ویکیپیدیا:دیوەخان (سیاسەت)/ئەرشیڤی ٣

سیاسەتی ناچالاکیی بەڕێوەبەران

بانگھێشتنامە

سڵاو بەڕێزان بە تایبەت بەکارھێنەرانمان @Hamaredha@ Aram @ئارۆ سالار محمود @MFTG @Kurd2021 @Abdurhman Ahmad @Saad Goran @Paraw@ @-Haryad @مامۆستا, @Kushared @Gejeluk, @‏GoRaN909

ناساندن

وادیارە بابەتی ناچالاکیی بەڕێوەبەران بابەتێکی تازە نییە و لەمێژەیە ھەیە، بۆیە ویکیپیدیا:ناچالاکیی بەڕێوەبەرانم درووستکراوە کە تیایدا کردەوەی بەڕێوەبەران دەست نیشان دەکات و ستانداردی چالاکی دیاری دەکات بۆ ھەر بەڕێوەبەرێک وادیارە لە ئێستادا ١٠٠ کردەوەی بۆ دیاریکراوە و گەر لەمە کەمتر بوو بە ناچالاک ھەژمار دەکرێت و مافەکەی لێ دەسەندرێتەوە، و بەپێی ئەو پشکنینەی لێرە دەکرێت بابەتەکە یەکلایی دەکرێتەوە، ئێوە دەتوانن بەپێی پێداویستی ویکی سۆرانی گۆڕنکاری لە ژمارەکە بکەن. 🌸 Sakura emad 💖 (لێدوان) ‏١٢:٢٦، ٣١ی ئابی ٢٠٢٢ (UTC)

داواکاری

داوا دەکەم ویکیپیدیا:ناچالاکیی بەڕێوەبەران ببێت بە سیاسەتێکی فەرمی ویکیپیدیای سۆرانی و کاری پێبکرێت و سیاسەتەکە نەک ھەر لەسەر بەڕێوەبەر بەڵکو لەسەر بەکارھێنەری تەواو ناچالاک کە وازی ھێناوە کاریگەری دەبێت و مافەکانی لێ دەسەندرێتەوە. 🌸 Sakura emad 💖 (لێدوان) ‏١٢:٢٦، ٣١ی ئابی ٢٠٢٢ (UTC)

پشتگیری

• لەگەڵ ⇐ئارام _{وتووێژ💭} ‏٢١:٣٨، ٢ی ئەیلوولی ٢٠٢٢ (UTC)
• لەگەڵ ئارۆ سالار محمود (لێدوان) ‏٢١:٤٦، ٤ی ئەیلوولی ٢٠٢٢ (UTC)
• لەگەڵ خۆمیش وەک داواکاری سیاسەتە پێشنیارکراوەکە 🌸 Sakura emad 💖 (لێدوان) ‏١٥:٥٠، ٢٥ی ئەیلوولی ٢٠٢٢ (UTC)
• لەگەڵ بۆ بەڕێوبەران کە یاساکە پێشتریش هەبوو، بەڵام جێبەجێ نەکراوە. سەبارەت مافەکانی بەکارهێنەریش پێمباشە کە سەرەتا قسە لەگەڵ بەکارهێنەرەکە بکرێت کە مافەکەی لێ دەسێندرێتەوە، یانیش لەگەڵ پێدانی هەر مافێک وەک ئاگاداری پێی بگوترێت کە لەئەگەری بەکارنەهێنانی لەماوەی ساڵێک ئەوا لێی دەسەندرێتەوە. Kushared (لێدوان) ‏١٧:٢٥، ٢٥ی ئەیلوولی ٢٠٢٢ (UTC)

لێدوان

@Sakura emad: گەر ئەو پەڕە پەیوەندیی بە بەڕێوەبەرانەوە ھەیە، ئەوا نابێت بەسەر بەکارھێنەرە نابەڕێوەبەرەکانەوە بسەپێ. لە ویکیی ئینگلیزی ١٠٠ دەستکارییان بۆ پێنج ساڵ دیاری کردووە. لێرە بۆ یەک ساڵە؟ مەبەست لەو ١٠٠ دەستکارییە کردەوەی بەڕێوەبەریشە یان تەنیا دەستکاریی ئاسایی یانیش ھەردووکیان؟ خۆی من پێم باشە شتێک بکرێ کە بەڕێوەبەری ناچالاک نەمێنن. تەنیا زۆرکردنی ژمارەی بەڕێوەبەران نەک ھەر کەڵکی بۆ پرۆژەکەمان نییە و بگرە زیانیشی ھەیە. ⇐ئارام _{وتووێژ💭} ‏١٣:٥٥، ٣١ی ئابی ٢٠٢٢ (UTC)

@Aram: لە ویکیپیدیای ئینگلیزی سادە ھێنام ئەوان بە "combination" باسی ژمارەی دەستکاری و کرداری بەڕێوەبەرایەتیان دەکرد، دەکرێ مەبەست لەوە بووبێت گەر بە ھەردووکی نەگات بە 100 چالاکی ئەوە بە ناچالاک ھەژمار بکرێت، بۆ مەبەستی بەکارھێنەران سیاسەتی پێشنیارکراو دەڵێت گەر بەکارھێنەری ناچالاکیش ھەبوو دەستکاری ویکیپیدیای نەدەکرد ئەوا بەڕێوەبەرێک دەتوانێت مافەکانی لێ بسەنێتەوە، ھەروەکوو لێرە ھاتووە

Editors who are declared inactive due to no edits in a 12 month period may have their tools removed by a request to any bureaucrat

لێرە ئامانج لەوەیە مافەکان بەدەست بەکارھێنەری چالاکەوە بن و ئەوەی ناچالاکە مافەکانی لێ بسەنرێتەوە. 🌸 Sakura emad 💖 (لێدوان) ‏١٤:١٠، ٣١ی ئابی ٢٠٢٢ (UTC)

جگە لەوەش بیرم چوو لە داواکارییەکە شتێکی گرنگ زیاد بکەم جگە لە ژمارەی دەستکاری گەر ھەر چەند بێت بەڕێوەبەرێک نابێت لە ساڵێک کەمتر لە 50 کرداری بەڕێوەبەرایەتیی ھەبێت 🌸 Sakura emad 💖 (لێدوان) ‏١٤:٢٧، ٣١ی ئابی ٢٠٢٢ (UTC)

 کرا ئێستا ڕوونکردنەوەی تر درا 🌸 Sakura emad 💖 (لێدوان) ‏١٤:٥٣، ٣١ی ئابی ٢٠٢٢ (UTC)

ساڵێک ماوەیەکی خراپ نییە دەکرێت ھەرئەوەندە بێت، پێویست ناکات ئەم سیاسەتە بەکارھێنەری نا بەرێوبەر بگرێتەوە. لەگەڵ ئەوەش ھیوادارم کە ئاستی بەشدارییەکانی بەڕێوبەران زیاتر. پێویستمان بە باشتر کردنە Kurd2021 (لێدوان) ‏١٦:٣٣، ٣١ی ئابی ٢٠٢٢ (UTC)

بەڕێز @Kurd2021 جۆرە بەکارھێنەرێک دەگرێتەوە کە کە ماوەی ساڵێک ھیچ دەستکارییەکی نەکردووە، ئایا بۆچی پێویستە ئەو بەکارھێنەرانە ھێشتا خاوەن مافێک بن کە بەکاری ناھێنن؟ 🌸 Sakura emad 💖 (لێدوان) ‏١٦:٤٢، ٣١ی ئابی ٢٠٢٢ (UTC)

و جگەلەوەش ئەو بەکارھێنەرانە کە ھاتنەوە ویکیپیدیا و ئامادەی مافەکە بوون ئەتوانن دوبارە داوای بکەنەوە ھەرچۆن ئێمە لێرە داوامان لە سەندنەوەی مافی پاسدەر کرد لەو بەکارھێنەرانەی کە بەکاری ناھێنن، ئەوەش ھەمان شتە، و دواتر مافەکە بە کلیکێک دەگەڕێندرێتەوە وەک ئەوە نییە زۆری پێ بچێت، تەنھا پێویستە بەکارھێنەر بیسەلمێنێت کە ئامادەی مافەکەیە. 🌸 Sakura emad 💖 (لێدوان) ‏١٦:٤٤، ٣١ی ئابی ٢٠٢٢ (UTC)

