ئەمە وتارێکی باشە. بۆ زانیاریی زۆرتر کرتەی لەسەر بکە.

کەوتوو

لە ئینسایکڵۆپیدیای ئازادی ویکیپیدیاوە
(ڕەوانەکراوە لە فۆڵێن (ئەلبومی ئێڤەنێسنس)ەوە)
Jump to navigation Jump to search
کەوتوو
EvFallencover01.jpg
ئەلبومی ستودیۆ لە لایەن ئێڤەنێسنس
بڵاوبوونەوە ٤ی ئازاری ٢٠٠٣
تۆماربوون ٢٠٠٢–٢٠٠٣
تراک ڕێکۆرد ستودیۆس و ئێن-ئاڕ-جی ڕێکۆردینگ ستودیۆس، ئۆوشن ستودیۆس، کۆنوەی ڕێکۆردینگ ستودیۆس
چەشن
ماوە ٤٨:٥٢
بڵاوکەرەوە وایند-ئەپ، ئێپێک
بەرھەمھێنەر دەیڤ فۆرتمن
کاتزانیی ئێڤەنێسنس

ئۆریجن
(٢٠٠٠)
کەوتوو
(٢٠٠٣)
ھەرشوێنێک جگە لە ماڵەوە
(٢٠٠٤)
تاکەگۆرانییەکانی کەوتوو
  1. «بمھێنە بۆ ژیان»
    بڵاوبوونەوە: ٢٢ی نیسانی ٢٠٠٣
  2. «ژێرکەوتن»
    بڵاوبوونەوە: ٩ی ئەیلوولی ٢٠٠٣
  3. «نەمرەکەم»
    بڵاوبوونەوە: ٨ی کانونی یەکەمی ٢٠٠٣
  4. «دەبەنگی ھەمووان»
    بڵاوبوونەوە: ٧ی حوزەیرانی ٢٠٠٤

کەوتوو (بە ئینگلیزی: Fallen) یەکەم ئەلبومی دەرکەوتنی ستودیۆی گرووپی ڕۆکی ئەمریکی ئێڤەنێسنسە. دوای ئەوەی چەند تۆمارکراوێکی درێژخایەن و سیدییەکی دێمۆیان بڵاوکردەوە، گرووپەکە لە کانوونی دووەمی ٢٠٠١ گرێبەستیان لەگەڵ کۆمپانیای تۆمارکردنی وایند-ئەپ بەست. نووسینی گۆرانییەکانی ئەلبومەکە ٨ ساڵ پێشووتر دەستیپێکردبوو؛ ھەندێک لەو گۆرانیانەی کە لە ئەلبومەکەدا ھەن پێشووتر لە تۆمارە کۆنەکانی گرووپەکەدا ھەبوون و لە ئەسڵدا بۆ ئەو تۆمارە کۆنانە نووسرابوونەوە. تۆمارکردن بۆ ئەلبومەکە لە ستودیۆ لە بەینی ئاب و کانوونی یەکەمی ٢٠٠٢ لە چەند ناوچەیەکی جیاواز دەستیپێکرد، ستودیۆی «کۆنوەی» لە ھۆلیوودی کالیفۆرنیا یەکێک بوو لەو شوێنانە. بۆماوەی دوو ھەفتە لە ستودیۆی کۆنوەی ئەلبومەکە کاری میکسی لەسەرکراوە.

کەوتوو لە ٤ی ئازاری ٢٠٠٣ بڵاوکرایەوە لە ڕێگەی تۆمارەکانی وایند-ئەپ و ئێپێکەوە.[١] کەوتوو سەرکەوتووترین بەرھەمی گرووپەکەیە تاکو ئێستا، بە ٧ میلیۆن فرۆشەوە لە ویلایەتە یەکگرتووەکان بەتەنھا و زیاتر لە ١٧ میلیۆن لە جیھاندا. ئەلبومەکە لەسەر ژمارە ٧ی بیلبۆرد ٢٠٠ جێگەی بۆخۆی کردەوە دوای فرۆشتنی زیاتر لە ١٤١٫٠٠٠ دانەی لە یەکەم ھەفتەی بڵاوبوونەوەیدا، دواتر توانی بگاتە ژمارە سێ لە حوزەیرانی ساڵی ٢٠٠٣. کەوتوو توانی بەسەرکەوتووانە بگاتە ژمارە ١ لە زیاتر لە ١٠ وڵات. ئەلبومەکە ٧ بڕوانامەی پلاتینی پێبەخشرا لەلایەن کۆمەڵەی پیشەسازی تۆمارکردنی ئەمریکاوە.

ھەڵسەنگاندنی کەوتوو ڕای تێکەڵ بۆ باشی لەسەر دەربڕدرا لەلایەن ڕەخنەگرانی مۆسیقاوە. ئەلبومەکە ٤ تاکەگۆرانی لەخۆگرتبوو کە پێکھاتبوون لە: بمھێنە بۆ ژیان، نەمرەکەم، ژێرکەوتن و دەبەنگی ھەمووان. ھەردوو گۆرانی «بمھێنە بۆ ژیان» و «نەمرەکەم» لە زیاتر لە ١٠ وڵات لە چارتەکاندا بەدیکران، بە ئوسترالیا، شانشینی یەکگرتوو و ویلایەتە یەکگرتووەکانیشەوە. ئەلبومەکە بووە ھۆی ٥ جار پاڵێورانی ئێڤەنێسنس لە ٤٦ەم پێشکەشکردنی خەڵاتە گرامییەکانی: ئەلبومی ساڵ، باشترین ئەلبومی ڕۆک، باشترین گۆرانی ڕۆک، باشترین نواندنی ڕۆکی سەخت و باشترین ھونەرمەندی نوێ. گرووپەکە توانی دوو خەڵاتی گرامی بەسەرکەوتووی ببەنەوە لەم پێنج پۆلەدا.

پشتێنە و تۆمارکردن[دەستکاری]

دوای ئەوەی ئێڤەنێسنس لەلایەن ئەیمی لی و بێن موودی لە ساڵی ١٩٩٥ دامەزرا، گرووپەکە سێ تۆمارکراوی درێژخایەن و یەک سیدی دێمۆیان بڵاوکردەوە. لە کانوونی دووەمی ٢٠٠١ ئەوان گرێبەستیان لەگەڵ تۆمارەکانی وایند-ئەپ بەست، یەکەم کۆمپانیای تۆماکردنی مەزنیان.[٢] نووسینی کەوتوو ھەشت ساڵی پێچوو؛ لە چاوپێکەوتنێکی سەر میوزیک تیڤیدا، موودی ڕایگەیاند کە لەماوەی ئەو ھەشت ساڵەدا تەنھا «دوو یان سێ جار» لەگەڵ لییا بەیەکەوە گۆرانیان نووسیوەتەوە.[٢]

ئێڤەنێسنس لە ٢٠٠٣ لە نمایشێکی ڕاستەوخۆدا.

ئەلبومەکە لە کالیفۆرنیا لە تۆمارگەی تراک ڕێکۆرد، NRG، ئۆوشن و کۆنوەی تۆمارکراوە.[٣] گۆرانییەکان وەک دێمۆ تۆمارکراون پێش ئەوەی بە فەرمی تۆماربکرێن، و گۆرانی «نەمرەکەم»، «ئەفسانەیی» و «چرپە» ھەرسێکیان لە بەرھەمی پێشووتری گرووپەکە دەرکەوتوون.[٢] ئەلبومەکە لە کۆتایی ئاب و دەستپێکردنی کانوونی یەکەمی ٢٠٠٢ تۆمارکراوە و میکس کراوە. تۆمارکردن لە تۆمارگەی ئۆوشن دەستیپێکرد لە بوربانک، کە گۆرانی «بمھێنە بۆ ژیان»ی لێ تۆمارکرا.[٤] ئەم گۆرانییە دواتر لە فیلمی «دەیردێڤڵ» بەکارھاتووە.[٥] بۆ ئەو گۆرانییە، جەی باومگاردنەر میکسێکی لە ستودیۆکەی خۆی NRG بەکارھێنا.[٦] تراکی تەپڵەکان کە لەلایەن جۆش فریزەوە ژەنراوە ھەر لە تۆمارگەی ئۆوشن تۆمارکراوە. ھەروەھا گیتاری ستێریۆ و بەشێکی بچووکی دەنگی پشتێنەی گۆرانییەکە ھەر لەلایەن ئەوەوە تۆمارکراون.[٦]

