لەکریمۆسا (گۆرانیی ئێڤەنێسنس)

ئەمە وتارێکی باشە. بۆ زانیاریی زۆرتر کرتەی لەسەر بکە.
لە ئینسایکڵۆپیدیای ئازادی ویکیپیدیاوە
« لەکریمۆسا »
گۆرانی لە لایەن ئێڤەنێسنس لە ئەلبومی دەرگا کراوەکە
ناوی ئینگلیزیLacrymosa
بڵاوبوونەوە٢٥ی ئەیلوولی ٢٠٠٦ (2006-09-25)
تۆماربوونئەیلوولی ٢٠٠٥ – ئازاری ٢٠٠٦، سیاتڵ، واشینگتن،  ویلایەتە یەکگرتووەکان.
چەشنسیمفۆنیک مێتاڵ
ماوە٣:٣٧
بڵاوکەرەوەتۆمارەکانی وایند-ئەپ
گۆرانینووسئەیمی لی، تێری باڵسامۆ، ڤۆڵفگانگ ئەمادیوس مۆتسارت
زمانئینگلیزی

لەکریمۆسا (بە ئینگلیزی: Lacrymosa) گۆرانییەکی گرووپی ڕۆکی ئەمریکیی ئێڤەنێسنسە کە بۆ ئەلبومی دەرگا کراوەکەی ٢٠٠٦ نووسراوەتە. گۆرانییەکە نووسراوەی دەستی ئەیمی لی و تێری باڵسامۆیەو دەرھێنەرەکەشی دەیڤ فۆرتمانە. ئەم گۆرانییە دروستکردنەوەیەک بوو بۆ ریکویمی لەکریمۆسای مۆزارت (١٧٩١) بەپێی ئەیمی لی، ھاندەری سەرەکی بۆ نووسینەوەی ئەم گۆرانییە فیلمی ئەمادیوس بووە. لەکاتێکدا کە لی ئاوازەکەی لە لەکریمۆسای مۆزارتەوە وەرگرتووە، ئەو خۆی ھۆنراوەکەی بۆ نووسیوەتەوە. چەشنی مۆسیقای وەک ئاڵتەرنەتڤ مێتاڵ، گۆتیک ڕۆک و پۆست-گرەنجیش ھەر ھاندەری داڕشتن و گۆڕانکاریکردن لە مێلۆدی گۆرانییەکە بوون. بە ڕەسەنی ئەم پارچە مۆسیقایە لەسەر نۆتی ڕێی بچووک نووسراوەتەوە، بەڵام لی و باڵسامۆ گۆڕیویانە بۆ میی بچووک تاکوو زیاتر لەگەڵ ئێڤەنێسنسدا ڕێک بکەوێت.

گۆرانییەکە بە کۆمەڵێک ڕەخنەی تێکەڵ پێشوازی لێکرا لەلایەن ڕەخنەگرانی مۆسیقا، ھەندێک لەوان بانگەشەی ئەوەیان دەکرد کە گۆرانییەکە یەکێکە لە ھەرە باشترین گۆرانییەکانی سەر دەرگا کراوەکە، دەنگە پشتێنەییەکەی کۆرسەکانیشیان بە ھۆکارێک دادەنا، ھەندێکیش بە خراپترین گۆرانیی سەر ئەلبومەکە ناویان دەبرد لەبەر ھەمان ھۆکار. بەپێی لی، لەکریمۆسا بە ڕەسەنی بۆ ساوندتراکی فیلمێک نووسرابووەوە بە ناوی «مێژووی نارنیا: شێرەکە، جادووگەرەکە و دۆلابی جلەکە»، بەڵام ڕەتکرایەوە لەلایەن دەرھێنەرەکانەوە بەھۆی تاریکییەکەیەوە. دەرھێنەرەکانی فیلمەکە لەبارەی ئەمەوە وتیان کە «ئەم زانیارییە ھەواڵە بۆ ئێمە» و وتیشیان کە «ھیچ گۆرانییەکی ئێڤەنێسنس بیری لێ نەکراوەتەوە بۆ خستنە ناو فیلمەکە.» ئەم گۆرانییە لە لیستی گۆرانییەکانی گەشتی دەرگا کراوەکەدا ھەبوو.[١]

ئەم گۆرانییە دووبارە تۆمارکراوەتەوە بۆ ئەلبومی سینتسز لە ساڵی ٢٠١٧دا.

