سەعد غامدی
سەعد سەعید سەعد غامدی | |
|---|---|
| لەدایکبوون | ١٩٦٧ز |
| نەتەوە | عەرەب |
| کار | قورئان خوێن |
| ئایین | ئیسلام |
شێخ سەعد غامدی (١ی جومادەلئوولای ١٣٨٧ی کۆچی/٧ی ئابی ١٩٦٧ -) ئیمام و قورئان خوێن، لە دایکبووی ساڵی ١٣٨٧ک بەرامبەر ١٩٦٧ز لە شاری دەمام لە شانشینی عەرەبی سعوودی.
ژیانی
[دەستکاری]ناوی تەواوی (سەعد سەعید غامدییە) و لەشاری (دەمام) ی شانشینی عەرەبی سعودی لەساڵی ١٩٦٧ی زایینی لەدایکبووە. زانکۆی (ئیمام محەمەدی کوڕی سعود)ی ئیسلامی بەشی بنەماکانی دین لەکۆلێژی شەریعەی لەساڵی ١٤١٠ ی کۆچی بەرامبەر بەساڵی ١٩٩٠ ی زایینی تەواو کردوە وە لەوساڵەدا دەستی کردوە بە لەبەرکردنی قورئانی پیرۆز و توانیویەتی تاوەکو ساڵی ١٩٩٥ ی زایینی ھەموو سوڕەتەکانی قورئانی پیرۆز لەبەربکات. بۆ یەکەمجار لەساڵی ١٩٩٦ مۆڵەتی قورئان خوێندنی لەسەر گێڕانەوەی حەفس لە عاسم وەرگرتوە و ھەر ئەو ساڵەش خەتمی قورئانی پیرۆزی بۆ تۆمارکراوە، کە لەنوێژەکانی تەراویحی مانگی ڕەمەزانی پیرۆز خوێندوویەتی. غامدی چەند جار داوای لێکراوە سەردانی ئێزگە بکات بەڵام ڕەتی دەکاتەوە و بەباشی دەزانێت تەنھا لە نوێژەکانە تەراویح قورئانی بۆ تۆماربکرێت وەک خۆی دەڵێـت خوێندنی قورئان لەکاتی تەراویحەکان تام و چێژی تایبەتی خۆی ھەیە. ھەروەھا خێزاندارە سێ منداڵی ھەیە تابڵێی پیاوێکی ڕوخۆش و دەم بەپێکەنینە.
کارەکانی
[دەستکاری]جگە لە قورئان خوێندن ووتاربێژ و مامۆستای قوتابخانەیە، بۆ نمونە:
- لەساڵی ١٩٩٦ تاوەکو ساڵی ٢٠٠٢ کراوەتە سەرپەرشتیاری پەروەردە لە قوتابخانە ئایینیەکان.
- سەرپەرشتیاری گشتیە لەبنکەی ئیمام شاتبی بۆ قورئانی پیرۆز لەشاری دەمام.
- پێشنوێژ و ووتارخوێنی مزگەوتی (یوسف بن احمد)ە،لەشاری دەمام.
- ئێستاکەش بەڕێوەبەری گشتی قوتابخانەی (محمد الفاتح)ە، لەشاری دەمام.
- لە ساڵی ١٤٣٠ی کۆچی، بەفەرمانێکی شاھانەیی وەکو پێش نوێژی تەراویح لە مزگەوتی پێغەمبەر دامەزراوە.
لەبڵاوکراوەکانی
[دەستکاری]- خەتمێکی قورئانی پیرۆز کەلەساڵی ١٩٩٦ تۆمار کراوە.
- رسالە الی اھل القران.
- الاذکار.
- الرقیە الشرعیە.
سەرچاوە
[دەستکاری]- ویکیپیدیای عەرەبی.
