ھۆمەر دزەیی
ھۆمەر دزەیی عومەر دزەیی | |
|---|---|
 ھۆمەر دزەیی لە کۆنسێرتێکی ساڵی ٢٠١٢، سلێمانی | |
| زانیارییەکان | |
| لەدایکبووی | ١٩٣٦ |
| بنەچە | ھەولێر، کوردستان |
| چەشنەکان | ئیرۆتیکا، ھارمۆنیک |
| پیشە(کان) | ھونەرمەند |
| ئامێرەکان | ڤایۆلین، پیانۆ |
| ساڵانی چالاکبوون | ١٩٥٥-ئێستا |
ھۆمەر دزەیی گۆرانیبێژ و سیاسەتمەداری باشووری کوردستانە، لە ساڵی ١٩٣٦ لە گوندی دووگردکان لە دەشتی ھەولێر لەدایکبووە.[١] ھۆمەر دزەیی زیاد لە ٥٠ ساڵی ژیانی لە ھەندەران ژیاوە و بڕوانامەی زانستی سیاسی لە ڤیێنا بەدەستھێناوە. ماوەیەک لە بەشی کوردیی ڕادیۆی دەنگی ئەمریکا کاری کردووە، لە ساڵی ٢٠٠٦ بووەتە ڕاوێژکاری سەرۆک کۆماری ئێراق، جەلال تاڵەبانی.
ھۆنراوەی گۆرانییەکانی ھۆمەر وێنەی ڕووت و ئیرۆتیکا دەخاتە بەردەم گوێگر، ھەربۆیە ھەندێک کەس بە پێشەوای ئەم بوارەی دادەنێن لە گۆرانی کوردی،[٢] لەبەرامبەردا لەلایەن کۆمەڵە کەسانی دیکەشەوە ڕەخنەی لێ گیراوە.[١] بەشێکی زۆر لە ئاوازی گۆرانییەکانی ھۆمەر دزەیی لە مۆسیقا ڕۆژاوایی یان بیانییەکان وەرگیراوە،[٢] ھۆمەر لە چاوپێکەوتنەکانی ناوی سەرچاوەی ئاوازەکانیشی ھێناوە.[٣]
ژیان
[دەستکاری]
خوێندنی سەرەتایی لە ھەولێر دەست پێ دەکات و پاشان بۆ درێژەدان بەخوێندن دەچێتە کەرکووک و بەغدا. لە بەرئەوەی ئارەزووی لە ھونەر و گۆرانی بووە، لەلایەن بنەماڵەکەیەوە ئاستەنگی دەخرێتە سەر ڕێگای، بەڵام ئەو کۆڵنادات. یەکەم گۆرانی خۆی لە ساڵی ١٩٥٥ لە بەغدا تۆمار کردووە. لە ساڵی ١٩٥٦ دەچێتە ئەنقەرە بۆ خوێندن، بەڵام تەواوی ناکات ئەمەش لەبەر ئەوەی ئەو خەیاڵی ھەر لای ھونەر و گۆرانی گووتن بووە، بۆیە دوای ساڵێک ڕوو لە ڤیێنا دەکات. ئیدی بەو شێوەیە ئاشنایەتی لەگەڵ میوزیکزانان و گۆرانیبێژانی دەرەوەی کوردستان پەیدا دەکات.[٤]
لە ساڵی ١٩٦٦، دوو لە دیارترین گۆرانییەکانی خۆی کلیپ دەکات ئەوانیش باخچەی پاشا و قژکاڵی لێو ئاڵی، دواتر لە ساڵی ١٩٨٨، دەچێتە ئەمریکا بۆ ژیان، ماوەیەکی لە دەنگی ئەمریکا کاری کردووە.[٥]
ئەلبوومەکان
[دەستکاری]چاووگنامە
[دەستکاری]- ^ ئ ا ڤیدیۆ.. ھۆمەر دزەیی وەڵامی ئەو رەخنانە دەداتەوە کە لەسەر گۆرانییەکانی لێی گیراوە ٢٦ی تشرینی دووەمی ٢٠٢٢ لە وەیبەک مەشین، ئەرشیڤ کراوە.، ماڵپەڕی زەمەن، ١٣ی تەمموزی ٢٠٢٠.
- ^ ئ ا چەند کورتە سەرنجێک لەسەر ئاواتە مەخمەلییەکانی ھۆمەر دزەیی ١٦ی تشرینی یەکەمی ٢٠٢٠ لە وەیبەک مەشین، ئەرشیڤ کراوە.. ماڵپەڕی خەڵک، لەلایەن توانا حەمە نووسراوە، ڕۆژی ٢٧ی تەمموزی ٢٠٢٠ بڵاوکراوەتەوە.
- ^ چاوپێکەوتنێک لەگەڵ ھۆمەر دزەیی، بەرنامەی بنار تۆک کەناڵی یوتیووبی توودەی مەگەزین، ١٢ی تشرینی یەکەمی ٢٠٢٠ بڵاوکراوەتەوە.
- ^ www.rudaw.net https://www.rudaw.net/sorani/onair/tv/episodes/episode/pencamor-08112019. لە ١٥ی ئەیلوولی ٢٠٢٢ ھێنراوە.
{{cite web}}: پارامەتری|title=ونە یانیش واڵایە (یارمەتی) - ^ «بۆچی "ھۆمەر دزەیی" نەبوو بە بالێۆزی عێراق ؟!!». CHRA.TV. ٣ی ئابی ٢٠١٢. لە ٣١ی تەممووزی ٢٠٢٣ ھێنراوە.
- چیرۆکی موزیکی کلاسیک، ھۆمەر دزەیی، ئەندێشە، سلێمانی، ٢٠١٥.[١]
سەرچاوەکان
[دەستکاری]
- ^ ئاراس عەبدوڵڵا (١٦ی ئابی ٢٠١٥). «ھۆمەر دزەیی لە ئەندێشە کتێبە نوێکەی خۆی بڵاوکردەوە». Sulyon. لە ڕەسەنەکە لە ٣١ی تشرینی یەکەمی ٢٠٢٠ ئەرشیڤ کراوە. لە ٢١ی ئەیلوولی ٢٠٢٠ ھێنراوە.