بۆرات

لە ئینسایکڵۆپیدیای ئازادی ویکیپیدیاوە
Jump to navigation Jump to search
بۆرات
Borat ver2.jpg
پۆستەری سینەمایی
دەرھێنەرلاری چارلس
بەرھەمھێنەر
شانۆنامە
  • ساشا بارۆن کۆون
  • ئانتۆنی ھاینس
  • پیتەر بەینھام
  • دان مەیزەر
چیرۆک
  • ساشا بارۆن کۆەن
  • پیتەر بەینھام
  • ئانتۆنی ھاینس
  • تۆد فیلیپس
ئەکتەران
  • ساشا بارۆن کۆون
  • کێن داڤیتیان
  • لێنێڵ
  • پامێڵا ئاندرسن
مۆسیقائاران بارۆن کۆون
وێنەگری سینەمایی
  • ئانتۆنی ھاردویک
  • لوک گیسبولەر
مۆنتاژ
  • پیتەر تێشنەر
  • جەیمس تۆماس
  • کرەیگ ئالپێرت
بڵاوکردنەوەفۆکسی سەدەی ٢٠ەم
دەرچوون
  • ٤ی ئابی ٢٠٠٦ (2006-08-04) (فێستیڤاڵی فیلمی تراڤێرس سیتی)
  • ٢ی تشرینی دووەمی ٢٠٠٦ (2006-11-02) (شانشینی یەکگرتوو)
  • ٣ی تشرینی دووەمی ٢٠٠٦ (2006-11-03) (ویلایەتە یەکگرتووەکان)
ماوەی فیلم٨٤ خولەک[١]
وڵات
  • ویلایەتە یەکگرتووەکان
  • شانشینی یەکگرتوو[٢]
زمانئینگلیزی [a]
تێچوون$١٨ ملیۆن[٣]
داھات$٢٦٢٫٦ ملیۆن[٣]

بۆرات: فێربوونە کلتوورییەکانی ئەمریکا بۆ سوودگەیاندن بە نەتەوەی مەزنی کازاخستان (بە ئینگلیزی: Borat: Cultural Learnings of America for Make Benefit Glorious Nation of Kazakhstan)، ناسراو بە بۆرات (بە ئینگلیزی: Borat) بە کورتکراوەیی، فیلمێکی دۆکیۆکۆمێدیی ٢٠٠٦ە لە دەرھێنانی لاری چارلس و ڕۆڵگێڕانی سەرەکیی ساشا بارۆن کۆون. بارۆن کۆون ڕۆڵی سەرەکی بۆرات ساگدیێڤ دەگێڕێت، کە ڕۆژنامەنووسێکی کازاخستانییە کە بەناو ویلایەتە یەکگرتووەکاندا گەشتدەکات بۆ دروستکردنی دۆکیۆمێنتارییەک کە بەرکەوتنی ڕاستەقینەی لەگەڵ ئەمریکییەکاندا تێدایە. زۆربەی فیلمەکە دیمەنی نەنووسراوی بۆراتە کە چاوپێکەوتن لەگەڵ ئەمریکییەکاندا دەکات کە وا دەزانن گەشتیارە و لە دابونەریتە ئەمریکییەکان نازانێت.[٤] دووەمی ئەو چوار فیلمەیە کە لە دەوروبەری کاراکتەرەکانی بارۆن کۆون لە بەرنامەکەی ئالی جی (٢٠٠٠–٢٠٠٤)دا دروستکراوە: یەکەمیان، Ali G Indahouse، کە لە ٢٠٠٢دا بڵاوکرایەوە، و کامیۆیەکی بۆراتی تێدابوو؛ سێیەمیان، برونۆ، لە ٢٠٠٩دا بڵاوکرایەوە. بەشی دووەمی بۆرات لە ٢٠٢٠دا بڵاوکرایەوە.

بۆرات لە ٢ی تشرینی دووەمی ٢٠٠٦ لە ھەردوو شانشینی یەکگرتوو و ویلایەتە یەکگرتووەکاندا، لەلایەن فۆکسی سەدەی ٢٠ەمەوە بڵاوکرایەوە. فیلمەکە زۆر بە باشی سەرکەوتووبوو، لە ڕووی ڕەخنەیی و بازاڕکردنەوە؛ بە بودجەیەکی $١٨ ملیۆنی، توانی $٢٦٢ ملیۆن کۆبکاتەوە لە جیھاندا. بارۆن کۆون خەڵاتی گۆڵدن گڵۆبی بردەوە بۆ باشترین ئەکتەر لە وێنەی جووڵاوی مۆسیقی یان کۆمێدی، لەکاتێکدا فیلمەکە پاڵێورابوو بۆ باشترین وێنەی جووڵاوی مۆسیقی یان کۆمێدیش. بۆرات ھەروەھا پاڵێورا بۆ خەڵاتی ئۆسکار بۆ باشترین سیناریۆی وەرگیراو.

فیلمەکە ھەرا و ناکۆکی نایەوە دوای دەرکردنی، دوای بڵاوبوونەوەی فیلمەکە، ھەندێک کەس قسەیان دژی دروستکەرانی کرد و تەنانەت داوای یاساییشیان تۆمارکرد. لە زۆربەی وڵاتە عەرەبییەکاندا قەدەغەکرا، و حکوومەتی کازاخستان ڕەخنەی لە فیلمەکە گرت. لە ئازاری ٢٠٠٧دا لەسەر دی ڤی دی بڵاوبووەوە.

لە ئەیلوولی ٢٠٢٠دا، بە فەرمی دانی پێدانرا کە بەشی دووەمی فیلمەکە بە نھێنی وێنەگیراوە و تەواوکراوە و شاشەکراوە، دوای چەند ھەفتەیەک لەوەی کە بارۆن کۆون بینرابوو لە شێوەی بۆراتدا کە لۆرییەکی بارھەڵگری لە لۆس ئانجلەسدا لێخوڕیبوو. بەشی دووەمی لە ٢٣ی تشرینی یەکەمی ٢٠٢٠، لەلایەن ستودیۆکانی ئەمازۆنەوە بڵاوکرایەوە.

چیرۆک[دەستکاری]

بە فەرمانی وەزارەتی زانیاریی کازاخستان، ڕۆژنامەنووس بۆرات ساگدیێڤ کازاخستان بەجێدەھێڵێت بۆ «یوو ئێس ئاند ئەی»، «مەزنترین وڵاتی جیھان»، بۆ دروستکردنی دۆکیۆمێنتارییەک دەربارەی کۆمەڵگە و کلتووری ئەمریکی. ھاوسەرەکەی، ئۆکسانا، بەجێدێڵێت؛ ھاوبەشەکانی بریتین لە بەرھەمھێنەرەکەی، ئازامات باگاتۆڤ، و مریشکێکی ماڵی.

لە نیویۆرک سیتی، بۆرات ئەڵقەیەکی بەیواچ دەبینێت لە تەلەڤیزیۆن و دەکەوێتە داوی خۆشەویستیی کاراکتەرەکەی پامێڵا ئاندرسنەوە، کە سی جەی پارکەر. لە کاتی چاوپێکەوتن و گاڵتەکردن بە کۆمەڵێکی فێمینیست، دەربارەی ناوی خانمەکتەرەکە و شوێنی نیشتەجێبوونی دەزانێت کە کالیفۆرنیایە. بۆرات بە تەلەگرامێکدا ئاگاداردەکرێتەوە کە ئۆکسانا لەلایەن ورچێکەوە کوژراوە. بە دڵخۆشییەوە، بڕیاردەدات بچێتە کالیفۆرنیا و پامێڵا بکاتە ھاوسەری تازەی. بڕیاردەدەن بە فڕین نەچن، نەکا «جووەکان ھێرشەکەی ١١ی ئەیلوول دووبارە بکەنەوە». بۆرات وانەی شۆفێری دەخوێنێت و ئۆتۆمبێلێکی ئایس کرێمی تێکشکاو دەکڕێت بۆ گەشتەکە.

لە گەشتەکەدا، نامیلکەیەکی بەیواچ دەکڕێت و ڤیدیۆی زیاتر دەگرێت بۆ دۆکیۆمێنتارییەکەی. چەندان بەشداربووی نمایشی شانازیی ھاوڕەگەزخوازان، سیاسەتوانان ئالان کیێس و بۆب بار، و چەند گەنجێکی ئەفریقیی ئەمریکی دەبینێت. بۆرات ھەروەھا لەلایەن تەلەڤیزیۆنێکی ناوخۆیییەوە چاوپێکەوتنی لەگەڵدا دەکرێت و ھەواڵەکانی کەشوھەوا تێکدەدات. لە سەردانیکردنی ڕۆدیۆیەکدا، بۆرات خەڵکەکە دەخاتە جۆش بە ئاماژەدانی جینگۆستی، و بەڵام سروودێکی نەتەوەیی کازاخیی خەیاڵی بە ئاوازی سروودی ویلایەتە یەکگرتووەکان دەڵێت، و کاردانەوەیەکی نەرێنی دەبێت.

لە خانووێکدا دەمێننەوە، بۆرات و ئازامات تێکدەچن کاتێک دەزانن خاوەن ماڵەکان جوولەکەن. ھەردووکیان ھەڵدێن دوای ھەڵدانی پارە بۆ دوو قالۆنچە، کە پێیان وایە خاوەن ماڵەکانن و شێوەیان گۆڕیوە. بۆرات ھەوڵدەدات دەمانچەیەک بکڕێت بۆ پارێزگاری، بەڵام ناتوانێت چونکە ھاوڵاتی ئەمریکی نییە، بۆیە ورچێک دەکڕێت.

ڕاھێنەرێکی ئەتەکێت پێشنیاری دەکات کە بۆرات بچێتە ژەمێکی ئێوارەی داخراو لە یانەیەکی خواردن لە باشوور. لە نانخواردنەکە، میوانەکانی تر بێزاردەکات کاتێک دەھێڵێت لێنێڵ، کە لەشفرۆشێکی ئەفریقی-ئەمریکییە، بێتە ماڵەکەوە و بۆسەر مێزەکە: ھەردووکیان دەردەکرێن. بۆرات دەبێتە ھاوڕێی لێنێڵ، و لێنێڵ داوای پەیوەندیی خۆشەویستی لێدەکات، بەڵام بۆرات پێیدەڵێت کە لە خۆشەویستیدایە لەگەڵ کەسێکی تردا. بۆرات سەردانی فرۆشگایەکی ئەنتیک و بە دەبەنگی چەندان کەرەستەی میراتیی کۆنفیدراڵی دەشکێنێت.

