایی پێ ھات لە بەفەڵۆی نیویۆرک. گەشتەکەی ئێڤەنێسنس دەستی پێکردەوە لە تشرینی یەکەمی ٢٠١٢ لەگەڵ چەند وەستانێکدا لە باشووری ئەمەریکا، کۆستا ریکا و پاناما. گەشتەکە لە ٩ی لە تشرینی دووەمی ٢٠١٢ کۆتایی پێھات لە لەندەن لە مەیدانی '«وێمبڵێی.» لی ڕایگەیاند کە پلانی گرووپەکە ئەوە بوو کە پشویەکەی درێژخایەن بدات دوای گەشتەکە، گوتی «لە کۆتایی گەشتێکی دوورو درێژ پێویستە بێیتەوە سەرخۆت. پێم وایە دوای گەشتەکە پشویەک دەدەین و بیر لە ھەمووشتێک دەکەینەوە.»[٦١]

لە تشرینی یەکەمی ٢٠١٣، تۆمارەکانی وایند-ئەپ بەشێک لە کەتەلۆکی ھونەرمەندەکانی فرۆشت، کە ئێڤەنێسنس و تۆمارکراوەکانیانیشی لەخۆ گرتبوو، بە کۆمپانیای بایسیکیل میوزیک[٦٢] لە ٣ی حوزەیرانی ساڵی ٢٠١٤ بڵاو بۆوە کە ئەیمی لی سکاڵای لەسەر تۆمارەکانی وایند-ئەپ تۆمار کردووە بەھۆی ئەوەی کە ١.٥ ملیۆن دۆلاری گرووپەکە قەرزارە.[٦٣] لە ئاداری ساڵی ٢٠١٤ بە تویتەرەکەی بڵاوی کردەوە کە تۆمارەکانی وایند-ئەپ چیتر کۆمپانیای تۆمارکردنی ئەوان نییەو ئێستا ئەوان سەربەخۆن.[٦٤]

٢٠١٥–ئێستا: گەڕانەوە بۆ سەر شانۆ[دەستکاری]

لە ٢٧ی نیسانی ٢٠١٥ بڵاوکرایەوە کە ئێڤەنێسنس کۆنسێرتێکیان لە ئۆزفێستی جاپان کردووە، کە یەکەم کۆنسێرتیان بووە لەکاتی پشووەکەیانەوە.[٦٥]

لە ٧ی ئابی ٢٠١٥ لی بڵاوی کردەوە کە گیتارژەن تێری باڵسامۆ گرووپەکەی بەجێ ھێشتووەو ئێستا گیتارژەن و گۆرانی بێژی ئەڵمانی جێن ماجورا جێی گرتۆتەوە.[٦٦]

لە تشرینی یەکەمی ٢٠١٥، لی لە چاوپێکەوتنێکدا گوتی کە ئێڤەنێسنس لە ٢٠١٦دا بەردەوام دەبێت لە کۆنسێرت کردن بەڵام لەڕووی تۆمارکردنی ئەلبومێکی نوێ، بەتەمای ئەلبومێکی سۆڵۆیەو (واتە ھەر ئەیمی لی بە تەنھا) و ئێستا بەتەمای ئەلبومێکی نوێ نییە بۆ ئێڤەنێسنس.[٦٧]

لی لە کۆنسێرتێکی ئێڤەنێسنسدا لە شانۆی ویڵتەرن لە لۆس ئەنجەلەس، کالیفۆرنیا لە ساڵی ٢٠١٥

لە ١٣ی ئەیلوولی ٢٠١٦دا گرووپەکە بڵاوکردنەوەی بۆکسێکی ڤینیڵیان ڕاگەیاند بە ناوی دوایین کۆکراوە کە ھەموو ئەلبومەکانی گرووپەکەی لەخۆگرتووە کە تاکو ئێستا بڵاوکراونەتەوە بە فەرمی، ئەلبومی ئۆریجنیش یەکێکە لەوان، وەھەروەھا بڵاویانکردەوە کە جارێکی تر گۆرانی «ھەتا لە مردنیشدا» دووبارە تۆمارکراوەتەوە بەشێوازێکی نوێ و بۆکسەکە بەپێی ئەیمی لی «لەگەڵ چەند وێنەیەکی نەبینراودا دێن» و «پیتی e لەسەری ھەڵکەندراوە کە لەتاریکیدا دەدرەوشێتەوە.»[٦٨][٦٩] بەرھەمەکە لە کانوونی یەکەم ٢٠١٦دا دەخرێتە بازاڕەکانەوە.[٧٠]

