ناحیەی بەرتڵە

ناحیەی بەرتڵە
ناحیە
وڵات	کوردستان عێراق
ھەرێم	ھەرێمی کوردستان
پارێزگا	پارێزگای نەینەوا
قەزا	حەمدانیە
بوون بە ناحیە	١٩٤١
ڕووبەر
• سەرجەم	٢١٥ کیلۆمەتری چوارگۆشە (٨٣ میلی چوارگۆشە)
بەرزایی	٢٨٨ مەتر (٩٤٥ پێ)
زمان و ئایین
• زمان	کوردی (کورمانجی و گۆرانی)، عەرەبی و تورکمانی
• ئایین	ئیسلام(سوننە و شیعە) و یارسان
ناوچەی کاتی	UTC+٣:٣٠ (ناوچەی کاتی)
• ھاوین (DST)	UTC+٤:٣٠ (ھاوین)
تەلەفۆن	٠٠٩٦٤

ناحیەی بەرتڵە، (بە عەرەبی: ناحیة برطلة، بە ئینگلیزی: Bartella subdistrict) یەکێکە لە ناحیەکانی قەزای حەمدانیە لە پارێزگای نەینەوا لە ھەرێمی کوردستان لە دەشتی نەینەوا لە عێراق. ناوەندەکەی شارەدێی بەرتڵەیە.

ناو

• ناوی ناحیەی بەرتڵە لە ناوەندەکەیەوە وەرگیراوە کە ئەویش شارەدێی بەرتڵەیە.

مێژوو

تا پێکھێنانی دەوڵەتی عێراقی تازە لە ساڵی ١٩٢٦، قەزایەک بە ناوی قەزای حەمدانیە یا قەرەقووش یا باخودیدا نەبوو، بەڵکو باخودیدا(قەرەقووش) گوندێکی گەورە بوو، دیانە یەعقوبییەکان و ھی تری تیادا دەژیان و ڕاستەوخۆ سەر بە مەڵبەندی ناحیەی مووسڵ بوو، بەڵام پاش دامەزراندنی دەوڵەتی عێراقی ناحیەیەک بەناوی ناحیەی قەرەقووش دامەزرا و سەرەتا خرایە سەر قەزای شێخان، ئینجا خرایە سەر قەزای مووسڵ. لە پەنجاکانیش لەگەڵ پەرەسەندنی ھزری نەتەوایەتی عەرەبی و ھزری بە عەرەباندنی عێراق ناوی گۆڕدرا بە ناحیەی حەمدانیە. لەساڵی ١٩٧٠دا قەزایەکی نوێ بەناوی قەزای حەمدانیە، کە پێکھاتبوو لە ناحیەی قەرەقووش و ناحیەکانی نەمروود و ناحیەی بەرتڵە و ناحیەی کەڵەک، دامەزرا.

جوگرافیا

سنوری ناحیەی بەرتڵە:

• لە باکوورەوە ناحیەی باشیک.
• لە باشوورەوە ناحیەی حەمدانیە.
• لە ڕۆژھەڵاتەوە ناحیەی کەڵەک.
• لە ڕۆژاواوە ناحیەی باشیک و ناحیەی شورە.

دانیشتووان

پێکھاتەی دانیشتووانی ناحیەکە بەم جۆرەیە: لێکۆڵینەوە لە پێکھاتەی دانیشتووانی قەزاکە، بە ھۆی کەمبوونی سەرژمێری ڕاستەقینە و دوور لە دەستکاری و ڕاگواستن و بە عەرەباندنە بەردەوامەکانی ناوچە کوردنشینەکانەوە کارێکی ئاسان نییە، بەڵام دەتوانینبڵێین کە لەم نەتەوانە پێک ھاتوون، زۆرینەی بە پلەی یەک کوردەکان و پاشان پلە دوو مەسیحیەکان و دواتر عەرەب و تورکمان.

کارگێڕی

لە ڕووی کارگێڕییەوە ئەم ناحیە پێک ھاتووە لە (٣٢) گوند.

ئەمانەش ببینە

• ناحیەی حەمدانیە
• ناحیەی نەمروود
• ناحیەی بەرتڵە