لە ئینسایکڵۆپیدیای ئازادی ویکیپیدیاوە
خەڵاتی ئێمی خەڵاتێکی ئەمریکییە دەدرێت بە زنجیرەکان و بەرنامە جۆراوجۆرەکانی تەلەفزیۆن. خەڵاتی ئێمی بەرامبەر بە خەڵاتی ئۆسکارە، بەڵام لەکاتێکدا ئۆسکار تایبەتە تەنها بە فیلمە سینەمایەکان ئێمی تایبەتە بە بەرهەمە تەلەفزیۆنییەکان.
خەڵاتەکان لەلایەن سێ ڕێکخراوی پەیوەندیدار، بەڵام جیاوازەوە پێشکەش دەکرێن: ئەکادیمیای هونەر و زانستی تەلەڤیزیۆن (ATAS)، ئەکادیمیای نیشتمانی هونەر و زانستی تەلەڤیزیۆن (NATAS)، ئەکادیمیای نێودەوڵەتی هونەر و زانستی تەلەڤیزیۆن (IATAS). هەریەک لەم سێ ڕێکخراوە بەرپرسیارن لە بەڕێوەبردنی کۆمەڵەیەکی تایبەت لە ڕێوڕەسمی ساڵانەی ئیمی کە بە درێژایی ساڵی ڕۆژمێری بەڕێوەدەچێت. بۆ یەکەمجار لە ساڵی ١٩٤٩ خەڵاتی ئیمی بەخشی بۆ ڕێزلێنان لەو نمایشانەی کە لە ناوچەی لۆس ئەنجلۆس بەرهەم دەهێنرێن پێش ئەوەی لە ساڵانی ١٩٥٠دا ببێتە بۆنەیەکی نیشتمانی بۆ ڕێزلێنان لەو بەرنامانەی کە لە سەرانسەری وڵاتدا پەخش دەکرێن. لە دوو دەیەی داهاتوودا، ATAS, NATAS و IATAS خەڵاتەکەیان فراوانتر کرد بۆ ڕێزگرتن لە کەرتەکانی دیکەی پیشەسازی تەلەڤیزیۆن.[١]
 |
کۆمنزی ویکیمیدیا، میدیای پەیوەندیدار بە خەڵاتی ئێمی تێدایە. |
.jpg)
