زینەدین زیدان

لە ئینسایکڵۆپیدیای ئازادی ویکیپیدیاوە
Jump to navigation Jump to search
زینەدین یەزید زێدان
Zinedine Zidane by Tasnim 03.jpg
زێدان لە ٢٠١٧
زانیاری کەسایەتی
ناوی تەواوزینەدین یەزید زێدان
ڕێکەوتی لەدایکبوون٢٣ی حوزەیرانی ١٩٧٢
شوێنی لەدایکبوونمارسیلیا،  فەڕەنسا
باڵا١.٨٥ م
ئەزموونی گەنجی
١٩٨١–١٩٨٣US Saint-Henri
١٩٨٣–١٩٨٦SO Septèmes-les-Vallons
١٩٨٦–١٩٨٩یانەی کان
ئەزموونی پڕۆفیشناڵ*
ساڵەکانهەڵبژاردەیاری(گۆڵ)
١٩٨٩–١٩٩٢یانەی کان٦١(٦)
١٩٩٢–١٩٩٦یانەی بۆردۆ١٣٩(٢٨)
١٩٩٦–٢٠٠١یانەی یۆڤانتۆس١٥١(٢٤)
٢٠٠١–٢٠٠٦ڕیال مەدرید١٥٥(٣٧)
Total٥٠٦(٩٥)
هەڵبژاردەی نیشتمانی
١٩٨٨–١٩٨٩فەڕەنسای خوار ١٧ ساڵان٤(١)
١٩٨٩–١٩٩٠فەڕەنسای خوار ١٨ ساڵان٦(٠)
١٩٩٠–١٩٩٤فەڕەنسای خوار ٢١ ساڵان٢٠(٣)
١٩٩٤–٢٠٠٦فەڕەنسا١٠٨(٣١)
ڕاهێنەرایەتی
٢٠١٤–٢٠١٦یانەی کاستیای ڕیال مەدرید
٢٠١٦–٢٠١٨ڕیال مەدرید
٢٠١٩–ڕیال مەدرید
* ئەزموونی پڕۆفیشناڵی تەنیا یاری و گۆڵەکانی خوولی ناوخۆ هەژمارکراوە..
† یاری (گۆڵ).

زەینەدین زیدان (بەفەڕەنسی: Zinédine_Zidane) ناسراو بە "زیزۆ" (٢٣ی حوزەیرانی ١٩٧٢) یاریزانی پێشووی تۆپی پێ. لەئێستادا وەک ڕاھێنەری یانەی ڕیاڵ مەدرید کاردەکات. بەیەکێک لەباشترین یاریزانەکانی مێژوو دادەنرێت.[٤][٥][٦] زێدان یاری درووستکەرێکی ناوەڕاستبوو بەھۆی تەکنیک و باشی کۆنتڕۆڵکردنی تۆپ دەناسرایەوە. زێدان یاری بۆ یانەکانی کان و بۆردۆی فەڕەنسی، یۆڤانتۆسی ئیتالی وە ڕیاڵمەدریدی ئیسپانی کردوە.[٧] لەسەر ئاستی یانەکان، زێدان براوەی دوو خوولی ئیتالییە لەگەڵ یۆڤانتۆس، ئەمەش بەرلەوەی لەساڵی ٢٠٠١ بەبڕی ٧٧٫٥ میلیۆن یۆڕۆی پەیوەندی بکات بەیانەی ڕیاڵمەدرید کە ڕیکۆردی جیھانی بوو بۆ کڕینی یاریزانێک. لە ئیسپانیا، زێدان خوولی ئیسپانی وە جارێکیش خوولی یانە پاڵەوانەکانی ئەورووپای بردەوە لەساڵی ٢٠٠٢ کە لەیاری کۆتایی گۆڵێکی بەقاچی چەپی تۆمارکرد و بەیەکێک لەجوانترین گۆڵەکان دادەنرێت لەم پاڵەوانیەتییە.[٨] جگەلەوانەش بووەتە براوەی ئینتەرناسیۆنال کەپ و جامی سووپەری ئەورووپی.

