یاریی کۆتاییی خولی پاڵەوانەکانی ئەورووپای ٢٠٢٢

لە ئینسایکڵۆپیدیای ئازادی ویکیپیدیاوە
Jump to navigation Jump to search
یاریی کۆتاییی خولی پاڵەوانەکانی ئەورووپای ٢٠٢٢
بەشێکە لە2021–22 UEFA Champions League
وڵاتفەڕەنسا
دابەشکاریی کارگێڕیSaint-Denis
جێStade de France
وەرزشتۆپی پێ
Follows2021 UEFA Champions League Final
Followed by2023 UEFA Champions League Final
کاتی ڕوودان٢٨ی ئایاری ٢٠٢٢
Participating teamیانەی لیڤەرپوول، ڕیال مەدرید
ھاشتاگUCLfinal، ChampionsLeagueFinal

یاری کۆتایی چامپیۆنزلیگی ٢٠٢٢ یاخود یاریی کۆتایی خولی یانەپاڵەوانەکانی ئەورووپا وەرزی٢٠٢١–٢٢، ٦٧مین یاریی کۆتایی پاڵەوانێتی تۆپی پێی یانەکانی ئەورووپا بوو کە لەلایەن یەکێتی تۆپی پێی ئەورووپا ڕێکخرابوو، ھەروەھا ٣٠ھەمین وەرز بوو لەو کاتەوەی ناوەکەی لە جامی یانەکانی ئەورووپا گۆڕدرا بۆ جامی یوفای خولی پاڵەوانەکانی ئەورووپا. لە یاریگای فەرەنسا لە سان دێنیس لە فەرەنسا لە ٢٨ی ئایاری ٢٠٢٢ لە نێوان یانەی لیڤەرپوڵی ئینگلیزی و یانەی ریال مەدریدی ئیسپانی ئەنجامدرا. ئەوە سێیەم جار بوو ھەردوو یانە لە یاری کۆتایی خولی پاڵەوانەکانی ئەورووپا بەیەکبگەن، دوای ساڵانی ١٩٨١ و ٢٠١٨، سێیەم یاری کۆتایی خولەکە بوو کە لە فەڕەنسا بەڕێوەچووە، دوای یارییەکانی کۆتایی ٢٠٠٠ و ٢٠٠٦، ھەروەھا یەکەمجار بوو ھەمان دوو یانە لە سێ یاری کۆتاییدا ڕووبەڕووی یەکترببنەوە.[١]

ئەمە یەکەم یاریی کۆتایی بوو کەبەئامادەبوونی ھاندەران لە دوای یاری کۆتایی ٢٠١٩ەوە ئەنجامدرا، چونکە دوو یاری کۆتایی خولی پێشوو بەھۆی پەتای کۆڤید-١٩ەوە بەبێ ئامادەبوونی ھاندەر یاخود بەڕێژەیەکی کەم لە بەشداری ھاندەران بەڕێوەچوون.[٢] لە سەرەتادا بڕیار بوو یاری کۆتایی لە یاریگای ئەلیانز ئارێنا لە شاری میونشنی ئەڵمانیا ئەنجام بدرێت بەڵام لەوێ ئەنجام نەدرا بەھۆی میوانداری کردنی یاریگاکە لە ساڵی ٢٠٢٠، بۆیە یاری کۆتایی ٢٠٢٢ درا بە یاریگای کرێستۆڤسکی لە سانت پترسبۆرگ لە ڕووسیا، پاشان بەھۆی لەشکرکێشی ڕووسیا بۆ سەر ئوکراینا لە ٢٤ی شوبات، یەکێتی تۆپی پێی ئەورووپا لە کۆبوونەوەیەکی نائاسایی دەستەی بەڕێوەبەری بانگھێشت کرد،[٣] کە چاوەڕوان دەکرا بە فەرمی یارییەکە لە ڕووسیا بکێشێتە دەرەوە. دوای ڕۆژێک ڕاگەیەندرا کە یاری کۆتایی دەچێتە وڵاتی فەرەنسا لە یاریگای سانت دێنیس کە دەکەوێتە باکووری پاریس.[٤]

لە یارییەکەدا ڕیاڵ مەدرید بە گۆڵێکی ڤینیسیۆس جونیۆر لە خولەکی ٥٩دا بە ئەنجامی ١–٠ یارییەکەی بردەوە و ١٤ھەمین نازناوی بەدەستھێنا، کە ژمارەی پێوانەیی بوو، ھەروەھا ٥ەمین نازناوی لە ماوەی ٩ ساڵدا بەدەستھێنا. وەک براوەی چامپیۆنزلیگی ٢٠٢١–٢٢، ڕیاڵ مەدرید مافی ئەوەی بەدەستھێنا بەرامبەر براوەی خولی یۆرۆپالیگی ٢٠٢١–٢٠٢٢، ئەنتراخت فرانکفۆرت، لە جامی سوپەری ٢٠٢٢ ڕووبەڕووی یەکبنەوە.

سەرچاوەکان[دەستکاری]

  1. ^ UEFA.com (2022-05-28). "Liverpool vs Real Madrid Champions League final match facts: Previous meetings, pedigree, links and trivia, latest news". UEFA.com. Retrieved 2022-05-31.
  2. ^ Smith, Rory (2020-08-23). "Bayern Munich Wins Champions League, a Victory for Tradition and Team". The New York Times. ISSN 0362-4331. Retrieved 2022-05-31.
  3. ^ "Uefa to move Champions League final". BBC Sport. 2022-02-24. Retrieved 2022-05-31.
  4. ^ "UEFA moves Champions League final to Stade de France". amp.dw.com. Retrieved 2022-05-31.