لە ٢٨ی تشرینی یەکەمی ٢٠١٦ گرووپەکە لە کۆنسێرتێکدا گۆرانییەکی نوێیان پێشکەش کرد بە ناوی «کەڤەر بگرە» کە یەکەم گۆرانی نوێی فەرمی گرووپەکەیە لە ساڵی ٢٠١١ەوە.[٧١]

لە ١٢ی تشرینی دووەمی ٢٠١٦دا، بۆ یەکەمجار لە ماوەی ١٣ ساڵدا پۆڵ مەککۆی کە وەک میوان بەشداری کردبوو لە تراکێکی ئەلبومی فۆڵێن لەگەڵ ئێڤەنێسنس لەسەر شانۆ گۆرانی بمھێنە بۆ ژیانی پێشکەشکرد.

لە میدیای تردا[دەستکاری]

لی گوتی کە ئەو گۆرانییەکی نووسیوەتەوە بۆ فیلمی بەناوبانگی ٢٠٠٥ مێژووی نارنیا: شێرەکە، جادووگەرەکە و دۆلابی جلەکە کە ناوی لەکرایمۆسابووە و بەڵام ڕەتکراوەتەوە بەھۆی تاریکی گۆرانییەکەوە.[٧٢] لی گوتیشی بۆیە شتێکی باشتر بوو بیکاتە ئەلبومی دەرگا کراوەکەوە.[٧٣] بەڵام دەرھێنەری فیلمەکە گوتی کە ئەوان نەیانزانیوە کە یەکێک لە گۆرانیەکانی ئێڤەنێسنس ھەڵبژێردراوە بۆ ساوندتراکی فیلمەکە.

لە ٢٠١٠ ئێڤەنێسنس تاکێکیان بڵاوکردەوە بەناوی «جارێکی تر پێکەوە» کە بۆ ئەلبومی «دەرگا کراوەکە» نوسرابۆوە بەڵام بڵاو نەکرابۆوە، بۆیە دواتر بە دیجیتاڵی بڵاوکرایەوە دوای بومەلەرزەکەی «ھەیتی» وەک داوای لێبوردنێک بۆ قوربانیەکانی ڕووداوەکە.[٧٤]

چەشنی مۆسیقا[دەستکاری]

”ئێمە بێگوومان گرووپێکی ڕۆکین، بەڵام گۆرانییەکانی گرووپەکە بەھێز، دراماتیکی و ڕۆکی تاریکە.“

ئەیمی لی، لەبارەی چەشنی مۆسیقاکەی ئێڤەنێسنس لە ساڵی ٢٠٠٣[٧٥]

ئێڤەنێسنس بە گرووپێکی ڕۆک و مێتاڵ ناسراوە، بەڵام ھەندێک لە گرووپە ڕۆکەکان و میدیاکانی تر بە گۆتیک مێتاڵ ناویان دەبەن، مێتاڵ یاخود ڕۆکی گۆتیکی بریتییە لە جۆرێک لە مۆسیقای ڕۆک/مێتاڵ کە ناسراوە بە تاریکییەکەی و خەمباریەکەی، زۆرێک لە ھونەرمەندانی ئەم جۆرە مۆسیقایە سوود لە ڕووداوەکانی ژیانیان وەردەگرن بۆ یارمەتیدانی گۆرانییەکانیان ھەروەک ئەیمی لی خۆی، کە لە چاوپێکەوتنێکدا گوتی «من تەنھا لەکاتێکدا دەتوانم گۆرانییەکانم بنووسم کە غەمباربم، لە کاتێکدا کە دڵم خۆشبێت ھەست بەوە ناکەم کە توانای نوسینەوەی گۆرانیم ھەبێت و حەز دەکەم ڕابکەم.»