زێدان ١٠٨ یاری بۆ ھەڵبژاردەی فەڕەنسا کردووە. لەگەڵ ھەڵبژاردەکەی بووەتە براوەی جامی جیھانیی فیفای ١٩٩٨، لەیاری کۆتایی مۆندیالی ٩٨ توانی دوو گۆڵ تۆماربکات و ناو لەباشترین پێکھاتەی مۆندیالەکەش ھات. دواتر لەساڵی ٢٠٠٠، بووەتە پاڵەوانەی جامی نەتەوەکانی ئەورووپا، نازناوی باشترین یاریزانی پاڵەوانییەتیەکەشی وەرگرت. بەبردنەوەی جامی جیھانی ١٩٩٨، زێدان بووە پاڵەوانی وڵاتەکەی و خەڵاتی لێجنی شەڕەفی وەرگرت لەلایەن حکوومەتەوە. ھەروەھا لەساڵی ٢٠٠٦، خەڵاتی باشترین یاریزانی جامی جیھانی بردەوە وێڕای ئەوەی لەیاری کۆتایی بەکارتی سوور کرایە دەرەوە و یاری کۆتایشییان دۆڕاند. دوای مۆندیالی ٢٠٠٦، زێدان وازی لەیاریکردن ھێنا بۆ یانە و ھەڵبژاردەکەی.

زێدان چەندین دەستکەوتی دیکەی تاکەکەسی بەدەستھێناوە، لەوانە ناوی لەلیستی باشترین یاریزانەکانی ١٩٩٨، ٢٠٠٠ و ٢٠٠٣ی فیفادا ھاتووە. لەساڵی ٢٠٠٣، خەڵاتی باڵۆندۆری بردەوە. لەساڵی ١٩٩٦، باشترین یاریزانی خوولی فەڕەنسی دیاریکرا. لەساڵی ٢٠٠١، باشترین یاریزانی خوولی ئیتالی. لەساڵی ٢٠٠٢، باشترین یاریزانی بیانی لە خوولی ئیسپانیا دیاریکرا. ساڵی ٢٠٠٤، زێدان ناوی لەلیستی فیفا ١٠٠ ھات کەلیستێک بوو لەلایەن یاریزان پێلێ دیاریکرا بۆ ١٠٠ باشترین یاریزانی تۆپی پێ کە لەژیاندان. زێدان لەو تەنیا ٨ یاریزانەیە کە توانیویەتی ببێتە براوەی جامی جیھانی، خوولی یانە پاڵەوانەکانی ئەورووپا وە ببێتە براوەی باڵۆندۆر. زێدان باڵیۆزی قەتەڕ بوو بۆ پێشبڕکێکردن بۆ میوانداریکردنی جامی جیھانیی فیفای ٢٠٢٢. سەرەنجام قەتەڕ سەرکەوتووبوو لەو پێشبڕکێیە و بووە یەکەمین وڵاتی عەرەبی کە میوانداری مۆندیال بکات.[٩]

لەدوای وازھێنان لەیاریکردن، زێدان بوون بەڕاھێنەری تۆپی پێی ھەڵبژارد. لەسەرەتادا بووە ڕاھێنەری یانەی لاوانی ڕیاڵمەدرید.[١٠] بۆماوەی دووساڵ لەو ئەرکەی مایەوە تاکوو لە کانوونی دووەمی ٢٠١٦ بەفەرمی بووە ڕاھێنەری یانەی ڕیالمەدرید.[١١] لەماوەی دوو وەرز و نیویدا لەگەڵ ڕیالەمدرید، زێدان بووە براوەی خوولی یانە پاڵەوانەکانی ئەورووپا بۆ سێجار لەسەریەک، جارێکیش خوولی ئیسپانیا وە جامی سووپەری ئیسپانی. دووجاریش جامی جیھانیی یانەکان، سووپەری ئەورووپی.[١٢] لەساڵی ٢٠١٧، لەلایەن فیفاوە، بەباشترین ڕاھێنەری ساڵ دەستنیشانکرا.[١٣] لە ئایاری ٢٠١٨، دەستی لەڕاھێنەرایەتی ڕیاڵمەدرید کێشایەوە.[١٤][١٥] دواتر بەھۆی ئەنجامە خراپەکانی ڕیاڵمەدرید، لە ئازاری ٢٠١٩ گەڕایەوە بۆ پلەی ڕاھێنەری یانەکە.