لە ئوتێلێکدا، بۆرات دەبینێت کە ئازامات دەستپەڕ لێدەدات لەسەر وێنەیەکی پامێڵا ئاندرسن. بۆرات بە تووڕەیییەوە ھۆکاری گەشتەکەی بۆ کالیفۆرنیا ئاشکرادەکات. ئازامات بە بڕیارەکەی ھەڵدەچێت، و بارودۆخەکە سەرھەڵدەدات بۆ شەڕکردنی ھەردووکیان بە ڕووتی و دەکەونە ڕاڕەوەکە و ئەسانسۆرێکی قەرەباڵغ و ژوورێکی سەمای پڕ لە خەڵک.

ئازامات بۆرات بە جێدێڵێت، پاسپۆرت و تەواوی پارەکەیان و ورچەکەش دەبات. ئۆتۆمبێلەکەی بۆرات بەنزینی تێدا نامێنێت، و بە پێ دەڕوات بۆ کالیفۆرنیا. دواتر لەلایەن چەند قوتابییەکی سەرخۆشی زانکۆی کارۆلینای باشوورەوە ھەڵدەگیرێت. کاتێک ھۆکاری گەشتەکەی دەزانن، ڤیدیۆی سێکسیی پام و تۆمیی پیشاندەدەن کە دەریدەخات پامێڵا پاکیزە نییە. بە بێتاقەتییەوە، بۆرات نامیلکەی بەیواچەکە دەسووتێنێت و، بە ھەڵە، بلیتی گەڕانەوەکەی بۆ کازاخستانیش دەسووتێت.

بۆرات دەچێتە کۆبوونەوەیەکی کڵێسای پێنتێکۆستاڵی یەکگرتوو، کە لەوێدا نێنەری ویلایەتە یەکگرتووەکان چیپ پیکەرینگ و سەرۆکی دادی دادگای باڵای میسیسیپی جەیمس دەبلیوو سمیت جونیەر ئامادەن. ئیمانی خۆی وەردەگرێتەوە و لە ئازامات و پامێڵا خۆشدەبێت. ھاوبەشیی ئەندامانی کڵێساکە دەکات لە پاسێکدا بۆ لۆس ئانجلەس و لەوێ ئازامات لە جلێکدا لە شێوەی ئۆلیڤەر ھاردیدا دەدۆزێتەوە، کە بۆرات وا دەزانێت ئەدۆڵف ھیتلەرە. ھەردووکیان یەک دەگرنەوە و ئازامات شوێنی دۆزینەوەی پامێڵا بە بۆرات دەڵێت. بۆرات لە کۆتاییدا ڕووبەڕوو پامێڵا دەبینێت لە مەراسیمێکی واژووکردنی کتێبدا لە مێگاستۆرێکی ڤیرجیندا. دوای پیشاندانی «کیسەی ھاوسەرگیرییە نەریتییەکەی» بە پامێڵا، بۆرات ڕاوی دەدووێ لە فرۆشگاکەدا لە ھەوڵی ئەوەی بیڕفێنێت، بەڵام پاسەوانەکان دەیگرن.

بۆرات سەردانی لێنێڵ دەکات و پێکەوە دەڕۆنەوە بۆ کازاخستان. چەندان کلتوور و دابونەریتی ئەمریکی دەھێننەوە بۆ گوندەکە، وەک گۆڕانی ھەموو خەڵکەکە بۆسەر ئایینی مەسیحی (کە وەشانە کازاخییەکە لەخاچدان و ئەشکەنجەدانی جووەکانی تێدایە) و ھێنانی تەکنەلۆژیای کۆمپیوتەری، وەک ئایپۆد، کۆمپیوتەری لاپتۆپ و تەلەڤیزیۆنی ڕێزۆلووشن بەرز.

کاست[دەستکاری]

ساشا بارۆن کۆون وەک کاراکتەری بۆرات، لە پەخشی فیلمەکە لە کۆلن.
  • ساشا بارۆن کۆون لە ڕۆڵی بۆرات ساگدیێڤ، ڕۆژنامەنووسێکی خەیاڵیی کازاخی، کە بەھۆی دژایەتی جوو و دژایەتی دۆمەکان و سێکسیزمێکی بەھێزەوە چیادەکرێتەوە، کە لە نیشتمانەکەیەوە بۆی ماوەتەوە. بۆرات لە ڕەسەندا بۆ کاراکتەرێکی بەرنامەکەی ئالی جی دروستکرا و لە ھەموو ئەڵقەکانی بەرنامەکەدا دەرکەوت، لەگەڵ دەرکەوتن بە کامیۆ لە سپین-ئۆفی فیلمەکەدا.
  • کێن داڤیتیان لە ڕۆڵی ئازامات باگاتۆڤ، بەرھەمھێنەری دۆکیۆمێنتارییەکەی بۆرات. ئازامات کاراکتەرێکی نوێ بوو بۆ فیلمەکە دروستکرا.
  • لێنێڵ لە ڕۆڵی لێنێڵی لەشفرۆش؛ بۆ یەکەم جار ئەو کاتە دەردەکەوێت کە بۆرات بانگی دەکات بۆ نانی ئێوارە باشوورییەکە. دواتر لەگەڵ بۆراتدا دەگەڕێتەوە بۆ کازاخستان و ھاوسەرگیری دەکەن.
  • پامێڵا ئاندرسن وەک خۆی؛ ڕۆڵێکی ناوەندی لە فیلمەکەدا دەگێڕێت کە دەبێتە ھۆکاری گەشتە دوورودرێژەکەی ڕۆژنامەنووسەکە. ھەروەھا لە ڕاستیدا دەردەکەوێت لە کۆتایی فیلمەکەدا، لە ھەوڵێکی شکستخواردووی بۆرات بۆ «ھاوسەرگیریی» کلتووری.[٥]
  • کاتێک بۆرات زانیاری لە ڕاھێنەرێکی ئەتەکێت وەردەگرێت، چەند وێنەیەکی ڕووتی ھوویلویس ساگدیێڤی پیشاندەدات، کە کوڕە ھەرزەکارەکەیەتی.[٦] وێنەکان لە ڕاستیدا ھی پۆڕن ستاری ھاوڕەگەزخواز، ستۆنییە،[٧][٨][٩][١٠] کە ھەڵبژێردرا چونکە بەرھەمھێنەرەکان «کەسێکیان دەویست کە لە تەمەنی ١٣ و ١٤ ساڵ بچێت بەڵام لە تەمەنێکی یاساییدا بێت بۆ دەرخستنی پێشەوەیان بە ڕووتی».[١١]
  • سیاسەتوانان ئالان کیێس و بۆب بار لە فیلمەکەدا وەک دوو چاوپێکەوتنکاری بۆرات دەردەکەون.

بەرھەمھێنان[دەستکاری]

خانمەکتەر و نمایشکار پامێڵا ئاندرسن یەکێک بوو لەو کەمە ئەکتەرانەی ناو فیلمەکە و دەربارەی گاڵتەکانی ناوی دەزانی.

جگە لە بۆرات، ئازامات، لێنێڵ، و پامێڵا ئاندرسن، ھیچ کام لە کاراکتەرەکانی تر لەلایەن ئەکتەرەوە بەرجەستە نەکراون.[٤][٥][١٢] زۆربەی فیلمەکە بێ سیناریۆ کراوە.[٤] لە زۆربەی بارەکاندا، ھیچ ئاگادارییەک نەدراوە بە بەشداربووەکان کە لە فیلمەکەدا دەبن جگە لە واژووکردنی فۆڕمێک بۆ قبووڵکردن لەسەر ئەوەی کە ھیچ سکاڵایەکی یاسایی دژی بەرھەمھێنەرانی فیلمەکە نەکەن.[١٣]

وێنەگرتنی سەرەکی لە کانوونی دووەمی ٢٠٠٥دا دەستیپێکرد، کە بارۆن کۆون خەریک بوو شەڕ و ھەرایەک دروستبکات کە بێگومان دیمەنی ڕۆدیۆکەیە لە فیلمەکەدا.[١٤] چاوپێکەوتنێک لەگەڵ بارۆن کۆون لەلایەن ڕۆڵینگ ستۆنەوە ئاشکرایکرد کە ٤٠٠ کاتژمێر ڤیدیۆ وێنەگیراوە بۆ فیلمەکە.[١٥]

ناونیشان[دەستکاری]

ئەو شوێنەی کە بە کازاخستان لە فیلمەکەدا دانراوە ھیچ پەیوەندییەکی بە وڵاتە ڕاستەقینەکەوە نییە، و بەرھەمھێنەرانی فیلمەکە بە ڕاشکاوانە نکۆڵی دەکەن لەوەی ھەوڵیان دابێت «سووکایەتی بە باوەڕ و کردەوە و سیفەتە ڕاستەقینەکانی ھەر کەسێک بکەن کە پەیوەندی بە کازاخستانەوە ھەیە» لە ئاگادارییەکی «ھەموو کەسێک خەیاڵییە» دا. ئەو دیمەنانەی بۆرات لە گوندەکەیدا پیشاندەدات لە گوندێکی ڕۆمانیایی گلۆددا وێنەگیراوە، کە زۆربەی لە ڕۆمادایە.[١٦] ناوی دراوسێکەی بۆرات، نورسوڵتان توویاقبای، تێکەڵەی ناوەکانی سەرۆکی پێشووی کازاخی نورسوڵتان ناژەربایێڤ و سیاسەتوانی ئۆپۆزسیۆن جارماحان توویاقبایییە.