@Sakura emad باوەرناکەم پێویستمان بەوە بێت بزانین بەکارهێنەرێک چالاکە یاخود نا گرینگییەکی وای نییە بەلای منەوە، ئەگەر خاوەن مافێکیشی بۆ ماوەیەکی زۆر چالاک نەبوو دەکرێت لە پەرەی وتوێژ قسەی لەگەڵ بکرێت بە ئاگاداری مافەکەی لێ بسێنرێتەوە دیارە ئەمەش بۆ بەکارهێنەرێکی بەرێوبەریش هەر راستە .بەڵام بۆ بەڕێوبەر بەباشی دەزانم کارێک لەو شێوەیە بکرێت، کار و چالاکیەکانی دیار بێت. Kurd2021 (لێدوان) ‏٢٠:٣٤، ٣١ی ئابی ٢٠٢٢ (UTC)

@Aram و @Kurd2021 دەتانەوێت لەناو سیاسەتەکە بەشی بەکارھێنەران بسڕینەوە و تایبەتی بکەین بەبەرێوەبەران؟ 🌸 Sakura emad 💖 (لێدوان) ‏٢٠:٤٢، ٣١ی ئابی ٢٠٢٢ (UTC)

@Sakura emad من وام پێ باشە Kurd2021 (لێدوان) ‏٢٠:٤٩، ٣١ی ئابی ٢٠٢٢ (UTC)

یەک دەقە @Sakura emad: ئەم بەشە بەس باس لە بەڕێوەبەران دەکات. پێویست ناکات بابەتەکان تێکەڵ بکرێن. قسەی یەکەم و کۆتاییی من ئەوەیە کە ھەر بەکارھێنەرێک بۆ ماوەی ساڵێک ناچالاک بوو، ئەوا سەرجەم مافەکانی لێ وەربگیرێتەوە جا بەڕێوەبەر بێ یان نا. بەڵام مادام ئەم بەشە باسی بەڕێوەبەران دەکات، با جارێ تەنیا باس لە بەڕێوەبەران بکەین. ھەڵبەتە پێشتر ئێمە لە وپ:لمب ھەمان ئەم قسانەمان تۆمار کردووە. ⇐ئارام _{وتووێژ💭} ‏١٨:٢١، ١ی ئەیلوولی ٢٠٢٢ (UTC)

زۆر باشە بەڕێز @Aram ھەمان ئەو بیرورایەی ئێوە لەسەر مافی بەکارھێنەران باست کرد لەناو سیاسەتی پێشنیارکراو تۆمارکراوە کە ھەر بەکارھێنەرێک گەر ھیچ چالاکییەکی نەبوو ئەوە پێویستە مافەکانی لێ بسەنرێتەوە. 🌸 Sakura emad 💖 (لێدوان) ‏١٨:٣٩، ١ی ئەیلوولی ٢٠٢٢ (UTC)

@Kurd2021: و ئەو بیرورایە ڕەت دەکەمەوە کە بۆچی نەتوانین لەھەمان سیاسەتی پێشنیار کراو ناوی بەکارھێنەریش بێنین و پێویست نەکات؟ ئایا بەکارھێنەرێک کار بە مافەکانی نەکات بۆچی دەستی پێوەیانەوە بگرێت، من ھۆکارەکەی تێناگەم، ترسی لەدەست دانیانە؟ دەتوانێت دووبارە داوای بکاتەوە، و کە ئامادە بوو ئێمەش پێدەدەینەوە، بەڵام بەکارھێنەرێک کە کاری بە مافەکانی نییە نابێت مافەکان لەناو ھەژمارەکەی بمێننەوە. 🌸 Sakura emad 💖 (لێدوان) ‏١٨:٤٧، ١ی ئەیلوولی ٢٠٢٢ (UTC)

@Sakura emad بەبڕوای من ئەم سیاسەتە پەیوەندی بە بەڕێوبەرانەوە، ناوەکەش ھەر ئەوەیە سیاسەتی ناچالاکی بەڕێوبەران! ئەوەی جەنابیشت خراپ نییە بەڵام ئەگەر بتەوێت لێرە بیگونجێنیت دەبێت بلێین سیاسەتی ناچلاکی بەڕێوبەران و بەکارھێنەرانی خاوەن ماف. Kurd2021 (لێدوان) ‏٢٠:٢٤، ١ی ئەیلوولی ٢٠٢٢ (UTC)

@Kurd2021: ئەمە لە پڕۆژەی ئینگلیزی سادە ھێنراوە و لەوێش ھەمان شت نووسراوە، ئایا پێویست دەکات دانەیەکی تریش تایبەت بۆ بەکارھێنەران بکەینەوە لە ئێستادا؟ لە داھاتوودا گەر شتێکی وا کرا جیاوازە بەڵام لە ئێستادا ھیچی وام بەخەیاڵ دانایەت، و بە کورتییەکەی ئایا بەڕێزت دەتەوێت بەکارھێنەرێک کە کار بە مافەکانی ناکات مافەکانی لەسەر ھەژمارەکەی بمێنێتەوە؟ 🌸 Sakura emad 💖 (لێدوان) ‏٢٠:٣٤، ١ی ئەیلوولی ٢٠٢٢ (UTC)

@Sakura emad نەخێر من پێشتریش وتم دەکرێت کە بەکارهێنەری خاوەن ماف ئاگاداربکرێتەوە.ئەمە تەنها بۆچوونێکە، دەکرێت برادەرانی دیکەش بۆچوونی خۆیان بدەن. Kurd2021 (لێدوان) ‏٢٠:٤٤، ١ی ئەیلوولی ٢٠٢٢ (UTC)

@Kurd2021: سپاس بۆ بیروبۆچونەکەت، بێگوومان ئێمەش بەبێ ئاگادارکردنەوە مافەکانی بەکارھێنەرێک لانابەین کە دەزانین دەکرێ چالاک بێتەوە، بەڵام بە تایبەت کاریگەری لەسەر بەکارھێنەرانێک ھەیە کە دەزانین ماوەیەکی درێژ یان زۆر درێژە دەستکاری ویکیپیدیا ناکەن و وازیان ھێناوە ئەوانە بەبێ ئاگاداری پێش وەختە مافەکانیان لێ دەسەندرێتەوە دەکرێت دواتر ئاگاداریان بۆ بچێت یان لە بەشی کورتەی دەستکاری بۆیان شی بکرێتەوە کێشەکە چییە. 🌸 Sakura emad 💖 (لێدوان) ‏٢٠:٤٩، ١ی ئەیلوولی ٢٠٢٢ (UTC)

@Sakura emad ئێستا ئێمە باسی شتێک دەکەنی کە یاسایە،بۆیە لانیکەم لەم یاسایە دەبێت چەند ئەگەرێک لەبەرچاو بگێرێت بۆ نموونە لەوەیە بەکارهێنەر کۆدی هەژمارەکەی لەبیرنەمابێت یان هەر شتێکی دیکە. بۆیە هەر دەبێت ئاگاداری بۆ بچێت جا ئەو ئاگادارییە چەند جار دووبارە دەبێتەو و لە خاڵەتی بێ جوابی دا چی بکرێت ئەوە شتێکی دیکە. بە بۆچوونی من لە ژێر ئەو ناوە (سیاسەتی ناچالاکیی بەڕێوەبەران)کارێکی لەو شێوەی نازانم ئەگەر بگونجێت. Kurd2021 (لێدوان) ‏٢١:٠٣، ١ی ئەیلوولی ٢٠٢٢ (UTC)

