دڕکەپەتک

لە ویکیپیدیاوە، ئینسایکڵۆپیدیای ئازاد
(ڕەوانەکراوە لە درکەپەتکەوە)
باز بدە بۆ: ڕێدۆزی، گەڕان

دڕکەپەتک یا پەتەمازە (بە ئینگلیسی : Spinal cord)؛ پەتێکی سپی 45 سمە کە لە کونی مەگنۆمەوە تا یەکەمین یان دووهەمین بڕبڕەی کەمەر درێژ دەبێتەوە. پەتە مازە، بە (پەتی شۆکی) یش دەناسرێت.
پەتەمازە لەڕاستیدا ستوونێکە لەدەمارە شانە، لەلاکێشە مۆخەوە دەستپێدەکات بەرەو خوارەوە بە بڕبڕەی پشتدا درێژ دەبێتەوە، دەمارە ڕاگەیاندە هاتوو و دەرچووەکان دەگوازێتەوە. دڕکەپەتک لە دەرەچینێک لەماددەیەکی سپی و ناوەچینێک لەماددەیەکی خۆڵەمێشی پێکدێت، کە پێکهاتووە لەلق و پۆپ و تەوەرە بێ مایلینەکان و لەشی دەمارە خانەکان.

Gray666.png

بەشەکانی پەتەمازە[دەستکاری]

کۆتەی پەتەمازە لە پێنج بەش پێک هاتووە:

  1. ملی یان سێرڤیکاڵ (Cervical)
  2. سینگی یان تووراسیک (Thoracic)
  3. کەمەری یان لومبار (Lumbar)
  4. سێبەندی یان ساکراڵ(Sacral)
  5. کلێجەیی یان کۆکسی جیاڵ (Coccygeal)

ژمارەی دەمارەکانی مازە[دەستکاری]

دەمارەکانی مازە 31 جووتە کە لە پەتەمازە جیادەبنەوە:

  • دەمارەکانی ملی: 8جووت
  • دەمارەکانی سینگی: 12جووت
  • پێنج جووتی کەمەری
  • پێنج جووتی سێبەندی
  • جووتێک کلێجە

کارەندامناسیی پەتەمازە[دەستکاری]

پەتەمازە بەشێک لە کۆئەندامی دەماری ناوەندییە کە هەست و جووڵەی ئەندامەکان دەگوێزێتەوە. هەرجۆرە ئازارێ کە ڕووبەڕووی پەتەمازە ببێتەوە،چ لە ناو بڕبڕەدا وچ لە دەرەوە، دەبێتە هۆی تێکچوونی کاری هەست و جووڵەی ئەندامەکان. ئەم تێکچوونە بەپێی جۆر و ئەندازەی ئازار، لە سڕبوون و لاوازی ئەندامەوە ، تا فەلەجی تەاوی ئەندام دەگۆڕێت.

وێنەخانە[دەستکاری]

بڕوانە[دەستکاری]


سەرچاوە[دەستکاری]