نیو یۆرک تایمز، ڕەف گاید و ڕۆڵینگ ستۆن پێناسەی ئێڤەنێسنس دەکەن وەک گۆتیک مێتاڵ[٣][٧٦][٧٧]، بەڵام میدیای تر وەک IGN و سپین بە گۆتیک ڕۆک ناویان دەبەن.[٤٢][٧٨] ھەروەھا بەراوردکراون بە گرووپی نیو مێتاڵ وەک لینکین پارک[٧٩][٨٠] و گرووپی سیمفۆنیک مێتاڵ وەک نایتویش و ویتن تێمپتەیشن[٨١] ھەروەھا گرووپە مێتاڵە کۆتیکەکان وەک لاکیونا کۆیڵ[٨٢] لە ماڵپەڕی فەرمی ئێڤەنێسنس ئەوان ھەر بە سادەیی بە جۆری مۆسیقاکەیان دەڵێن "ڕۆک."

ئێڤەنێسنس لە سەرەتادا لە فرۆشگا کریستیانییەکان پرۆمۆت دەکران. دواتر گرووپەکە ڕوونیان کردەوە کە ئەوان نەیان دەویست کە بەشێک بن لە کریستیان مێتاڵ و نەیاندەویست بەو چەشنە مۆسیقایە بناسرێن.[٨٣]تێری ھێمینگس، سی.ئی.ئۆی مۆسیقای کریستیان پرۆڤیدێنت سەریسوڕما لە بڕیاری گرووپەکە و ڕایگەیاند «ئەوان بەڕوونی تێگەیشتبوون کە مۆسیقاکان لەم کەناڵە کریستیانانەدا دەفرۆشرێن.»[٨٤] دوای ئەوەی زۆرێک لە فرۆشگا کریستیانەکان دەستیان ھەڵگرد لە فرۆشتنی بەرھەمەکانی ئێڤەنێسنس، بەڕێوەبەری وایند-ئەپ، ئالان مێڵتزەر کۆبوونەوەیەکی ئەنجامدا لە ساڵی ٢٠٠٣ و بە فەرمی داوای کرد کە ئەم کارە ئەنجام بدەن.[٨٥] لە ساڵی ٢٠٠٦دا، ئەیمی لی بە بیلبۆردی ڕاگەیاند کە ئەوان «ھەر لە سەرەتاوە دژی ئەو بڕیارە بوون کە بە 'گرووپێکی کریستیان' بناسرێن.» و «ئەوە شتێکی بێن بوو.»[٨٦]

ئەندامانی گرووپ[دەستکاری]

ئەندامەکانی ئێستا[دەستکاری]

  • ئەیمی لی – گۆرانیبێژ، پیانۆ، کیبۆرد، ھارپ (١٩٩٥–ئێستا)
  • تیم مەککۆرد – ‌گیتاری بەیس (٢٠٠٦–ئێستا)
  • ویڵ ھەنت – تەپڵ (٢٠١٠–ئێستا؛ ئەندامی ڕاستەوخۆ ٢٠٠٧)
  • ترۆی مەکلاوەرن – گیتاری سەرەکی، گیتاری ڕیتم (٢٠٠٧–٢٠١٥)، دەنگی پشتینە (٢٠١١–ئێستا؛ ئەندامی ڕاستەوخۆ ٢٠٠٧)
  • جێن ماجورا – گیتاری ڕیتم، دەنگی پشتینە (٢٠١٥–ئێستا)
ئەندامەکانی ئێڤەنێسنس

ئەندامەکانی پێشوو[دەستکاری]