پشتێنە و تۆمارکردن[دەستکاری]

لەکریمۆسا لەلایەن ئەیمی لی و تێری باڵسامۆ نووسراوەتە و لەلایەن دەیڤ فۆرتمانەوە دەرھێندراوە.[٢] دەیڤد کامپبێڵ، کە پێشووتر مۆسیقای بۆ گرووپەکە نووسیوەتەوە و کاری لەگەڵ کردوون، ڕابەرایەتی ئۆرکێسترایەکی ٢٢ پارچەیی کردووە بۆ گۆرانییەکە. کۆرسی میلینییەم ڕیزبەندی گۆرانییەکەیان بێژاوە:

کۆرسی میلینییەم پێشووتر لەسەر ئەلبومی کەوتووش کاریان لەگەڵ گرووپەکە کردووە. دەنگەکانی لی و ئۆرکێسترا و کۆرسەکە لە کڵێسایەکی بچووکدا تۆمارکراوە لە سیاتڵ، واشنتن.[٣][٤] لە چاوپێکەوتنێکدا، لی ئەوەی خستە ڕوو کە ھەمووان داوای کارێکی تێکەڵی ئەو و مۆتسارتیان کردووە.[٣] ئەو ئەوەشی ڕاگەیاند کە ئەو ھەردەم ویستویەتی وەشانێکی مێتاڵی گۆرانیی لەکریمۆسای مۆتسارت دەربکات. ئەو وتی کە ئەلبومی دەرگا کراوەکە «کاتی ئەوە بوو، [کاتی] تاقیکردنەوەی [ئەو] شتە نوێیانە بوو کە پێشتر بوێری ئەوەم نەبوو تاقییان بکەمەوە.»[٥] لە چاوپێکەوتنێکدا لەگەڵ ھەواڵەکانی VH1، لی بە شێوەیەکی فراوانتر ھاندەری گۆرانییەکەی خستە ڕوو:

لە چاوپێکەوتنێکی ٢٠٠٤دا لەگەڵ ھەواڵەکانی ئێم تی ڤی، ئەیمی لی ئەوەی خستە ڕوو کە گۆرانی بۆ فیلمێکی نوێ بە ناوی مێژووی نارنیا: شێرەکە، جادووگەرەکە و دۆلابی جلەکە دەنووسییەوە.[٧] ئەو ڕاشیگەیاند کە دەرھێنەرانی فیلمەکە دەورێکی بچووکیان پێ بەخشیوە، «ئەوان [وتیان]، 'دەتەوێت ڕۆڵێکی بچووک بگێڕیت؟'، منیش [وتم]: 'بەڵێ! بھێڵن بمرم. ئەمەوێت کەسێک بم کە دەکوژرێت.' بۆیە باوەڕ ناکەم ئەوە ڕووبدات.»[٧] ئەو دواتر ئەوەشی خستە ڕوو کە گۆرانیی «لەکریمۆسا» بە ڕەسەنی بۆ فیلمەکە نووسرابووەوە، بەڵام نەکرایە ناوییەوە.[٨] بەھەرحاڵ، بەپێی دەرھێنەرەکان، نە لی و نە گرووپەکە داوایان لێکراوە کە گۆرانی بۆ فیلمەکە بنووسنەوە.[٩] گۆرانییەکی تریش نووسرابووەوە بۆ فیلمەکە، بەڵام ڕەتکرابووەوە بەھۆی دەنگە تاریکەکەیەوە.[٨] ھەرچۆنێک بوو، لی وتی کە ئەوانە شتی «باشتر بوون [بۆ دەرگا کراوەکە[١٠]

لەکریمۆسای وەشانی ئێڤەنێسنس بە ئینگلیزی بە Lacrymosa دەنووسرێت، کە لە ناوە ڕەسەنەکەیەوە وەرگیراوە (Lacrimosa) کە بە واتای «فرمێسکاوی» دێت بە زمانی لاتینی.[١١] ھەروەھا ناوی ئەم تراکە ناوێکی زانستیی جۆرێکی پەپوولەیە بە ناوی کەتۆکالا لەکریمۆسا، کە ناسراوە بە «باڵ فرمێسکاوی.»[١٢] ئەم جۆرە پەپوولەیە بە شێوەیەکی دووبارەبووەوە لەسەر لۆگۆ و کەڤەری ئەلبومی قوربانیی شیریندا دەردەکەوێت.[١٣] کورتەیەکی لەکریمۆسا لە تیزەرێکی ڤیدیۆیی بۆ دەرگا کراوەکە داندرابوو.[١٤][١٥]