گیتارەکان لە تۆمارگەی «ماد دۆگ» لە بوربانک بۆ ئەلبومەکە بڕدراون و گیتارێکی «مێسا بووگی» کۆن بەکارھاتووە. دەنگی لی، پیانۆ و دەنگی پشتینە لە تۆمەرگەی NRG تۆمارکراون.[٦] بەشە ئۆرکێستراکانی گۆرانییەکە لەلایەن دەیڤد ھاجێز و دەیڤد کامبڵەوە ڕێکخراون بێجگە لە گۆرانی نەمرەکەم، ئەوەیان گرەیم ڕێڤڵ نووسەری بووە. کەوتوو بۆ ماوەی دوو ھەفتە کاری میکسی بۆ کراوە لە تۆمەرگەی کۆنوەی لە باکووری ھۆلیوود.[٦]

زانیاریی گۆرانییەکان[دەستکاری]

«نەمویست زۆر تەزویر بێت. من زۆر ئارەزووی ئامێری ئەلیکترۆنی و دەستکاریکردنی ئەلیکترۆنی دەکەم، بەڵام ویستم سەرەتا وەک گرووپێکی ڕۆکی ڕاستەقینە خۆمان دابمەزرێنین. ئێمە بەڕاستی ھەموو بەشەکان دەژەنین: ئامێرە تەلدارەکان ڕاستین، کۆرسەکان ڕاستین، پیانۆکان ڕاستین. [...] پێموایە یەکێک لە باشترین شتەکان لەبارەی ئەلبومەکەوە ئەوەیە کە وەک ئەوە وایە کە سەیری فیلمێک بکەیت لە سەرەتاوە بۆ کۆتا.» –بێن موودی[٦]

بەپێی ئەیمی لی، «ژێرکەوتن» لەبارەی پەیوەندییەکی خۆشەویستی پێشووەوەیە کە لەڕووی دروونی و جەستەییەوە ئازاربەخش بووە: «کاتێک کە لە کۆتایی پەتەکەدایت، کاتێک پێی دەزانیت کە شتێک دەبێت بگۆڕدرێت، ناتوانیت بەو شێوازە بەردەوام بیت. [گۆرانییەکە] باشە، گۆرانییەکی زۆر بەھێزە.»[٧] ژێرکەوتن دووەم تاکەگۆرانی ئەلبومەکە بوو.[٨] گۆرانیی بمھێنە بۆ ژیان، گۆرانییەکی نیو مێتاڵ-ڕاپی ڕۆکە.[٩][١٠] گۆرانییەکە بە کاتی گشتی نووسراوە و تێمپۆیەکی مامناوەندی ھەیە (٩٦ لێدان لە خولەکێکدا)، لەلایەن لی، بێن موودی و دەیڤد ھاجێز نووسراوەتەوە. بیرۆکەی گۆرانییەکە کاتێک دروستبووە کە ناسیاوێک لە خواردنگەیەکدا پرسیاری لە لی کردووە کە ئایا ئەو لەو پەیوەندییە خۆشەویستییەی ئەوکاتە ھەیبووە دڵخۆشبووە یاخود نا. لی ئەو کاتە پێی زانی کە ئەو دڵی خۆش نەبووە و «بە ئاگا» ھاتۆتەوە، ھەر وەک لە ھۆنراوەی گۆرانییەکەدا دەردەکەوێت «لە ناخەوە بە ئاگام بێنە.»[١١] لی ڕایگەیاند کە گۆرانییەکە لەبارەی ھاوڕێی درێژخایەنی، جۆش ھارتزلەر نووسراوە، کە لە ٢٠٠٧دا ھاوسەرگیری لەگەڵ کردووە کردووە.[١٢]

دەبەنگی ھەمووان، ھەروەھا لەلایەن لی، موودی و ھاجێز نووسراوە، لەبارەی ھونەرمەندانی ساختەوەیە.[١٣] لە چاوپێکەوتنێکدا لەگەڵ VH1، لی وتی: «خوشکە بچووکەکەم بەڕاستی ئارەزووی بەم–نامەوێت ئازاری کەس بدەم–ھونەرمەندە ساختە و بێ شەرم و بەدڕەوشتانە دەکرد، کە منی زۆر تووڕەکرد. ئەو خەریک بوو وەک ئەوان پۆشاکی دەپۆشی و تەمەنیشی تەنھا ھەشت ساڵانێک دەبوو. بۆیە من لەبارەی ئەمەوە قسەم لەگەڵ کرد و گۆرانییەکەم نووسی.»[١٣] نەمرەکەم، گۆرانییەکی ھەڵبەستیی پیانۆ و ڕۆکە.[١٤] لەلایەن موودی نووسراوە و کورتەیەکیشی لی نووسیوێتی، لەبارەی چیرۆکێکی کورتەوەیە کە موودی نووسیوێتی، لە نامیلکەی ئەلبومەکەدا، گۆرانییەکە پێشکەش دەکات بە باپیرەگەورەی، بیڵ ھۆڵکۆمب.[٣] گۆرانی ھانتدیش ھەمان شت لەبارەی کورتە چیرۆکێکەوەیە کە موودی نووسیوێتی، کە لەسەر فۆرمەکانی ھەوادارانی ئێڤەنێسنس بڵاوکراوەتەوە، EvBoard.com.[١٥] گۆرانی پەستێنەر یاخود تۆرنیکێت بە ڕەسەنی بۆ گرووپێکی کریستیان مێتاڵ نووسراوەتەوە بەناوی سۆڵ ئیمبرەیسد، لەلایەن ئەندامی پێشووی گرووپی ئێڤەنێسنسەوە، ڕاکی گرەی.[١٦] گۆرانی ئەفسانەیی، یەکەمینجار لە تۆمارکراوی درێژخایەنی ١٩٩٨ی گرووپەکە بیستراوە،[١٧] کە بە ناوی ئێڤەنێسنس بووە، کە یەکەمجار ویسترا وەک چوارەم تاکەگۆرانی ئەلبومەکە بڵاوبکرێتەوە.[١٨] ھۆنراوەی گۆرانیی دەستم بەسەردا دەگرێت، لەبارەی ئالوودەبوونی کەسێکی ترە بە لییەوە.[١٩] گۆرانیی سڵاو لەبارەی یەکێک لە خوشکەکانی لییەوەیە، کە لە ساڵی ١٩٨٧ بەھۆی نەخۆشییەوە کۆچی دوایی کردووە.[٢٠] ھۆنراوەکانی کۆتا ھەناسەم لەبارەی ڕزگاربوونی سۆزدارییەوەیە بەبێ خوازەی ھەوا.[١٩] گۆرانی چرپە کۆرسی مێلینیوم لەخۆ دەگرێت، کە بە زمانی لاتینی گۆرانی دەبێژن.[١٩] لەسەر نامیلکەی ئەلبومەکە ھەریەکێک لە بەشداربووان و گۆرانیبێژانی کۆرسی مێلینیوم ئاماژەیان پێکراوە.[٢١]

پێشوازی ڕەخنەدار[دەستکاری]

دەنگدانی شارەزایان
ئەنجامی پێداچوونەوەکان
سەرچاوە دەنگدان
ئۆڵمیوزیک 3.5/5 ستاره[٢٢]
زە ئەستین کرانەکلز 2.5/5 ستاره
بڵێندەر 3/5 ستاره[٢٣]
ئێنتەرتەینمێنت ویکڵی B−[٢٤]
پاپ ماتەرز (خراپ)[٢٥]
ڕۆڵین ستۆن 3/5 ستاره[٢٦]
سپین 4/5 ستاره[٢٧]
زە ڤیلج ڤۆیس B–[٢٨]