  • بێن موودی – گیتاری سەرەکی، گیتاری ڕیتم، تەپڵ (١٩٩٥–٢٠٠٣)
  • دەیڤد ھاجێز – کیبۆرد، پیانۆ، تەپڵ، دەنگی پشتینە (١٩٩٩–٢٠٠٢)
  • ویڵ بۆید – گیتاری بەیس (٢٠٠٣–٢٠٠٦)
  • جۆن لیکۆمپت – گیتاری ڕیتم، دەنگی پشتینە (٢٠٠٣–٢٠٠٧؛ ئەندامی ڕاستەوخۆ ٢٠٠٢–٢٠٠٣)
  • ڕاکی گرەی – تەپڵ، دەھۆڵ (٢٠٠٣–٢٠٠٧؛ ئەندامی ڕاستەوخۆ ٢٠٠٢–٢٠٠٣)
  • تێری باڵسامۆ – گیتاری سەرەکی (٢٠٠٣–٢٠١٥)

میوانەکان[دەستکاری]

  • فرانسێسکۆ دیکۆسمۆ – گیتاری ڕیتم (٢٠٠٣؛ لە " فۆڵێن" دەردەکەوێت )
  • جۆش فریز – تەپڵ، دەھۆڵ (٢٠٠٣؛ لە " فۆڵێن" دەردەکەوێت )

دیسکۆگرافی[دەستکاری]

بردنەوە و دەنگدانەکان بە ئێڤەنێسنس[دەستکاری]

ساڵ خەڵات بەش کارە ھەڵبژێردراوەکان ئەنجام
٢٠٠٣ خەڵاتەکانی !Karreng باشترین ھونەرمەندی نێودەوڵەتى نوێ ئێڤەنێسنس براوە
خەڵاتەکانی MTV ئەورووپا باشترین گۆرانی "بمھێنە بۆ ژیان" پاڵێوراو
باشترین گرووپ ئێڤەنێسنس پاڵێوراو
باشترین ئاکتی نوێ ئێڤەنێسنس پاڵێوراو
٢٠٠٣ خەڵاتەکانی MTV ئەمریکای لاتینی باشترین ھونەرمەندی ڕۆک — نێودەوڵەتى ئێڤەنێسنس پاڵێوراو
٢٠٠٤ خەڵاتەکانی میوزیکی جیھانی باشترین ھونەرمەندی ڕۆک ئێڤەنێسنس براوە
خەڵاتی گرامی باشترین ھونەرمەندی نوێ[٢٦] ئێڤەنێسنس براوە
باشترین ئەلبومی ساڵ[٢٦] "فۆڵێن" پاڵێوراو
باشترین ئەلبومی ڕۆک[٢٦] پاڵێوراو
باشترین نمایشی ڕۆکی سەخت[٢٦] "بمھێنە بۆ ژیان" براوە
باشترین گۆرانی ڕۆک[٢٦] پاڵێوراو
٢٠٠٤ خەڵاتەکانی MTV ئەمریکای لاتینی باشترین ھونەرمەندی ڕۆک ئێڤەنێسنس پاڵێوراو
٢٠٠٥ خەڵاتی گرامی باشترین نمایشی پۆپ بە دووێت یاخود بە گرووپ لەگەڵ دەنگ[٨٧] "نەمرەکەم" پاڵێوراو
٢٠٠٦ خەڵاتەکانی MTV ئەورووپا باشترین ڕۆک ئێڤەنێسنس پاڵێوراو
٢٠٠٧ خەڵاتەکانی !Karreng سەرنجڕاكێشترین ئافرەت ئەیمی لی براوە
خەڵاتەکانی MTV ئوسترالیا ئەلبومی ساڵ "دەرگا کراوەکە" براوە
خەڵاتەکانی MTV ئەمریکای لاتینی باشترین ھونەرمەندی ڕۆک — نێودەوڵەتى ئێڤەنێسنس براوە
خەڵاتەکانی MTV ئەورووپا ڕۆک ئاوت ٢٠٠٧ ئێڤەنێسنس پاڵێوراو
٢٠٠٨ خەڵاتی گرامی باشترین نمایشی ڕۆکی سەخت[٨٨] "قوربانی شیرین" پاڵێوراو
٢٠٠٨ خەڵاتەکانی بڵاوکردنەوەی میوزیکی نەتەوەيى باشترین گۆرانینووس ئەیمی لی براوە
٢٠١١ خەڵاتەکانی لاودوایەر گۆرانی ڕۆکی ساڵ[٨٩] "چیت دەوێت" براوە
ھاتنەوەی ساڵ[٨٩] ئێڤەنێسنس براوە
ھونەرمەندی ساڵ[٨٩] ئێڤەنێسنس پاڵێوراو
ئەلبومی ڕۆکی ساڵ[٨٩] ئێڤەنێسنس پاڵێوراو
خواوەندی ڕۆکی ساڵ[٩٠] ئەیمی لی پاڵێوراو
٢٠١٢ خەڵاتەکانی خواوەندە ئاڵتونییەکانی ڕیڤۆڵڤەر باشترین گۆرانیبێژ[٩١] ئەیمی لی براوە
ئەلبومی ساڵ[٩١] ئێڤەنێسنس پاڵێوراو
ھاتنەوەی ساڵ[٩١] ئێڤەنێسنس پاڵێوراو
باشترین ھاندەران[٩١] ئێڤەنێسنس پاڵێوراو
خەڵاتەکانی !Karreng باشترین گرووپی نێودەوڵەتى ئێڤەنێسنس پاڵێوراو
جوانترین ئافرەت ئەیمی لی پاڵێوراو
خەڵاتەکانی MTV ئەورووپا باشترین نمایشی سەر شانۆی جیھانی ئێڤەنێسنس پاڵێوراو
لەپێش:
نۆرا جۆنز
خەڵاتی گرامی بۆ باشترین ھونەرمەندی نوێ
٢٠٠٤
لەپاش:
مەروون ٥