@Kurd2021: لە ئەگەری یەکەم کە باست کرد، گەر بەکارھێنەر وشەی نھێنییەکەی بیرنەما بێت بێگوومان بە چەندین ڕێگەی ھەیە بۆ ھێنانەوەی ھەژمارەکەی وەک ئیمەیڵ، یاخوود Committed identity، یان ھەر ڕێگەیەکی دیکە، کۆتا ڕێگە ئەوەیە پەیوەندی بە ئێمە بەڕێوەبەرانەوە دەکات و خۆی دەسەلمێنێت ئەوکاتەش ئێمە مافە لەدەست چووەکانی بۆ دەگەڕێنینەوە، ئەمە بۆ حاڵەتی نەتوانین بۆ چونەناو ھەژمارەکەت; لە سەرەوەش ڕوونکردنەوەی پێویستم داوە کە بەکارھێنەر لانی کەم دەتوانێت لە کورتەی دەستکاریەوە دەتوانێت بزانێت چی ڕوویداوە واتا شتەکان سنوور دار نییە بۆ ئەوەی تەنھا یەک ڕێگای ئاگادارکردنەوەمان ھەبێت، و گەر ھەر دەڵێی لە ژێر سیاسەتی ناچالاکی بەڕێوەبەران ناگونجێت کەوایە پێویستە ئێستا من بچم داوایەکی تایبەتی تر بکەمەوە کە تایبەت بێت بەبەکارھێنەران؟ سوود لەوە چییە کە ئێستا من بچم ئەوە درووست بکەم گەر بە بە ئاشکرایی و پوختی بۆمی ڕوون بکەیتەوە و ئەوە بە خۆشحاڵییەوە وەک ئەو داویەی پێشووتر، کە تایبەت بە پاسدەر لە دیوەخان کردمانەوە ئامادەم بۆ ئەو مەبەستەش دووبارە بیکەمەوە، گەر ھیچ لەمانەی سەرەوە وەڵامی بۆچوونەکەت نادەنەوە من تێناگەم چی وا بکات ماف لەوانە بمێنێتەوە کە کار بە مافەکانیان ناکەن و دەستبەردار بوون، گەر ترس لە لەدەست دانی مافە ئەوە بەدەست دێتەوە بە ئاسانی. 🌸 Sakura emad 💖 (لێدوان) ‏٢١:١٩، ١ی ئەیلوولی ٢٠٢٢ (UTC)

@Sakura emad من لە مەبەستی بەرێزت تێدەگەم دەزانم دەتەوێت چی بکەیت، بەڵام ئەوەی من دەلێم ئەوە نییە کە پێم باش بێت کە ئەو بەکارهێنەرانەی ناچالاکن هێشتا خاوەن ماف بن. دەکرێت ئەوە لە یاسایەکی دیکەدا باس بکەین.ئەمە دەکرێت هەر تایبەت بێت بە بەرێوبەران. بەش بەحاڵی خۆم تەنها ئەو تێبینیەم هەیە کە لەم یاسایەدا پێویست ناکات باسی بەکارهێنەرانی خاوەن ماف بکەین کە بەڕێوبەر نین. نازانم تا چەند لە مەبەستم تێدەکەیت بەڵام ئەوە بۆچوونی منە.لەگەڵ ئەوەش پێشتر بۆیە بەڕێوبەر زیادکران تا بتوانن زیاتر پەرە بە ویکی کوردی بدەن بەڵام وەک دەبینین بەشێکیان لە ئێستا وەک پێویست نین، هەرچەند ئەوانیش ماوەیەکی زۆر باش ماندوو بوون بەم پڕۆژەیەوە و خەقی خۆشیانە ئەگەر بەردەوام نەبن. Kurd2021 (لێدوان) ‏١٢:٠١، ٢ی ئەیلوولی ٢٠٢٢ (UTC)

@Kurd2021: مەبەستەکانت بەتەواوی گەیشت ببورە بۆ درێژکردنەوە، سپاس کە بەشداریتان کرد 🌸 Sakura emad 💖 (لێدوان) ‏١٢:٠٨، ٢ی ئەیلوولی ٢٠٢٢ (UTC)

@Sakura emad: تەواو، پێویست بە درێژکردنەوە ناکات. ئەمە تایبەتە بە بەڕێوەبەران. ویکیی ئینگلیزیی ساکار نابێتە پێوەر بۆ ئێمە. ئەسڵەن نازانم ئەو ویکییە بۆ چی باشە لەکاتێکدا ویکیی ئینگلیزی ھەیە؟ دەی، پێشتریش وتم یاسای ١٠٠ دەستکاری و بۆ ماوەی ساڵێک لە وپ:لمب باس کراوە و پێم وایە پێویست بە قسەی زیاتر ناکات. بەشێکی تر بۆ بەکارھێنەرانی تر دروست بکرێ و تەواو. کویریی کواری ٦٧٠٤٨ ئەو بەڕێوەبەر و/یان بەڕێوەبەری ڕووکارانە دەگەڕێنێتەوە کە بۆ ماوەی یەک ساڵ ھیچ دەستکارییەکیان نەکردووە. پێم باشە ڕێک شتێکی لەم شێوەیە بۆ جگە لەو دوو مافە (واتە ئەوانی تر) بکەین گەر پێتان باشە. ⇐ئارام _{وتووێژ💭} ‏١٥:٢٦، ٢ی ئەیلوولی ٢٠٢٢ (UTC)

@Aram: پلان وابوو بە Xtools پشکنین بکەین، بەڵام گەر شتێکی دیاریکراو درووست دەکەین وەک ئەو کوارییەی باست کرد تکایە زۆر باشیش دەبێت. 🌸 Sakura emad 💖 (لێدوان) ‏١٥:٢٩، ٢ی ئەیلوولی ٢٠٢٢ (UTC)

@Sakura emad: ڕاستە و ڕەنگە بۆ بەڕێوەبەران کە ژمارەیان کەمە، کویریمان پێویست نەبێ و ھەر بە ئێکستووڵز بزانرێ، بەڵام بۆ بەکارھێنەرانی تر بەبێ کویری ئەستەمە بزانین. کەواتە ١٠٠ دەستکاری بە تێکڕا بۆ ھەر بەڕێوەبەرێک (جا چ بەڕێوەبەر بێ یان بەڕێوەبەری ڕووکار) بۆ ساڵێک، ئەوا مافەکانی لێ وەردەگیرێتەوە، وا نییە؟ گەر وایە و قسەی تر نییە و نەماوە، ئەوا با دەنگی خۆمان بدەین. سپاس! ⇐ئارام _{وتووێژ💭} ‏١٥:٥٥، ٢ی ئەیلوولی ٢٠٢٢ (UTC)

@Aram: @Kurd2021: ھەروەک لە سیاسەتی پێشنیارکراو ھاتووە و بە پوختی ڕوونکراوەتەوە کە ١٠٠ دەستکاری ٥٠ی دەستکاری ئاسایی و ٥٠ی کرداری بەڕێوەبەرایەتی. گەر بەڕێوەبەرێک نەیتوانی لە ساڵێک ٥٠ کرداری بەڕێوەبەرایەتیی تۆمار بکات ھەر بە ناچالاک ھەژمار دەکرێت ئەگەرچیش ٥٠ دەستکاری ئاسایی ھەبێت یان تێیپەڕاند بێت، ئەمە نایکات بەبەرێوەبەرێکی چالاک تەنھا دەیکات بەبەکارھێنەرێکی چالاک. ھیوادارم ڕوون بێت  زۆر سوپاس! 🌸 Sakura emad 💖 (لێدوان) ‏١٦:٥٩، ٢ی ئەیلوولی ٢٠٢٢ (UTC)

@Sakura emad: تەواو بەلای منەوە ڕوونە. گەر تا مانگێ تر قسەی تر نەکرا، ئەوا پەڕەی وپ:لمب نوێ بکەوە و ئاماژە بەم وتووێژەش بدە. سپاس! ⇐ئارام _{وتووێژ💭} ‏١٧:٣٥، ٢ی ئەیلوولی ٢٠٢٢ (UTC)

@Aram: مانگێک بۆ ئەوەی سیاسەتێکی پێشنیارکراو ببیت بە سیاسەتێکی فەرمی! ئەوە زۆر زۆرە ھەفتەیەک بەس بێت تکایە. ھەرخۆشی پێشووتر قسەی لەسەر کراوە و شتیکی نوێ نییە. 🌸 Sakura emad 💖 (لێدوان) ‏١٨:٠١، ٢ی ئەیلوولی ٢٠٢٢ (UTC)

@Sakura emad: گەر وا ناکەی، بانگی بەڕێوەبەران بکە تا کەس گلەیی نەکات. ⇐ئارام _{وتووێژ💭} ‏٢٠:٥٥، ٢ی ئەیلوولی ٢٠٢٢ (UTC)

@Calak, @Kushared, @Pirehelokan, @Serchia تکایە ئاگاداربن سیاسەتێک پێشنیارکراوە بۆ ئەوەی بەڕێوەبەری ناچالاک مافەکانی لێ بسەندرێتەوە بۆ زانیاری زیاتر بڕواننە ویکیپیدیا:ناچالاکیی_بەڕێوەبەران  زۆر سوپاس! 🌸 Sakura emad 💖 (لێدوان) ‏٢٠:٥٨، ٢ی ئەیلوولی ٢٠٢٢ (UTC)

