خولی پاڵەوانەکانی ئەورووپا
 | ھەندێک لە بەشەکانی ئەم وتارە (ئەوانەی کە پەیوەندیان ھەیە بە خشتە وە هەندێک لە زانیارییەکان) پێویستە نوێبکرێنەوە. بەتایبەتی: ئاماری کۆنە. |
خولی یانە پاڵەوانەکانی ئەوڕووپا، (بە ئینگلیزی UEFA Champions League) پاڵەوانیەتییەکی تۆپی پێی ئەورووپییە، ساڵانە لەلایەن یەکێتیی تۆپی پێی ئەورووپا ڕێکدەخرێت. لەساڵی ١٩٥٥-١٩٥٦ یەکەم وەرزی پاڵەوانیەتیەکە ڕێکخرا.
ئەم پاڵەوانیەتیە لەگرنگترین ڕووداوە وەرزشییە جیھانییەکان دادەنرێت و دوا ڕووبەڕووبوونەوەی پاڵەوانیەتیەکە بەگرنگترین ڕووداوەی وەرزشی ساڵ دادەنرێت و زیاتر لە ١٠٠ میلیۆن بینەر لەڕێگەی تەلەفزیۆنەوە تەماشای دەکەن.
لەسەرەتادا ناوی فەرمی پاڵەوانیەتیەکە جامی ئەورووپا بوو، لەپاڵەوانیەتی ساڵی ١٩٩٢-١٩٩٣ ناوی فەرمی گۆڕدرا بۆ جامی پاڵەوانی ئەورووپا یان خولی یانە پاڵەوانەکانی ئەورووپا. لەسەرەتای دامەزراندنیدا پاڵەوانیەتیەکە لەسیستەمی دۆڕاندنێک بوو و تەنھا پاڵەوانێکی خولی ناوخۆیی وڵاتانی ئەورووپی تێیدا بەشدار دەبوون. لەساڵی ١٩٩٠ دا گرووپی کۆمەڵەکان بۆ یاری چوون و ھاتن فراوانتر کرا و ژمارەی یانەکانیش زیاد کرا. لەگەڵ گۆڕانی ناوی پاڵەوانیەتییەکە لەساڵی ١٩٩٢دا ژمارەی یانەکانی پاڵەوانیەتیەکە زیادکراوە بۆ ٣٢ یانە.
ژمارەی ھەڵگرانی نازناوی ئەم پاڵەوانیەتیە ٢٢ یانەی جیاوازە و لەنێو ١٢ یانە کە ھەڵگری زۆرترین نازناوی ئەم پاڵەوانیەتیەن، یانەی ڕیال مەدرید زۆرترین نازناوی ھەڵگرتووە کە ۱۰ نازناوە. پاڵەوانی وەرزی ڕابردوو ٢٠١٢-٢٠١٣ یانەی بایەرن میونخی ئاڵمانی بووە و لەمانگی ئەیلوولی ٢٠١٣دا کێبڕکێی قۆناغی کۆمەڵەکان بۆ وەرزی ٢٠١٣-۲۰۱٤ی چامپیۆنسلیگ.
ئەو یانانەی بوون بەپاڵەوان[دەستکاری]
| یانەی پاڵەوان | جاری بەدەست ھێنراو |
|---|---|
| ڕیال مەدرید | ١٢ جار |
| ئەی سی میلان | ٧ جار |
| لیڤەرپوول | ٥ جار |
| بایەرن میونخ | ٥ جار |
| بارسێلۆنا | ٥ جار |
| ئەیاکس ئەمستەردام | ٤ جار |
| ئینتەرناسیۆنالێ | ٣ جار |
| مانچستەر یونایتد | ٣ جار |
| بەنفیکا | ٢ جار |
| یوڤێنتوس | ٢ جار |
| تۆتنھام ھۆتسپێر | ٢ جار |
| پۆرتۆ | ٢ جار |
| سێلتیک | ١ جار |
| ھامبورگ | ١ جار |
| ستیوا بووخارست | ١ جار |
| ماڕسیلیا | ١ جار |
| فاینۆرد ڕۆتەردام | ١ جار |
| ئەستۆن ڤێلا | ١ جار |
| ئایندھۆڤن | ١ جار |
| ڕێد ستارد بلگارد | ١ جار |
| بۆروسیا دۆرتمۆند | ١جار |
| چێلسی | ١جار |