پەراوێزەکان[دەستکاری]

  1. ١٫٠ ١٫١ "Amy's Story". OutoftheShadows.com. Archived from the original on November 8, 2006. Retrieved July 4, 2008. 
  2. Payne, Chris (April 30, 2015). "Evanescence Announces Its First Concert in Three Years". Billboard. Retrieved May 14, 2015. 
  3. ٣٫٠ ٣٫١ Berelian, Essi (2005). The Rough Guide to Heavy Metal. London: Rough Guides. pp. 114–115. ISBN 1-84353-415-0. 
  4. ٤٫٠ ٤٫١ "News: Heading Into the Studio". Evanescence.com. 2011. Archived from the original on May 18, 2011. 
  5. ٥٫٠ ٥٫١ "Second Cup Cafe: Amy Lee Of Evanescence". CBS News. November 10, 2007. Retrieved August 20, 2008. 
  6. "Artists of the Decade Music Chart". Billboard. Retrieved January 26, 2012. 
  7. "Evanescence Nets Second No. 1 Album on Billboard 200 Chart". Billboard. September 14, 2009. Retrieved November 30, 2011. 
  8. "Evanescence Font". Draftlight.net. Retrieved January 31, 2008. 
  9. D'Angelo, Joe (February 27, 2004). "Evanescence: The Split". MTV. 
  10. "Evanescence". Encyclopedia of Arkansas. Retrieved August 20, 2008. 
  11. "Evanescence EPs and pre-Fallen Material". EvanescenceReference.info. Retrieved August 20, 2008. 
  12. "Interview with DC101 radio on February 24, 2003". EvanescenceReference.info. February 24, 2003. Archived from the original (MP3 audio) on February 26, 2007. 
  13. ١٣٫٠ ١٣٫١ ١٣٫٢ "Interview With Diana Meltzer". HitQuarters. July 7, 2003. Retrieved October 19, 2011. 
  14. Beez; Lee, Amy (March 13, 2013). Scuzz Meets Evanescence. Scuzz TV (YouTube.com). Retrieved December 29, 2013. 
  15. Serra, Brian (August 12, 2003). "Evanescence, Nintendo Fusion Tour". ShowandTellOnline.com, Internet Archive. Retrieved September 28, 2007. [بەستەری مردوو]
  16. ١٦٫٠ ١٦٫١ "Evanescence steps through "The Open Door"" (Press release). Evanescence.com. April 26, 2006. 
  17. "Duffy's Dazzling Debut". RIAA. July 27, 2008. Retrieved January 10, 2009. 
  18. ١٨٫٠ ١٨٫١ Hasty, Katie (October 11, 2006). "Evanescence zooms by Killers to take No. 1". Billboard. Retrieved August 20, 2008. 
  19. Thompson, Ed (October 3, 2006). "The Open Door (Evanescence) – Music Review". IGN. News Corporation. Retrieved October 21, 2011. 
  20. Fuoco, Christina. "Evanescence: Biography". AllMusic.com. Retrieved May 23, 2010. 
  21. ٢١٫٠ ٢١٫١ Bakker, Tiffany (January 9, 2004). "Moody Blues". Sydney Morning Herald. Retrieved August 20, 2008. 
  22. “” (September 16, 2008). "Amy lee habla de ben moody". YouTube. Retrieved January 5, 2011. 
  23. D'Angelo, Joe (January 16, 2004). "Evanescence Name New Guitarist". MTV News via VH1. Retrieved August 20, 2008. 
  24. ٢٤٫٠ ٢٤٫١ ٢٤٫٢ ٢٤٫٣ [[[:داڕێژە:BillboardURLbyName]] "Evanescence – Artist Chart History"]. Billboard. Retrieved August 20, 2008. 
  25. "All The Number 1 Singles". TheOfficialCharts.com. Retrieved August 20, 2008. 
  26. ٢٦٫٠ ٢٦٫١ ٢٦٫٢ ٢٦٫٣ ٢٦٫٤ ٢٦٫٥ "46th Grammy Awards – 2004". RockontheNet.com. Retrieved August 20, 2008. 