┐─────────────────────────────────└
تێناگەم سیاسەتە پێشنیارکراوەکە چییە؟ مەگەر ئێمە ئەم سیاسەتەمان نیە؟ پێوەرەکەیشی کەمتر لە 100 دەستکاری لە ساڵدا نیە؟ پیرەھەڵۆ (وتووێژ) ‏٠٤:٤١، ٣ی ئەیلوولی ٢٠٢٢ (UTC)

@Pirehelokan وابوو بەشێکی بچووک ھەبوو لە پەڕەی ویکیپیدیا:بەڕێوەبەران، بەڵام شتێکی وەک ئەوە نەبوو کە بە تایبەت باسی بابەتەکە بکات ئەوەتا ویکیپیدیای ئینگلیزیش ھەمان شتیان کردووە Wikipedia:Administrators#Review_and_removal_of_adminship بەڵام لەگەڵ ئەوەش وەک ئێمە پەڕەیەکی فەرمیان بۆ کردۆتەوە بڕوانە Wikipedia:Inactive_administrators. سپاس 🌸 Sakura emad 💖 (لێدوان) ‏٠٦:٣٢، ٣ی ئەیلوولی ٢٠٢٢ (UTC)

@Sakura emad: زۆر بەباشی تیگەیشتین لە روونکردنەوەکانت مەبەستی تۆ ئەوە بوو کە بەڕیوبەران ناچالاک بوون مافەکەیان لێ بسەنریتەوە، و ئەمەش کاریکی تەواوە، ئێمە پیویستمان بە بەڕێوبەری زۆر نییە، کە بە تایبەتیش ناچالاک بن. من وەک خۆم پشتگیریت دەکەم، بەڵام باشیشە نەک بەس بۆ مافی بەڕیوبەران بەڵو لە یەکەم مافی بەکارهێنەر کە لەلایەن بەڕیوبەر پێیدەدرێت کە ناچالاک بوو لێی بسەنریتەوە، چونکە ئەونەی بەکاهێنەرە خاوەن یەک ماف و دوو مافەکان ناچالاک دەبن ئەونە بەڕیوبەران نابن.ئارۆ سالار محمود (لێدوان) ‏٢١:٣٧، ٤ی ئەیلوولی ٢٠٢٢ (UTC)

@ئارۆ سالار محمود کەواتە بە کورتی بەڕێزت پشتگیری ئەوە دەکەیت بەڕێوەبەرێک ناچالاک بوو بەو شێوەیەی لە سیاسەتی پێشنیاکراو باسکراوە، ئەوا دەبێت مافەکەی لێ بسەنرێتەوە، نەک تەنھا بەڕێوەبەران بەڵکو پێویستە ھەمان شت کاریگەری لە بەکارھێنەرانی ناچالاکیش بکات درووستە؟ 🌸 Sakura emad 💖 (لێدوان) ‏٢١:٤١، ٤ی ئەیلوولی ٢٠٢٢ (UTC)

زۆر ڕاستە @Sakura emad:.ئارۆ سالار محمود (لێدوان) ‏٢١:٤٣، ٤ی ئەیلوولی ٢٠٢٢ (UTC)

@ئارۆ سالار محمود: زۆر باشە بەڵام تکایە ئەتوانی واژووی دەنگەکەت بکەیت، لەسەرەوە دەنگت داوە بەڵام واژووی نییە. 🌸 Sakura emad 💖 (لێدوان) ‏٢١:٤٥، ٤ی ئەیلوولی ٢٠٢٢ (UTC)

ڕێسا: ویکیپیدیا:بەستەری سوور

سڵاو بەکارھێنەران بە پێویستم زانی ئەم پەڕەیە بکرێتە ڕێسا لە ویکیپیدیا بابەتەکە بە کورتی باس لەوە دەکات کە چەند سوودی ھەیە بەستەری سوور لەناو وتارەکان درووست بکەین و لە داھاتوودا بەکارھێنەر/خوێنەر ئەو بەستەرە سوورانە دەبینێ لەوانەیە بیانکات بە وتار، پەڕەیان لێ درووست بکات. بە پێویستی دەزانم ئەمە بکەین بە ڕێسا لە ویکیی سۆرانی🌸 Sakura emad 💖 (لێدوان) ‏١٠:١٨، ١٥ی تشرینی دووەمی ٢٠٢٢ (UTC)

پشتگیری

• پشتگیری.ئارۆ سالار محمود (لێدوان) ‏١٧:٥٦، ٢٠ی کانوونی یەکەمی ٢٠٢٢ (UTC)

لێدوان

سپاس 🌸 Sakura emad 💖 (لێدوان) ‏١٠:١٨، ١٥ی تشرینی دووەمی ٢٠٢٢ (UTC)

@Sakura emadمن لێت تێناگەم، دەتوانی زیاتر بە وردی ڕوونی بکەیتەوە مەبەستت چییە؟ Hamaredha (لێدوان) ‏١٤:٤٩، ١٥ی تشرینی دووەمی ٢٠٢٢ (UTC)

@Hamaredha لە ناوەڕۆکی بابەتەکە یان لە ڕوونکردنەوەکەی من؟ 🌸 Sakura emad 💖 (لێدوان) ‏١٤:٥٢، ١٥ی تشرینی دووەمی ٢٠٢٢ (UTC)

@Sakura emad

ببورن، بەڵام باوەڕم پێ بکەن، من لێت تێگەیشتم. ئایا دەتوانن بە دەنگی بەرز بیربکەنەوە تا بتوانین بیرۆکەکانمان بەیەکەوە باس بکەین؟

Hamaredha (لێدوان) ‏١٤:٥٤، ١٥ی تشرینی دووەمی ٢٠٢٢ (UTC)

@Hamaredha: فەرموو ھەرچیت ھەیە باسی بکە. 🌸 Sakura emad 💖 (لێدوان) ‏١٦:١٥، ١٥ی تشرینی دووەمی ٢٠٢٢ (UTC)

@Sakura emad

زۆر سوپاس، بەڵام تەنها دەمەوێت زیاتر ڕوون بکرێتەوە لەوەی مەبەستت چییە

Hamaredha (لێدوان) ‏٠٥:٢٣، ١٦ی تشرینی دووەمی ٢٠٢٢ (UTC)

@Hamaredha: زۆر باشە من لەسەرەوە پرسیم لەچی تێنەگەیشتن

لە ناوەڕۆکی بابەتەکە یان لە ڕوونکردنەوەکەی من

🌸 Sakura emad 💖 (لێدوان) ‏٠٦:٠٩، ١٦ی تشرینی دووەمی ٢٠٢٢ (UTC)

لە زمانەکانی تردا لە ویکیپیدیا شتێک هەیە پێی دەوترێت بۆت و ئەم بۆتە سەدان یان تەنانەت هەزاران کورتە وتار دروست دەکات، دواتر مۆنتاژکاران دەتوانن دوای ئەوە ئەم بابەتانە فراوانتر بکەن و ئەم بۆتە ژمارەی بابەتەکان زیاد دەکات، بۆچی ئەم ئەزموونە گشتگیر نەکەن لە... ئینسایکلۆپیدیای کوردی Hamaredha (لێدوان) ‏١١:١١، ١٦ی تشرینی دووەمی ٢٠٢٢ (UTC)

ئەو ڕێسایەی سەرەوە پەیوەندی بە درووستکردنی وتار نییە، پەیوەندی بە درووستکردنی بەستەری سوور ھەیە لەناو وتار بۆ ئەوەی لە داھاتوودا خوێنەر یان بەکارھێنەر سوود لەم بەستەرە سوورانە وەربگرێت و لەسەر بەستەرەکان وتار درووست بکات. 🌸 Sakura emad 💖 (لێدوان) ‏١١:٣١، ١٦ی تشرینی دووەمی ٢٠٢٢ (UTC)

@Sakura emad: بەڕسی منیش باشە،بۆتەکە کارا بکرێت کە تەنها دوو ڕستە یان سێ ڕستە وەربگێڕێت و دوای خۆمان پێداچوونەوەی بۆ بکەین.ئارۆ سالار محمود (لێدوان) ‏١٧:٥٦، ٢٠ی کانوونی یەکەمی ٢٠٢٢ (UTC)