کەوتوو دەنگی تێکەڵ بۆ باشی پێدرا لەلایەن ڕەخنەگرانی مۆسیقاوە. جۆنی لۆفتەسی ئۆڵمیوزیک سێ ئەستێرە و نیوی لە پێنج پێدا و وتی «ئەلبومەکە نویمێتاڵی تێدایە («وەک ژێرکەوتن» و «گەمژەی ھەمووان») بەڵام زیاتر سیمفۆنیک ڕۆکن وەک گرووپی تایپ ئۆ نێگەتڤ کە کاریگەری لەسەر زۆربەی کەوتوو ھەبووە.»[٢٢] ئینتەرتەینمێنت ویکڵی لە پێداچوونەوەیەکی بە گشتی باشدا، –B بە ئەلبومەکە دا: «ئەو چەشنە مۆسیقا کۆنەی کە پێی دەوترێت نیو مێتاڵ بەڕاستی پڕ نییە لە گۆرانیبێژی دەنگ خۆش– تەنانەت ئافرەتیشی تێدا نییە. ئەیمی لی، گۆرانیبێژی سەرەکی گرووپی تاریکی ئارکنساس، ئێڤەنێسنس، نموونەیە.»[٢٤] لە ڕەخنەیەکی تێکەڵدا، کیرک میڵەری ڕۆڵین ستۆن سێ ئەستێرەی لە پێنج بە کوتوو دا و وتی: «کاتێک گۆرانیبێژ ئەیمی لی ھاواری ھۆنراوەکانی وەک 'لە ساحەی گوڵە وەرەقەکانمدا' یان 'پەشیمانی ئاڵم لێ دەچۆڕێت' تۆزقاڵە ھەستێکی ترسناک بە کەوتوو دەبەخشێت و ئەمەش شتێکە کە زۆربەی کوڕە مێتاڵە نوێکان لێیان کەمە.»[٢٦]

ئێدریان بێگراندی پاپ ماتەرز ڕەخنەی لە کەوتوو گرت و وتی کە «بەقەد ھەموو ئەو شتانەی تری ناو چەشنەکەیدا ناڕەسەن و کەمە. ھەندێک ساتی باشی ھەیە، بەڵام ناویستی گرووپەکە بۆ کەمێک سەرکێشی وای لێ کردوون کە گرووپەکە لە نیو-مێتاڵدا بگەوزێن.» بەڵام بێگراند دەستخۆشی لە دەنگە «خۆش و جوان و فریشتەیی»ەکەی لی لرد و وتی کە «ئێڤەنێسنس ھیچ نابێت بەبێ ئەو.»[٢٥] مێلیسا مێرزی سپین ٤ ئەستێرەی لە ٥ بە ئەلبومەکە دا و وتی «نیو مێتاڵ لە یاساکانی ئاندرو ڵۆید وێبەر دەردەچێت ھەر ئەو کاتەی کە لی دەست دەکات بە ژەنینی پیانۆکەی بە شێوەیەکی زۆر باش و بەشێکی ئامێرە تەلدارەکان زیاد دەکات و کێشە گەورەکان بیشان دەدات – خوا (پەستێنەر)، خۆشەویستی (ژێرکەوتن) لەگەڵ خۆشەویستی (بمھێنە بۆ ژیان)» بەپێی ڤیلج ڤۆیس، ڕەخنەدار ڕۆبێرت کرستەگۆ لەسەر ئەلبومەکە وتوویەتی «دەنگە سۆپراڵتۆکەی لی بەرھەستێکی شیرین دەبەخشێت بە مۆسیقا گۆت مێتاڵەکەیان[٢٧]

سەرکەوتنی بازرگانی[دەستکاری]

لی و موودی لە کۆنسێرتێکی ئێڤەنێسنسدا

ئەلبومی کەوتوو سەرکەوتنێکی مەزنی بەدەستھێنا، ١٧ میلیۆن دانە لە ئەلبومەکە فرۆشراوە لە ساڵی ٢٠٠٣وە تاوەکوو ئێستا.[٢٩] ئەلبومەکە پلەی حەوتەمی بەدەست ھێنا لە بیلبۆرد ٢٠٠ بە زیاتر لە ١٤١٬٠٠٠ فرۆشەوە لە حەفتەی یەکەمی دەرچوونی،[٣٠] و زیاتر لە ٧٫٦ میلیۆن دانەی لێ فرۆشرا لە ساڵی ٢٠٠٣وە بۆ تشرینی یەکەمی ٢٠١١ لە ویلایەتە یەکگرتووەکان.[٣١] کەوتوو پلەی ٨ی باشترین فرۆشی ئەلبومی ساڵی ٢٠٠٤ی بەرکەوتووە[٣٢] و پلەی ١٩ی باشترین فرۆشی ئەلبومی دەیەی ٢٠٠٠ی بەرکەوتووە.[٣٣] لە تشرینی یەکەمی ٢٠١١دا، ئەلبومەکە بۆ ماوەی ١٠٦ ھەفتە لە بیلبۆرد ٢٠٠ جێگەی خۆی کردەوە،[٣١] ٥٧ حەفتەی ئەو ماوەیە لە «باشترین ٢٠» ئەلبومی بیلبۆرد ٢٠٠ مایەوە. ئەلبومەکە لە ١٤ی حوزەیرانی ٢٠٠٣ ژمارە ٣ی بیلبۆردەکەی داگیر کرد،[٣٤] دواتر دووبارە لە بیلبۆردەکەدا خۆی بینییەوە لە ژمارە ١٩٢دا لە ١٣ی ئازاری ٢٠١٠. ئەلبومەکە بۆ ماوەی ٢٢٣ حەفتە لە بۆردی باشترین کەتەلۆکی پاپ مایەوە دوای ئەوەی لە بیلبۆرد ٢٠٠ دەرچوو.[٣٥] کۆمەڵەی پیشەسازی تۆمارکردنی ئەمریکا (RIAA) بڕوانامەی پلاتینی بە ئەلبومەکە بەخشی لە ساڵی ٢٠٠٣، ھەتاکوو حوزەیرانی ٢٠٠٨، ٧ جار بڕوانامەی پلاتینی پێ بەخشراوە.[٣٦]

لە چارتی ئەلبومەکانی شانشینی یەکگرتوودا، ئەلبومەکە ژمارە ١٨ی بەدەستھێنا بە ١٥٬٥٨٩ فرۆشەوە.[٣٧] دوای ٧ حەفتە، ئەلبومەکە گەیشتە ژمارە ١ بە ٣٨٬٥٧٠ فرۆشەوە، دوای ئەوەی تاکەگۆرانیی «بمھێنە بۆ ژیان» ژمارە ١ی چارتی تاکەگۆرانییەکانی شانشینی یەکگرتووی بەرکەوت.[٣٧] کانوونی یەکەمی ساڵی ٢٠٠٣ ئەلبومەکە زیاترین فرۆشی بە خۆیەوە بینی لە حەفتەیەکدا لە شانشینی یەکگرتوو کاتێک ٥٦٬١٩٣ دانەی لێ فرۆشرا، ھەرچەندە ئەو حەفتەیە لە ژمارە ٢٨ی چارتەکاندا بوو.[٣٧] ئەلبومەکە دووبارە چووەوە ناو چارتەکانی شانشینی یەکگرتوو ھەر دوای بڵاوبوونەوەی دووەم ئەلبومی ستودیۆی گرووپەکە: دەرگا کراوەکە.[٣٨][٣٩] لە ڕێکەوتی دەرچوونی ێەلبومەکەوە ھەتاکوو تشرینی یەکەمی ٢٠١١، ئەلبومەکە ١٬٣٦٬٩٠٠ دانەی لێ فرۆشراوە لە شانشینی یەکگرتوو.[٣٧] کەوتوو لە چەندین ناوچەی تری جیھانیش سەرکەوتنی بەدەست ھێناوە، لە زیاتر لە ١٠ وڵات لە چارتەکاندا جێگەی خۆی کردووەتەوە و لە زیاتر لە ٢٠ وڵات توانیوێتی بگاتە «باشترین ١٠ ئەلبوم»ـی چارتەکان. بەپێی ئامارەکانی نیڵسن ساوند سکان، لە کەنەدا، ئەلبومەکە زیاتر لە ٣ مانگ لەسەر چارتی ئەلبومەکانی کەنەدا ماوەتەوە و دوای ئەو ماوەیەش لە کۆتاییدا ژمارە ١ی چارتەکەی بەرکەوتووە بە ٨٬٩٠٠ فرۆشەوە لە ١٣ی ئابی ٢٠٠٣.[٤٠]

ناکۆکیئامێزیی مەسیحییەتی[دەستکاری]