  27. ٢٧٫٠ ٢٧٫١ "Evanescence – Bio". Evanescence.com. Retrieved August 20, 2008. 
  28. Harris, Chris (July 14, 2006). "Evanescence Lose Bassist; Amy Lee Vows To Stay On Schedule". MTV News via VH1.com. Retrieved August 20, 2008. 
  29. Harris, Chris (August 10, 2006). "Evanescence Set For Fall Tour; Amy Lee Reveals Inspiration Behind 'Sober'". MTV News via VH1.com. Retrieved August 20, 2008. 
  30. Lee, Amy (January 20, 2006). "EvBoard – i love my album :)". EvBoard.com. Archived from the original on February 16, 2006. 
  31. "Evanescence steps through 'The Open Door' – Amy Lee in love with new songs". Sony BMG Music Entertainment. May 3, 2006. Retrieved August 20, 2008. 
  32. "Call Me When You're Sober". JB Hi-Fi. Archived from the original on April 2, 2008. Retrieved April 2, 2008. 
  33. Gittelson, Gerry (May 4, 2007). "Rock act Evanescence on the rocks". Los Angeles Daily News. Retrieved August 20, 2008. 
  34. "Evanescence: New Lineup Announced" (Press release). Blabbermouth.net. May 17, 2007. Retrieved August 20, 2008. 
  35. "Korn, Evanescence Backing Musicians Vow To Carry On With Dark New Day". Blabbermouth.net. May 19, 2007. Retrieved August 20, 2008. 
  36. Lee, Amy (December 9, 2007). "Closing the Open Door". EvThreads.com. Archived from the original on April 3, 2012. Retrieved August 20, 2008. 
  37. Hartzler, Amy (June 19, 2009). "News: Will the real Slim Shady please stand up?". Evanescence.com. Archived from the original on June 24, 2009. 
  38. Harris, Chris (November 5, 2009). "Evanescence Return to the Stage at "Secret" New York Gig". Rolling Stone. Retrieved November 21, 2009. 
  39. "Evanescence Returns To Live Stage, Taps Finger Eleven Guitarist". Blabbermouth.net. November 5, 2009. Retrieved November 21, 2009. 
  40. Harris, Chris (March 2, 2010). "Evanescence Return to Studio for New Album". NoiceCreep. Retrieved June 28, 2011. 
  41. H, Ollie (February 23, 2010). "Black Label Society Reveals New Drummer". MetalUnderground.com. Retrieved February 24, 2010. 
  42. ٤٢٫٠ ٤٢٫١ Goodman, William (March 5, 2010). "Amy Lee on the New Evanescence Album". Spin. Retrieved March 6, 2010. 
  43. "A radio interview with Amy Lee (Evanescence) August 5th + new pictures". Youtube.com. August 5, 2011. Retrieved August 7, 2011. There was a minute, I worked and wrote with this other guy named, who is also named Will Hunt, not my drummer. So that got a little confusing. He's awesome. But, um, he's not in the band. 
  44. Weingarten, Christopher R (March 2, 2010). "Evanescence Go Electro As Lee Has 'Fun With Music' on Next LP". Rolling Stone. Retrieved March 2, 2010. 
  45. Smith, Barnaby (February 24, 2010). "Steve Lillywhite Keen To Replace Cowell On 'American Idol'". Spinner.com. Archived from the original on July 4, 2013. Retrieved February 24, 2010. 
  46. ٤٦٫٠ ٤٦٫١ "Amy Lee Talks Evanescence's Comeback LP". SPIN.com. April 13, 2011. Retrieved July 4, 2011. 