ژیانەی وەرزشی[دەستکاری]

لەماوەی ژیانی وەرزشی لەماوەی ٥٠٦ یاری ٩٦ گۆلی تۆمارکردووە وە لەگەڵ ھەڵبژاردەی تۆپی پێی فەڕەنسا ٣١ گۆلی تۆمارکردووە لەکۆی ١٠٨ یاریدا

ئەو یانانەی یاری بۆکردووە[دەستکاری]

  • یانەی (کان) ی فەرِەنسی، لەنێوان ساڵانی ١٩٨٨ و ١٩٩٢.
  • یانەی (بۆرِدۆ) ی فەرِەنسی، لەنێوان ساڵانی ١٩٩٢و ١٩٩٦.
  • یوڤانتۆس، لەنێوان ساڵانی ١٩٩٦و ٢٠٠١.
  • رِیال مەدرید، لەساڵی ٢٠٠١ - تاوەکوو وازی لەیاریکردن لەگەڵ یانەکان ھێنا لەساڵی ٢٠٠٦

ھەڵبژاردەی فەڕەنسا[دەستکاری]

بۆیەکەمینجار لەساڵی ١٩٩٤ پەیوەندی بەھەڵبژاردەکەوە کە فەڕەنسا بوو توانیان جامی جیھانیی فیفا لەساڵی ١٩٩٨ بەدەست بھێنن وە پاش تەنیا دوو ساڵ لەساڵی ٢٠٠٠ توانیان جامی نەتەوەکانی ئەورووپا بەدەست بھێنن وە لەساڵی ٢٠٠٦ لە جامی جیھانیی فیفا پلەی دووەمیان بەدەست ھێنا دوای ئەوەی لەیاری کۆتایی بەرامبەر ئیتالیا دووچاری شکست ھاتن، بلێدانی یەکلایی کەرەوە. لەو یارییەدا "زینەدین زێدان" سەرێکی کێشا بەریزانی ھەڵبژاردەی ئیتالیا (مارکۆ ماتیرازی) لەخوولەی ١١٠دا کەبووە ھۆی دەرکردنی لەیارییەکە، وەک ڕێزێک بۆ ئەو یاریزانە، لەکاتی گەڕانەوەیان بۆ فەڕەنسا، سەرۆکی ئەو کاتە (جاک شیراکی) داوای لە "زێدان" کرد کەچۆن جەلەکەی لە ماتیرزای داوە بەھەمان شێوە لێیبدات و ئەویش سەرێکی کێشا بە سەرۆکی وڵاتەکەی.

زێدان لەکاتی یاریکردنی بۆیانەی ڕیال مەدرید لەساڵی ٢٠٠٥.

گۆڵەکانی بۆ فەڕەنسا

ھەڵبژاردە ساڵ یاریکردن گۆڵەکان
ھەڵبژاردەی تۆپی پێی فەڕەنسا ١٩٩٤ ٢ ٢
١٩٩٥ ٦ ٢
١٩٩٦ ١٢ ١
١٩٩٧ ٨ ١
١٩٩٨ ١٥ ٥
١٩٩٩ ٦ ١
٢٠٠٠ ١٣ ٤
٢٠٠١ ٨ ٢
٢٠٠٢ ٩ ١
٢٠٠٣ ٧ ٣
٢٠٠٤ ٧ ٤
٢٠٠٥ ٥ ٢
٢٠٠٦ ١٠ ٣
کۆی گشتی ١٠٨ ٣١

کاری ڕاوێژکاری[دەستکاری]

لەساڵی ٢٠٠٩ دوای ئەوە فلۆرەنتینۆ پیرێز ھەڵبژێردرا وەک سەرۆکی یانەی ڕیال مەدریدی ئیسپانی ناوبراو ھەستا بەدانانی زینەدین زێدان وەک ڕاوێژکاری یەکەمی خۆی وە بۆکڕینی یاریزان و بڕیارە چارەنووسازەکانیش بڕیاری زێدان وەردەگیرێت، وە ئێستا ڕاھێنەری یانەی ڕیال مەدریدە.

