ناحیەی زوممار

ناحیەی زوممار
ناحیە
وڵات	کوردستان عێراق
ھەرێم	ھەرێمی کوردستان
پارێزگا	پارێزگای نەینەوا
قەزا	تەلەعفەر
بوون بە ناحیە	١٩٢٨
ڕووبەر
• سەرجەم	١٢٦٨ کیلۆمەتری چوارگۆشە (٤٩٠ میلی چوارگۆشە)
بەرزایی	٣٩٥ مەتر (١٬٢٩٦ پێ)
بەرزترین بەرزایی	٥٩١ مەتر (١٬٩٣٩ پێ)
نزمترین بەرزایی	٣٠٧ مەتر (١٬٠٠٧ پێ)
زمان و ئایین
• زمان	کوردی (کورمانجی)، عەرەبی
• ئایین	ئیسلام(سوننە)
ناوچەی کاتی	UTC+٣:٣٠ (ناوچەی کاتی)
• ھاوین (DST)	UTC+٤:٣٠ (ھاوین)
تەلەفۆن	٠٠٩٦٤

ناحیەی زوممار، (بە عەرەبی: ناحیة زمار، بە ئینگلیزی: Zummar subdistrict) یەکێکە لە ناحیەکانی قەزای تەلەعفەر لە پارێزگای نەینەوا لە ھەرێمی کوردستان لە عێراق. ناوەندەکەی شارەدێی زوممارە.

ناو

• ناوی ئەم ناحیە لە ناوەندەکەی وەرگیراوە کە ئەویش شارەدێی زوممارە.

مێژوو

لە ساڵی ١٨٧٩دا شاری مووسڵ سەرلەنوێ کرایەوە ناوەندی ویلایەتی مووسڵ لە سەردەمی ئیمپراتۆریەتیی عوسمانیدا، قەزای شنگال یەکێک بوو لە شەش قەزاکانی، ناحیەی تەلەعفەر و ناحیەی زوممار سەر بە قەزای شنگال بوون. ئەم دابەشی کارگێڕییە تاوەکو داگیرکردنی عێراق و ھەرێمی کوردستان لەلایەن ئینگلیزەوە لە ساڵی ١٩١٨ ھەر پەیڕەوی دەکرا. لەگەڵ دامەزراندنی حکومی پاشایەتی عەرەبی لە عێراق ناوچەی جزیری باشووری کوردستان دابەشکرایە سەر قەزای تەلەعفەر و قەزای شنگال و ناوچەی بادۆش درایە پاڵ مووسڵ.

جوگرافیا

سنوری ناحیەی زوممار:

• لە باکوورەوە ناحیەی باتێل و ناحیەی سێمێل
• لە باشوورەوە ناحیەی ڕەبیعە و ئاڤگەنی
• لە ڕۆژھەڵاتەوە ناحیەی ئەلقۆش و ناحیەی وانکێ.
• لە ڕۆژاواوە ناحیەی ڕەبیعە و ناحیەی دێرکێ.

دانیشتووان

پێکھاتەی دانیشتووانی ناحیەکە بەم جۆرەیە:

• لێکۆڵینەوە لە پێکھاتەی دانیشتووانی ناحیەکە، بە ھۆی کەمبوونی سەرژمێری ڕاستەقینە و دوور لە دەستکاری و ڕاگواستن و بە عەرەباندنە بەردەوامەکانی ناوچە کوردنشینەکانەوە کارێکی ئاسان نییە، بەڵام دەتوانینبڵێین کە ڕێژەی ھەر دوو نەتەوەی کورد زۆرینەیە و عەرەب کەمینەیە.
• ھەرچەندە لە ساڵی ١٩٥٧ەوە سەرژمێرییەکی ڕاست و دروست بێ دەسکاری نەکراوە، بەڵام نکۆڵی لەوە ناکرێت، کە زۆربەی دانیشتوانی زوممار کوردن، پێش بە عەرەبکردنی ناوچەکە لە ساڵی ١٩٧٥وە، ٦٠٪ کورد بوون، ٣٥٪ عەرەب بوون و ٥٪ مەسیحی و تورکمان بوون.

کارگێڕی

لە ڕووی کارگێڕییەوە ئەم ناحیە پێک ھاتووە لە (٦٧) گوند.

ئەمانەش ببینە

• ناحیەی تەلەعفەر
• ناحیەی ئاڤگەنی
• ناحیەی ڕەبیعە