دامەزراندی سیاسەتی نوێ بۆ سڕینەوەی وتار لەم بارودۆخەی ویکیپیدیای کوردی

بانگھێشتنامە

@Ahrir, @Serchia, @Calak, @Aza, @مامۆستا, @Amine yousefi, @Danial2703kurdistan, @Kurd2021, @Ayoub Majeed, @ArkanEN123, @MFTG, @Kushared, @Pirehelokan, @Aram, @Halbast420, @Paraw, @Muhammed taha, @Épine. @ساکاتا گینتۆکی, @-Haryad, @Abdurhman Ahmad, @فەرهاد, @هیوا@ ،کاردۆ جاف، @Aram، @Sakura emad.ئارۆ سالار محمود (لێدوان) ‏١٢:٣٦، ١٠ی شوباتی ٢٠٢٣ (UTC)

پێشنیار

سڵاوتان لێبێت لە بژداربوانی ویکیپیدیا، لەبەر ئەم بارودۆخەی کە ویکیپیدیا تێیدایە ناتوانی ئەو وتارانەی کە هەڵەیان تێدایە و بەکەڵکی چاکردن نایەت، کردارێک ئەنجام بدرێت ئەویش کورتی و پوختییە، کورتی و پوختی بریتییە لەوەی کە بابەتە زۆر و بۆرەکان نوسراوەکانی بسڕینەوە و تەنها لەجاتی ناوەڕۆکێکی سادە و جوان بنوسین.ئارۆ سالار محمود (لێدوان) ‏١٢:٣٦، ١٠ی شوباتی ٢٠٢٣ (UTC)

لێدوان

بەتەواوی تێنەگەیشتم وتار بسڕینەوە یان گەر شایەنی سڕینەوە بوو بیکەین بە کۆلکە ؟ 🌸 Sakura emad 💖 (لێدوان) ‏١٣:٠٩، ١٠ی شوباتی ٢٠٢٣ (UTC)

بەڵێ @Sakura emad:. ئارۆ سالار محمود (لێدوان) ‏٠٤:١٣، ١١ی شوباتی ٢٠٢٣ (UTC)

ویکیپیدیا:ناچالاکیی بەڕێوەبەران

نەکرا —— 🌸 Sakura emad 💖 (لێدوان) ‏٠٥:٤٩، ٥ی ئایاری ٢٠٢٣ (UTC)

ئەم لێدوانە بەسراوە. تکایە دەستکاریی مەکە. ھەر لێدوانێکی داھاتوو پێویستە لە بەشێکی نوێی پەڕەکە دابنرێت. نابێت ئەم وتووێژە دەستکاری بکرێت.

---

سڵاو بەرێوەبەران @Tessla، @Aram، @Kushared، @Serchia، @Calak, @Pirehelokan ویستم ئەوە ڕابگەیەنم کە دەمەوێت سیاسەتی ناچالاکیی بەڕێوەبەران بەرز بکەمەوە بۆ مێتا و ھەرکە بەرزکرایەوە سیتواردەکان دانی پێدا دەنێن و کار بە سیاسەتەکە دەکەن لە لابردنی بەرێوەبەری ناچالاک، تکایە سیاسەتەکە بخوێننەوە ئەمە بە تایبەتی بۆ ئێوەیە ئایا ھیچ نارەزاییتان ھەیە؟ ھیچ گۆڕانکاریتان دەوێت تیایدا بکرێت، کێشەیەکی تێدا دەبینن؟  زۆر سوپاس! 🌸 Sakura emad 💖 (لێدوان) ‏١٨:٥٦، ٢١ی شوباتی ٢٠٢٣ (UTC) سپاس. 🌸 Sakura emad 💖 (لێدوان) ‏١٨:٥٦، ٢١ی شوباتی ٢٠٢٣ (UTC)

سپاس. کارێکی خراپ نیە بە بڕوام. تکایە بە کورتی و کوردی لە سەرەوە یاساکە خولاسە بکەوە بۆ بەکارھێنەرەکان. ڕەنگە ھەمووکەس نەچێ گشتی یاساکان بخوێنێتەوە یان ئینگلیزی نەزانێت. پیرەھەڵۆ (وتووێژ) ‏٠٥:٣٧، ٢٢ی شوباتی ٢٠٢٣ (UTC)

بەڕێز @Pirehelokan مەبەستم لەوەیە ویکیپیدیا:ناچالاکیی بەڕێوەبەران بەرز بکەمەوە بۆ مێتا، تا ببێتە یاسا بۆ ستیواردەکان. 🌸 Sakura emad 💖 (لێدوان) ‏٠٨:٠٣، ٢٢ی شوباتی ٢٠٢٣ (UTC)

@Sakura emad: ھەرچەنە ئێستاش ئیشێکی وام بە مافی بەڕێوەبەری نەماوە و بە بڕوای من خراپ نابێت گەر ببێتە ھاندەرێک تا بەڕێوەبەر ھیچ نەبێت لە ساڵێک بەگشتی ١٠٠ دەستکارییەک بکات. بەڵام بۆ کردەوەی بەڕێوەبەری نازانم، ٥٠ زۆر نییە؟ چونکە ئێستا بۆ نموونە ھەر خۆم مەجالی سڕینەوەی پەڕەشم نییە. تۆ و Tessla (کە دەستیشتان خۆش بێت) زۆر چالاکن و من ناتوانم کردەوەی بەڕێوەبەریم زۆر بەرز بکەمەوە. بە بڕوای من ویکیپیدیا:ناچالاکیی بەڕێوەبەران کەمێکیش تێکەڵ نووسراوە و نووسینی دووبارەی زۆری تێدایە؛ دەبێ ساناتر بکرێتەوە تا بە یەک جار خوێندنەوە لێی تێ بگەین. سپاس! ⇐ئارام _{وتووێژ💭} ‏١٢:٥٠، ٢٢ی شوباتی ٢٠٢٣ (UTC)

@Aram سیاسەتەکە جەخت لەسەر شتەکان دەکاتەوە تا خوێنەران ئاسانتر تێبگەن، نەک قورستری بکات، ھەر بۆ نموونە سیاسەتەکە بە کورتی دەڵێت بەرێوبەر پێویستە بە لایەنی کەمەوە 100 کردەوەی ھەبێت لەم سەد کردەوەیە پەنجای دابەش دەبێت بەسەر دەستکاری ئاسایی و پەنجاشی دابەش دەبێت بەسەر کردەوەی بەڕێوەبەری بەو مانایە دێت بە لایەنی کەمەوە پێویستە ١٠٠ چالاکیی بۆ ھەر بەڕێوەبەرێک بەردەست بێت تا بیسەلمێنن کە لە پڕۆژەکە ئامادەیی بەشداریکردنیان ھەیە و بێگوومان گەر دەزانیت کێشە لە سیاسەتەکە ھەیە تکایە پێشنیار بکە چی ھەڵەیە؟ و چی باشتری دەکات؟ 🌸 Sakura emad 💖 (لێدوان) ‏١٣:٣٥، ٢٢ی شوباتی ٢٠٢٣ (UTC)

ڕەنگە زۆر بێ. کردەوەی بەڕێوەبەرانە تەنیا سڕینەوەی خێرایە کە باقیی بەکارێنەرەکان مافەکەیان نەبێت. من لە کاتی چالاکیشدا ساڵێک 50 کردەوەم نابێ. پیرەھەڵۆ (وتووێژ) ‏٠٣:١٥، ٢٣ی شوباتی ٢٠٢٣ (UTC)

@Pirehelokan دەتانەوێت لە ساڵێکدا چەن کردەوەی بەڕێوەبەری بکەن؟ 🌸 Sakura emad 💖 (لێدوان) ‏٠٩:١٨، ٢٣ی شوباتی ٢٠٢٣ (UTC)