ئاوازدانان، مۆسیقا و ھۆنراوەکان[دەستکاری]

گۆرانییەکە بە ڕەسەنی لەلایەن ڤۆڵفگانگ ئەمادیوس مۆتسارتەوە نووسراوەتەوە.[١٦]

بەپێی پەڕەیەکی نۆتەی مۆسیقی کە لەلایەن ئاڵفرێد میوزیکەوە بڵاوکراوەتەوە لەسەر ماڵپەڕی Musicnotes.com، «لەکریمۆسا» پارچەیەکی ئاڵتەرنەتڤ مێتاڵ، گۆتیک مێتاڵ، و پۆست-گرەنجە کە بە «کاتیی ئاسایی» داندراوە لە تێمپۆیەکی خاودا بە ٤٨ لێدان لە خولەکێکدا.[١٧] ھەرچەندە لەکریمۆسا ڕەسەنەکەی مۆتسارت لە مەودای ڕێی بچووک (دی-ماینەر) نووسراوەتەوە، تێری باڵسامۆ و ئەیمی لی گۆڕیویانە بە میی بچووک (ئی-ماینەر).[١٧] ئەو ئامێرانەی لەو گۆرانییەدا بەکارھاتوون پێکھاتوون لە پیانۆ، گیتار، کەمان، و تەپڵن. لەم گۆرانییەدا، تۆماری دەنگی لی لە نزمترین نۆتەی سی٣ دەست پێ دەکات بەرەو بەرزترین نۆتەی می٥. دەنگی کۆرسەکان لە نزمترین نۆتەی سی٢ دەست پێ دەکات بەرەو بەرزترین نۆتەی می٤.[١٧] لە ڕووی ھۆنراوەیییەوە، گۆرانییەکە دەربارەی لێکجیابوونەوەیەکە، وەک ھەندێک لە دێڕەکانی ھۆنراوەکە دەری دەخات: «و من تۆمەتبار بکە، / تاوانەکانت ئازاد بکە، ئازیزم، / نامەوێت ئێستا بتگرم خۆشەویستم.»[١٨]

دەیڤد کامپبێڵ نوێنەرایەتی ئۆرکێسترایەکی کرد بۆ گۆرانییەکە

ڕۆب شێفیڵدی ڕۆڵین ستۆن وتی کە لەکریمۆسا پێکھاتووە لە گۆرانییەک کە لی لەخۆدەگرێت لەکاتی گریان بەسەر پیانۆیەکی مەزندا بە سۆزێکی زۆرەوە.[١٩] بەپێی ڕەخنەداری IGN ئێد تامپسن، ئەم گۆرانییە دەنگەکەی ئێڤەنێسنس و لی دەدات لە یەک و ئەو بەشەی ھۆنراوەکە پێک دێنێت کە ئەمەیە: «من ناتوانم خۆم بگۆڕم. ئەم جارەش نا، درۆ ناکەم تا لە نزیک تۆوە بمێنمەوە، و لەم ژیانە کورتەدا کات نییە بۆ دەستبەسەربوون، خۆشەویستییەکەی من بەس نەبوو.»[٢٠] یەکێکی تر لە ڕەخنەگرەکان بە ناوی دانیێل بۆدوا ئاماژەی بەوە دا کە لەکریمۆسا لە دەنگدا لە گۆرانیی ھانتدی گرووپەکە دەچوو، کە لە ئەلبومی کەوتوودا ھەیە. ئەو ئاماژەشی بەوەدا کە «کۆرۆسە ترسناکەکەی پشتێنەی گۆرانییەکە و کەمانەکان گوێگر دەنێرنە ژینگەیەکی کڵێسایی گۆتیکییەوە.»[٢١] جیم فاربەری دەیڵی نیوز وتی کە گۆرانییەکە ھاوشێوەی دەنگی گرووپێکی ئارت ڕۆکی ١٩٧٠کانە بە ناوی ڕێنێسانس.[٢٢] ئاندرێی فاریسازی کریستیانیتی تودەی وتی کە گۆرانییەکە ھیچ پەیوەندییەکی بە فیلمی نارنیاوە نەبووە و ھەر گۆرانییەکی تری لێکجیابوونەوەیەکی تاڵ بووە.[١٨]

