پارێزگای کرماشان

پارێزگای کرماشان
پارێزگای کرماشان
پارێزگا
	استان کرمانشاە - Kermanshah province
	وێنەی سەرەوە:; شارستانەکانی پارێزگای کرماشان; وێنەی خوارەوە:; پارێزگای کرماشان لە ئێراندا
	پارێزگای کرماشان
وڵات	کوردستان; ڕۆژھەڵاتی کوردستان
پارێزگا	پارێزگای کرماشان
ناوەند	کرماشان
ژمارەی شارستانکان	١٤
ژمارەی ناوچەکان	٣٣
ژمارەی گوندەوارەکان	٨٤
ژمارەی گوندەکان	٣١٤٩
بوون بە پارێزگا	سەدەی چوارەمی زایینی
دەسەڵات
• پارێزگار	بەھمەن ئەمیری موقەدەم
ڕووبەر
• سەرجەم	٢٥٠٠٩ کیلۆمەتری چوارگۆشە (٩٬٦٥٦ میلی چوارگۆشە)
بەرزایی	١٣٥٠ مەتر (٤٬٤٣٠ پێ)
ژمارەی دانیشتووان (٢٠١٦)
• سەرجەم	١٬٩٥٢٬٤٣٤
• چڕیی شاری	٧٨ کەس لە کیلۆمەتری چوارگۆشە (٢٠٠ کەس لە میلی چوارگۆشە)
زمان و ئایین
• زمان	کوردی (کەڵھوڕی، سۆرانی، لەکی و ھەورامی و لوڕی)
• ئایین	ئیسلام(سوننە و شیعە)، یارسان، زەردەشتی، مەسیحی و جوو
کۆدی تەلەفۆن	٠٤٤
وێبگە	http://www.kermanshah.ir/

^{[بەستەری مردووی ھەمیشەیی]}

پارێزگای کرماشان (بە فارسی: استان کرمانشاە) پارێزگایەکە لە ڕۆژاوای ئێران و ڕۆژھەڵاتی کوردستانە و ڕووبەرەکەی ٢٤ ھەزار و ٦٤٠ کیلۆمەتر چوارگۆشەیە و ١٧ھەمین پارێزگای گەورەی ئێرانە. پارێزگای کرماشان کە ١٫٥٪ی ڕووبەری ئەم وڵاتە دەگرێتەوە، یەکێکە لەو پارێزگاکانی ڕۆژاوایی کە ھاوسنووری لەگەڵ عێراقدا ھەیە. ئەم پارێزگایە لە باکوورەوە لەگەڵ پارێزگای کوردستان، لە باشوورەوە لەگەڵ پارێزگای لوڕستان و پارێزگای ئیلام، لە ڕۆژھەڵاتەوە لەگەڵ پارێزگای ھەمەدان، لە ڕۆژاواوە لەگەڵ پارێزگای دیالە و پارێزگای ھەڵەبجە لە عێراقدا ھاوسنوورە. شاری کرماشان ناوەندی پارێزگای کرماشانە.^[٤] بەپێی دوایین گۆڕانکارییەکانی ساڵی ٢٠١٣، پارێزگای کرماشان لە ١٤ شارستان، ٣٥ شارۆچکە و شارەدێ، ٣١ ناوچە و ٨٤ گوندەوار پێکھاتووە.^[٥]

پارێزگای کرماشان پڕ حەشیمەتترین پارێزگای کوردنشینی ڕۆژھەڵاتی کوردستانە.^[٦]^[٧]