زمان[دەستکاری]

ھیچ زمانێکی کازاخی لە فیلمەکەدا نابیسترێت. دراوسێکانی بۆرات لە کازاخستان لەلایەن خەڵکانی ڕۆمانییەوە ڕۆڵگێڕدراون، کە بێ ئاگا بوون لە بابەتی فیلمەکە تا دوای پریمییەرەکەی. ساشا بارۆن کۆون (بۆرات) بە گشتی لە نوو فیلمەکەدا بە عیبری قسەدەکات (بەھۆی ئەوەی دایکی ئیسرائیلییە و خۆشی باش لە زمانەکە دەزانێت)، لەگەڵ تێکەڵکردنی لەگەڵ چەند وشەیەکی پۆڵەندیدا. ڕۆمانیش لە سەرەتای فیلمەکەدا قسەی پێدەکرێت لە سەرەتای فیلمەکە لە شارۆچکە ڕۆمانییەکەدا. ئەلفوبێ سیریلیکەکە کە لە فیلمەکەدا بەکارھاتووە شێوازی ڕووسییە، نەک ھی کازاخی، ھەرچەندە زۆربەی وشەکان کە بە کازاخی نووسراوە (بە تایبەتی ناوە جوگرافییەکان) یا بە ھەڵە نووسراون یا وشەن کە مانایان نییە. وشە ئینگلیزییەکان بە تەختەکلیلێک نووسراون کە بە زمانی ڕووسی ڕێکخراوە. پیتەکانی سەر فڕۆکەی ڵۆکھید ئێلەکتراکە[ڕوونکردنەوە پێویستە] لە سەرەتای فیلمەکەدا ئەنجامی پیتی ڕۆمانین کە ھەڵگێڕدراونەتەوە، لەکاتێکدا لە پۆستەرەکانی ڕێکلامدا بە «BORДT» نووسراوە بە پیتی «د» ی سیرلیکی کە شێوازی «A» ی سیرلیکی فاوکسی زیاتر بەکارھێنراوە تا دەرکەوتنێکی «ڕووسی» پێبدات. لەکاتێکدا بارۆن کۆون بە عیبری قسەدەکات لە فیلمەکەدا، کێن داڤیتیان (ئازامات) بە ئەرمەنی قسەدەکات.[١٧]

دیمەنە سڕدراوەکان[دەستکاری]

دی ڤی دییەکە چەندان دیمەنی سڕدراوەی فیلمەکەی تێدابوو، وەک دیمەنێک کە تێیدا بۆرات پرسیاری لێدەکرێت لەلایەن پۆلیسێکەوە لە وەستانێکی ترافیکدا، سەردانکردنی ئارامگەیەکی ئاژەڵان بۆ ھەڵگرتنەوەی سەگێک تا بۆرات لە جووەکان بپارێزێت، وەرگرتنی مەساجێک لە ئوتێلێک، سەردانیکردنی دکتۆرێکی ئەمریکی. ھەروەھا مۆنتاژێکی دیمەنە بڕدراوەکانی فیلمەکە ھەیە، وەک دیمەنێک کە تێیدا بۆرات کارێک وەردەگرێت لە ڕێستورانتی کریستاڵ و بەشداردەبێت لە ڕۆڵگێڕانەوەی شەڕی ناوخۆییی ئەمریکادا. خشتەی دیمەنە سڕدراوەکان ھەروەھا دیمەنێکی سوپەرمارکێتیشی تێدایە بە خاوەنێکی زۆر ئارامەوە (بۆرات دووبارە و دووبارە پرسیار لە بەرھەمێکی بەشی پەنیرەکانی فرۆشگاکە دەکات و خاوەنەکەش ھەر بە ھەمان شێوە وەڵام دەداتەوە: «ئەوە پەنیرە»)، ڕاپۆرتێکی ڕاستەقینەی تەلەڤیزیۆنی ناوخۆیی سەبارەت بە گۆرانی وتنەکەی بۆرات لە ڕۆدیۆکەدا، و دیمەنێکی «کۆتایی دڵخۆش» دەربارەی بۆرات لە دەرکەوتنی بەرنامەیەکی کازاخی بە ناوی «سێکسیدرۆونواچ»، بەرنامەیەکی ھاوشێوەی بەیواچ کە ئازامات و لێنێڵ و ئەلێکساندرا پۆڵیشی تێدایە. دیمەنێکیش کە تێیدا بۆرات «وا خۆی دەردەخست کە دەستگیردەکرێت» وێنەگیرا، بەڵام لابرا دوای ھەڕەشەی سکاڵای یاسایی لەلایەن کاربەدەستانی زیندانەکەوە دوای ئەوەی زانیان کە «دۆکیۆمێنتارییەکە» تەنزە.[١٨] لە چاوپێکەوتنێکدا، یەکێک لە نووسەرانی فیلمەکە، دان مەیزەر، دانی پێدانا کە دیمەنێک ھەبووە بەڵام بڕدراوە کە تێیدا بۆرات دەچێتە وێنەگرتنی ڤیدیۆیەکی پۆرنۆگرافیی ڕاستەقینەوە لەگەڵ خانمەکتەر بڕوک بانەردا. مەیزەر وتی بۆیە دیمەنەکە سڕدراوەتەوە تا پێشبڕکێ لەگەڵ دیمەنی شەڕکردنە ڕووتەکەی ناو ئوتێلەکە نەکات، بەڵام وتی لەوانەیە لە دی ڤی دییەکەدا دابنرێت.[١٩] لە چاوپێکەوتنێکی ٢٠١٦ لە کۆنان، بارۆن کۆون باسی دیمەنەکەی کرد کە چووەتە فیلمێکی پۆرنۆگرافییەوە.[٢٠]

بڵاوبوونەوە[دەستکاری]

ساشا بارۆن کۆون وەک بۆرات لە کۆمیککۆنی سان دیێگۆی ٢٠٠٦ لە کاتی باسکردنی فیلمەکە

پێشبینینەکان[دەستکاری]

کەمێکی بۆرات لە کۆمیککۆنی نێودەوڵەتیی ٢٠٠٦ لە سان دیێگۆ، کالیفۆرنیا پیشاندرا، لە ڕێکەوتی ٢١ی تەممووزی ٢٠٠٦.[٢١] یەکەم پەخشی بۆ ئەو بینەرانەی پارەیان داوە لە فێستیڤاڵی فیلمی تراڤێرس سیتیی ٢٠٠٦دا بوو،[٢٢] کە خەڵاتی «نایابیی لە فیلمسازی» دا بردەوە.[٢٣]

یەکەم پەخشی فەرمیی فیلمەکە لە تۆرنتۆ لە ٧ی ئەیلوولی ٢٠٠٦دا بوو، لە شانۆی زانکۆی ڕایەرسن لە فیستیڤاڵی نێودەوڵەتیی فیلمی تۆرنتۆ. بارۆن کۆون وەک کاراکتەرەکە ئامادەبوو لە عەرەبانەیەکدا کە چەندان لە شێوەی جووتیاردا ڕایاندەکێشا. بیست خولەک بەسەر فیلمەکەدا ڕۆیشت و پڕۆجێکتەرەکە شکا. بارۆن کۆون نمایشێکی پلان دانەنراوی کرد تا بینەرەکان بھێڵێتەوە، بەڵام ھەموو ھەوڵەکان بۆ چاککردنەوەی پڕۆجێکتەرەکە شکستی ھێنا.[٢٤][٢٥] فیلمەکە بە سەرکەوتووی پەخشکرا بۆ شەوی دواتر، کە دەستن ھۆفمەنیش لەوێ ئامادەبوو.[٢٦]

لە ئیسرائیل، پۆستەرەکەی کە بۆراتی لە سلینگ بیکنییەکدا تێدابوو ڕەتکرایەوە لەلایەن کۆمپانیای بازاڕکردنەکەی ئەوێوە و کرا بەو پۆستەرەی کە لە قاتدایە.[٢٧] فیلمەکە یارمەتیدا زاراوەی «مانکینی» بەناوبانگ ببێت.

بڵاوبوونەوە لە ویلایەتە یەکگرتووەکان[دەستکاری]

فیلمەکە بە ژمارە ١ لە بۆکس ئۆفیسدا دەستی بە پەخش کرد، و بۆ دوو ھەفتەی ڕێک لەوێدا مایەوە. فیلمەکە داھاتی زیاتری پەیداکرد لە ھەفتەی دووەمدا ($٢٨٫٢٩٦٫٩٠٠) وەکلە ھەفتەی یەکەم ($٢٦٫٤٥٥٫٤٦٣)، بەھۆی فراوانبوونی بۆ ٢٫٥٦٦ سینەما.[٢٨]

بڵاوبوونەوەی سینەمایی[دەستکاری]

بڵاوبوونەوەی گشتیی بۆرات لە ١ی تشرینی دووەمی ٢٠٠٦دا بوو لە بەلجیکا. لەگەڵ ھاتنی ٣ی تشرینی دووەمی ٢٠٠٦دا، لە ویلایەتە یەکگرتووەکان و کەنەدا بڵاوبووبوەوە، لەگەڵ ١٤ وڵاتی دیکەی ئەورووپی. لەگەڵ بڵاوبوونەوەیدا، پارەیەکی زۆری پەیداکرد، بە کۆکردنەوەی ٢٦٫٣ ملیۆن دۆلاری ئەمریکی لە کۆتایی ھەفتەی یەکەمیدا، کە بەرزترین بوو لە ویلایەتە یەکگرتووەکان و کەنەدادا بۆ فیلمێک کە لە کەمتر لە ١٠٠٠ سینەمادا بڵاوکراوەتەوە[٢٩] تا Hannah Montana & Miley Cyrus: Best of Both Worlds Concert لە ٢٠٠٨دا.[٣٠] ھەرچۆنێک بێت، ڕۆژی یەکەمی (بە نزیکەیی $٩٫٢ ملیۆن)[٣١] گەورەتربوو لە کۆنسێرتەکەی Hannah Montana (بە نزیکەیی $٨٫٦ ملیۆن)،[٣٢] کە تۆماری بەرزترین داھاتی ھەفتەی یەکەمی فیلمێک کە لە کەمتر لە ١٠٠٠ سینەما بڵاوکراوەتەوەی دایە بۆرات. لە کۆتایی ھەفتەی دووەمدا، بۆرات پەخشەکەی تێپەڕاند بە کۆی ٢٩ ملیۆن دۆلار.[٣٣]

پێشوازیکردن[دەستکاری]

بیروڕای ڕەخنەگران[دەستکاری]

بۆرات دەستخۆشییەکی ڕەخنەگرانەی فراوانی لێکرا. لە ڕاتن تۆمەیتۆز فیلمەکە خاڵی %٩١ی ھەیە لەسەر پێداچوونەوەی ٢٢٢ ڕەخنەگر، لەگەڵ ھەڵسەنگاندنی گشتیی ٨٫٠٢/١٠. کورتەی پێداچوونەوەی وێبگەکە نووسراوە، «بەشێکی تەنزە، بەشێکی شۆکیۆمێنتارییە، بۆرات ھای-فایڤ لە ھەموو لایەکەوە وەردەگرێت بۆ پڕبوون لە سووکایەتی بە ھەزەلیترین شێوە. یاگشماش!»[٣٤] لە مێتاکریتیک، فیلمەکە خاڵی ٨٩ لە ١٠٠ی ھەیە لەسەر بیروڕای ٣٨ ڕەخنەگر، کە بووەتە «قایلبوونی گەردوونی».[٣٥] ئەو بینەرانەی لەلایەن سینەماسکۆرەوە تاقیکراونەتەوە پلەی B+یان داوە بە فیلمەکە لە ڕێژەی A بۆ Fدا.[٣٦]

