ناحیەی شورە

ناحیەی شورە
ناحیە
وڵات	عێراق
پارێزگا	پارێزگای نەینەوا
قەزا	مووسڵ
زمان و ئایین
• زمان	عەرەبی
• ئایین	ئیسلام(سوننە)
ناوچەی کاتی	UTC+٣:٣٠ (ناوچەی کاتی)
• ھاوین (DST)	UTC+٤:٣٠ (ھاوین)
تەلەفۆن	٠٠٩٦٤

ناحیەی شورە (بە عەرەبی: ناحیة شورة، بە ئینگلیزی: Shwrah subdistrict) یەکێکە لە ناحیەکانی قەزای مووسڵ لە پارێزگای نەینەوا لە عێراق. ناوەندەکەی شارەدێی شورەیە.

ناو

• ناوی ئەم ناحیە لە ناوەندەکەیەوە وەرگیراوە کە ئەویش شارەدێی شورەیە. مانای وشەی شورە خاکی خوێیە. کانییەکی ئاوی ھەبوو کە خەڵک بەکاری دەھێنا و زۆربەی بیرەکانی ئاو گۆگردی تێدایە.

مێژوو

تا پێکھێنانی دەوڵەتی عێراقی تازە لە ساڵی ١٩٢٦، قەزای مووسڵ لە ناحیەی بەردەڕەش(العشائر السبعة) و ناحیەی شێخان پێکھاتبوو، پاش ساڵی ١٩٢٦ ناحیەی بەردەڕەش بە قەزای ئاکرێوە لکێندراو ناحیەی شێخانیش کرایە قەزای شێخان، لە بەرامبەر ئەمەدا ھەندێ ناحیەی کە دامەزران بۆ قەزای مووسڵ زۆرینەیان لە ناوچە عەرەبییەکان بوون تەنھا ناحیەی باشیک نەبێت کە لە ناوچە کوردییەکان بوو. دامەزراندنی ئەم ناحیە دەگەڕێتەوە بۆ سەردەمی سوڵتان عەبدولحەمید (ئیمپراتۆریەتیی عوسمانی)، عوسمانییەکان وەک ناوچەیەکی سەربازی بەکاریان ھێناوە، بینایەکی گەورەیان دروست کرد کە وەک بنکەی پۆلیس بەکاری ھێناوە. ئەم بینایە ژمارەیەک ژووری بۆ پۆلیس و بیرێکی ئاوی ئیرتیوازی تێدایە، وە خانێک بۆ ئەسپەکان، وە بە پۆلیسی سوارە ناسرابوون و ئەوان بەرپرسیاربوون لە ئاسایش لە شورە و گوندەکانی سەر بە ناحیەکە.

جوگرافیا

سنوری ناحیەی شورە:

• لە باکوورەوە ناحیەی حەمام عەلیل.
• لە باشوورەوە ناحیەی گەیارە و ناحیەی حەزەر.
• لە ڕۆژھەڵاتەوە ناحیەی نەمروود.
• لە ڕۆژاواوە ناحیەی موحەلەبیە و ناحیەی تەل عەبتە.

دانیشتوان

دانیشتوانی ئەم ناحیەیە لە نەتەوەی عەرەبە پێکھاتووە لە ھۆزی جبور.

کارگێڕی

لە ڕووی کارگێڕییەوە ئەم ناحیە پێک ھاتووە لە (٦٠) گوند.

ئەمانەش ببینە

• ناحیەی باشیک
• ناحیەی حەمام عەلیل
• ناحیەی موحەلەبیە
• ناحیەی گەیارە