کاک @Pirehelokan: نازانم ئاخۆ چاک لە باسەکە تێگەیشتووی یان نا. بەکورتی ساکووڕا دەڵێ ئەو سیاسەتەی خۆمان ببەینە مێتا و مەرجەکەش لەوێ دەنووسین. جا گەر بەڕێوەبەری خۆمان لەو ماوەیەدا بەپێی مەرجەکە بەشداریی نەبوو، ئەوا ستیواردەکانی مێتا مافی بەڕێوەبەریی لێ وەردەگرنەوە. واتە پێشتر گەر لە ویکیپیدیا خۆی یەک دوو قسە لەسەر ئەوە بکرایە، بەڵام گەر بیبەینە مێتا، ئەوا بەبێ قسەکردن و بەپێی ئەو مەرجە مافی بەڕێوەبەری لە بەڕێوەبەر وەردەگرنەوە. کردەوەی بەڕێوەبەری بێجگە لە سڕینەوەی پەڕە، شتی زۆرتریشە و بڕوانە دوایین ٣٠ ڕۆژی کردەوەی بەڕێوەبەریمان، بەڵام دەکرێت بڵێین تەنیا سڕینەوەکە وا دەکات کە ژمارەی کردەوەی بەڕێوەبەریمانی پێ زیاد بکەین. @Sakura emad: سیاسەتەکە باشە گەر بۆ ئەوە بێت بەڕێوەبەران چالاک بن، بەڵام بەڕاستی لێرەدا ترسم لەوەیە گەر بەڕێوەبەرێک زۆر چالاک بێت و مەجال نەدات ئەمانی تر بەشی خۆیان کردەوەی بەڕێوەبەری بکەن، ئەوا دەکرێت لەماوەی ساڵێک سێ چوار بەڕێوەبەری ئەم پڕۆژەیە بڕوات. ھەڵبەتە ھەندێ پڕۆژە نووسیویانە دەبێ ئاگاداریی پێشوەختە بۆ بەڕێوەبەرەکە بنێردرێت. سپاس! ⇐ئارام _{وتووێژ💭} ‏١٣:١٧، ٢٣ی شوباتی ٢٠٢٣ (UTC)

@Aram: ئممم، ئەوەنەی دەزانم ستیواردەکان نایەن لە یەک بە یەکی ویکییەکان بگەڕێن بزانن کامە بەڕێوەبەری بەتەواوی چالاک نییە و سیاسەت جێبەجێ ناکات بەڵام بەڵێ دەکرێت کەسێک ھەبێت سکاڵا تۆمار بکات لە بەرێوبەرێکی ناچالاک و مافەکەی لێ وەرگرێتەوە واتا گەر ئەم سیاسەتە بچێتە مێتا ئەوە بەڵێ سکاڵا لەسەر ھەرچی بەڕێوەبەرێک تۆمار بکرێت و لەگەڵ سیاسەت بگونجێت مافەکەی لێ وەردەگرنەوە. 🌸 Sakura emad 💖 (لێدوان) ‏١٤:٠٠، ٢٣ی شوباتی ٢٠٢٣ (UTC)

@Sakura emad: حەی لەمە! دەی کەواتە ئێمە ئێستا بۆچی کاتمان بەفیڕۆ دەدەین؟ قابیلە ئامڕازێک، شتێک نەبێت تا مەرجەکەی لێوە ببینن؟ گەر بۆ سکاڵا و شتە، نەوەڵا، وازی لێ بێنە. ⇐ئارام _{وتووێژ💭} ‏١٤:١٩، ٢٣ی شوباتی ٢٠٢٣ (UTC)

@Aram گەر سەیری metawiki:Admin_activity_review/Local_inactivity_policies بکەیت لە مێتا دەبینی ویکییەکان ئەو سیاسەتەیان بەرزکردۆتەوە کەوایە بۆچی ئێمە بەرزی نەکەینەوە. 🌸 Sakura emad 💖 (لێدوان) ‏١٤:٣١، ٢٣ی شوباتی ٢٠٢٣ (UTC)

@Sakura emad: ئاخر بە چی ئامانجێ؟ ⇐ئارام _{وتووێژ💭} ‏١٤:٤٧، ٢٣ی شوباتی ٢٠٢٣ (UTC)

@Aram:، ئارام گیان تێگەیشتم لە کارەکەی. وابزانم فەلسەفەی کارەکەی ئەوەیە کە پێوانەیەکی ئۆبجکتیڤمان ببێ بۆ ئەوەی بەڕێوەبەرە ناچالاکەکان لە کار لاببرێن. لەگەڵ ئەوەی کێشەم نیە. بەڵام ئەوەی پێوانەکەی کردەوەوی بەڕێوەبەری بێت ئەوە بەتایبەت لەو ئاستە بەرزەدا ئەوە ھەر بۆمان بەڕێوە ناچێ و ھەموو بەڕێوەبەرەکان لادەچن دوای ماوەیەک. بەھەرحاڵ چون ویکیی سۆرانی زۆر بچووکە بە بڕوام ناتوانین بەم ژمارانە و سنووردانانانە کارەکان بەڕێوە ببەین. ھەر بە وتووێژ بێت باشترە. پیرەھەڵۆ (وتووێژ) ‏٠١:٣٨، ٢٤ی شوباتی ٢٠٢٣ (UTC)

@Pirehelokan بەڕاستی بەڕێزتان ناتوانن لە ساڵێکدا ٥٠ کردەوەی بەڕێوەبەری بکەن؟ :) 🌸 Sakura emad 💖 (لێدوان) ‏١٠:٠٨، ٢٤ی شوباتی ٢٠٢٣ (UTC)

@Pirehelokan: منیش پێم باشترە ھەر بە وتووێژ بێت. @Sakura emad: سەرەتا نیازم ھەبوو لەگەڵی بم، بەڵام وەک لەسەرەوەش وتم گەر بەڕێوەبەرێک یان دووانی زۆر چالاک ھەموو کارە بەڕێوەبەرییەکان بکەن، ئەوا ئەوانی تر ھیچیان بۆ نامێنێتەوە و دەردەکرێن. بەکورتی ئەمە دەبێتە پێشبڕکێ و دژی وپ:وبتن دەبێت. ⇐ئارام _{وتووێژ💭} ‏١٢:٢٤، ٢٤ی شوباتی ٢٠٢٣ (UTC)

بەڕێز @Aram ئایا پێت وایە ئەو ھەموو پڕۆژانەی کە سیاسەتەکەیان بەرز کردۆتەوە بۆ پێشبڕکێ بووبێت؟ بەڵام گەر نەتوانرێت چیتر لە ١٢ مانگ ٥٠ کردەوەی بەرێوەبەریش بکرێت ئەی لێرە تووڵی بەرێوەبەری چی سوودێکی ھەیە بۆ پڕۆژەکە؟ لێرە بەرێز @Pirehelokan باسی سڕینەوەی کرد بەڵام بەڕێوەبەری تەنھا سڕینەوە نییە، ھەر لە پۆل:وتارەکان بۆ کردنەیەک سەیر بکە ئەو مانگە ٤٣ وتار پێویستیان بە کردنە یەک ھەیە ئەوەش کردارێکی بەڕێوەبەرییە، جگە لە سڕینەوە پاراستن، بەربەستن، کردنە یەک، گۆڕینی مافەکانی بەکارھێنەر، import، سڕینەوەی بەسەرداچوونەوە، گۆڕینی مێژووی پەڕەیەک (شاردنەوە،ھێنانەوە) ئەمانەش کردەوەی بەرێوەبەرین. 🌸 Sakura emad 💖 (لێدوان) ‏١٢:٣٢، ٢٤ی شوباتی ٢٠٢٣ (UTC)

بەڕێز @Aram دەگوترێت پڕۆژەکە بچووکە من دەپرسم: ئایا ھەر بەڕاستی ئەوەندە بچووکە ھەر بەرێوەبەرێک نەتوانێت لە ماوەی ١٢ مانگ ٥٠ کردەوەی بەبەربکەوێت؟ 🌸 Sakura emad 💖 (لێدوان) ‏١٤:٠١، ٢٤ی شوباتی ٢٠٢٣ (UTC)

@Sakura emad: بە ڕای من وازی لێ بێنین و بە وتووێژەوە ماف لە بەڕێوەبەر بسێنینەوە باشترە. پێم وا نییە بۆ ئێستا کارێکی باش بێت گەر وا بکەین. با ئەو سیاسەتە ھەر لەنێو خۆماندا بێت و نەچێتە مێتا. گەر یەکدەنگییش پێچەوانەی ڕای منە، بیبەنە مێتا. سپاس! ⇐ئارام _{وتووێژ💭} ‏١٤:٥٢، ٢٤ی شوباتی ٢٠٢٣ (UTC)

@Aram کێشەم نییە من ئەم داواکارییە دەکشێنمەوە بەڵام پێم خۆش بوو بزانم ئایا گەر لە ساڵێکدا نەتوانرێت ٥٠ کردەوەی بەڕێوەبەری بکرێت، توولی بەرێوەبەری چ سوودی ھەیە؟ 🌸 Sakura emad 💖 (لێدوان) ‏١٤:٥٨، ٢٤ی شوباتی ٢٠٢٣ (UTC)

@Sakura emad:، کردەوەی بەڕێوەربەری زۆری بریتین لە سڕینەوە و کاری تر وەک بەخشینی ماف و بلۆککردن و... بڕوا ناکەم ئەو ژمارەیە کار ھەر بوونی ھەبێت. ترسی من ئەوەیە بەڕێوەبەرەکان ھان بدات بۆ بلۆککردن و سڕینەوەی زیاتر کە تەنیا زەرەری بۆ ویکیپیدیا ھەیە. بۆیە ڵەگەڵی نیم. سپاس. پیرەھەڵۆ (وتووێژ) ‏٢٠:٥٠، ٢٦ی شوباتی ٢٠٢٣ (UTC)

---

ئەم وتووێژەی سەرەوە بەستراوە. تکایە دەستکاریی مەکە. ھەر لێدوانێکی داھاتوو پێویستە لە بەشێکی نوێی پەڕەکە دابنرێت. نابێت ئەم وتووێژە دەستکاری بکرێت.