تاێ بێر ئەرێنییانە دەربارەی فیلمەکە دوا لە پێداچوونەوەکەی بۆ بۆستن گڵۆب، بە ناوھێنانی بە «گەمژەیی لە باشترین شێوەدا» و ئاماژەی دا کە ھەزەلیترین فیلمی ساڵە.[٣٧] پیتەر ترەیڤەرسی ڕۆڵینگ ستۆن لەبارەیەوە نووسی: «نازانیت خۆشیی سەیر چییە تا سەیری بۆرات نەکەیت. ھای-فایڤ!»[٣٨] لە وتارێکدا دەربارەی گۆڕینی ڕووی کۆمێدیا، گۆڤاری ئەتلانتیک وتی کە «لەوانەیە کۆمێدیترین فیلمی دەیەکە بێت».[٣٩]

گاردیەن فیلمەکەی خستە لیستی دە 'باشترین فیلمەکانی لاسارەکان' (٢٠٠٠–٢٠٠٩)[٤٠]

یەک پێداچوونەوەی نەرێنی لەلایەن ڕەخنەگری ئەمریکی جۆو کوینانەوە ھات، تەنانەت ئەوەنە دوەر ڕۆیشت کە بە بارۆن کۆونی وت «پێچێکی خراپ».[٤١] لە وتارێکدا بۆ گۆڤاری سلەیت، نووسەر کریستۆفەر ھیچنز داوای مشتومڕێکی کرد بۆ پێشنیارکردنی دژەئەمریکانیزم لە فیلمەکەدا. ھیچنز پێشنیاریکرد جگە لەوەی کە فیلمەکە لادانێکی سەرنجڕاکێشی نیشانداوە لەلایەن بابەتە نەزانراوەکانی فیلمەکەوە، و بە تایبەتی ئاماژەی بە کاردانەوەی میوانەکانی دیمەنی نانی ئێوارە باشوورییەکە بەرامبەر بە ھەڵسوکەوتەکانی بۆرات کرد.[٤٢]

بە پۆستکردنی دیمەنەکانی فیلمەکە لە یووتیووب، بۆرات لە ئینتەرنێتیشدا دەرکەوت. ئەمانەش وتووێژی کردەوە سەبارەت بە ناسنامە نەتەوەیییە جیاوازەکان (کازاخی، ئەمریکی، پۆڵەندی، ڕۆمانیایی، جوو، بەریتانی) کە بارۆن کۆون بەکاریھێناون بۆ دروستکردنی کاراکتەری بۆرات.[٤٣]

بۆکس ئۆفیس[دەستکاری]

بینەرانی ئەمریکی فیلمەکەیان پاراست، کە بۆ چەندان لەو بینەرانەی کە بلیتیان نەمابوو پەخشکرا لە کردنەوەکەیدا، لەکاتێکدا تەنھا لە ٨٣٧ سینەمادا پەخشکرا. بۆرات بە ژمارە ١ دەستی پێکرد لە کۆتایی ھەفتەی یەکەمیدا، بە کۆی داھاتی $٢٦٫٤ ملیۆن،[٢٩] و بەزاندنی پێشبڕکێکارەکانی Flushed Away و Santa Clause 3: The Escape Clause. کۆی گشتی سینەما لە کۆتایی ھەفتەی یەکەمیدا $٣١٫٥١١ بوو بە خەمڵێنراوی، کە پێشی Star Wars: Episode III – Revenge of the Sith کەوت، بەڵام ھێشتا لە دوای Pirates of the Caribbean: Dead Man's Chest و پیاوی جاڵجاڵۆکەو بوو.[٤٤] لە بەشی بەرزتریندا تا کۆتایی ھەفتەی دووەمیش مایەوە دوای فراوانبوونی بۆ ٢٫٥٦٦ سینەما، کە کۆی بۆکس ئۆفیسەکەی زیادکرد بۆ $٦٧٫٨ ملیۆن.[٣٣]

لە شانشینی یەکگرتوو، بۆرات بە ژمارە ١ دەستیپێکرد، بە داھاتی ٦٫٢٤٢٫٣٤٤ یۆرۆ ($١١٫٩٣٥٫٩٨٦) لە کۆتایی ھەفتەی یەکەمدا،[٤٥] ٤٣ەم باشترین داھاتی ھەفتەی یەکەم لە شانشینی یەکگرتوو بەپێی ئازاری ٢٠٠٧.[٤٦] لە کاتی بڵاوبوونەوەیەوە، بۆرات زیاتر لە $٢٦٠ ملیۆنی کۆکردووەتەوە لە جیھاندا.[٤٧]

خەڵات و پاڵاوتنەکان[دەستکاری]

بۆرات پاڵێورا بۆ ٧٩یەم خەڵاتەکانی ئۆسکار بۆ باشترین سیناریۆی ھەڵگیراوە، بەڵام خەڵاتەکە بەخشرایە The Departed.[٤٨] ھەروەھا پاڵێورا بۆ خەڵاتێکی گۆڵدن گڵۆب بۆ باشترین وێنەی جووڵاوی مۆسیقی یان کۆمێدی، بەڵام دۆڕاندی بەرامبەر Dreamgirls.[٤٩] کۆمەڵەی ڕەخنەگرانی فیلمی برۆدکاست ناوی باشترین فیلمی کۆمێدیی ٢٠٠٦یان لێنا، و پاڵێورا بۆ خەڵاتی ڕێکخراوی نووسەرانی ئەمریکا بۆ باشترین سیناریۆی ھەڵگیراوە.[٥٠][٥١]

بارۆن کۆون خەڵاتێکی گۆڵدن گڵۆبی بۆ باشترین ئەکتەر لە وێنەی جووڵاوی مۆسیقی یان کۆمێدی بردەوە.[٤٩] خەڵاتی لە بازنەی ڕەخنەگرانی فیلمی سان فرانسیسکۆ، کۆمەڵەی ڕەخنەگرانی فیلمی ئوتا، کۆمەڵەی ڕەخنەگرانی فیلمی تۆرنتۆ، و کۆمەڵگەی ڕەخنەگرانی فیلمی ئۆنڵاین وەرگرت.[٥٢][٥٣][٥٤][٥٥] کۆمەڵەێ ڕەخنەگرانی فیلمی لۆس ئانجلەس خەڵاتی باشترین ئەکتەری دایە بارۆن کۆون و فۆرێست ویتەیکەر لە The Last King of Scotland پێکەوە. بارۆن کوۆن ھەروەھا پاڵێورا بۆ باشترین ئەکتەر لەلایەن بازنەی ڕەخنەگرانی فیلمی لەندەنەوە.[٥٦][٥٧]

لە پێڕستەکانی ١٠ باشترینەکاندا[دەستکاری]

بۆرات لە چەندان پێڕستی ١٠ باشترینەکانی باشترین فیلمەکانی ٢٠٠٦ ھاتووە[٥٨]

  • یەکەم – دێسۆن تۆمسن، واشینگتن پۆست
  • یەکەم – تای بێر، بۆستن گڵۆب
  • یەکەم – مارک مۆھان، پۆرتلاند ئۆریگۆنییەن
  • دووەم – ڕیچارد کۆرلیس، تایم
  • دووەم – جەی. ھۆبەرمان، ڤیڵەج ڤۆیس
  • دووەم – لیسا شۆرزباوم، ئینتەرتەینمێنت ویکڵی
  • سێیەم – مایک ڕەسڵ، پۆرتلاند ئۆریگۆنییەن
  • چوارەم – لوو لومێنیک، نیویۆرک پۆست
  • چوارەم – دێنیس ھارڤی، ڤارایتی
  • پێنجەم – جاک ماتیوس، نیویۆرک دەیلی نیوز
  • شەشەم – مایکڵ فیلیپس، شیکاگۆ تریبیون
  • شەشەم – مایکڵ ڕێچتشافێن، ھۆلیوود ڕیپۆرتەر
  • شەشەم – ڕێنێ ڕۆدریگێز، مایامی ھێراڵد
  • حەوتەم – مایکڵ سراگۆو، بالتیمۆر سەن
  • حەوتەم – ستیفن ھەنتەر، واشینگتن پۆست
  • حەوتەم – میک لاساڵ، سان فرانسیسکۆ کرۆنیکڵ
  • حەوتەم – دەیڤد ئانسن، نیوزویک
  • ھەشتەم – پیتەر ترەیڤەرس، ڕۆڵینگ ستۆن
  • ھەشتەم – فرانک شێک، ھۆلیوود ڕیپۆرتەر
  • ھەشتەم – پیتەر ھارتلۆب، سان فرانسیسکۆ کرۆنیکڵ
  • نۆیەم – وێسڵی مۆریس، بۆستن گڵۆب
  • دەیەم – کلۆدیا پوایگ، یو ئێس ئەی توودەی
  • دەیەم – ئێڵا تەیلەر، ئێڵ ئەی ویکڵی
  • دەیەم – مانۆلا دارگیس، نیویۆرک تایمز
  • ١٠ باشترینەکان (بە ئەلفبێیی ڕیزکراوە) – پیتەر ڕەینەر، کریسچن ساینس مۆنیتەر
  • ١٠ باشترینەکان (بە ئەلفبێیی ڕیزکراوە) – لیام لەیسی و ڕیک گرۆون، گڵۆب ئاند مەیڵ

ناکۆکییەکان[دەستکاری]

وەڵامی بەشداربووەکان[دەستکاری]

دوای بڵاوبوونەوەی فیلمەکە، دارما ئارتەر، بەرھەمھێنەری ھەواڵەکانی WAPT لە جاکسۆن، میسیسیپی، نامەیەکی بۆ نیوزویک کە تێیدا وتی کە دەرکەوتنی بۆرات لە دەزگای تەلەڤیزیۆنەکەدا بووەتە ھۆکاری نەمانی پیشەکەی: «بەھۆی ئەوەوە، بەڕێوەبەرەکەم بڕوای بە تواناکەم و پێشنیارەکانم کە دواتر دەمکرد نەما. چەند نائومێدانەیە کە پیاوێک کە ئەو ھەموو زیانە جێدەھێڵێت ستایش دەکرێت وەک لێزانی کۆمێدیا.» ھەرچەندە ئارتەر وتوویەتی کە لە بەرنامەکە دەرکراوە، بەڵام بە Associated Pressی وت کە گرێبەستی لەگەڵ دەزگاکەدا کردووەتەوە.[٥٩] وتی کە سەیری وێبسایتێکی گشتی کردووە کە بەرھەمھێنەرانی بۆرات داویانەتێ پێش ھێنانی بۆرات بۆ ناو بەرنامەکە.[٦٠]