ھەرچەندە ئێڤەنێسنس سەرەتا لە فرۆشگا مەسیحییەکان ڕێکلامیان بۆ دەکرا، گرووپەکە ڕوونیان کردەوە کە ئەوان گرووپێکی کریستیان ڕۆک نەبوون و نەشیان ویستووە بە گرووپێکی مەسیحی ناوببرێن.[٤١] لە نیسانی ساڵی ٢٠٠٣دا، بەڕێوەبەری تۆمارەکانی وایند-ئەپ، ئالان مێڵتزەر، پەیامێکی بۆ ڕادیۆ و فرۆشگاکان نارد کە تێیدا ڕوونی کردەوە کە ھەرچەندە مۆسیقاکەی ئێڤەنێسنس زۆر بەناوبانگ بووە و لە ناو کۆمەڵگەی مەسیحیدا دەرکەوتووە و ناودار بووە، ئێڤەنێسنس گرووپێکی سێکیولار و بێلایەنن و مۆسیقاکەشیان تەنھا بۆ کات بەسەربردنە.[٤٢] مێڵتزەر وتیشی کە «تەنانەت کۆمپانیای تۆمارکردنەکە وا ھەست دەکات کە [ئێڤەنێسنس] چی تر لە فرۆشگا مەسیحییەکاندا [جێیان نابێتەوە].»[٤٢] ھەر دوای وەرگرتنی ئەو پەیامە، زۆرێک لە ڕادیۆ ئایینییەکان گۆرانییەکانی کەوتوویان لە پێڕستی گۆرانییەکانی سەر ڕادیۆکەیان دەرھێنا.[٤٢] تێری ھێمینگز کە بەڕێوەبەری کۆمپانیای دابەشکردن و بڵاوکردنەوەی مەسیحی پرۆڤیدێنت بوو، سەری لە بڕیاری گرووپە سووڕما و وتی کە «ئەوان بە ئاشکرا دەیانزانی کە گۆرانییەکان لەم کەناڵە [مەسیحییانە] دەفرۆشرێن.»[٤٣] لە ساڵی ٢٠٠٦دا، ئەیمی لی بە بیلبۆردی وت کە ئەو دژی ناساندی ئێڤەنێسنس بووە وەک گرووپێکی مەسیحی «ھەر لە سەرەتاوە»؛ بێن موودی پشتی ئەو بیرۆکەیەی گرتووە، لەکاتێکدا لی دژی بووە.[٤٤]

پێڕستی تراکەکان[دەستکاری]

ھەموو ئاوازەکان لەلایەن ئێڤەنێسنسەوە دانراون.

# ناونووسەر(ەکان)ناوی گۆرانی بە ئینگلیزی ماوە
١. «ژێرکەوتن»  Going Under ٣:٣٥
٢. «بمھێنە بۆ ژیان» (پۆل مەککۆی گۆرانیبێژی میوانە)
  • لی
  • موودی
  • ھاجێز
Bring Me To Life ٣:٥٦
٣. «دەبەنگی ھەمووان»  
  • لی
  • موودی
  • ھاجێز
Everybody's Fool ٣:١٦
٤. «نەمرەکەم»  
  • لی
  • موودی
My Immortal ٤:٢٣
٥. «ھانتد»  
  • لی
  • موودی
  • ھاجێز
Haunted ٣:٠٥
٦. «پەستێنەر» (کەڤەری گرووپی «سۆڵ ئیمبرەیسد»)
Tourniquet ٤:٣٨
٧. «ئەفسانەیی»  
  • لی
  • موودی
Imaginary ٤:١٦
٨. «دەست بەسەرمدا دەگرێت»  
Taking Over Me ٣:٤٩
٩. «سڵاو» (ھەرگیز ڕاستەوخۆ پەخش نەکراوە)
  • لی
  • موودی
  • ھاجێز
Hello ٣:٤٠
١٠. «دوا ھەناسەم»  
  • لی
  • موودی
  • ھاجێز
My Last Breath ٤:٠٧
١١. «چرپە»  
  • لی
  • موودی
Whisper ٥:٢٧
١٢. «نەمرەکەم» (وەشانی گرووپەکە)
  • لی
  • موودی
My Immortal ٤:٣٣
ماوەی گشتی:
٤٦:٠٩

کەسایەتییەکان[دەستکاری]

ئاماژەپێکردنەکان لەسەر ماڵپەڕی ئۆڵمیوزیک[٢١] و تێبینییەکانی سەر ئەلبومەکە وەرگیراوە.

  • بێڤرلی ئێڵن – کۆرەس
  • گێری ئێڵن – کۆرەس
  • زاک بەیرد – پڕۆگرامسازی
  • جەی باومگاردنەر – میکسکردن
  • سێریگۆ چاڤێز – یارمەتیدەری ئەندازیار
  • جەیسن کەپ – ئەندازیار، یارمەتیدەری ئەندازیار
  • مارک کری – ئەندازیار، میکسکردن
  • فرانسێسکۆ دیکۆسمۆ – بەیس
  • دەیڤ فۆرتمن – میکسکردن، دەرھێنەر
  • جۆش فریز – تەپڵەکان
  • ئاڵ فوجیسکی – یارمەتیدەری ئەندازیار
  • دەیڤد ھاجێز – کیبۆرد, پیانۆ, پڕۆگرامساز, ڕێکخستنی ئامێرە تەلدارەکان
  • مێلانی جاکسن – کۆرەس
  • تێد جێنسن – مەستەرکردن
  • کریس جۆنسن – پرۆگرامساز
  • ئەیمی لی – ڕێکخەر, کیبۆرد, پیانۆ, گۆرانیبێژ
  • پۆڵ مەککۆی – گۆرانیبێژی میوان لەسەر «بمھێنە بۆ ژیان»
  • دیانا مێڵتزەر – A&R
  • بێن موودی – گیتار، ئەندازیار، دەرھێنەر
  • ڤیکتۆر مورگەترۆید – چاودێری بەرھەمھێنان
  • دین نێڵسن – یارمەتیدەری ئەندازیار
  • جۆوانی پەرەتۆر – کۆرەس
  • جێریمی پارکەر – ئەندازیار
  • لێسڵی پەیتن – کۆرەس
  • گرەیمی ڕێڤڵ – ڕێکخستنی ئامێرە تەلدارەکان
  • جان ڕۆد – ئەندازیار
  • ئێدواردس شیرمان – کاری ھونەریی
  • تۆم کرو – ئەندامی سەر شانۆ
  • دوایت ستۆن – کۆرەس
  • سام ستۆری – یارمەتیدەری ئەندازیار
  • ڕیچارد ستەبس – کۆرەس
  • بیڵ تاڵبۆت – ئەندازیار
  • دامۆن تێدێسکۆ – ئەندامی سەر شانۆ
  • تەلایا تریگێرۆس – کۆرەس
  • سوزن یۆنگبڵۆد – کۆرەس

مێژووی بڵاوبوونەوە[دەستکاری]

ناوچە بەروار کۆمپانیای تۆمارکردن شێواز پۆل
ویلایەتە یەکگرتووەکان[٤٥] ٤ی نیسانی ٢٠٠٣ تۆمارەکانی وایند-ئەپ سیدی، داونلۆدی دیجیتاڵی ٦٠١٥٠-١٣٠٦٣-٢
کەنەدا[٤٦] ١ی نیسانی ٢٠٠٣ تۆمارەکانی وایند-ئەپ، ئێپیک ڕێکۆردس EK 91746
نەمسا[٤٧] ٢٨ی نیسانی ٢٠٠٣ WIN 510879 2
ئەڵمانیا[٤٧]
شانشینی یەکگرتوو[٤٧] WIN 687043 2
ئوسترالیا[٤٨] ١٩ی ئایاری ٢٠٠٣ ٥١٠٨٧٩٢٠٠
فەڕەنسا[٤٧] ٢٠ی ئایاری ٢٠٠٣ WIN 510879 2
یابان[٤٩] ٧ی تەموزی ٢٠٠٣ ئێپیک/سۆنی ڕێکۆرس EICP-253
٩ی ئەیلولی ٢٠٠٣ دەستکاریکردنێکی کاتی سیدی و دیڤیدی EICP-242
ئوسترالیا ٢٦ی کانونی دووەمی ٢٠٠٤ تۆمارەکانی وایند-ئەپ، ئێپیک ڕێکۆردس CD reissue WIN 510879 9
ئەڵمانیا
فەڕەنسا ٤ی شوباتی ٢٠٠٤
شانشینی یەکگرتوو ٢٣ی شوباتی ٢٠٠٤
ئۆستریا ٢٥ی ئەیلولی ٢٠٠٩ تۆمارەکانی وایند-ئەپ، EMI WIN 687043 2
ئەڵمانیا
شانشینی یەکگرتوو ٢٥ی ئەیلولی ٢٠٠٩
فەڕەنسا ٥ی تشرینی یەکەمی ٢٠٠٩
یابان ١٢ی تشرینی یەکەمی ٢٠١١ EMI میوزیک جەپان دەستکاریکردنێکی کاتی سیدی TOCP-54276
ویلایەتە یەکگرتووەکان ٢١ی ئایاری ٢٠١٣ تۆمارەکانی وایند-ئەپ دووبارە دروستکردنەوە (دەستکاری کردن و ڕیماستەر) ٦٠١٥٠-١٣٣٥٩-١