  47. Florino, Rick (February 26, 2010). "Evanescence is Back". ArtistDirect.com. Retrieved March 1, 2010. 
  48. Lee, Amy (June 21, 2010). "What's up". EvThreads.com. Archived from the original on January 6, 2012. Retrieved July 16, 2010. 
  49. "New Evanescence Album Delayed?". Blabbermouth.net. July 7, 2010. Retrieved July 16, 2010. 
  50. "Wind-up Records Scheduling a Fall 2011 Release" (PDF). Retrieved February 28, 2012. 
  51. "Updated: Ex-Seether Guitarist Has NOT Rejoined Evanescence". Blabbermouth.net. December 1, 2007. Retrieved April 14, 2011. 
  52. Montgomery, James (July 11, 2011). "Evanescence's 'What You Want': Hear A Preview!". MTV News (MTV Networks). Retrieved July 11, 2011. 
  53. Titus, Christa (June 20, 2011). "Amy Lee: New Evanescence Album is 'Much More of a Band Collaboration'". Billboard. Retrieved June 21, 2011. 
  54. "We're Breaking All the Rules!". Kerrang!. June 25, 2011. p. 8. 
  55. ٥٥٫٠ ٥٥٫١ Montgomery, James (June 23, 2011). "Evanescence Return With 'Dark, Beautiful' Self-Titled Album". MTV. Retrieved June 23, 2011. 
  56. Montgomery, James (June 27, 2011). "Evanescence's New Album 'All Over The Place,' Amy Lee Says". MTV News (MTV Networks). Retrieved June 28, 2011. 
  57. Montgomery, James (July 29, 2011). "Evanescence's Amy Lee Reveals Tour Plans". MTV News. Archived from the original on January 8, 2013. 
  58. "MTS Rock On The Range Canada :: Saturday, August 20, 2011 :: Winnipeg". Mtsrockontherange.ca. February 15, 2006. Retrieved April 14, 2011. 
  59. "Rock in Rio – Evanescence é a última banda confirmada" (in Portuguese). Rock in Rio. May 10, 2011. Archived from the original on August 7, 2011. Retrieved June 7, 2011. 
  60. Le Miere, Jason (December 12, 2011). "Video: Evanescence Perform at Nobel Peace Prize Concert". Revolver. Retrieved January 24, 2012. 
  61. Bowar, Chad (September 19, 2012). "Amy Lee Says Evanescence Will Take Extended Break After Current Tour". Loudwire. Retrieved November 8, 2012. 
  62. Christman, Ed (October 31, 2013). "Bicycle Music Acquires Wind-Up Records' Back Catalog, Cuts Deal with Concord Music Group". Billboard.com. 
  63. Hartmann, Graham (January 3, 2014). "Evanescence Singer Amy Lee Reportedly Suing Record Label for More Than $1 Million". Loudwire.com. Retrieved January 4, 2014. 
  64. Hartmann, Graham (March 20, 2014). "Evanescence’s Amy Lee: ‘For the First Time in 13 Years, I Am a Free and Independent Artist’". Loudwire.com. Retrieved March 20, 2014. 
  65. "「Ozzfest」にEvanescence追加、サバスに変わってオジー&フレンズ" [Evanescence added to "Ozzfest", Black Sabbath changed to Ozzy & Friends]. Natalie.mu. April 27, 2015. Retrieved April 27, 2015. 
  66. Childers, Chad (August 9, 2015). "Evanescence Guitarist Terry Balsamo Exits, Jen Majura Joins Band". Loudwire. Retrieved August 11, 2015. 
  67. Spanos, Brittany (October 30, 2015). "Amy Lee Talks Evanescence Reunion, New Music Plans". Rolling Stone. Retrieved November 1, 2015. 
