پەیام ئیبراھیم
| پەیام ئیبراھیم | |
|---|---|
 | |
| لەدایکبوون | ١٩٧٩ سلێمانی |
| پیشە | نووسەر، میدیاکار، چاڵاکوان |
| زمان | کوردی |
| نەتەوە | کورد |
| ڕەگەزنامە | عێراقی |
| چالاکی ساڵانی | ٢٠١٠ - ئێستا |
پەیام ئیبراھیم عەبدولڕەحمان (١٩٧٩ لە سلێمانی، عێراق)[١] خانمە نووسەر، میدیاکار[٢] و چاڵاکوانێکی کوردی بواری ئەدەبیاتی منداڵانە لە باشووری کوردستان. لە منداڵییەوە ھۆنراوەی نووسیوە و گرنگی بە بواری منداڵان دەدات و چیرۆک دەنووسێت، خاوەنی شەش پەرتووکی چاپکراوە بۆ منداڵان لە شێوەی چیرۆک.[٣]
| « | پەیامی من لە چیرۆکەکانمدا بۆ منداڵان چاندنی تۆوی بەھا باڵاکانە ھەر لە منداڵییەوە.[١] | » |
ژیاننامە
[دەستکاری]ژیانی تایبەتی
[دەستکاری]لە ساڵی ١٩٧٩ لە سلێمانی لە دایک بووە و ھەر لەوێش دەژی. خێزاندارە و دایکی چوار منداڵە، کە دوو کوڕ و دوو کچن. دەرچووی بەشی ژمێریارییە لە پەیمانگای تەکنیکی سلێمانی.
ئەدەبیات
[دەستکاری]پەیام ئیبراھیم لە زاری خۆیەوە دەڵێت: «لە ساڵی ٢٠١٠وە دەستم بە نووسین بۆ مناڵان کردووە، لە سەرەتادا تەنھا شیعرم دەنووسی، دواتر دەستم بە نووسینی چیرۆک و ڕۆمان بۆ مناڵ و نەوجەوانان کرد»[٤]
لە ساڵی ٢٠١٩وە سەرقاڵی نووسینی رۆمانی «نازیلێی مانگ و شازادەی خۆر»ە و یەکەم ژنی کوردە کە رۆمانی زانستی بۆ نەوجەوانان نووسیوە.
لە دوای ساڵانی ھەشتاکانی سەدەی ڕابردووەوە لە دوای عەزیزی مەلاڕەش و کاروان کاکەسوور، پەیام ئیبراھیم سێیەم کەسە ڕۆمانی زانستیی بۆ نەوجەوانان نووسیوە. پەیام دوو چیرۆکی لە کوردییەوە وەرگێڕدراون بۆ سەر زمانەکان، یەکێکیان بۆ سەر زمانی ئینگلیزی و یەکێکیش بۆ سەر زمانی نەرویچی.
کارکردن
[دەستکاری]- جێگری بەڕێوەبەری بەشی پەروەردە لە ڕێکخراوی ھۆس.[١]
- بەرپرسی پەیوەندییەکانی ڕێکخراوی ھۆس.[١]
- ئەندام و ڕاھێنەری ژینگە لە ڕێکخراوی سروشتیی کوردستان.[١]
- ئەندامی ڕێخراوی نازی بێسەرپەرشتان بۆ منداڵانی بێلانە.[١]
- سەرپەرشتیاری بەشی منداڵانە لە تەلەڤیزیۆنی پەروەردەیی و ھەر لەو کەناڵەش دوو بەرنامە پێشکەش دەکات بە ناوەکانی: چیرۆک بۆ منداڵان و میوانداری.[١]
- کارمەندی ڕادیۆی گەلی کوردستان.[٢]
بەرھەمەکان
[دەستکاری]- گفتوگۆی نێوان میوەکان (یەکەم چیرۆک - گۆڤاری خەندە)
بەرھەمە چاپکراوەکان:
- سمۆرەی میھرەبان (کۆمەڵە چیرۆک)[٢]
- قاپی خواردنەکەی یەسنا (کۆمەڵە چیرۆک)[٢]
- ئۆتیزمم ھاوکارم بە (کۆمەڵە چیرۆک)[٢]
- ددانی ورچە بچکۆڵەکەم (کۆمەڵە چیرۆک)[٢]
- نازیلێی مانگ و شازادەی خۆر (ڕۆمان)
- ٢١ تیشکی خۆری کوردستان (کۆمەڵە چیرۆک)[٥]
سەرچاوەکان
[دەستکاری]- 1 2 3 4 5 6 7 «پهیام ئیبراهیم عهبدولڕهحمان: پەیامی من لە چیرۆکەکانمدا بۆ منداڵان چاندنی تۆوی بەها باڵاكانه ههر له منداڵییهوه». wtarikurd.info. ٢٩ی ئابی ٢٠٢٤.
- 1 2 3 4 5 6 «پهیام ئیبراهیم رۆمانێكی زانستی بۆ نهوجهوانان دهنووسێت». knwe.org. ٣٠ی ئابی ٢٠٢٤. لە ڕەسەنەکە لە ٣٠ی ئابی ٢٠٢٤ ئەرشیڤ کراوە. لە ٣٠ی ئابی ٢٠٢٤ ھێنراوە.
- ↑ «پەیام ئیبراهیم مێژووی پێشەنگانی کورد بە گەنجان ئاشنا دەکات». jinhaagency.com. ٢٩ی ئابی ٢٠٢٤.
- ↑ «خانمە نوسەرێکی کورد رۆمانێک بۆ نەوجەوانان دەنوسێت». newjin.net. ٢٩ی ئابی ٢٠٢٤. لە ڕەسەنەکە لە ٢٩ی ئابی ٢٠٢٤ ئەرشیڤ کراوە. لە ٢٩ی ئابی ٢٠٢٤ ھێنراوە.
- ↑ «٢١ تیشکی خۆری کوردستان». 49plusbooks.com. ٣٠ی ئابی ٢٠٢٤.