چارتەکان[دەستکاری]

شوێنی ئەلبوم[دەستکاری]

چارت (٢٠٠٣–٢٠٠٥) لووتکە
شوێن
Australia Music DVD (ARIA)[٥٠] ١
ئەلبومەکانی نەمسا (Ö3 Austria)[٥١] ١
ئەلبومەکانی بەلجیکا (Ultratop Flanders)[٥٢] ٣
ئەلبومەکانی بەلجیکا (Ultratop Wallonia)[٥٣] ٤
ئەلبومە کەنەدییەکان (بیلبۆرد)[٥٤] ١
ئەلبومەکانی دانیمارک (Hitlisten)[٥٥] ١
ئەلبومە ھۆڵەندییەکان (MegaCharts)[٥٦] ٢
ئەلبومە ئەورووپییەکان (European Top 100 Albums)[٥٧] ١
ئەلبومە فینلاندییەکان (Suomen virallinen lista)[٥٨] ١
ئەلبومەکانی فەڕەنسا (SNEP)[٥٩] ٢
ئەلبومە ئەڵمانییەکان (Offizielle Top 100)[٦٠] ٢
ئەلبومەکانی یۆنان (IFPI)[٦١] ١
ئەلبومەکانی ئیتاڵیا (FIMI)[٦٢] ٣
ئەلبومە ژاپۆنییەکان (Oricon)[٦٣] ٧
ئەلبومەکانی مەکسیک (Top 100 Mexico)[٦٤] ١
ئەلبومەکانی نیوزلەندا (RMNZ)[٦٥] ٢
ئەلبومە نەرویجییەکان (VG-lista)[٦٦] ٣
ئەلبومەکانی پورتوگال (AFP)[٦٧] ١
ئەلبومە ڕووسییەکان (Russian Music Charts)[٦٨] ١
ئەلبومە ئیسپانییەکان (AFYVE)[٦٩] ٦
ئەلبومەکانی سوید (Sverigetopplistan)[٧٠] ٣
ئەلبومەکانی سویسرا (Schweizer Hitparade)[٧١] ٢
ئەلبومەکانیکانی شانشینی یەکگرتوو (OCC)[٧٢] ١
US Billboard 200[٧٣] ٣
ئەلبومە ھاڕد ڕۆکەکانی ویلایەتە یەکگرتووەکان (بیلبۆرد)[٣٤] ١٨
چارت (٢٠٠٨) لووتکە
شوێن
ئەلبومەکانی ئیسپانیا (PROMUSICAE)[٧٤] ٦٩
چارت (٢٠١٣) لووتکە
شوێن
چارتی ڕۆکی شانشینی یەکگرتوو[٧٥] ١٠

چارتەکانی کۆتایی دەیە[دەستکاری]

چارت (٢٠٠٠–٠٩) شوێن
ئەلبومە ئوسترالییەکان (ARIA)[٧٦] ١٥
ئەلبومە نەمساییەکان (Ö3 Austria)[٧٧] ٢٨
ئەلبومە ھۆڵەندییەکان (Megacharts)[٧٨] ٦٧
بیلبۆرد ٢٠٠ی ویلایەتە یەکگرتووەکان[٧٩] ١٩

چارتەکانی کۆتایی ساڵ[دەستکاری]

چارت (٢٠٠٣) شوێن
ئەلبومە ئوسترالییەکان (ARIA)[٨٠] ١٥
ئەلبومە ھاڕد ڕۆک و ھێڤی مێتاڵە ئوسترالییەکان (ARIA)[٨١] ٢
ئەلبومە نەمساییەکان (Ö3 Austria)[٨٢] ١٧
ئەلبومە بەلجیکییەکان (Ultratop Flanders)[٨٣] ٣٨
ئەلبومە بەلجیکییەکان (Ultratop Wallonia)[٨٤] ١٧
ئەلبومە دانمارکییەکان (Hitlisten)[[٨٥] ٢٥
ئەلبومە ھۆڵەندییەکان (MegaCharts)[٨٦] ٢٣
ئەلبومە فینلاندییەکان (Musiikkituottajat)[٨٧] ١٦
ئەلبومە فەڕەنسییەکان (SNEP)[٨٨] ١٠
ئەلبومە ھەنگاریاییەکان (MAHASZ)[٨٩] ٨١
ئەلبومە نیوزلەندییەکان (RIANZ)[٩٠] ٦
ئەلبومە ئیسپانییەکان (PROMUSICAE)[٩١] ١٥
ئەلبومە سویدییەکان (Sverigetopplistan)[٩٢] ٥
ئەلبومە سویسرییەکان (Schweizer Hitparade)[٩٣] ٣
ئەلبومەکانی شانشینی یەکگرتوو (OCC)[٩٤] ١٦
بیلبۆرد ٢٠٠ی ویلایەتە یەکگرتووەکان[٩٥] ٨
چارت (٢٠٠٤) شوێن
ئەلبومە ئوسترالییەکان (ARIA)[٩٦] ٧
ئەلبومە نەمساییەکان (Ö3 Austria)[٩٧] ١٥
ئەلبومە بەلجیکییەکان (Ultratop Flanders)[٩٨] ١٢
ئەلبومە بەلجیکییەکان (Ultratop Wallonia)[٩٩] ١٦
ئەلبومە دانیمارکییەکان (Hitlisten)[١٠٠] ٥٢
ئەلبومە ھۆڵەندییەکان (MegaCharts)[١٠١] ١٠
ئەلبومە فینلاندییەکان (Musiikkituottajat)[١٠٢] ٥٩
ئەلبومە فەڕەنسییەکان (SNEP)[١٠٣] ٢٠
ئەلبومە ھەنگاریاییەکان (MAHASZ)[١٠٤] ٢٨
ئەلبومە نیوزلەندییەکان (RIANZ)[١٠٥] ١٤
ئەلبومە سویدییەکان (Sverigetopplistan)[١٠٦] ٣٩
ئەلبومە سویسرییەکان (Schweizer Hitparade)[١٠٧] ١٥
ئەلبومەکانی شانشینی یەکگرتوو (OCC)[١٠٨] ٥٩
بیلبۆرد ٢٠٠ی ویلایەتە یەکگرتووەکان[١٠٩] ٦
ئەلبومە جیھانییەکان (IFPI)[١١٠] ٤٣
چارت (٢٠٠٦) شوێن
ئەلبومەکانی شانشینی یەکگرتوو (OCC)[١١١] ١٩١

ژێدەرەکان[دەستکاری]