لە ڕیپۆرتاژێکی ھەواڵدا لەسەر وێنەگرتنی دیمەنی ڕۆدیۆکە کە لە کانوونی دووەمی ٢٠٠٥ لدا پەخشکرا، بۆبی ڕاو، بەرھەمھێنەری ڕۆدیۆی سالێم، ڤیرجینا کە لە فیلمەکەدایە، ئاماژەی دا کە ھەستیکردووە قوربانییەکی گاڵتەیەکە. وتی کە «چەند مانگێک» پێش دەرکەوتنەکە کەسێک سەردانیکردووە لەلایەن «وەن ئەمێریکا، کۆمپانیایەکی فیلمی کالیفۆرنیایی کە دۆکیۆمێنتارییەکیان دەربارەی کۆچەرێکی ڕووسی دەکرد»؛ ڕاو قایل بوو کە ڕێگە بە «کۆچەرەکە» بدات کە دوای گوێگرتن لە سروودی نیشتمانیی ویلایەتە یەکگرتووەکان بیڵێتەوە.[١٤] دوای بڵاوبوونەوەی فیلمەکە، ڕاو وتی، «ھەندێک کەس دێن و دەڵێن، 'ھێی، ئیشێکی گەورەت کرد'؛ ئیشێکی گەورەم کرد، بەڵام بە ھیچ جۆرێک نەمویستووە.»[٦١]

سیندی سترایت، ڕێنماییکاری ئەتەکێتییەکەی بۆرات، دوای ئەوە بریکاری پلە بەرز گلۆریا ئۆڵرێدی گرت، کە داوای لە دادیاری مافی گشتیی کالیفۆرنیا کرد تا لەو فێڵبازییە بکۆڵێتەوە کە لەلایەن بارۆن کۆون و بەرھەمھێنەرانی فیلمەکەوە کرابوو.[٦٢]

وێبسایتی ھونەر و کات بەسەربردنی سالۆن ئاماژەی بە خێزانی بێھار (دوو ھاوسەرە جووەکە کە بۆرات و ئازامات لە ماڵەکەیاندا دەمێننەوە) کردووە کە فیلمەکەیان بە «بێھاوتا» ناوبردووە، و وتوویانە کە بارۆن کۆون کەسێکی «زۆر خۆشەویست و بە ئەدەبە» و «لێزانە».[٤] بۆستن گڵۆبیش چاوپێکەوتنی لەگەڵ دوو ھاوسەرەکەدا کرد، کە وتیان فیلمەکەیان بەلاوە زیاتر دژە موسڵمان و دژە سێمیتیک بووە و ترساون لەوەی بارۆن کۆون و ستافەکەی ڤیدیۆی پۆرنۆگرافی لە ماڵەکەیاندا وێنەبگرن.[٦٣]

فێمینیستەکانی ڕێکخراوی فێمینیستە بەئەزموونەکانی ئەمریکا (VFA) ھەستیان کردووە کە فریودراون، بە «ھەستکردنی ڕوودانی شتێکی سەیر» پێش چاوپێکەوتنەکە و لە کاتی چاوپێکەوتنەکە لەگەڵ بۆراتدا. گاردیەن دواتر ڕاپۆرتی کرد کە ھیچ نەبێت یەکێک لە ئافرەتەکان پێی وابووە کە فیلمەکە شایەنی بینین بووە لە سینەما.[٦٤]

نیویۆرک پۆست بڵاویکردەوە لە تشرینی دووەمی ٢٠٠٦دا کە پامێڵا ئاندرسن داوای جیابوونەوەی لە کید ڕۆکی ھاوسەری کردووە بەھۆی کاردانەوەی نەشیاوانەی دەربارەی فیلمەکە لە پەخشێکدا. وتارەکەی نیویۆرک پۆست بە وردی ئاماژەی پێداوە کە ھاوسەرەکەی دەربارەی ڕۆڵەکەی لە فیلمەکەدا وتوویەتی، «تۆ ھیچ نیت جگە لە سۆزانییەک! لەشفرۆشیت! چۆن توانیوتە ئەو فیلمە بکەیت؟»[٦٥] لە چاوپێکەوتنێکدا لە The Howard Stern Show، پامێڵا سەلماندی کە ھاوسەرەکەی دڵخۆش نەبووە سەبارەت بە بەشدارییەکەی لە فیلمەکەدا، بەڵام وتی باسی لەوە نەکرد کە ھۆکاری جیابوونەوەیان بووە.[٦٦]

سکاڵای یاسایی لەلایەن بەشداربووەکانەوە[دەستکاری]

دانیشتووانی گوندی گلۆد، ڕۆمانیا، سکاڵای یاساییان دژی بەرھەمھێنەرانی بۆرات تۆمارکرد، بە گلەییکردن لەوەی لە بارەی سروشتی وێنەگرتنەکەوە درۆیان لەگەڵدا کراوە و وەک دواکەوتوو و ئینسێست پیشاندراون. ھەندێژیان وتیان کە تەنیا سێ لووی ڕۆمانییان (نزیکەی $١٫٢٨ لە ٢٠٠٤) وەرگرتووە، لەکاتێکدا ھەندێکی تریان ئاماژەیان دا کە ھەر یەکەیان لە نێوان $٧٠ بۆ $١٠٠یان وەرگرتووە، کە بە دڵی خۆیان نەبووە.[١٦] دانیشتووان داوای $٣٨ ملیۆنی قەرەبووی زیانەکانیان کرد.[٦٧] داوایەک لەلایەن دادوەری ناوچەی دەستداریی ویلایەتە یەکگرتووەکان لۆرێتا پرێسکاوە ھەڵدرایە دەرەوە، دوای بیستنی لە کانوونی یەکەمی ٢٠٠٦دا کە لە بناغەکەوە بەڵگەکان لە سکاڵاکەدا زۆر ناڕوون بوون. جیا لەمە، نەیارەکان ویستیانەوە دووبارە شکات بکەنەوە.[٦٨] لە نیسانی ٢٠٠٨دا، دۆسیەکە دووبارە لابرایەوە، بەھۆی بەڵگەی ناتەواوەوە.[٦٩]

دیمەنێکی فیلمەکە لە گوندی گلۆد، ڕۆمانیا، کە وەک کازاخستان پیشاندراوە

دوو لە قوتابییەکانی زانکۆی کارۆلینای باشوور کە لە فیلمەکەدا دەرکەوتبوون، جەستن سیی و کریستۆفەر ڕۆتێندا، سکاڵایان دژی بەرھەمھێنەرەکان کرد، بە ناوزڕاندن.[٧٠][٧١][٧٢] داواکە لەلایەن سیی و ڕۆتێنداوە لە شوباتی ٢٠٠٧دا لابرا.[٧١] قوتابییەکان داوایان کرد کە ڕێگریی لە بڵاوبوونەوەی دی ڤی دیی فیلمەکە بکرێت، بەڵام ڕەتکرایەوە.[٧٠][٧١][٧٢][٧٣]

داوایەکی تر لەلایەن دانیشتوویەکی کارۆلینای باشوورەوە کرا کە وتی بارۆن کۆون (وەک بۆرات) خۆی لێ خشاندووە لە تەوالێتێکی ڕێستۆرانتێکی خوارووی کۆڵومبیا، و ئەکتەرەکە قسەی لە بارەی ناوچە ھەستیارەکانی کەسەکەوە کردووە، بێ واژووکردنی ھیچ ڕێکەوتنێکی یاسایی. داواکە باسی لەوەش کرد کە ئەو دیمەنەیان لە دی ڤی دییەکاندا لابردووە و لە ئینتەرنێتیشدا سڕدراوەتەوە.[٧٤]

گۆرانیبێژی ڕۆمانیی مەقدوونی ئێسما ڕێجێپۆڤا داوای دژی بەرھەمھێنەرانی فیلمەکە تۆمارکرد، و ٨٠٠٫٠٠٠ یۆرۆ وەک قەرەبوو داواکرد چونکە فیلمەکە گۆرانیی «Chaje Šukarije» ی ئەویان بەکارھێنابوو بێ ڕەزامەندی خۆی.[٧٥][٧٦] دواتر، ڕێجێپۆڤا ٢٦٫٠٠٠ یۆرۆی سزای پارەی بردەوە، تا ئەو کاتەی دەرکەوت کە بارۆن کۆون ڕەزامەندیی بەکارھێنانی گۆرانییەکەی ئەوی وەرگرتووە لە تۆمارگەکەیدا، کە ئەوی لێ ئاگادار نەکراوەتەوە.[٧٧]

فێلیکس سێدێنۆ، ئەمریکییەکی ٣١ ساڵ، داوایەکی تۆمارکرد دژی فۆکسی سەدەی ٢٠ەم بۆ $٢٫٢ ملیۆن، دوای ئەوەی لەو دیمەنەی کە مریشکێکی زیندوو لە جانتاکەی بۆراتدا ھەڵدێت لە میترۆکەدا وێنەگیرابوو. سێدێنۆ دواتر داواکەی داگرت و ھیچی وەرنەگرت[٧٨][٧٩]

مایکڵ زێنیسکای دانیشتووی بالتیمۆر داوای زیاتر لە $١٠٠٫٠٠٠ی قەرەبووی زیانەکانی لە بارۆن کۆون و فۆکسی سەدەی ٢٠ەم و لایەنەکانی تر کرد. زێنیسکا—کە مامۆستایەکی بیرکاریی قوتابخانەیە و قوتابخانەیەکی شۆفێریشی ھەیە—بە قسەی خۆی $٥٠٠ی پێدرا تا وانەی شۆفێری بداتە ڕۆژنامەنووسە کازاخییەکەی بارۆن کۆون. لە داواکەیدا—کە لە دادگای ناوچەی دەستداریی ویلایەتە یەکگرتووەکان لە مانھاتن تۆمارکراوە—ڕێنماییکاری شۆفێرییەکە وتی کە پێی وتراوە کە فیلمەکە «دۆکیۆمێنتارییەکە دەربارەی ھاوپەیوەست بوونی خەڵکی بیانی لەگەڵ شێوازی ژیانکردنی ئەمریکیدا»، و ئەگەر سروشتی ڕاستەقینەی فیلمەکەی بزانیبایا، ئەوا ھەرگیز بەشداری نەدەکرد. زێنیسکا وتی کە مافی زیانەکانی پێدرا چونکە داوالێکراوەکان وێنەی ئەویان بەکارھێناوە بۆ ڕێکلامکردنی فیلمەکە.[٨٠] دۆسیەکە لابرا لە ٩ی ئەیلوولی ٢٠٠٨.[٨١] جێفری لێمێرۆند، کە دەرکەوتبوو کە ڕایدەکرد و ھاواری دەکرد، «دوورکەوەرەوە» لەکاتێکدا بۆرات ھەوڵیدەدا باوەش بە کەسانی نەناسراوی سەر شەقامێکی نیویۆرک بکات، دۆسیەیەکی یاسایی تۆمارکرد لەبەرئەوەی وێنەکەی بە نایاساییانە لە فیلمەکەدا بەکارھاتبوو، و تووشی «گاڵتەپێکردن و نزمکردنەوە و سووکایەتیی گشتی بووەتەوە» بەھۆیەوە. دۆسیەکە لابرا.[٨٢]