کێشەکانی infobox

نەکرا بەهۆی کێشەی ئەندامەکانی ویکیپیدیا.Agent aro (لێدوان) ‏٢١:٠٦، ٣ی حوزەیرانی ٢٠٢٣ (UTC)

ئەم لێدوانە بەسراوە. تکایە دەستکاریی مەکە. ھەر لێدوانێکی داھاتوو پێویستە لە بەشێکی نوێی پەڕەکە دابنرێت. نابێت ئەم وتووێژە دەستکاری بکرێت.

---

@Ahrir, @Serchia, @Calak, @Aza, @مامۆستا, @Amine yousefi, @Danial2703kurdistan, @Kurd2021, @Ayoub Majeed, @ArkanEN123, @MFTG, @Kushared, @Pirehelokan, @Aram, @Halbast420, @Paraw, @Muhammed taha, @Épine. @ساکاتا گینتۆکی, @-Haryad, @Abdurhman Ahmad, @فەرهاد, @هیوا@ ،کاردۆ جاف، @Aram، @Sakura emad، @Tessla

سڵاوتان لێبێت Agent aro (لێدوان) ‏٠٩:١٢، ٢٩ی ئایاری ٢٠٢٣ (UTC)

دڵنیام زۆرێکتان ئاگادارن کە لە ئێستادا کێشەی وەرنەگێڕانی infobox یان بۆکسی زانیاری هەیە، کە بە زمانی ئینگلیزی دادەنرێتەوە بەبێ ئەوە وەربگێڕدرێت یاخود تەنها کەمێکی لێوەردەگێڕن، کە ئەمەش دەبێتە هۆی ئەوەی خوێنەرەکانمان لێمان دووربکەوەنەوە و گرینی بە زانیارییەکان نەیەن،

داواکاری

داواکارم لە بەڕێزتان کە دەنگ بدەن بۆ یەکلای کردنەوە بۆکسەکان کە بیسڕینەوە یاخود نەخێر.

دژایەتی

• دژ بەڕای من بمێننەوە باشترە لەوێی لایانبەرین، باشتر وایە لە جیاتی سڕینەوە کار لەسەر وەرگێڕانیان بکەین. Nskoalj (لێدوان) ‏٠٩:٥٩، ٣٠ی ئایاری ٢٠٢٣ (UTC)

لەگەڵ

لەگەڵ بۆکسەکان بسڕنەوە. ArkanEN123 ←وتووێژ ‏١٢:٠٠، ٢٩ی ئایاری ٢٠٢٣ (UTC)

• لەگەڵ بەمەرجی دانانی داتابۆکس. Tessla (وتووێژ) ‏٠٩:٠٨، ٣٠ی ئایاری ٢٠٢٣ (UTC)
• لەگەڵ دەستان خۆش بێت. مامۆزک ^وتووێژ ‏٠٩:٢٨، ٣٠ی ئایاری ٢٠٢٣ (UTC)

لێدوان

 زۆر سوپاس!.Agent aro (لێدوان) ‏٠٩:١٧، ٢٩ی ئایاری ٢٠٢٣ (UTC)

@Agent aro: هەڵە نەبم بانگھێشتکردنەکان نەگەیشتوون بەکەسیان. هەرچەنە ڕوونکردنەوەی تەواوەتیت نەداوە کە مەبەستت چییە بکرێت بە سیاسەت، بەڵام وادیارە مەبەستت ئەوەیە سندووقەکانی زانیاریدان گەر بە زمانی بیانی نووسرابن پێویستە بسڕدرێنەوە، گەر مەبەستتەکەت ئەوەیە، ئەوا شتێکی باشە بسڕدرێنەوە، بەڵام باشتر وایە لەجێگایان داتابۆکس دابنرێت. Tessla (وتووێژ) ‏١٢:٣٦، ٢٩ی ئایاری ٢٠٢٣ (UTC)

نموونەیەکمان پیشان دەدەیت؟ پیرەھەڵۆ (وتووێژ) ‏١٣:٢٦، ٢٩ی ئایاری ٢٠٢٣ (UTC)

@Pirehelokan

1. نەمرەکان (فیلم)
2. بلاک ویدۆو (فیلم)
3. تۆڵەستێنەکان: جەنگی بێکۆتا
4. دەستە خۆکوژییەکە (فیلم)
5. تێریۆن لانستەر
6. تەنھا تاوانی کوشتن لە بیناکەدا
7. پشووی تایبەتی پاسەوانانی گەلەئەستێرە #
8. کرۆنی سوێدی
9. سۆپرانۆکان (وەرزی ١)
10. سوارچاکی ڕەش (داین ویتمان)
11. وێروۆڵف بای نایت (ئەڵقەیەکی تەلەڤیزیۆنیی تایبەت)
12. ماد مان
13. تاریک (زنجیرەی تەلەڤیزیۆنی)
14. مژدە باشەکان (زنجیرەی تەلەڤیزیۆنی)
15. پیاوی لمەکە (زنجیرەی تەلەڤیزیۆنی)
16. سوارچاکی مانگ (زنجیرەی تەلەڤیزیۆنی)
17. باخچەکان و پارکەکان
18. ماندەلۆریان (کەسایەتی)
19. ویچەرەکە
20. ژووری ھەواڵەکان (زنجیرەی تەلەڤیزیۆنی)
21. ئاشتی دروستکەر (زنجیرەی تەلەڤیزیۆنی)
22. بیردۆزی تەقینەوە گەورەکە (ڕوونکردنەوە)
23. بیردۆزی تەقینەوە گەورەکە (زنجیرە)
24. قایمقامی کینگستاون
25. جۆن قەنستەنتین (ئارۆڤێرس)
26. لوسیفەر (دی سی کۆمیکس)
27. باری ئالێن (جیھانی فراوانکراوی دی سی)
28. باری ئالێن (ئارۆڤێرس)
29. سووپەرگێرڵ (زنجیرەی تەلەڤیزیۆنی)
30. ئەفسانەکانی بەیانی
31. قەنستەنتین (زنجیرەی تەلەڤیزیۆنی)
32. بەھزاد چ. بیر ئەنقەرە پۆلیسیزی
33. نەبەزێنراو (زنجیرەی تەلەڤیزیۆنی)
34. دادوەرە شەیتانەکە
35. تێد لاسۆ
36. ڕاگنارۆک (زنجیرەی تەلەڤیزیۆنی)
37. خاتوو. مارڤڵ (زنجیرەی تەلەڤیزیۆنی)
38. ئینھیومانز ئاسمانی (کۆمیکس)
39. ئینھیومانز (زنجیرەی تەلەڤیزیۆنی)
40. بریکارەکانی شیڵد
41. بێگانەی نیشتەجێبوو (زنجیرەی تەلەڤیزیۆنی)
42. دراوسێکە (زنجیرەی تەلەڤیزیۆنی)
43. وانداڤیژن ئەنتۆراج (فیلم)
44. لیڵێھامەر
45. لیڵیھامەر
46. گەڕەکەکە (زنجیرەی تەلەڤیزیۆنی)
47. دادگایی و ھەڵە (زنجیرەی تەلەڤیزیۆنی)
48. کۆمەڵ (زنجیرەی تەلەڤیزیۆنی)
49. لاودەرمێلک (زنجیرەی تەلەڤیزیۆنی)
50. جەماوەری ئای تی (زنجیرەی تەلەڤیزیۆنی)
51. ناوم ئێڕڵە
52. چۆن دایکتانم بینی
53. جۆن سنۆو
54. گۆڤاری پەیست
55. بۆڵ (زنجیرەی تەلەڤیزیۆنیی ٢٠١٦)
56. میدیا ڕایتس کەپیتەڵ
57. لۆرا لێنی
58. باری (زنجیرەی تەلەڤیزیۆنی)
59. گاڵتەکردن

