قەیسی

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
وێنەی دوو قەیسی

قەیسی بڕێکی زۆری لە ڤیتامین A تێدایە، بە تایبەتی کە وشککراوەتەوە. خواردنی سێ دانە قەیسی قەبارە مام ناوەندی نزیکەی 45% ی پێویستی رۆژانەی ئەم ڤیتامینە دابین دەکات. ھەروەھا قەیسی بڕێکی باشی لە ڤیتامین C و پۆتاسیۆم تێدایە، لەگەڵ ئەوەی کە کۆلیستیرۆلی تێدانییە.

یەک دانە قەیسی تەنھا 20 کالۆری وزەی تێدایە. قەیسی وشککراوە بۆ چارەسەرکردنی قەبزی سوودی لێ وەردەگیرێت. زەیتی تۆی قەسی بەکاردێت لە ئاوێتەکانی جوانکاری و پیشەسازی سابون و گەلێک لە ئاوێتەکانی پێست.

بۆ ئەو کەسانەی کە ھەستەوەریان بە خواردنی بە قەیسی ھەیە، قەیسی وشک بە گازی دووەم ئۆکسیدی گۆگرد مامەڵەی لەگەڵدا دەکرێت وەکو پارێزەری رەنگ و کومکردنەوەی ئەگەری ھەستەوەری. ناوکە تاڵەکەی قەیسی بڕێک لە مادەی سایانیدی تێدایە، کە مادەیەکی ژەھراوییە، بۆیە ئامۆژگاری ناکرێت کە ناوکی قەیسی بخورێت بەتایبەتی لە لایەن منداڵانەوە.

قەیسی قوتووکراو، ھەمان تامی قەیسی تازەی ھەیە، لەبەر ئەوەی کە تا بە تەواوی پێدەگات، تام و رەنگی تەواو وەردەگرێت ئینجا قوتووبەند دەکرێت. لە رووی بەھای خۆرکیشەوە، ئەوندە جیاوازی نییە لەگەڵ قەیسی تازەدا