کاری خێرخوازی[دەستکاری]

لەدوای وازھێنانی لەیانە و ھەڵبژاردەکان زێدان کاری خێرخوازی ئەنجام دەدات لەڕێگای یاریکردن کە داھاتەکەی بۆ کاری خێرخوازی خەرچ دەکرێت

زێدان

دەستکەوتەکان[دەستکاری]

بۆردۆی فەڕەنسا[دەستکاری]

  • پاڵەوانی جامی UEFA Intertoto لەساڵی ١٩٥٥
  • پلەی دووەم لە خولی ئەورووپا لەوەرزی ١٩٩٥ - ١٩٩٦

یوڤێنتوسی ئیتالیا[دەستکاری]

ڕیالمەدریدی ئیسپانیا[دەستکاری]

ھەڵبژاردەی نیشتیمانی فەڕەنسا[دەستکاری]

وەک ڕاھێنەر[دەستکاری]

خولی ئیسپانی ساڵی ٢٠١٧ لەگەڵ ڕیاڵمەدرید:

ئامارەکان[دەستکاری]

یاری و گۆڵ، وەرز و خوولەکان
یانە وەرز خوول جام خوولی کیشوەری گشتی
ئاست یاری گۆڵ یاری گۆڵ یاری گۆڵ یاری گۆڵ
کانس ١٩٨٨–٨٩ خوولی فەرەنسی ٢ ٠ ٠ ٠ ٢ ٠
١٩٩٠–٩١ ٢٨ ١ ٣ ٠ ٣١ ١
١٩٩١–٩٢ ٣١ ٥ ٣ ٠ ٤ ٠ ٣٨ ٥
گشتی ٦١ ٦ ٦ ٠ ٤ ٠ ٧١ ٦
بۆڕدۆ ١٩٩٢–٩٣ خوولی فەرەنسی ٣٥ ١٠ ٤ ١ ٣٩ ١١
١٩٩٣–٩٤ ٣٤ ٦ ٣ ٠ ٦ ٢ ٤٣ ٨
١٩٩٤–٩٥ ٣٧ ٦ ٥ ١ ٤ ١ ٤٦ ٨
١٩٩٥–٩٦ ٣٣ ٦ ٣ ٠ ١٥ ٦ ٥١ ١٢
گشتی ١٣٩ ٢٨ ١٥ ٢ ٢٥ ٩ ١٧٩ ٣٩
یۆڤانتۆس ١٩٩٦–٩٧ خوولی ئیتاڵی ٢٩ ٥ ٢ ٠ ١٠ ٢ ٤١ ٧
١٩٩٧–٩٨ ٣٢ ٧ ٥ ١ ١١ ٣ ٤٨ ١١
١٩٩٨–٩٩ ٢٥ ٢ ٥ ٠ ١٠ ٠ ٤٠ ٢
١٩٩٩–٢٠٠٠ ٣٢ ٤ ٣ ١ ٦ ٠ ٤١ ٥
٢٠٠٠–٠١ ٣٣ ٦ ٢ ٠ ٤ ٠ ٣٩ ٦
گشتی ١٥١ ٢٤ ١٧ ٢ ٤١ ٥ ٢٠٩ ٣١
ڕیال مەدرید ٢٠٠١–٠٢ خوولی ئیسپانی ٣١ ٧ ٩ ٢ ٩ ٣ ٤٩ ١٢
٢٠٠٢–٠٣ ٣٣ ٩ ١ ٠ ١٤ ٣ ٤٨ ١٢
٢٠٠٣–٠٤ ٣٣ ٦ ٧ ١ ١٠ ٣ ٥٠ ١٠
٢٠٠٤–٠٥ ٢٩ ٦ ١ ٠ ١٠ ٠ ٤٠ ٦
٢٠٠٥–٠٦ ٢٩ ٩ ٥ ٠ ٤ ٠ ٣٨ ٩
گشتی ١٥٥ ٣٧ ٢٣ ٣ ٤٧ ٩ ٢٢٥ ٤٩
کۆی گشتی ٥٠٦ ٩٥ ٦١ ٧ ١١٧ ٢٣ ٦٨٤ ١٢٥

