حەسەن دەرزی
 | ئەم وتارە ئاماژەی بە ھیچ سەرچاوەیەک نەداوە. تکایە بە دانانی ئاماژە بۆ سەرچاوە بڕواپێکراوەکان، ئەم وتارە باشتر بکە. دەقە بێسەرچاوەکان لەوانەیە داوای سەرچاوەیان لێ بکرێت یان لاببرێن. |
 | کێشە لەسەر بێلایەنبوونی ئەم وتارە ھەیە. وادیارە ئەم وتارە بە شێوەیەکی لایەنگرانە نووسراوەتەوە. (فێربە کەی و چۆن ئەم داڕێژەیە لابەریت) |
حەسەن دەرزی (لەدایکبووی ١٩٥٧ لە بۆکان، ئێران) گۆرانیبێژێکی کوردی خەڵکی ڕۆژھەڵاتی کوردستانە. ھەر لە منداڵییەوە خولیای گۆرانیوتن و فێربوونی موسیقای بووە. گوێی بە دەنگی حەسەن زیرەک و فۆلکلۆری پڕ لە حەز و تاسە و خۆشەویستی ناوچەی فەیزوڵڵابەگی بۆکان کراوەتەوە.
برای گەورەی، محەممەد، کە خاوەنی دەنگێکی بە سۆز بوو، کاریگەرییەکی یەکجار زۆری لەسەر دانا و ھاندەر و سەرچاوەی حەز و خۆشەویستی بووە بۆ دنیای گۆرانی. دەکرێ بوترێ ئەو ھەوەڵین مامۆستای بووە کە خۆی درێژەی بەم ڕێبازە نەداوە.
ژەنینی ئامێری کەمان، لای ئەمیر مینایی و ڕەشید فەیز نیژاد فێر بووە. لە ١٩٧٦ەوە بۆ ماوەی بیست ساڵ مامۆستای قوتابخانە بووە. لە ١٩٨٦ تا ١٩٩١ چوار بەرھەمی ھونەریی پێشکەش کردووە. ساڵی ١٩٩١ بەھۆی دەستبەسەری و نەبوونی ئازادی لەلایەن ڕژێمی ئێران دەرفەتی گۆرانیی لێ ستێندرا و لە کاری مامۆستاییش لابردرا و ئێستا دوور لە نیشتیمان لە بریتانیا دەژی. سەرجەمی ئاڵبۆمەکانی تا ٢٠٠٧، پێنج دانەن.