پێشوازی ڕەخنەدار[دەستکاری]

لێدانە پشتێنەیییە ئەلیکترۆنییەکان، پارچەی ئامێرە تەلدارە سیمفۆنییەکان و گیتاری سەخت ھەموو [لە گۆرانییەکەدان]. بەڵام ئەمجارە، ئێڤەنێسنس یەک ھەنگاو بەرەوپێشتر چوو: ئەوان تراکێکی کۆرسی پشتێنەیییان زیادکرد، کە ھێمای ڕووناکی و تاریکی بەخشی و گۆرانییەکەی ھێندەی تر ترسناک کرد.

–ئێد تامپسنی ئای-جی-ئێن لەکاتی لێدوان لەسەر لەکریمۆسا.[٢٠]

لەکریمۆسا بە گشتی بە شێوەیەکی باش وەڵام درایەوە لەلایەن ڕەخنەگرانەوە. ئێد تامپسنی IGN وتی کە خۆشترین گۆرانی لە ھەموو ئەلبومەکەدا لەکریمۆسایە.[٢٠] دۆن کەیی ماڵپەڕی بڵابەر ماوت وتی کە ھەرچەندە گۆرانییەکە «تاقیکردنەوەیەکی سەرنجڕاکێش» بووە، شێوەی زیاتر لە دەرخستنی توانا و پیشاندانی سەرنج بۆ ھونەرەکان دەچوو، وەک لەوەی لە گۆرانییەکی ڕاستی بچێت.[٢٣] دانیێل بۆدوا وتی کە گۆرانیی لەکریمۆسا یەکێکە لەو گۆرانییانەی ئەلبومەکە کە تێیدا «دەنگە نایابە کلاسیکییەکەی لی تێدا دەردەکەوێت.»[٢١] دەستکاریکەرێکی نیویۆرک تایمز وتی کە تەنانەت بە «ستانداردی ئەلبومەکەش» لەکریمۆسا گۆرانییەکی قەشەنگ بووە.[٢٤] سپەتنیکمیوزیک وتیان کە گۆرانییەکە باشترینە لە ئەلبومەکەدا و ڕیتینگێکی ٤٫٥ـیان پێدا لە پاڵ گۆرانیی «گود ئینەف.» ئەوان وتیشیان کە کۆتا دوو گۆرانیی ئەلبومەکە سەرنجڕاکێش نین بە ھۆی جیاوازییانەوە.[٢٥] پۆستمیدیا نیوز وتیان کە «لی نۆتەی قەشەنگ دەپێکێت لە لەکریمۆسادا، کە خاوەندارێتی کۆرسێکی تۆقێنەر دەکات.»[٢٦] جۆردان ڕیمەری زە دەیڵی پرینستۆنیان دەستخۆشی لە لی کرد و وتی کە لەکریمۆسا و کلاود ناین باشترین ئاوازدانانەکانی بوون.[٢٧] جۆن ھوودی مایامی نیوز تایمز چیرۆکێکی دروستکرد لە سێ گۆرانیی ئەلبومەکە: «کاتێک بانگم بکە کە بە ھۆشیت پیاوێکی دوورخستەوە، لەکریمۆسا ھێشتییەوە، و کلاود ناینیش ئاگاداری کردەوە کە چی تر بەخێرنایەت.»[٢٨] جووست مێلێسی ماڵپەڕی فۆک! لەکریمۆسای بەراوردکرد بە کارەکانی ویتن تێمپتەیشن و نایتویش.[٢٩]

براندن بەتلەری سینێما بلێند ڕەخنەی گرت و وتی کە لەکریمۆسا «خراپترین گۆرانیی سەر دەرگا کراوەکەیە. تێکەڵەیەکی لەکریمۆسا بە دەنگە پشتێنە ناخۆشەکەیەوە لەگەڵ گۆرانیی لەدەستدانی کۆنترۆڵی بێزارکەر، کە لی بۆ نزیکەی پێنج خولەک تێیاندا دەگری.»[٣٠] ڕەخنەگرێکی ئۆڵتراساوند ئاماژەی بەوەدا کە بێھێزترین تراکەکانی سەر ئەلبومەکە پێکھاتبوون لە «لەکریمۆسا»، «شاژنی بەفرە سپی»، «لەدەستدانی کۆنترۆڵ»، و «وەک تۆ.»[٣١]