  1. ^ "Muse to score first number one album?". Music Week. September 23, 2003. لە ڕێکەوتی February 24, 2012 ھێنراوە. 
  2. ^ a b c D'Angelo، Joe. "Evanescence: The Split". MTV News. پەڕە ٢. لە ڕەسەنەوە ئرشیڤ کراوە لە November 27, 2014. لە ڕێکەوتی September 6, 2011 ھێنراوە. 
  3. ^ a b Fallen (liner notes). Evanescence. Wind-up Records. ٢٠٠٦. 
  4. ^ "Clients Quotes". oceanstudiosburbank.com. لە ڕەسەنەوە ئرشیڤ کراوە لە October 6, 2016. لە ڕێکەوتی June 5, 2016 ھێنراوە. 
  5. ^ Moore، Simon (2004). Omnibus Press Presents the Story of Evanescence. Omnibus Press. پەڕە 31. ISBN 0-8256-2994-2. 
  6. ^ a b c d e Reeseman، Bryan (August 1, 2003). "In The Recording Studio With Evanescence: Recording Fallen". Mix. لە ڕەسەنەوە ئرشیڤ کراوە لە July 9, 2008. لە ڕێکەوتی August 6, 2011 ھێنراوە. 
  7. ^ D'Angelo، Joe (June 4, 2003). "Evanescence Singer Pairs Metal Chains, Fairies For Upcoming Video". MTV News. ئەرشیڤ کراوە لە ئەسڵدا لە February 2, 2012. لە ڕێکەوتی September 4, 2011 ھێنراوە. 
  8. ^ D'Angelo، Joe (June 4, 2003). "Evanescence Singer Pairs Metal Chains, Fairies For Upcoming Video". MTV News. ئەرشیڤ کراوە لە ئەسڵدا لە August 19, 2007. لە ڕێکەوتی February 12, 2007 ھێنراوە. 
  9. ^ Unterberger، Andrew (September 10, 2004). "Top Ten Nu-Metal Bands". Stylus Magazine. لە ڕەسەنەوە ئرشیڤ کراوە لە October 12, 2013. 
  10. ^ Fischer، Blair R. (August 13, 2003). "Evanescence Make Understatement of at Chicago Sweat Factory". MTV News. ئەرشیڤ کراوە لە ئەسڵدا لە August 5, 2011. لە ڕێکەوتی July 22, 2011 ھێنراوە. 
  11. ^ Carioli، Carly (September 12, 2003). "The awakening: Amy Lee on bringing Evanescence's 'Bring Me to Life' to life". The Boston Phoenix. لە ڕەسەنەوە ئرشیڤ کراوە لە December 26, 2008. لە ڕێکەوتی December 4, 2008 ھێنراوە. 
  12. ^ Eells، Josh (October 2006). "Amy Lee: Back In Black". Blender. لە ڕەسەنەوە ئرشیڤ کراوە لە October 19, 2006. لە ڕێکەوتی February 27, 2007 ھێنراوە. 
  13. ^ a b Moss، Corey (June 10, 2004). "Evanescence's Amy Lee Hopes To Get into Film, Rages Against Cheesy Female Idols". VH1. لە ڕەسەنەوە ئرشیڤ کراوە لە June 4, 2011. لە ڕێکەوتی November 11, 2006 ھێنراوە. 
  14. ^ Dolan، Jon (October 9, 2006). "The Open Door Review". Entertainment Weekly. ئەرشیڤ کراوە لە ئەسڵدا لە June 6, 2011. لە ڕێکەوتی September 4, 2011 ھێنراوە. 
  15. ^ Moody، Ben (February 17, 2003). "What "Haunted" is about". Evboard.com. لە ڕێکەوتی February 27, 2007 ھێنراوە. 
  16. ^ Kaufman، Gil (May 9, 2003). "Evanescence: Fallen To the Top". VH1. لە ڕەسەنەوە ئرشیڤ کراوە لە December 10, 2008. لە ڕێکەوتی March 10, 2007 ھێنراوە. 
  17. ^ "Evanescence by Evanescence". Rate Your Music. لە ڕێکەوتی May 23, 2016 ھێنراوە. 
  18. ^ Wiederhorn، Jon. "Evanescence Soldier on Without Ben Moody, Look Forward To Recording". mtv.com. Viacom. ئەرشیڤ کراوە لە ئەسڵدا لە 2016-06-05. 
  19. ^ a b c Titus، Christa (March 4, 2013). "Evanescence, 'Fallen': Classic Track-By-Track". Billboard.com. Prometheus Global Media. ئەرشیڤ کراوە لە ئەسڵدا لە June 5, 2016. لە ڕێکەوتی May 23, 2016 ھێنراوە. 
  20. ^ Odell، Michael (April 2004). "Survivor!". Blender. لە ڕەسەنەوە ئرشیڤ کراوە لە June 24, 2016. لە ڕێکەوتی July 17, 2013 ھێنراوە. 
  21. ^ a b "Fallen – Evanescence > Credits". AllMusic. ئەرشیڤ کراوە لە ئەسڵدا لە October 14, 2011. لە ڕێکەوتی August 16, 2011 ھێنراوە. 
  22. ^ a b Loftus، Johnny. "Fallen – Evanescence". AllMusic. ئەرشیڤ کراوە لە ئەسڵدا لە October 15, 2011. لە ڕێکەوتی August 16, 2011 ھێنراوە. 
  23. ^ Catucci، Nick (٢٠٠٣). "Review: Evanescence: Fallen". Blender. لە ڕەسەنەوە ئرشیڤ کراوە لە September 12, 2009. 
  24. ^ a b Hiatt، Brian (May 16, 2003). "Fallen Review". Entertainment Weekly. ئەرشیڤ کراوە لە ئەسڵدا لە June 6, 2011. لە ڕێکەوتی August 16, 2011 ھێنراوە. 
  25. ^ a b Begrand، Adrien (May 23, 2003). "Evanescence: Fallen". PopMatters. ئەرشیڤ کراوە لە ئەسڵدا لە October 11, 2011. لە ڕێکەوتی September 4, 2011 ھێنراوە. 
  26. ^ a b Miller، Kirk (March 25, 2003). "Evanescence: Fallen: Music Reviews". Rolling Stone. ئەرشیڤ کراوە لە ئەسڵدا لە January 8, 2012. لە ڕێکەوتی January 25, 2012 ھێنراوە. 
  27. ^ a b Maerz، Melissa (October 2006). "She sold more than 15 million albums with Evanescence, only to find herself in abusive relationships". Spin. ٢٢ (١٠): ٧٠. ISSN ٠٨٨٦-٣٠٣٢ دڵنیابەرەوە لە دروستیی بەھای|issn= (یارمەتی). لە ڕێکەوتی April 6, 2012 ھێنراوە. 
  28. ^ کریستەگۆ، ڕۆبێرت (٢ی تشرینی دووەم، ٢٠٠٣). "Consumer Guide: Turkey Shoot 2003". زە ڤیلج ڤۆیس. لە ڕێکەوتی ٩ مەی ٢٠١٦ ھێنراوە. 
  29. ^ "News: Heading Into the Studio". Evanescence.com. ٢٠١١. لە ڕەسەنەوە ئرشیڤ کراوە لە May 18, 2011. 
  30. ^ Wiederhorn، Jon (March 12, 2003). "50 Cent Returns To No. 1 As Fabolous, Evanescence Debut High". MTV News. ئەرشیڤ کراوە لە ئەسڵدا لە October 23, 2013. لە ڕێکەوتی October 25, 2011 ھێنراوە. 
  31. ^ a b Caulfield، Keith (October 12, 2011). "Evanescence & Five Finger Death Punch Eyeing Top of Billboard 200 Chart". Billboard.com. ئەرشیڤ کراوە لە ئەسڵدا لە May 29, 2013. لە ڕێکەوتی October 15, 2011 ھێنراوە. 
  32. ^ Jenison، David (January 5, 2005). "Usher No. 1 in 2004? Yeah!". E! Online. لە ڕێکەوتی October 20, 2011 ھێنراوە. 
  33. ^ "Best of the 2000s: Billboard 200 Albums". Billboard. ٢٠٠٩. لە ڕەسەنەوە ئرشیڤ کراوە لە December 17, 2009. لە ڕێکەوتی December 30, 2009 ھێنراوە. 
  34. ^ a b "Fallen – Evanescence". Billboard. لە ڕەسەنەوە ئرشیڤ کراوە لە October 20, 2011. لە ڕێکەوتی June 29, 2011 ھێنراوە. 
  35. ^ "Top Pop Catalog: Fallen". Billboard. April 18, 2008. لە ڕەسەنەوە ئرشیڤ کراوە لە April 18, 2008. 