ئەمەنە ئەو نمونانەن کە بۆ بەکارهێنەرێکی ئێرەم ناردبوو، نامەوێت ناوی بهێنم Agent aro (لێدوان) ‏١٤:٥٧، ٢٩ی ئایاری ٢٠٢٣ (UTC)

@Tessla پێیان گەیشتووە، با بۆکسەکان بسڕدرێنەوە بەڵام نەک لە جێگەیان داتا بۆکس دابنرێت چونکە هیچی لەگەڵ بۆکسەکانی خۆیان جیاواز نییە، خۆ داتا بۆکس هەمووی وەرنەگێڕدراوە، کێشەکە ئەوەیە Agent aro (لێدوان) ‏١٤:٥٢، ٢٩ی ئایاری ٢٠٢٣ (UTC)

@Agent aro: جیاوازیان زۆرە، بەتێپەڕبوونی کات وتارەکان درووست دەکرێن. Tessla (وتووێژ) ‏١٥:٠٩، ٢٩ی ئایاری ٢٠٢٣ (UTC)

@Tessla دەکەواتە ئەوە دەبێت لە داهاتوودا بیری لێبکەینەوە Agent aro (لێدوان) ‏١٥:٢٦، ٢٩ی ئایاری ٢٠٢٣ (UTC)

لە ڕاستیدا بوونی سندووقی زانیاری گرینگە و پێویستە، دەکرێت بۆ ئەو جۆرە وتارانە تاگی خاوێندکردنەوەی لەسەر دابنرێت وەک ئاماژەیەک بۆ بوونی کێشە لەوتارەکە، هەروەها چارەسەری دیکەش ئەوەیە کە نووسەری بابەتەکە ئاگادار بکرێـەوە بۆ چارەسەری ئەو بابەتە.Kurd2021 (لێدوان) ‏١٦:٢٧، ٢٩ی ئایاری ٢٠٢٣ (UTC)

سڵاو بەڕێز Agent aro قسەکانی بەڕێز تێسلا ڕاستن پێویستە داتابۆکس لەجێگاکەیان دابنرێت یان وەک بەڕێز Kurd2021 دەڵێ گرینگە ئەو ئینفۆبۆکسە پێویستە تاگی لێبدرێت. مامۆزک ^وتووێژ ‏١٦:٣٢، ٢٩ی ئایاری ٢٠٢٣ (UTC)

@Ferhad Mamosk @Kurd2021 @Tessla داتا بۆکس لە جاتریان دادەنێین Agent aro (لێدوان) ‏٠٩:٠٠، ٣٠ی ئایاری ٢٠٢٣ (UTC)

@Agent aro: گەر ئاوابێت، بڕیارێکی باش دەدەیت بۆ ویکیپیدیا، سپاس. Tessla (وتووێژ) ‏٠٩:٠٧، ٣٠ی ئایاری ٢٠٢٣ (UTC)

@Nskoalj: بەڕێزتان ئامادەن کە هەڵسن بە ئەنجام دانی ئەو کارە؟.Agent aro (لێدوان) ‏١١:٠٧، ٣٠ی ئایاری ٢٠٢٣ (UTC)

سڵاو @Agent aro: بە ڕای من گەر نیوەی یان زیاتری وەرگێردرابوو، ئەوا مانەوەی خراپ نییە و بەشکووم کەسێک بێت و ئەوەی دواتری بکاتە کوردی چونکە مەرج نییە ھێنەری سندووقەکە بزانێت ھەموو دەقێکی نێو سندووقەکە بکاتە کوردی. بەڵام خۆی بەگشتی گەر سندووقەکە ھەمووی یا زۆرینەی وەرنەگێڕدراو بوو، ھەر باشترە دانەنرێت. ⇐ئارام _{وتووێژ💭} ‏١٦:٣٧، ٣١ی ئایاری ٢٠٢٣ (UTC)

@Aramمنیش لەگەڵ ئەوەی تۆدام، ئەوانەی نیوەی وەرگێڕدراوە وەریان دەگێەین و ئەوانەی دیکەش کە وەرنەگێڕدراون، دەیسڕێنەوە.Agent aro (لێدوان) ‏١٦:٥٢، ٣١ی ئایاری ٢٠٢٣ (UTC)

@Aram: هەرچەندە ئەوە ڕای خۆتە، بەڵام داتابۆکسەکە باشتر نابێت، لەجیاتیان دابنرێت؟!. Tessla (وتووێژ) ‏١٧:٠١، ٣١ی ئایاری ٢٠٢٣ (UTC)

@Agent aro: گەر ھەموومان ھەوڵ بدەین چارەسەر دەبێت، دیسانیش پێم وایە کە ئەو داڕێژانەی ئێستا مانەوەیان باشترە لە سڕینەوەیان. Nskoalj (لێدوان) ‏١٩:٢٣، ٣١ی ئایاری ٢٠٢٣ (UTC)

┐─────────────────────────────────└
زۆرچاکە ئێستا هەموو بەکارهێنەران بانگ دەکرێنەوە بۆ بەژداریکردن لە چاککردنەکە، گەر لە پێنج بەکارهێنەر زیاتر بێت ئەوا هەموویان وەردەگێڕین، بەڵام گەر لە ٣ کەس یان کەمتر بێت ئەوا هەموو بۆکسە وەرنەگێڕدراوەکان گەر نیوەشی پێشتر وەرگێڕدرابێت ئەوا هەر دەسڕدرێتەوە

بانگەشتنامە

@Ahrir, @Serchia, @Calak, @Aza, @مامۆستا, @Amine yousefi, @Danial2703kurdistan, @Kurd2021, @Ayoub Majeed, @ArkanEN123, @MFTG, @Kushared, @Pirehelokan, @Aram, @Halbast420, @Paraw, @Muhammed taha, @Épine. @ساکاتا گینتۆکی, @-Haryad, @Abdurhman Ahmad, @فەرهاد, @هیوا@ ،کاردۆ جاف، @Aram، @Sakura emad، @Tessla.Agent aro (لێدوان) ‏٢٠:١٦، ٣١ی ئایاری ٢٠٢٣ (UTC)

@Agent aro: دەستان خۆش بێت، و ماندوو نەبن، هیوادارم بتوانن شتێک بکەن، من وەک خۆم ناتوانم کە کار لەو داڕێژانە بکەم (ڕاستییەکەی وا بیردەکەمەوە سووکایەتی بەخۆم دەکەم گەر بیانکەمە کوردی). سپاس. Tessla (وتووێژ) ‏٢٠:٣٧، ٣١ی ئایاری ٢٠٢٣ (UTC)

@Agent aro وەک بەرێز ئارام وتی گەر سندووقێک نیوەی وەرگێڕدراوە یان بەشی پێویستی وەرگێردراوە وا باشترە بوەستین و نەیسڕینەوە و چاوەڕێی کەسێکی تر بکەین وەرگێڕانەکە تەواو بکات، گەر سندووقێک ھیچی وەرنەگێڕدرابوو ئەوکات ئاساییە. —— 🌸 Sakura emad 💖 (لێدوان) ‏١٠:٠٢، ١ی حوزەیرانی ٢٠٢٣ (UTC)

دەوەڵا منیش چی بکەم چی لەویکیپیدیا دێت، کێشەی من نییە ئەوەی لەدەستم بێت دەیکەم.Agent aro (لێدوان) ‏٢١:٠٦، ٣ی حوزەیرانی ٢٠٢٣ (UTC)

بەژداریکەران

• Aro

---

ئەم وتووێژەی سەرەوە بەستراوە. تکایە دەستکاریی مەکە. ھەر لێدوانێکی داھاتوو پێویستە لە بەشێکی نوێی پەڕەکە دابنرێت. نابێت ئەم وتووێژە دەستکاری بکرێت.