نمایشی ڕاستەوخۆ[دەستکاری]

گرووپەکە گۆرانییەکەی لە نمایشێکی ڕاستەوخۆدا پێشکەشکرد لە گەشتی دەرگا کراوەکەدا. لە کۆنسێرتێکدا کە لە ١٧ی تشرینی دووەمی ٢٠٠٧ ئەنجام درا، گرووپەکە گۆرانیی «لەکریمۆسا»یان پێشکەشکرد. بۆ ئەم نمایشە، لی تی-شێرتێکی مۆر، تەنوورەیەکی ڕەش و پووتی ڕەشی لەبەردابوو.[٣٢] ئەوان ھەروەھا لە ھۆڵی ھامەرشتاین لە نیویۆرک لە ساڵی ٢٠٠٦دا گۆرانییەکەیان پێشکەشکردبوو.[٣٣] لە ڕێکەوتی ٤ی تشرینی دووەمی ٢٠٠٩ گرووپەکە کۆنسێرتێکی تایبەتییان ئەنجامدا لە نیویۆرک سیتی و لەوێ گۆرانییەکەیان پێشکەشکرد.[٣٤][٣٥] ئەوان دووبارە گۆرانییەکەیان پێشکەشکردەوە لە ڕێکەوتی ٤ی تشرینی یەکەمی ٢٠١٢ لە پۆرتۆ ئەلێگری، بەڕازیل.[٣٦]

کەسایەتییەکان[دەستکاری]

لە تێبینییەکانی سەر ئەلبومی دەرگا کراوەکە وەرگیراوە.[٢]


سەرچاوەکان[دەستکاری]