بارۆن کۆون کاردانەوەی ھەبوو بۆ داواکان و لێدوانی دا: «ھەندێک لە نامەکان کە بۆم دێن کەمێک نائاسایین، وەک دانەیەک کە پارێزەرەکە ئاگاداری کردبوومەوە کە داوای $١٠٠٫٠٠٠م لێدەکرێت و لە کۆتاییدا نووسیویەتی، 'ھەروەھا حەزم بە فیلمەکە بوو. دەتوانیت پۆستەرێک بۆ جێرێمیی کوڕم واژوو بکەیت؟'»[٦٧]

بەکارھێنانی ناڕێکەوتی سروودە نیشتمانییە ساختەکە[دەستکاری]

لە ئازاری ٢٠١٢دا، سروودە نیشتمانییە ساختەکەی ناو ساوندتراکی فیلمەکە، کە باسی ھەناردەکردنی پۆتاسیۆمی کوالێتی بەرزی کازاخستان و دووەم پاکترین لەشفرۆشەکانی ھەرێمەکە دەکات، بە ھەڵە لە خەڵاتە مەزنەکانی ھەڵدانی نێودەوڵەتیی ئەمیری کووەیتدا لێدرا. براوەی مەدالیای ئاڵتوونی، ماریا دمیتریێنکۆ، بە پێوە بوو تا تەواوبوونی سروودەکە. تیمەکە گلەییان کرد، و مەراسیمی خەڵاتەکە دووبارەکرایەوە. ڕووداوەکە بەھۆی داونڵۆدکردنی گۆرانییەکی ھەڵە لە ئینتەرنێتەوە ڕوویدا.[٨٣][٨٤]

تاوانبارکردنی ناوزڕاندنە ڕەگەزییەکان[دەستکاری]

ناوەندی ئەورووپی لێکۆڵینەوەی دژەزیگمانیزم، کە کار دژی ھەڵسوکەوتە نەرێنییەکان بەرامبەر دۆمەکان دەکات، سکاڵایەکی تۆمارکرد[٨٥] لەگەڵ چەند پارێزەرێکی گشتیی ئەڵمانیدا لە ١٨ی تشرینی یەکەمی ٢٠٠٦دا، لەسەر ئاماژەپێدانی بۆرات سەبارەت بە دۆمەکان لە فیلموکەدا. سکاڵاکە تاوانباری دەکات بە ناوزڕاندن و ئاماژەدانی توندوتیژی دژی کۆمەڵەیەکی ڕەگەز.[٨٦] سەرئەنجام، فۆکسی سەدەی ٢٠ەم ڕوونیکردەوە کە ھەموو دیمەنەکان کە ئاماژە بە دۆمەکان دەکات لە ترایلەرەکانی تەلەڤیزیۆنی ئەڵمانی و وێبسایتی فیلمەکەدا لادەبات.[٨٧]

پێش بڵاوبوونەوەی فیلمەکە، یانەی بەرەنگاربوونەوەی ناوزڕاندن (ADL) پەیامێکی بڵاوکردەوە بە دەربڕینی گومان سەبارەت بە دژەسێمیتیزمە مۆرکییەکەی بۆرات.[٨٨] ھەردوو بارۆن کۆون (کە جووە) و ADL ئاماژەیان دا کە فیلمەکە بۆرات بەکاردێنێت بۆ دەربڕینی ئەو پێشداوەری و سووکایەتییانەی لە کەسانی ترەوە بەرامبەر جووەکان کراوە،[٨٩] بەڵام ADL دەریبڕی کە لەوانەیە ھەندێک بینەر نائاگاداربن سەبارەت بەم ڕوانگەیەی کۆمێدیای فیلمەکەوە، لەکاتێکدا «تەنانەت لەوانەیە ھەندێکیان وا بیبینن کە بەھێزکردنەوەی ڕقەکەیانە بۆیان».[٩٠]

سانسۆرکردن لە جیھانی عەرەبدا[دەستکاری]

فیلمەکە لە تەواوی جیھانی عەرەبدا قەدەغەکرا جگە لە لوبنان و میرنشینە یەکگرتووە عەرەبییەکان (کە فیلمەکەیان بە سانسۆرێکی زۆرەوە بڵاوکردەوە).[٩١][٩٢] یووسف عەبدول حەمید، سانسۆرکارێکی دوبەی لە میرنشینە یەکگرتووە عەرەبییەکان، فیلمەکەی بە «خراپ و قێزەون و زۆر بێمانا» ناوبرد. سانسۆرکارەکە وتی کە خۆی و ھاوپیشەکانی پێش تەواوبوونی پەخشی فیلمەکە ڕۆیشتوون، و تەنھا نیو کاتژمێری فیلمەکە ماوەتەوە دوای لابردنی ھەموو دیمەنە نەشیاوەکان.[٩٢]

ساوندتراک[دەستکاری]

OOjs UI icon article-ltr.svg وتاری سەرەکیبۆرات (ساوندتراک)

ساوندتراکی بۆرات لە ئایتیوونز ستۆر لە ٢٤ی تشرینی یەکەمی ٢٠٠٦دا بڵاوکرایەوە، و لە فرۆشگاکانیش لە ٣١ی تشرینی یەکەمی ٢٠٠٦دا بڵاوکرایەوە. ئەلبومەکە پێکھاتبوو لە مۆسیقای ناو فیلمەکە، پێنج تراک بە ناوی «Dialoguing Excerpt from Moviefilm»، لەگەڵ گۆرانییە دژەسێمیتیزمەکەی «In My Country There Is Problem» لە بەرنامەکەی ئالی جی.[٩٣]

ئەو مۆسیقا فۆڵکەی لە ساوندتراکەکەدایە ھیچ پەیوەندییەکی بە مۆسیقای تایبەتیی کازاخستانەوە نییە. ئەلبومەکە گۆرانی تێدایە کە لەلایەن گۆرانیبێژانی ڕۆمانی و بالکانییەوە وتراون (بە زۆری ئێمیر کوستوریکا و گۆران بێرگۆڤیچ) و مۆسیقای ئاران بارۆن کۆون، ئەندامی دامەزرێنەری سیستەمی دەنگیی زۆھار و برای ساشا بارۆن کۆون، ھەروەھا گۆرانیشی تێدایە کە ساشا بارۆن کۆون خۆی وتوویەتی لە شێوەی کاراکتەرەکەدا.

تێبینییەکان[دەستکاری]

  1. ^ ھەرچەندە زۆربەی زمانەکە بریتییە لە ئینگلیزی، عیبری، ئەرمەنی، ڕۆمانی، ھەروەھا چەند وشەیەکی پۆڵەندیشی تێدایە.

سەرچاوەکان[دەستکاری]