  36. ^ "Gold & Platinum: Search Results". Recording Industry Association of America. لە ڕەسەنەوە ئرشیڤ کراوە لە July 30, 2008. لە ڕێکەوتی July 29, 2008 ھێنراوە. 
  37. ^ a b c d Jones، Alan (October 17, 2011). "UK Album Chart Analysis: Steps Ultimate Collection sells 34k". Music Week. لە ڕەسەنەوە ئرشیڤ کراوە لە October 15, 2014. لە ڕێکەوتی October 17, 2011 ھێنراوە. 
  38. ^ "Chart Archive: Top 40 Albums Official UK Albums Archive: 21 October 2006". The Official Charts. لە ڕەسەنەوە ئرشیڤ کراوە لە 8 December 2011. لە ڕێکەوتی December 12, 2006 ھێنراوە. 
  39. ^ "Chart Archive: Top 40 Albums Official UK Albums Archive: 28th October 2006". The Official Charts. لە ڕەسەنەوە ئرشیڤ کراوە لە December 8, 2011. لە ڕێکەوتی December 12, 2006 ھێنراوە. 
  40. ^ Williams، John (August 13, 2003). "Evanescence No. 1 in Canada". Jam!. لە ڕەسەنەوە ئرشیڤ کراوە لە ١٥ی کانوونی دووەمی ٢٠١٣. لە ڕێکەوتی October 25, 2011 ھێنراوە. 
  41. ^ "Evanescence Interview Ignites Christian Music Controversy". Yahoo! Music. April 16, 2003. لە ڕەسەنەوە ئرشیڤ کراوە لە May 26, 2006. لە ڕێکەوتی August 20, 2008 ھێنراوە. 
  42. ^ a b c D'Angelo، Joe (April 16, 2003). "Evanescence's Label Tells Christian Outlets To Yank Fallen". MTV News. ئەرشیڤ کراوە لە ئەسڵدا لە November 7, 2012. لە ڕێکەوتی August 1, 2011 ھێنراوە. 
  43. ^ Kaufman، Gil (April 15, 2003). "Evanescence Fall From Grace". Rolling Stone. ئەرشیڤ کراوە لە ئەسڵدا لە October 10, 2011. لە ڕێکەوتی August 20, 2008 ھێنراوە. 
  44. ^ Conniff، Tamara (September 12, 2006). "Evanescence leader Lee unlocks 'Door'". Reuters/Billboard via Entertainment News. لە ڕەسەنەوە ئرشیڤ کراوە لە August 27, 2007. 
  45. ^ Fallen releases in the United States:
  46. ^ "Fallen". Amazon.ca. لە ڕێکەوتی March 18, 2013 ھێنراوە. 
  47. ^ a b c d Fallen releases in the Europe:
    • Austria: "Fallen von Evanescence". Amazon.at. لە ڕێکەوتی March 18, 2013 ھێنراوە. 
    • Austria (2004 reissue): "Fallen von Evanescence". Amazon.at. لە ڕێکەوتی March 18, 2013 ھێنراوە. 
    • Austria (2009 reissue): "Fallen von Evanescence". Amazon.at. لە ڕێکەوتی March 18, 2013 ھێنراوە. 
    • Germany: "Fallen von Evanescence". Amazon.de. لە ڕێکەوتی March 18, 2013 ھێنراوە. 
    • Germany (2004 reissue): "Fallen von Evanescence". Amazon.de. لە ڕێکەوتی March 18, 2013 ھێنراوە. 
    • Germany (2009 reissue): "Fallen von Evanescence". Amazon.de. لە ڕێکەوتی March 18, 2013 ھێنراوە. 
    • France: "Fallen par Evanescence". Amazon.de. لە ڕێکەوتی March 18, 2013 ھێنراوە. 
    • France (2009 reissue): "Fallen par Evanescence". Amazon.de. لە ڕێکەوتی March 18, 2013 ھێنراوە. 
    • United Kingdom: "Fallen by Evanescence". Amazon.co.uk. لە ڕێکەوتی March 18, 2013 ھێنراوە. 
    • United Kingdom (2004 reissue): "Fallen by Evanescence". Amazon.co.uk. لە ڕێکەوتی March 18, 2013 ھێنراوە. 
    • United Kingdom (2009 reissue): "Fallen by Evanescence". Amazon.co.uk. لە ڕێکەوتی March 18, 2013 ھێنراوە. 
  48. ^ Fallen releases in Australia:
  49. ^ Fallen releases in Japan:
  50. ^ [{{{archiveurl}}} "Evanescence – {{{dvd}}}"]. چارتی ٤٠ بەرزترین دیڤیدی. ئوسترالیاn Recording Industry Association. Archived from the original on {{{archivedate}}}.
  51. ^ "Austriancharts.at – Evanescence – Fallen" (in German). Hung Medien.
  52. ^ "Ultratop.be – Evanescence – Fallen" (in Dutch). Hung Medien.
  53. ^ "Ultratop.be – Evanescence – Fallen" (in French). Hung Medien.
  54. ^ "داڕێژە:BillboardChartNum Evanescence – Chart history" Billboard ئەلبومە کەنەدییەکان Chart for Evanescence.
  55. ^ "Danishcharts.com – Evanescence – Fallen". Hung Medien.
  56. ^ "Dutchcharts.nl – Evanescence – Fallen" (in Dutch). Hung Medien.
  57. ^ "Cantrell, Cassidy Maintain U.K. Chart Control". Billboard. August 18, 2003. ئەرشیڤ کراوە لە ئەسڵدا لە September 20, 2014. لە ڕێکەوتی August 17, 2014 ھێنراوە. 
  58. ^ "Evanescence: Fallen" (in Finnish). Musiikkituottajat – IFPI Finland.
  59. ^ "Lescharts.com – Evanescence – Fallen". Hung Medien.
  60. ^ "Evanescence – Fallen". Offiziellecharts.de. GfK Entertainment. ئەرشیڤ کراوە لە ئەسڵدا لە 2015-10-14. 
  61. ^ "Greekcharts.com – Evanescence – Fallen". Hung Medien.
  62. ^ "Italiancharts.com – Evanescence – Fallen". Hung Medien.
  63. ^ "Evanescence – Fallen" (بە زمانی Japanese). oricon ME inc. July 7, 2003. ئەرشیڤ کراوە لە ئەسڵدا لە February 3, 2016. لە ڕێکەوتی May 18, 2015 ھێنراوە. 
  64. ^ "Mexicancharts.com – Evanescence – Fallen". Hung Medien.
  65. ^ "Charts.org.nz – Evanescence – Fallen". Hung Medien.
  66. ^ "Norwegiancharts.com – Evanescence – Fallen". Hung Medien.
  67. ^ "Portuguesecharts.com – Evanescence – Fallen". Hung Medien.
  68. ^ Список призов [List of prizes]. NFPF.org (بە زمانی Russian). لە ڕەسەنەوە ئرشیڤ کراوە لە February 5, 2013. لە ڕێکەوتی June 18, 2007 ھێنراوە. 
  69. ^ "Hits of the World - Spain". Billboard. Nielsen Business Media, Inc. 24 May 2003. پەڕە 44. لە ڕێکەوتی ٠٣ کانوونی دووەم ٢٠١٨ ھێنراوە. 
  70. ^ "Swedishcharts.com – Evanescence – Fallen". Hung Medien.
  71. ^ "Swisscharts.com – Evanescence – Fallen". Hung Medien.
  72. ^ "Evanescence | Artist | Official Charts". ئەلبومەکانیکانی شانشینی یەکگرتوو Chart
  73. ^ داڕێژە:BillboardChartNum "Evanescence – Chart history" Billboard 200 for Evanescence.
  74. ^ "Spanishcharts.com – Evanescence – Fallen". Hung Medien.
  75. ^ "2013 Top 40 Rock & Metal Albums Archive: 6th July 2013". Officialcharts.com. ئەرشیڤ کراوە لە ئەسڵدا لە September 25, 2013. لە ڕێکەوتی July 15, 2013 ھێنراوە. 
  76. ^ "ARIA Chart Sales – ARIA End of Decade Albums/Top 100" (PDF). ARIA. لە ڕەسەن (PDF)ەوە ئرشیڤ کراوە لە January 17, 2016. لە ڕێکەوتی February 14, 2014 ھێنراوە. 