  1. ^ بەشداربووانی ویکیپیدیا، «لەکریمۆسا (گۆرانی)»، ویکیپیدیای ئینگلیزی. سەردان لە ١٣ی ئازاری ٢٠١٧.
  2. ^ ئ ا ب The Open Door (liner notes). Evanescence. Wind-up Records. 2006.{{cite AV media notes}}: CS1 maint: others in cite AV media (notes) (link)
  3. ^ ئ ا Harrington, Richard (October 6, 2006). "Another 'Door' Opens for Amy Lee". The Washington Post. Archived from the original on 12ی Novemberی 2012. Retrieved July 23, 2011. {{cite news}}: Check date values in: |archive-date= (help)
  4. ^ "Listen To Two New Tracks From Evanescence's Album 'The Open Door'". SonyBMG.com.au. September 19, 2006. Archived from the original on September 7, 2007. ٧ی ئەیلوولی ٢٠٠٧ لە وەیبەک مەشین، ئەرشیڤ کراوە.
  5. ^ "Amy Lee gets it off her chest". The Sydney Morning Herald. October 16, 2006. Archived from the original on 8ی Novemberی 2012. Retrieved June 17, 2011. {{cite news}}: Check date values in: |archive-date= (help)
  6. ^ Bottomley, C. (September 9, 2006). "Evanescence: Amy Lee Explains the New Songs". VH1 News. Archived from the original on February 4, 2007. Retrieved February 2, 2007. ٢٨ی تشرینی یەکەمی ٢٠٠٧ لە وەیبەک مەشین، ئەرشیڤ کراوە.
  7. ^ ئ ا D'Angelo, Joe; Moss, Corey (November 18, 2004). "Evanescence's New Sound Is Reminiscent Of ... Evanescence". MTV News. Archived from the original on 7ی Novemberی 2012. Retrieved August 3, 2011. {{cite news}}: Check date values in: |archive-date= (help)
  8. ^ ئ ا Reesman, Bryan (November 2006). "The Essence of Evanescence". Metal Edge. Vol. 52, no. 11. pp. 5–10. ISSN 1068-2872. Archived from the original on April 9, 2013.
  9. ^ "Wardrobe closed to Evanescence singer". The New Zealand Herald. November 27, 2004. Archived from the original on 2ی Augustی 2017. Retrieved July 6, 2007. {{cite news}}: Check date values in: |archive-date= (help)
  10. ^ Lee, Amy (December 2, 2005). "A Bunch Of Stuff!!!". EvBoard.com. Archived from the original on 6ی Decemberی 2012. Retrieved June 16, 2011. {{cite web}}: Check date values in: |archivedate= (help) ١٥ی ئازاری ٢٠١٦ لە وەیبەک مەشین، ئەرشیڤ کراوە.
  11. ^ Cawley, Kevin (ed.). "Lacrimosus". Latin Dictionary and Grammar Aid. University of Notre Dame. Retrieved 17 April 2013.[بەستەری مردووی ھەمیشەیی][بەستەری مردووی ھەمیشەیی]
  12. ^ Oehlke, Bill. "Catocala lacrymosa". Silkmoths.bizland.com. Catocala silkmoths. Archived from the original on May 13, 2006. Retrieved February 7, 2007. ١٣ی ئایاری ٢٠٠٦ لە وەیبەک مەشین، ئەرشیڤ کراوە.
  13. ^ Sweet Sacrifice (liner notes). Evanescence. Wind-up Records. 2007.{{cite AV media notes}}: CS1 maint: others in cite AV media (notes) (link)
  14. ^ "Evanescence: 'The Open Door' Trailer". Ultimate Guitar. July 18, 2006. Archived from the original on 13ی Octoberی 2012. Retrieved June 19, 2011. {{cite news}}: Check date values in: |archivedate= (help) ١٣ی تشرینی یەکەمی ٢٠١٢ لە وەیبەک مەشین، ئەرشیڤ کراوە.
  15. ^ "Evanescence: 'The Open Door' Trailer Available". Blabbermouth.net. July 17, 2006. Retrieved June 19, 2011. ٣٠ی کانوونی یەکەمی ٢٠١٩ لە وەیبەک مەشین، ئەرشیڤ کراوە.
  16. ^ "Evanescence Feeling No Pressure On New Album". Billboard. Archived from the original on 17ی Septemberی 2014. Retrieved November 4, 2011. {{cite news}}: Check date values in: |archive-date= (help)
  17. ^ ئ ا ب "Evanescence - Lacrymosa Sheet Music (Digital Download)". Musicnotes.com. Archived from the original on 11ی Aprilی 2012. Retrieved January 3, 2008. {{cite web}}: Check date values in: |archive-date= (help)
  18. ^ ئ ا Farias, Andree (January 1, 2006). "The Open Door". Christianity Today. Retrieved June 19, 2011.
  19. ^ Sheffield, Rob (October 5, 2006). "The Open Door by Evanescence". Rolling Stone. Archived from the original on 10ی Octoberی 2011. Retrieved June 16, 2011. {{cite news}}: Check date values in: |archive-date= (help) ١٠ی تشرینی یەکەمی ٢٠١١ لە وەیبەک مەشین، ئەرشیڤ کراوە.
  20. ^ ئ ا ب Thompson, Ed (October 3, 2006). "The Open Door (Evanescence)". IGN. Archived from the original on 28ی Juneی 2011. Retrieved May 29, 2011. {{cite news}}: Check date values in: |archivedate= (help) ٢٨ی حوزەیرانی ٢٠١١ لە وەیبەک مەشین، ئەرشیڤ کراوە.