  68. "Evanescence releases a vinyl boxet". Evanescence.com. September 13, 2016. 
  69. "The Ultimate Collection: 6-LP Set". Evanescence.com. Archived from the original on October 12, 2016. 
  70. Bowar, Chad (October 11, 2016). "Evanescence to Release ‘The Ultimate Collection’ Vinyl Box Set in December". Loudwire. Retrieved October 11, 2016. 
  71. https://www.youtube.com/watch?v=Gpnej7mOGoU
  72. Reesman, Bryan (November 2006). "The Essence of Evanescence". Metal Edge 52 (11): 5–10. Archived from the original on April 21, 2008. 
  73. Lee, Amy (December 2, 2005). "EvBoard – A Bunch Of Stuff!!!". EvBoard.com. 
  74. "Evanescence Teams Up With the United Nations Foundation to Raise Money for Victims of the Earthquake in Haiti" (Press release). United Nations Foundation. January 22, 2010. Retrieved January 22, 2010. 
  75. "Evanescence". The Daily Star. June 19, 2003. Retrieved January 24, 2012. 
  76. Chaplin, Julia (February 8, 2008). "A NIGHT OUT WITH: Amy Lee; The Goth Candidate". The New York Times. Retrieved February 22, 2009. 
  77. Sheffield, Rob (October 5, 2006). "Evanescence: The Open Door". Rolling Stone. Retrieved August 20, 2008. 
  78. Thompson, Ed (October 4, 2006). "Evanescence – The Open Door review". IGN. Retrieved February 20, 2009. 
  79. Miller, Kirk (March 25, 2003). "Fallen by Evanescence". Rolling Stone. Retrieved August 20, 2008. 
  80. Loftus, Johnny. "Fallen – Evanescence". Allmusic.com. Retrieved August 11, 2008. 
  81. Begrand, Adrien (January 24, 2005). "Nightwish: Once / Over the Hills and Far Away". PopMatters. Retrieved August 20, 2008. 
  82. Begrand, Adrien (May 12, 2006). "Lacuna Coil: Karmacode". PopMatters.com. Retrieved April 29, 2008. 
  83. "Evanescence Interview Ignites Christian Music Controversy". Yahoo! Music. April 16, 2003. Retrieved August 20, 2008. 
  84. Kaufman, Gil (April 15, 2003). "Evanescence Fall From Grace". Rolling Stone. Retrieved August 20, 2008. 
  85. Price, Deborah Evans (April 16, 2003). "Evanescence Set Pulled From Christian Distribution". Billboard news. Retrieved August 20, 2008. 
  86. Conniff, Tamara (September 12, 2006). "Evanescence leader Lee unlocks 'Door'". Reuters /Billboard via Entertainment News. Archived from the original on August 27, 2007. 
  87. "47th Grammy Awards – 2005". RockontheNet.com. Retrieved August 20, 2008. 
  88. "50th Grammy Awards – 2008". RockontheNet.com. Retrieved August 20, 2008. 
  89. ٨٩٫٠ ٨٩٫١ ٨٩٫٢ ٨٩٫٣ Evanescence Win Two 2011 Loudwire Music Awards. Loudwire.com (January 2, 2012). Retrieved on April 7, 2012.
  90. "Loudwire Awards: Rock Goddess of the Year". loudwire.com. Retrieved January 26, 2012. 
  91. ٩١٫٠ ٩١٫١ ٩١٫٢ ٩١٫٣ "'Revolver Golden Gods' 2012: Press Conference Highlights, Interviews Available". Blabbermouth.net. February 24, 2012. Retrieved February 28, 2012. 

بەستەرە دەرەکییەکان[دەستکاری]