سەرچاوەکان[دەستکاری]

  1. ^ "Entreprise SCI Z 5 Istres à Aix-en-Provence (13290)" [Company SCI Z 5 Istres in Aix-en-Provence (13290)]. Figaro Entreprises (بە زمانی French). Société du Figaro. 15 December 2018. لە ڕێکەوتی ٢٧ی کانوونی دووەمی ٢٠١٩ ھێنراوە. 
    "Zinedine Zidane". BFM Business (بە زمانی French). لە ڕێکەوتی ٢٧ی کانوونی دووەمی ٢٠١٩ ھێنراوە. 
  2. ^ "Zinedine Zidane Profile". ESPN Soccernet. لە ڕەسەنەوە ئەرشیڤ کراوە لە 28 June 2011. 
  3. ^ "Zinedine Zidane". ESPN FC. لە ڕێکەوتی ٠٧ی تەممووزی ٢٠١٨ ھێنراوە. 
  4. ^ "Zidane's lasting legacy". BBC Sport. Retrieved 20 April 2013."Zidane-is-greatest-football-player"/ "Zidane is greatest football player" Archived ٢١ی ئەیلوولی ٢٠١٣, لە وەیبەک مەشین.. Fox Sports. Retrieved 20 April 2013.
    "Brazil 0 France 1: Zidane regains mastery to tame Brazil". The Independent. Retrieved 17 November 2013.
  5. ^ "Brazil's Fans Lament Demise of the Beautiful Game". The New York Times. Retrieved 17 November 2013.
  6. ^ "Defending champion bounces back from World Cup flop to try again". Sports Illustrated. Retrieved 17 November 2013.
  7. ^ "Zinedine Zidane set to become Real Madrid director of football". The Guardian. London. 14 June 2012. 
  8. ^ "Ronaldo's overhead kick and five other classic UCL goals". UEFA. لە ڕێکەوتی ١٤ی تەممووزی ٢٠١٨ ھێنراوە. 
  9. ^ "Zidane: A victory for the Arab world" (2 December 2010). FIFA. 16 April 2015. 
  10. ^ "Zidane to manage Castilla in the 2014/2015 season". Real Madrid CF. لە ڕێکەوتی ٢٥ی حوزەیرانی ٢٠١٤ ھێنراوە. 
  11. ^ "Zinedine Zidane: new coach of Real Madrid" (4 January 2016). Real Madrid CF. 4 January 2016. 
  12. ^ "Zinédine Zidane the manager is already outperforming Zidane the player". The Guardian. 4 June 2017. لە ڕێکەوتی ٢٧ی حوزەیرانی ٢٠١٧ ھێنراوە. 
  13. ^ "FIFA Football Awards 2017 – Voting Results" (PDF). FIFA. 23 October 2017. لە ڕێکەوتی ٢٣ی تشرینی یەکەمی ٢٠١٧ ھێنراوە. 
  14. ^ Pope، Nick (31 May 2018). "Zinedine Zidane Announces His Resignation From Real Madrid". Esquire. لە ڕێکەوتی ٣١ی ئایاری ٢٠١٨ ھێنراوە. 
  15. ^ "Zinedine Zidane: Real Madrid boss stands down five days after Champions League win". BBC Sport. 31 May 2018. لە ڕێکەوتی ٣١ی ئایاری ٢٠١٨ ھێنراوە.