  21. ^ ئ ا Baudhuin, Danielle (October 19, 2006). "Evanescence walks through The Open Door to melodic success". The Oshkosh West Index. Archived from the original on 4ی Octoberی 2007. Retrieved June 12, 2011. {{cite news}}: Check date values in: |archivedate= (help) ٤ی تشرینی یەکەمی ٢٠٠٧ لە وەیبەک مەشین، ئەرشیڤ کراوە.
  22. ^ Farber, Jim (October 1, 2006). "Blasting Into 'Town'". Daily News. Archived from the original on 23ی Mayی 2012. Retrieved June 17, 2011. {{cite news}}: Check date values in: |archive-date= (help)
  23. ^ Kaye, Don. "Evanescence - The Open Door". Blabbermouth.net. Archived from the original on 30ی Julyی 2013. Retrieved August 24, 2011. {{cite news}}: Check date values in: |archive-date= (help) ٣٠ی تەممووزی ٢٠١٣ لە وەیبەک مەشین، ئەرشیڤ کراوە.
  24. ^ "New CD's". The New York Times. October 2, 2006. Archived from the original on 25ی Juneی 2011. Retrieved 16 June 2011. {{cite news}}: Check date values in: |archive-date= (help)
  25. ^ "Evanescence - The Open Door (album review)". Sputnikmusic. September 24, 2006. Archived from the original on 2ی Augustی 2017. Retrieved June 12, 2011. {{cite news}}: Check date values in: |archive-date= (help)
  26. ^ "'Open Door' to likeable return of Evanescence". Canada.com. November 11, 2006. Archived from the original on November 10, 2012. Retrieved June 19, 2011. ٤ی ئازاری ٢٠١٦ لە وەیبەک مەشین، ئەرشیڤ کراوە.
  27. ^ "Bare-boned Evanescence album lacks heart". The Daily Princetonian. November 9, 2006. Archived from the original on 6ی Juneی 2012. Retrieved June 19, 2011. {{cite news}}: Check date values in: |archive-date= (help); More than one of |archivedate= و |archive-date= specified (help); More than one of |archiveurl= و |archive-url= specified (help) ٦ی حوزەیرانی ٢٠١٢ لە وەیبەک مەشین، ئەرشیڤ کراوە.
  28. ^ Hood, John (October 18, 2007). "Through the Open Door". Miami New Times. Archived from the original on 14ی Mayی 2014. Retrieved June 19, 2011. {{cite news}}: Check date values in: |archive-date= (help) ١٤ی ئایاری ٢٠١٤ لە وەیبەک مەشین، ئەرشیڤ کراوە.
  29. ^ Melis, Joost (October 13, 2006). "CD: Evanescence - The Open Door". FOK! (بە ھیندی). Archived from the original on 3ی Marchی 2016. Retrieved June 19, 2011. {{cite news}}: Check date values in: |archive-date= (help)
  30. ^ Butler, Brendan (October 3, 2006). "CD Review: Evanescence's The Open Door". Cinema Blend. Archived from the original on 3ی Januaryی 2007. Retrieved 16 June 2011. {{cite news}}: Check date values in: |archivedate= (help) ٣ی کانوونی دووەمی ٢٠٠٧ لە وەیبەک مەشین، ئەرشیڤ کراوە.
  31. ^ "Evanescence - The Open Door". Altsounds.com. October 22, 2006. Archived from the original on 3ی Octoberی 2012. Retrieved June 17, 2011. {{cite news}}: Check date values in: |archivedate= (help) ٣ی تشرینی یەکەمی ٢٠١٢ لە وەیبەک مەشین، ئەرشیڤ کراوە.
  32. ^ Reavy, Pat (November 20, 2007). "Evanescence rocks Orem". Deseret News. Archived from the original on 4ی Marchی 2016. Retrieved June 17, 2011. {{cite news}}: Check date values in: |archive-date= (help) ٤ی ئازاری ٢٠١٦ لە وەیبەک مەشین، ئەرشیڤ کراوە.
  33. ^ Harris, Chris (October 10, 2006). "Evanescence Live In NYC: Amy Lee Headbangs. Serenades Her 'New Hometown'". MTV News. Archived from the original on 7ی Novemberی 2012. Retrieved June 17, 2011. {{cite news}}: Check date values in: |archive-date= (help)
  34. ^ Harris, Chris (November 5, 2009). "Evanescence Return to the Stage at "Secret" New York Gig". Rolling Stone. Archived from the original on 11ی Octoberی 2011. Retrieved November 21, 2009. {{cite news}}: Check date values in: |archive-date= (help) ١١ی تشرینی یەکەمی ٢٠١١ لە وەیبەک مەشین، ئەرشیڤ کراوە.
  35. ^ "Evanescence Returns To Live Stage, Taps Finger Eleven Guitarist". Blabbermouth.net. November 5, 2009. Retrieved November 21, 2009. ٣٠ی کانوونی یەکەمی ٢٠١٩ لە وەیبەک مەشین، ئەرشیڤ کراوە.
  36. ^ Finatto, Paulo, Jr. (October 10, 2012). "Resenha - Evanescence (Pepsi on Stage, Porto Alegre, 04/10/12)". Whiplash.net (بە پورتوگالی). Archived from the original on 20ی Septemberی 2017. Retrieved 23 June 2013. {{cite web}}: Check date values in: |archive-date= (help)

بەستەرە دەرەکییەکان[دەستکاری]