  1. ^ "Borat – Cultural Learnings of America For Make Benefit Glorious Nation of Kazakhstan". British Board of Film Classification. لە ڕەسەنەوە ئەرشیڤ کراوە لە 25 May 2014. لە ڕێکەوتی ٠٩ی ئەیلوولی ٢٠١٣ ھێنراوە. 
  2. ^ "Borat Cultural Learnings of America for Make Benefit Glorious Nation of Kazakhstan (2006)". British Film Institute. لە ڕەسەنەوە ئەرشیڤ کراوە لە 18 December 2014. لە ڕێکەوتی ١٨ی کانوونی یەکەمی ٢٠١٤ ھێنراوە. 
  3. ^ ی ا "Borat! Cultural Learnings of America for Make Benefit Glorious Nation of Kazakhstan (2006)". Box Office Mojo. لە ڕەسەنەوە ئەرشیڤ کراوە لە 12 January 2020. لە ڕێکەوتی ٢٠ی ئازاری ٢٠١٠ ھێنراوە. 
  4. ^ ی ا ب پ Marchese, David and Paskin, Willa. What's real in "Borat"? Salon, 10 November 2006. Retrieved 7 March 2007.
  5. ^ ی ا Carroll، Larry (6 November 2006). "Was Pamela Anderson In On The Joke? A 'Borat' Investigation". MTV. لە ڕەسەنەوە ئەرشیڤ کراوە لە 28 August 2010. لە ڕێکەوتی ٠١ی ئەیلوولی ٢٠١٠ ھێنراوە. 
  6. ^ Gregorian, Dareh (25 October 2007). "Etiquette Expert Pranked in 'Borat' Sues". Fox News Channel. لە ڕەسەنەوە ئەرشیڤ کراوە لە 26 October 2012. لە ڕێکەوتی ١١ی کانوونی دووەمی ٢٠١١ ھێنراوە. 
  7. ^ "Gay XXX Star, Stonie, Portrays Teen Son Of Borat". gaywebmasters.com. 8 November 2006. لە ڕەسەنەوە ئەرشیڤ کراوە لە 11 July 2011. لە ڕێکەوتی ١٤ی کانوونی یەکەمی ٢٠١٠ ھێنراوە. 
  8. ^ Hilton, Perez (11 January 2008). "Borat's Son Becomes Borat's Daughter!!!". perezhilton.com. لە ڕەسەنەوە ئەرشیڤ کراوە لە 1 May 2011. لە ڕێکەوتی ١٤ی کانوونی یەکەمی ٢٠١٠ ھێنراوە. 
  9. ^ Sechrest, Jason (9 January 2008). "Stonie Becomes A Woman". JasonCurious.com. لە ڕەسەنەوە ئەرشیڤ کراوە لە 8 December 2010. لە ڕێکەوتی ١٤ی کانوونی یەکەمی ٢٠١٠ ھێنراوە. 
  10. ^ Adams, JC (10 January 2008). "Meet Brittany Coxxx (a.k.a. Stonie)". The Adams Report (gayporntimes.com). لە ڕەسەنەوە ئەرشیڤ کراوە لە 23 October 2010. لە ڕێکەوتی ١٣ی کانوونی یەکەمی ٢٠١٠ ھێنراوە. 
  11. ^ "Revealed: Borat's Son a Gay Porn Star". radaronline.com. 27 October 2008. لە ڕەسەنەوە ئەرشیڤ کراوە لە 12 August 2011. لە ڕێکەوتی ١٣ی کانوونی یەکەمی ٢٠١٠ ھێنراوە. 
  12. ^ Gonshor, Adam. Meet Actor Ken Davitian, the Real Azamat from Borat. Archived 10 July 2007 لە وەیبەک مەشین. andPOP.com, 7 February 2007. Retrieved 16 March 2007.
  13. ^ Engber, Daniel. Borat Tricked Me! Can't I Sue Him or Something? Archived 1 April 2007 لە وەیبەک مەشین. Slate.com, 24 October 2006. Retrieved 14 March 2007.
  14. ^ ی ا Hammack، Laurence (9 January 2005). "Rodeo in Salem gets unexpected song rendition". The Roanoke Times. لە ڕەسەنەوە ئەرشیڤ کراوە لە 10 April 2013. 
  15. ^ Strauss, Neil. "The Man Behind The Mustache". p. 2 Archived 19 December 2006 لە وەیبەک مەشین. Rolling Stone, 14 November 2006. Retrieved 9 March 2007.
  16. ^ ی ا "If I See Borat, I Will Kill Him With My Own Hands". ABC News. 17 November 2006. لە ڕەسەنەوە ئەرشیڤ کراوە لە 15 April 2008. لە ڕێکەوتی ١٧ی ئازاری ٢٠٠٧ ھێنراوە. 
  17. ^ Secret of Borat's fluent Kazakh – it's Hebrew. Archived 22 January 2007 لە وەیبەک مەشین. The Guardian, 20 December 2006. Retrieved 9 March 2007.
  18. ^ Perry، Tony (4 December 2006). "Borat crew ends up shooting blanks in jail". Los Angeles Times. لە ڕەسەنەوە ئەرشیڤ کراوە لە 4 March 2014. لە ڕێکەوتی ١٢ی شوباتی ٢٠١٤ ھێنراوە. 
  19. ^ "Porn Scene Cut from Borat", FantasyMoguls.com. Retrieved 18 January 2007
  20. ^ Fitz-Gerald، Sean (3 March 2016). "Sacha Baron Cohen Recalls the Time Borat Tried to Help Make a Porno". Vulture. لە ڕەسەنەوە ئەرشیڤ کراوە لە 20 August 2016. لە ڕێکەوتی ٠٩ی تەممووزی ٢٠١٦ ھێنراوە. 
  21. ^ MovieWeb.com Archived 18 August 2006 لە وەیبەک مەشین.: "Comic-Con 2006: Fox Unveils Eragon", Reno 911 Miami, Borat and Pathfinder. Retrieved 21 December 2006
  22. ^ Snyder, Gabriel. Variety.com Archived 9 November 2018 لە وەیبەک مەشین.: "Moore takes the floor". Retrieved 21 December 2006
  23. ^ 2006 Traverse City Film Festival Awards Archived 7 February 2008 لە Archive.is , Traverse City Record Eagle, 7 August 2006. Retrieved 21 December 2006.
  24. ^ "Borat satire turns to farce in Toronto". Ynetnews. Yedioth Internet. 9 October 2006. لە ڕەسەنەوە ئەرشیڤ کراوە لە 21 February 2014. لە ڕێکەوتی ١٢ی شوباتی ٢٠١٤ ھێنراوە. 
  25. ^ "'Borat' satire turns to farce at Toronto festival". The Scotsman. 8 September 2006. لە ڕەسەنەوە ئەرشیڤ کراوە لە 12 September 2006. لە ڕێکەوتی ٢١ی کانوونی یەکەمی ٢٠٠٦ ھێنراوە. 
  26. ^ "What's happening at the Toronto Film Fest? Archived 16 October 2011 لە وەیبەک مەشین.", USA Today, 17 September 2006. Retrieved 21 December 2006
  27. ^ "Posters advertising Borat movie sanitized for Israeli consumption". Haaretz. 20 November 2006. لە ڕەسەنەوە ئەرشیڤ کراوە لە 26 February 2007. لە ڕێکەوتی ١٥ی کانوونی دووەمی ٢٠٠٧ ھێنراوە. 
  28. ^ "Box Office and Business for Borat! Cultural Learnings of America for Make Benefit Glorious Nation of Kazakhstan". IMDb. لە ڕەسەنەوە ئەرشیڤ کراوە لە 8 March 2007. لە ڕێکەوتی ٠٩ی ئازاری ٢٠٠٧ ھێنراوە. 
  29. ^ ی ا Rich, Joshua (5 November 2006). "Borat Shocks Hollywood". Entertainment Weekly. لە ڕەسەنەوە ئەرشیڤ کراوە لە 7 June 2011. لە ڕێکەوتی ٢٩ی کانوونی دووەمی ٢٠١٢ ھێنراوە. 
  30. ^ "Hannah Montana/Miley Cyrus: Best of Both Worlds Concert Tour (2008) – Weekend Box Office Results". 3 February 2008. لە ڕەسەنەوە ئەرشیڤ کراوە لە 16 April 2009. لە ڕێکەوتی ٣١ی تەممووزی ٢٠٠٩ ھێنراوە. 
  31. ^ "Borat! Cultural Learnings of America for Make Benefit Glorious Nation of Kazakhstan (2006) – Daily Box Office Results". 4 November 2006. لە ڕەسەنەوە ئەرشیڤ کراوە لە 29 April 2018. لە ڕێکەوتی ٣١ی تەممووزی ٢٠٠٩ ھێنراوە. 
  32. ^ "Hannah Montana/Miley Cyrus: Best of Both Worlds Concert Tour (2008) – Daily Box Office Results". 2 February 2008. لە ڕەسەنەوە ئەرشیڤ کراوە لە 15 April 2009. لە ڕێکەوتی ٣١ی تەممووزی ٢٠٠٩ ھێنراوە. 
  33. ^ ی ا ""Borat" makes benefit glorious with US$29 mln". 14 November 2006. لە ڕەسەنەوە ئەرشیڤ کراوە لە 27 August 2007. لە ڕێکەوتی ١٩ی کانوونی یەکەمی ٢٠٠٦ ھێنراوە. 
  34. ^ "Borat: Cultural Learnings of America for Make Benefit Glorious Nation of Kazakhstan (2006)". Rotten Tomatoes. لە ڕەسەنەوە ئەرشیڤ کراوە لە 19 May 2019. لە ڕێکەوتی ٢٧ی تشرینی یەکەمی ٢٠١٩ ھێنراوە. 
  35. ^ "Borat: Cultural Learnings of America for Make Benefit Glorious Nation of Kazakhstan Reviews". لە ڕەسەنەوە ئەرشیڤ کراوە لە 5 December 2014. لە ڕێکەوتی ٠٧ی کانوونی دووەمی ٢٠١٥ ھێنراوە. 
  36. ^ "BORAT (2006) B+". CinemaScore. لە ڕەسەنەوە ئەرشیڤ کراوە لە 20 December 2018. 
  37. ^ Burr، Ty (3 November 2006). "Scathingly funny 'Borat' skewers America and its complex values". Boston Globe. لە ڕەسەنەوە ئەرشیڤ کراوە لە 10 December 2017. لە ڕێکەوتی ١١ی ئەیلوولی ٢٠١٩ ھێنراوە. 
  38. ^ Travers، Peter (27 October 2006). "Borat! Cultural Learnings of America for Make Benefit Glorious Nation of Kazakhstan". Rolling Stone. 
  39. ^ Hirschorn، Michael (November 2006). "Thank You, YouTube: DIY video is making merely professional television seem stodgy, slow and hopelessly last century". The Atlantic: 147. 
  40. ^ Pulver، Andrew (31 December 2009). "Best films of the noughties". The Guardian. لە ڕەسەنەوە ئەرشیڤ کراوە لە 21 January 2015. لە ڕێکەوتی ٠١ی کانوونی دووەمی ٢٠١٥ ھێنراوە. 
  41. ^ Queenan, Joe. 'The Honeymoon is Over' (Joe Queenan dismisses Borat as an odious twit.) Archived 16 October 2007 لە وەیبەک مەشین. The Guardian, 24 November 2006. Retrieved 9 March 2007.
  42. ^ Hitchens, Christopher. Kazakh Like Me. Archived 8 March 2007 لە وەیبەک مەشین. Slate.com, 13 November 2006. Retrieved 11 March 2007.
  43. ^ Kaprāns, Mārtiņš (2011) 'Did we ignore the social commentary? Responding to Borat on YouTube' Archived 6 May 2012 لە وەیبەک مەشین. , Platform: Journal of Media and Communication (November): 24–40. Retrieved 3 June 2012.
  44. ^ "Borat! Bigger Than Santa Clause!". Comingsoon.net. 6 November 2006. لە ڕەسەنەوە ئەرشیڤ کراوە لە 30 September 2007. لە ڕێکەوتی ١٧ی ئازاری ٢٠٠٧ ھێنراوە. 