  77. ^ "00er Albums". Austriancharts.at (بە زمانی German). لە ڕەسەنەوە ئرشیڤ کراوە لە September 6, 2011. لە ڕێکەوتی September 3, 2011 ھێنراوە. 
  78. ^ "Albums 2000–2009". Dutchcharts.nl (بە زمانی Dutch). لە ڕەسەنەوە ئرشیڤ کراوە لە February 8, 2015. لە ڕێکەوتی September 3, 2011 ھێنراوە. 
  79. ^ "Decade End Charts – Billboard 200 Albums". Billboard. لە ڕەسەنەوە ئرشیڤ کراوە لە December 14, 2012. لە ڕێکەوتی September 3, 2011 ھێنراوە. 
  80. ^ "ARIA Charts – End of Year Charts – Top 100 Albums 2003". Australian Recording Industry Association. لە ڕەسەنەوە ئرشیڤ کراوە لە February 23, 2009. لە ڕێکەوتی September 3, 2011 ھێنراوە. 
  81. ^ "Pandora Archive Year End Charts 2003" (PDF). ARIA Charts. لە ڕێکەوتی August 18, 2011 ھێنراوە. 
  82. ^ "Jahreshitparade 2003". Austriancharts.at (بە زمانی German). ئەرشیڤ کراوە لە ئەسڵدا لە October 11, 2011. لە ڕێکەوتی September 4, 2011 ھێنراوە. 
  83. ^ "Jaaroverzichten 2003". Ultratop (بە زمانی Dutch). لە ڕەسەنەوە ئرشیڤ کراوە لە January 3, 2015. لە ڕێکەوتی September 3, 2011 ھێنراوە. 
  84. ^ "Rapports Annuels 2003". Ultratop. لە ڕەسەنەوە ئرشیڤ کراوە لە November 5, 2012. لە ڕێکەوتی September 3, 2011 ھێنراوە. 
  85. ^ "Year-end Chart – 2003". Top20.dk. لە ڕەسەنەوە ئرشیڤ کراوە لە October 1, 2012. لە ڕێکەوتی September 4, 2011 ھێنراوە. 
  86. ^ "Jaaroverzichten – Album 2003". Dutchcharts.nl. ئەرشیڤ کراوە لە ئەسڵدا لە December 3, 2013. لە ڕێکەوتی September 4, 2011 ھێنراوە. 
  87. ^ The first list is the list of best-selling domestic albums of 2003 in Finland and the second is that of the best-selling foreign albums:
  88. ^ "Classement Albums – année 2003". DisqueenFrance.com (بە زمانی French). لە ڕەسەنەوە ئرشیڤ کراوە لە January 24, 2009. لە ڕێکەوتی September 3, 2011 ھێنراوە. 
  89. ^ "Összesített album- és válogatáslemez-lista – chart-pozíció alapján 2003". Mahasz.hu (بە زمانی Hungarian). ئەرشیڤ کراوە لە ئەسڵدا لە September 22, 2011. لە ڕێکەوتی September 3, 2011 ھێنراوە. 
  90. ^ "Annual Top 50 Albums Chart 2003". RIANZ.org.nz. لە ڕەسەنەوە ئرشیڤ کراوە لە December 16, 2008. لە ڕێکەوتی September 3, 2011 ھێنراوە.  Note: The reader must select "2003" → "Albums".
  91. ^ "Lista Anual de Ventas 2003" (PDF). ProMusicae.org. لە ڕێکەوتی July 16, 2013 ھێنراوە.  [بەستەری مردوو]
  92. ^ "Årslista Album – År 2003". Sverigetopplistan.se. ئەرشیڤ کراوە لە ئەسڵدا لە October 2, 2011. لە ڕێکەوتی September 3, 2011 ھێنراوە. 
  93. ^ "Swiss Year-End Charts 2003". Swisscharts.com. لە ڕەسەنەوە ئرشیڤ کراوە لە December 27, 2013. لە ڕێکەوتی September 3, 2011 ھێنراوە. 
  94. ^ "UK Yearly Best Selling Albums (1999–2009)" (PDF). BPI.co.uk. ئەرشیڤ کراوە (PDF) لە ئەسڵدا لە August 27, 2011. لە ڕێکەوتی September 3, 2011 ھێنراوە. 
  95. ^ "2003 Year End Charts – Top Billboard 200 Albums". Billboard. December 27, 2003. لە ڕەسەنەوە ئرشیڤ کراوە لە February 25, 2012. لە ڕێکەوتی September 3, 2011 ھێنراوە. 
  96. ^ "ARIA Charts – End of Year Charts – Top 100 Albums 2004". ARIA.com.au. لە ڕەسەنەوە ئرشیڤ کراوە لە July 6, 2011. لە ڕێکەوتی September 3, 2011 ھێنراوە. 
  97. ^ "Jahreshitparade 2004". Austriancharts.at (بە زمانی German). ئەرشیڤ کراوە لە ئەسڵدا لە October 12, 2011. لە ڕێکەوتی September 4, 2011 ھێنراوە. 
  98. ^ "Jaaroverzicten 2004" (بە زمانی Dutch). Ultratop.be. لە ڕەسەنەوە ئرشیڤ کراوە لە October 19, 2015. لە ڕێکەوتی September 3, 2011 ھێنراوە. 
  99. ^ "Rapports Annuels 2004". Ultratop.be. لە ڕەسەنەوە ئرشیڤ کراوە لە March 1, 2016. لە ڕێکەوتی September 3, 2011 ھێنراوە. 
  100. ^ "Year-end Chart – 2004". Top20.dk. لە ڕەسەنەوە ئرشیڤ کراوە لە September 29, 2011. لە ڕێکەوتی September 4, 2011 ھێنراوە. 
  101. ^ "Jaaroverzichten – Album 2004". Dutchcharts.nl. لە ڕەسەنەوە ئرشیڤ کراوە لە December 30, 2013. لە ڕێکەوتی September 4, 2011 ھێنراوە. 
  102. ^ The first list is the list of best-selling domestic albums of 2004 in Finland and the second is that of the best-selling foreign albums:
  103. ^ "Classement Albums – année 2004". DisqueenFrance.com (بە زمانی French). لە ڕەسەنەوە ئرشیڤ کراوە لە March 22, 2012. لە ڕێکەوتی September 3, 2011 ھێنراوە. 
  104. ^ "Összesített album- és válogatáslemez-lista – chart-pozíció alapján 2004". Mahasz.hu (بە زمانی Hungarian). ئەرشیڤ کراوە لە ئەسڵدا لە October 26, 2011. لە ڕێکەوتی September 3, 2011 ھێنراوە. 
  105. ^ "Annual Top 50 Albums Chart 2004". RIANZ.org.nz. لە ڕەسەنەوە ئرشیڤ کراوە لە September 25, 2011. لە ڕێکەوتی September 3, 2011 ھێنراوە.  Note: The reader must select "2004" → "Albums".
  106. ^ "Årslista Album – År 2004". Sverigetopplistan.se. ئەرشیڤ کراوە لە ئەسڵدا لە June 13, 2012. لە ڕێکەوتی September 4, 2011 ھێنراوە. 
  107. ^ "Swiss Year-End Charts 2003". Swisscharts.com. ئەرشیڤ کراوە لە ئەسڵدا لە February 7, 2005. لە ڕێکەوتی September 4, 2011 ھێنراوە. 
  108. ^ "UK Year-End Charts 2004" (PDF). UKChartsPlus.co.uk. ئەرشیڤ کراوە (PDF) لە ئەسڵدا لە October 15, 2013. لە ڕێکەوتی September 4, 2011 ھێنراوە. 
  109. ^ "2004 Year End Charts – Top Billboard 200 Albums". Billboard. December 25, 2004. لە ڕەسەنەوە ئرشیڤ کراوە لە September 25, 2012. لە ڕێکەوتی September 3, 2011 ھێنراوە. 
  110. ^ "Top 50 Global Best Selling Albums for 2006" (PDF) (Press release) (بە زمانی German). Bundesverband Musikindustrie. لە ڕەسەن (PDF)ەوە ئرشیڤ کراوە لە August 20, 2011. لە ڕێکەوتی November 8, 2011 ھێنراوە. 
  111. ^ "UK Year-End Charts 2006" (PDF). UKChartsPlus.co.uk. ئەرشیڤ کراوە (PDF) لە ئەسڵدا لە October 11, 2011. لە ڕێکەوتی September 4, 2011 ھێنراوە. 

بەستەرە دەرەکییەکان[دەستکاری]