ئەحمەد شەوقی

ئەحمەد شەوقی
لەدایکبوون	أحمد شوقی ٢٥ی کانوونی یەکەمی ١٨٦٨ قاھیرە
مردن	١٤ی تشرینی یەکەمی ١٩٣٢ قاھیرە
پیشە	شاعیر و شانۆنووس
زمان	عەرەبی
نەتەوە	عەرەب
چالاکی ساڵانی	سەدەی ١٩ و ٢٠

ئەحمەد شەوقی (٢٥ی کانوونی یەکەمی ١٨٦٨ لە قاھیرە – ١٣ی کانوونی یەکەمی ١٩٣٢ لە قاھیرە) شاعیر و شانۆنووسێکی عەرەبی میسری بوو.

ژیان

لە ساڵی ١٨٦٨ لە قاھیرە لە خێزانێکی دەوڵەمەنددا گەورە بووە کە ڕەگ و ڕیشەکەی تێکەڵاوی میسری، چەرکەسی، تورکی، کورد و یۆنانی بووە، لە تەمەنی چوار ساڵیدا بەشێک لە قورئانی پیرۆزی لەبەر کردووە و فێری بنەماکانی نووسین و خوێندنەوە بووە، پاشان چووەتە قوتابخانەی سەرەتایی و نیشانەکانی زیرەکی تێدا دەرکەوتووە و بەھۆیەوە لە خەرجییەکانی قوتابخانە چاوپۆشیلێکراوە، لە تەمەنی پانزدە ساڵیشدا دەستی کردووە بە خوێندن لە قوتابخانەی ماف، لەو ماوەیەدا بەھرەی شیعری تێدا دەرکەوت و بووە ھۆی سەرسامبوونی مامۆستاکەی شێخ محەممەد بسیونی.

گەشتکردن بۆ فەڕەنسا

گەشتی کرد بۆ فەڕەنسا کە خەرجی مانەوەی لەلایەن خدێوی تۆفیق بۆ دابینکرابوو. لە ساڵی ١٩٢٧ لەلایەن شاعیرانی عەرەب نازناوی (امیر الشعراء)ی پێبەخشرا، دوای ماوەیەک شەوقی خۆی یەکلاکردەوە بۆ شیعری شانۆگەری و تا ئیستاش بە پێشەوا دادەنرێت لەم بوارەدا لە ناو ھەموو عەرەبدا، شەوقی پێشەوایەتی سەرھەڵدانی ئەدەبی و ھونەری و سیاسی و کۆمەڵایەتی و شانۆگەری کردووە کە میسڕ پێی دا ڕۆیشتووە، لە بواری شیعردا خزمەتێکی زۆری کردووە و یەکێکە لە پڕبەرھەمترین شاعیرانی عەرەب، بە جۆرێک کە بەرھەمە شیعرییەکانی زیاترە لە بیست و سێ ھەزار و پێنج سەد دێرە شیعر. لە ساڵی ١٩٣٢ لە قاھیرە مردووە.

بەرھەمەکان

گرنگترین بەرھەمەکانی بریتیین لەمانە:

• دیوانی شەوقیات لە سێ بەرگدا
• وڵاتانی عەرەب
• دیوانی لەیلێ و مەجنوون
• عەلی بەگی گەورە
• قەمبیز
• مەرگی کلیۆپاترا