  45. ^ 2006. Sky-is-falling.co.uk. Retrieved 12 March 2007.
  46. ^ Openings – all time. Sky-is-falling.co.uk. Retrieved 12 March 2007.
  47. ^ Box Office Mojo Archived 26 June 2012 لە وێب سایت – Borat! Cultural Learnings of America for Make Benefit Glorious Nation of Kazakhstan. Retrieved 16 March 2007.
  48. ^ 79th Annual Academy Awards Archived 28 February 2007 لە وەیبەک مەشین.. OSCAR.com. Retrieved 17 March 2007.
  49. ^ ی ا "Nominations & winners" Archived 14 May 2007 لە وەیبەک مەشین. , Hollywood Foreign Press Association, 2006. Retrieved 17 March 2007.
  50. ^ Winners 2006. Archived 14 December 2005 لە Archive.is BFCA.org. Retrieved 17 March 2007.
  51. ^ "WGA Awards 2006". لە ڕەسەنەوە ئەرشیڤ کراوە لە 3 July 2010.  WGA.com. Retrieved 17 March 2007.
  52. ^ 2006 San Francisco Film Critics Circle Awards Archived 19 May 2007 لە وەیبەک مەشین. , San Francisco Film Critics Circle, 2006. Retrieved 17 March 2007.
  53. ^ Utah Film Critics Association Awards 2006 Archived 6 February 2007 لە وەیبەک مەشین.. AltFG.com. Retrieved 17 March 2007.
  54. ^ Torontofilmcritics.com Archived 30 September 2007 لە وەیبەک مەشین. TFCA Awards 2006. Retrieved 17 March 2007.
  55. ^ Online Film Critics Society Awards 2006. Archived 2 March 2007 لە وەیبەک مەشین. Rotten Tomatoes. Retrieved 17 March 2007.
  56. ^ Los Angeles Film Critics announce 2006 award winners Archived 20 December 2006 لە وەیبەک مەشین. , Los Angeles Film Critics Association, 2006. Retrieved 17 March 2007.
  57. ^ 27th London Film Critics' Circle Awards – 2006 Archived 12 January 2007 لە وەیبەک مەشین. AltFG.com. Retrieved 17 March 2007.
  58. ^ "Metacritic: 2006 Film Critic Top Ten Lists". لە ڕەسەنەوە ئەرشیڤ کراوە لە 12 February 2010. لە ڕێکەوتی ١٢ی شوباتی ٢٠١٠ ھێنراوە. 
  59. ^ Carlson, Erin (13 November 2006), 'Borat' Victims Upset at Being Duped Archived 25 August 2017 لە وەیبەک مەشین., washingtonpost.com
  60. ^ "Dharma and … Borat? A 'Victim' Complains". Fox News Channel. 2 November 2006. لە ڕەسەنەوە ئەرشیڤ کراوە لە 21 March 2007. لە ڕێکەوتی ١٧ی ئازاری ٢٠٠٧ ھێنراوە. 
  61. ^ Kremer, Aaron (24 October 2006). "'Borat' roped in Va. crowd". excerpt-The Birmingham News. Richmond storyID=3544. لە ڕەسەنەوە ئەرشیڤ کراوە لە 21 November 2005. لە ڕێکەوتی ١٧ی ئازاری ٢٠٠٧ ھێنراوە. 
  62. ^ Sweetingham، Lisa. "Etiquette expert is latest to lash out at 'Borat' creator, claiming humiliation". Court TV. لە ڕەسەنەوە ئەرشیڤ کراوە لە 20 November 2006. لە ڕێکەوتی ١٧ی تشرینی دووەمی ٢٠٠٦ ھێنراوە. 
  63. ^ Kahn، Joseph P. (18 November 2006). "Duped by Borat, couple rises above insults and has a laugh". Boston Globe. لە ڕەسەنەوە ئەرشیڤ کراوە لە 3 April 2007. لە ڕێکەوتی ١٧ی ئازاری ٢٠٠٧ ھێنراوە. 
  64. ^ Toms, Katie (29 October 2006). "Oh, Borat, you Bounder". The Guardian. London. لە ڕەسەنەوە ئەرشیڤ کراوە لە 28 February 2007. لە ڕێکەوتی ١٧ی ئازاری ٢٠٠٧ ھێنراوە. 
  65. ^ Bonawitz، Amy (28 November 2006). "Did 'Borat' Cause Pam And Kid's Split?". CBS. لە ڕەسەنەوە ئەرشیڤ کراوە لە 18 November 2010. لە ڕێکەوتی ٠١ی ئەیلوولی ٢٠١٠ ھێنراوە. 
  66. ^ "Anderson: "Kid Rock Was Unhappy About 'Borat'"". Hollywood.com. 18 December 2006. لە ڕەسەنەوە ئەرشیڤ کراوە لە 27 April 2007. لە ڕێکەوتی ١٧ی ئازاری ٢٠٠٧ ھێنراوە. 
  67. ^ ی ا Morgan، David S (22 December 2007). "Borat He Dead, I Kill Him, Gone". CBS News. لە ڕەسەنەوە ئەرشیڤ کراوە لە 29 December 2007. لە ڕێکەوتی ١٢ی تەممووزی ٢٠٠٩ ھێنراوە. 
  68. ^ "NYC Judge Questions Viability Of Villagers' 'Borat' Lawsuit". Abclocal.go.com. 5 December 2006. لە ڕەسەنەوە ئەرشیڤ کراوە لە 16 November 2007. لە ڕێکەوتی ١٢ی تەممووزی ٢٠٠٩ ھێنراوە. 
  69. ^ "Borat's Aftermath: A Romanian Town Seeks Damages". Independent Magazine (بە زمانی ئینگلیزی). 23 November 2009. لە ڕێکەوتی ٢٠ی ئایاری ٢٠٢٠ ھێنراوە. 
  70. ^ ی ا "US students sue over Borat film". BBC News. 10 November 2006. لە ڕەسەنەوە ئەرشیڤ کراوە لە 16 March 2007. لە ڕێکەوتی ١٧ی ئازاری ٢٠٠٧ ھێنراوە. 
  71. ^ ی ا ب Finn, Natalie. Judge Nixes Borat Suit Archived 4 July 2009 لە وەیبەک مەشین.. E! Online 21 February 2007. Retrieved 7 March 2007.
  72. ^ ی ا "Bamboozled By Borat?". The Smoking Gun. 13 November 2006. لە ڕەسەنەوە ئەرشیڤ کراوە لە 22 March 2007. لە ڕێکەوتی ١٧ی ئازاری ٢٠٠٧ ھێنراوە. 
  73. ^ Borat 'victims' fail to block DVD Archived 27 January 2007 لە وەیبەک مەشین.. BBC News, 12 December 2006. Retrieved 7 March 2007.
  74. ^ "S.C. man sues after deleted Borat bathroom scene appears on cable, Internet". Florida Times-Union. Associated Press. 12 December 2006. لە ڕەسەنەوە ئەرشیڤ کراوە لە 28 January 2007. لە ڕێکەوتی ١٣ی نیسانی ٢٠٠٧ ھێنراوە. 
  75. ^ Можна нова тужба за Борат Archived 16 January 2016 لە وەیبەک مەشین.. BBC Macedonian, 7 December 2006. Retrieved 19 March 2007.
  76. ^ Macedonian songstress to sue 'Borat' filmmakers. Archived 18 December 2006 لە وەیبەک مەشین. The Age, 16 December 2006. Retrieved 19 March 2007.
  77. ^ "Esma wins lawsuit against Sacha Cohen". MINA. 29 July 2009. لە ڕەسەنەوە ئەرشیڤ کراوە لە 25 May 2019. لە ڕێکەوتی ٢٥ی ئایاری ٢٠١٩ ھێنراوە. 
  78. ^ "Writs go crackers: Borat sued yet again". Chortle.co.uk. لە ڕەسەنەوە ئەرشیڤ کراوە لە 5 July 2009. لە ڕێکەوتی ١٢ی تەممووزی ٢٠٠٩ ھێنراوە. 
  79. ^ "In New York, One 'Borat' Case Falls, Three to Go". Past Deadline. 11 February 2008. لە ڕەسەنەوە ئەرشیڤ کراوە لە 6 May 2017. لە ڕێکەوتی ٠٥ی شوباتی ٢٠١٧ ھێنراوە. 
  80. ^ "Borat's driving instructor sues". BBC News. 5 December 2007. لە ڕەسەنەوە ئەرشیڤ کراوە لە 4 March 2009. لە ڕێکەوتی ٠٥ی کانوونی یەکەمی ٢٠٠٧ ھێنراوە. 
  81. ^ "Glorious NYC lawsuit ruling for Borat filmmakers". USA Today. 9 September 2008. لە ڕەسەنەوە ئەرشیڤ کراوە لە 21 February 2014. لە ڕێکەوتی ١٢ی شوباتی ٢٠١٤ ھێنراوە. 
  82. ^ "Entertainment | Judge dismisses Borat legal case". BBC News. 3 April 2008. لە ڕەسەنەوە ئەرشیڤ کراوە لە 3 April 2009. لە ڕێکەوتی ١٢ی تەممووزی ٢٠٠٩ ھێنراوە. 
  83. ^ "borat anthem played by mistake at medals ceremony". لە ڕەسەنەوە ئەرشیڤ کراوە لە 26 March 2012. 
  84. ^ "Borat anthem stuns Kazakh gold medallist in Kuwait". BBC News. 23 March 2012. لە ڕەسەنەوە ئەرشیڤ کراوە لە 18 July 2018. لە ڕێکەوتی ٢١ی حوزەیرانی ٢٠١٨ ھێنراوە. 
  85. ^ "Presse Erkl€ärung" (PDF) (Press release) (بە زمانی German). European Center for Antiziganism Research. 17 October 2006. لە ڕەسەن (PDF)ەوە ئەرشیڤ کراوە لە 1 December 2006. لە ڕێکەوتی ٠٨ی ئازاری ٢٠٠٧ ھێنراوە. 
  86. ^ "Now Gypsies want Borat banned". The Sydney Morning Herald. 18 October 2006. لە ڕەسەنەوە ئەرشیڤ کراوە لە 28 January 2007. لە ڕێکەوتی ١٧ی ئازاری ٢٠٠٧ ھێنراوە. 
  87. ^ "Roma und Sinti Verbände stoppen "Zigeuner" Kampagne zu Borat" (PDF). Europäisches Zentrum für Antiziganismusforschung. 27 October 2006. لە ڕەسەن (PDF)ەوە ئەرشیڤ کراوە لە 28 November 2006. لە ڕێکەوتی ٠٤ی تشرینی دووەمی ٢٠٠٦ ھێنراوە. 
  88. ^ Statement On The Comedy Of Sacha Baron Cohen, A.K.A. Borat. Archived 12 February 2007 لە وەیبەک مەشین. Ant-Defamation League, 28 September 2006. Retrieved 26 March 2007
  89. ^ "Cohen defends 'racist' Borat film". BBC News. 16 November 2006. لە ڕەسەنەوە ئەرشیڤ کراوە لە 14 January 2007. لە ڕێکەوتی ١٧ی ئازاری ٢٠٠٧ ھێنراوە. 
  90. ^ "ADL: Concerned over Borat's depiction of anti-Semitism". Ynetnews. 30 September 2006. لە ڕەسەنەوە ئەرشیڤ کراوە لە 15 January 2007. لە ڕێکەوتی ١٧ی ئازاری ٢٠٠٧ ھێنراوە. 
  91. ^ "Arab countries ban Borat". Guardian Unlimited Film. London. 1 December 2006. لە ڕەسەنەوە ئەرشیڤ کراوە لە 21 January 2007. لە ڕێکەوتی ١٧ی ئازاری ٢٠٠٧ ھێنراوە. 
  92. ^ ی ا Ali، Jaafar (30 November 2006). "'Borat' gross-outs fall flat in Mideast". Variety. لە ڕەسەنەوە ئەرشیڤ کراوە لە 16 January 2016. لە ڕێکەوتی ٢٩ی حوزەیرانی ٢٠٠٧ ھێنراوە. 
  93. ^ Don't Throw 'Borat' Soundtrack Down the Well. Archived 24 March 2007 لە وەیبەک مەشین. SPIN.com, 12 October 2006. Retrieved 11 March 2007.

بەستەرە دەرەکییەکان[دەستکاری]