خولی پاڵەوانەکانی ئەورووپای ٢٠٢١-٢٠٢٢
| خولی پاڵەوانەکانی ئەورووپای ٢٠٢١-٢٠٢٢ | |
|---|---|
| وەرزی وەرزشەکانی خول یان پێشبڕکێ | خولی یانە پاڵەوانەکانی ئەورووپا |
| پۆلی پێشبڕکێ | تۆپی پێی پیاوان |
| وەرزش | تۆپی پێ |
| ژمارەی چاپ | 67 |
| ڕێکەوتی دەستپێکردن | ٢٢ی حوزەیرانی ٢٠٢١ |
| ڕێکەوتی کۆتاییھاتن | ٢٨ی ئایاری ٢٠٢٢ |
| سەردەم | 2021-2022 one-year-period |
| ڕێکخەر | یەکێتی تۆپی پێ ئەورووپا |
| براوە | یانەی تۆپی پێی ڕیال مەدرید |
| یاریی کۆتاییی | یاریی کۆتاییی خولی پاڵەوانەکانی ئەورووپای ٢٠٢٢ |
| League level below | 2021–22 UEFA Europa League |
| وێبگە | https://www.uefa.com/uefachampionsleague/history/seasons/2022/ |
خولی پاڵەوانەکانی ئەورووپا 2021-22 وەرزی 67هەمین پاڵەوانێتی تۆپی پێی یانەکانی ئەورووپا بوو کە لەلایەن یوفا ڕێکخرابوو، هەروەها 30هەمین وەرزی بوو لەو کاتەوەی ناوی لە جامی ئەورووپاوە گۆڕدرا بۆ خولی پاڵەوانەکانی ئەورووپا . یاری کۆتایی لە یاریگای فەرەنسا لە سان دێنیسی فەرەنسا لە ٢٨ی ئایاری ٢٠٢٢ لە نێوان یانەی لیڤەرپوڵی ئینگلیزی و یانەی ڕیال مەدریدی ئیسپانی ئەنجامدرا.[١] ئەوە سێیەم جار بوو ھەردوو یانە لە یاری کۆتایی خولی پاڵەوانەکانی ئەورووپا بەیەکبگەن، دوای ساڵانی ١٩٨١ و ٢٠١٨، سێیەم یاری کۆتایی خولەکە بوو کە لە فەڕەنسا بەڕێوەچوو ، دوای یارییەکانی کۆتایی ٢٠٠٠ و ٢٠٠٦، ھەروەھا یەکەمجار بوو ھەمان دوو یانە لە سێ یاری کۆتاییدا ڕووبەڕووی یەکترببنەوە.[٢]ڕیال مەدرید بە ئەنجامی 1-0 لە لیڤەرپوڵی بردەوە، [٣][٤] لە سەرەتادا بڕیار بوو لە یاریگای ئەلیانز ئارێنا لە شاری میونشن لە ئەڵمانیا ئەنجام بدرێت. [٥] بەڵام بەهۆی دواخستن و گواستنەوەی یاری کۆتایی ٢٠٢٠ ، بۆ ساڵێک گەڕێندرایەوە و بڕیاردرا سانت پترسبۆرگ میوانداری یاری کۆتایی ساڵی ٢٠٢٢ بکات. [٦] بەهۆی لەشکرکێشی ڕووسیا بۆ سەر ئۆکرانیا کە لە شوباتی ٢٠٢٢ دەستی پێکرد،یاری کۆتایی گواسترایەوە بۆ سانت دێنیس. [٥] وەک براوە، ڕیاڵ مەدرید بە شێوەیەکی ئۆتۆماتیکی سەرکەوت بۆ قۆناغی کۆمەڵەکانی خولی پاڵەوانەکانی ئەوروپا 2022-23 ، هەروەها مافی یاریکردنی بەدەستهێنا بەرامبەر براوەی خولی ئەورووپا 2021-22, ئینتراخت فرانکفۆرت, لە جامی سووپەری 2022 و هەروەها نوێنەری ئەورووپا بوو بۆ جامی جیهانیی یانەکانی ٢٠٢٢, کە لە هەردووکیان سەرکەوتنیان بەدەستهێنا.چێڵسی پاڵەوانی بەرگریکار بوو، بەڵام لە قۆناغی چارەکی کۆتاییدا بە یانەی ڕیال مەدرید دۆڕا.ئەم وەرزە یەکەم وەرز بوو لە دوای ساڵانی ١٩٩٩-٢٠٠٠ (یەکەم وەرز دوای هەڵوەشاندنەوەی جامی براوەی جامی یەکێتی ئەوروپا) سێ پێشبڕکێی گەورەی یانە ئەوروپییەکان (یوفا چامپیۆنزلیگ، یۆرۆپا لیگ, و خولی تازە دروستکراوی خولی کۆنفرانسی ئەورووپی ) ڕێکدەخرێن لەلایەن یوفا. هیچ گۆڕانکارییەک لە فۆرماتی چامپیۆنزلیگدا نەکرا، بەڵام ئەو تیپانەی لە قۆناغی سەرەتایی و قۆناغی یەکەمی پاڵاوتنەکان دوورخرانەوە، ئێستا لەبری خولی ئەورووپا گواسترانەوە بۆ خولی کۆنفرانسی ئەورووپی. [٧] کەریم بێنزیما یاریزانی ڕیال مەدرید بە تۆمارکردنی ١٥ گۆڵ لە پاڵەوانێتییەکە وەک گۆڵکار دەستنیشانکرا.[٨]
سەرچاوەکان[دەستکاری]
- ^ "List of UEFA Champions League past winners: Year-by-year results". NBC Sports (بە ئینگلیزی). 2023-09-21. Retrieved 2023-12-31.
- ^ UEFA.com (2022-05-28). "Liverpool vs Real Madrid Champions League final match facts: Previous meetings, pedigree, links and trivia, latest news". UEFA.com (بە ئینگلیزی). Retrieved 2022-05-31.
- ^ "UEFA Champions League Winners List". www.topendsports.com. Retrieved 2023-12-31.
- ^ UEFA.com. "Most titles | History | UEFA Champions League". UEFA.com (بە ئینگلیزی). Retrieved 2023-12-31.
- ^ ئ ا "Decisions from today's extraordinary UEFA Executive Committee meeting". UEFA.com. Union of European Football Associations. 25 February 2022. Retrieved 25 February 2022.
- ^ "UEFA competitions to resume in August". UEFA.com. Union of European Football Associations. 17 June 2020. Archived from the original on 25 August 2020. Retrieved 17 June 2020.
- ^ "UEFA Executive Committee approves new club competition". UEFA. 2 December 2018. Archived from the original on 13 May 2019. Retrieved 2 December 2018.
- ^ "Champions Cup/Champions League Topscorers". www.rsssf.org. Retrieved 2023-12-31.
بەستەری دەرەکی[دەستکاری]
 |
کۆمنزی ویکیمیدیا، میدیای پەیوەندیدار بە خولی پاڵەوانەکانی ئەورووپای ٢٠٢١-٢٠٢٢ تێدایە. |