خوا لە ئیسلامدا
| پایەکانی باوەڕ | |
|
| بەشی زنجیرەیەک لەسەر |
| ئیسلام |
|---|
 |
خوا لە ئیسلامدا، زاتێکی بێ ھاوتا و دادپەروەرە، نەمرە و ھیچ ھاوەڵ و ھاوبەشێکی نییە، پەرستراوی حەقی ھەموو دروستکراوانە، و موسڵمانان لەو باوەڕەدان کە خوا تاک و تەنھایە و جێی ڕاز ونیازە، بەخشندە و میھرەبانە، لە گوناە خۆش دەبێت و گەڕانەوە وەر دەگرێت و جیاوازی ناکات لە نێوان خەڵکدا تەنھا بە کردەوەی چاک نەبێت. دروستکەری گەردوونە و باڵادەستە بەسەر ھەموو شتێکیا، جیاوازە لە ھەموو دروستکراوانی و دوورە لە پێشبینی بەشەر… یەکەم بنەمای بیروباوەڕ یان عەقیدەی ئیسلام باوەڕبوونە بە بوونی خوا (ﷲ). کە ئەمەش باوەڕی تەواو دەگریتەوە بە خوا وەک پەروەردگاری پەرستراوی تاک و بێ ھاوەڵ، و ھەروەھا باوەڕبوون بە ھەموو ناو و سیفەتەکانی خوا کە لە قورئان و سوننەتی پێغەمبەردا ھاتوون.
باوەڕبوون بە خوا
[دەستکاری]باوەڕبوون بە خوا یەکەم پایەیە لە پایەکانی باوەڕ وەک پێغەمبەری ئیسلام ڕوونی کردووەتەوە لە وەڵامی پرسیارێکی جوبڕەیلدا لەسەر باوەڕ، فەرموویەتی (باوەڕت بە خوا و فریشتەکانی و کتێبەکانی و پێغەمبەرەکانی ھەبێت…)[١]
و باوەڕ بە خوا ڕۆحی ئیسلامە، و گرنگنرین پایەی بیروباوەری ڕاستە، و مانای باوەربوون بە خوا ئەوەیە کە موسڵمان باوەری ھەبێت بەوەی کە خوا پەروەردگاری ھەموو بوونەوەرە، و ھیچ پەروەردگارێک نییە بێجگە لە ئەو، بەدیھینەری ھەموو بوونەوەرە و بەدیھینەر نییە بێجگە لە ئەو، و خاوەن ڕەھایی تەواوە، و بڕیاردان و خاوەنێتی بە دەستە، و پەرستراوی حەقە و ھاوبەشی نییە، و موسڵمانان لەو باوەرەدان کە خوا خاوەنی ھەموو سیفەتێکی تەواوە، لە کەس نەبووە و کەسی لێ نابێت و ھاوبەشی نییە. بەم شێوەیە باوەربوون بە خوا چوار بوار ئەگرێتەوە؛
- یەکەم/ باوەڕبوون بە بوونی خوا.
- دووەم/ باوەربوون بە پەروەردگارێتی خوا
- سێیەم/ باوەربوون بە پەرستراوێتی خوا
- چوارەم/ باوەڕبوون بە ناو وسیفەتەکانی.
سیفەتەکانی خوا
[دەستکاری]لە ئیسلامدا، خوا پەرستراوی حەق و تاک و تەنھایە، زانا و بەدیھێنەرە و ڕۆزی دەری ھەموو زیندەوەرانە، بەتوانا و بەخشندە و بە بەزییە لە گوناە خۆش دەبێت و گەڕانەوە وەردەگرێت و لێبوردە و لێخۆشبووە و کار بەجێ و لێزانە و جێی ڕاز و نیازە، ھەروەھا خوا نەوەد و نۆ ناوی ھەیە کە موسڵمانان باوەڕیان پێی ھەیە.
بابەتە پەیوەندیدارەکان
[دەستکاری]سەرچاوەکان
[دەستکاری]- ^ ڕواە مسلم
- باوەڕبوون بە خوای گەورە، وەرگێڕانی/ محمد عبدالرحمن لطیف
- https://web.archive.org/web/20160306085431/http://islam.aljayyash.net/encyclopedia/book-١١-٤