ناو

ناوچەی ئێستای پارێزگای کرماشان لە قۆناغە مێژوویییە جیاوازەکاندا بە ناوی جیاوازەوە ناوزەد کراوە. پارێزگای ئێستای کرماشان لە سەردەمی مادەکاندا یەکێک لە ناوەندە سەرەکییەکانی نیشتەجێبوون بووە. ناوی ئەم ناوچەیە کە لە سنوورەکانی ئێستای پارێزگاکە گەورەتر بوو، ھێشتا لە سەردەمی ھەخامەنشی و ئەشکانی و ساسانییەکاندا ویلایەتی ماد بوو. لە سەرچاوەکانی دوای ئیسلامدا، بۆ چەند سەدەیەک، ئەم ناوچەیە بە «ماھ» ناودەبرا، کە فۆرمێکی دەستکاریکراوی وشەی مادە.^[٨] لە سەردەمی سەلجوقییەکانەوە تەواوی ناوچەی ڕۆژاوای ئێران بە دەوڵەتی کوردستان ناودەبرا و شاری کرماشان یەکێک لە شارەکانی بوو. دەستەواژەی کرماشان تەنیا بۆ شاری کرماشان بەکاردەھات تا دەورووبەری ئەو کاتەی کە سەفەوییەکان ھاتنە سەر دەسەڵات، بەڵام ھەموو ناوچەکە ناوی کوردستان بوو؛ بەڵام ھاوتەریب لەگەڵ دەسەڵاتی سەفەوی، ناوی کرماشان بۆ ھەموو ناوچەکانی دراوسێی ئەو شارە درێژ کراوەتەوە. لە سەردەمی یەکەم پەھلەوی و لە ٩ی کانوونی دووەمی ١٩٣٨ یاسای کارگێڕی وڵات ھەموار کرایەوە و ناوچەی کرماشان شارستانەکانی باوەندپوور (شاباد)، کرماشان، پشتکوو(ئیلام)، کوردستان(سنە)، سەلاس (مەلایر، ناوەن و تووسرکان) و ھەمەدان و دواتریش سەقز و بیجاڕ دەگرتەوە، وەک یەکێک لە ١٠ پارێزگاکانی ئێران وەک «پارێزگای پێنجەم» ناوزەد کران. لەگەڵ جیابوونەوەی پارێزگاکانی دیکە، شێوازی ناونانی پارێزگاکانیش گۆڕا و بە فەرمی ناوی کرماشان بۆ تەواوی پارێزگاکە جێبەجێ کرا.^[٩]

دانیشتووان

ڕەگەز

لە میانی توێژینەوەیەکدا کە کۆمپانیای پارس پسپۆڕی توێژینەوە لەسەر داوای ئەنجومەنی ڕۆشنبیری گشتی لە ساڵی ٢٠٠٩ و بە پشتبەستن بە ڕاپرسییەکی مەیدانی و ژمارەی دانیشتووانی ئاماری لە نێوان دانیشتووانی ٢٨٨ شار و نزیکەی ١٤٠٠ گوند لە سەرانسەری وڵات ئەنجامدراوە، ڕێژەی سەدی ئەو نەتەوەیانەی کە لەم ڕاپرسییەدا لە پارێزگای کرماشان نموونەیان لێوەرگیراوە بەم شێوەیە بووە: ٤٫٢٪ فارس، ٩٢٫٥٪ کورد، ٠٫٢٪ عەرەب، ٠٫٧٪ لوڕ، ٠٫٥٪ی دیکە و ١٫٩٪ بێ وەڵام.^[١٠]

کورد دانیشتووانی سەرەکی پارێزگای کرماشانن.^[١١] پارێزگای کرماشان خاکی زێدی بەشێک لە گەورەترین ئێڵ و ھۆز و تیرە کوردە، وەک زەنگەنە، کەڵھوڕ، گۆران، جاف، لوڕ، سەنجابی، قەڵخانی، کولیایی، باجەلان، زولە، جەمیر و لەک، لەوانە: جەلالوند، کاکەوەند، عوسمانوەند، پایرۆند و بالوەند. تورکەکانی پارێزگای کرماشان لە تەنیشت کوردە کولیایییەکانی شاری سونقوڕ دەژین و بە زمانی تورکی سونقوڕی قسە دەکەن.^[١٢]^[١٣]^[١٤]

ئایینزا

پارێزگای کرماشان لە ڕوانگەی ئایینییەوە فرەڕەنگییەکی زۆری ھەیە. پەیڕەوانی ئایینزاکانی شیعە، سوننە و یارسان و کەمینەکانی پەیڕەوانی خاکساریە، نعمەتوڵڵاھی، ئوەیسی، نەقشبەندی، قادری و ئایینەکانی جوو، مەسیحی (ئەرمەن و ئاشوری) و بەھایی لە پارێزگای کرماشان شان بە شانی یەک دەژین.^[١٥]

بەشێکی زۆر لە کوردانی کرماشان تا کۆتایی سەدەی نۆزدەھەم پەیڕەوی لە ئایینی یارسان کرد. ھێنری بیندەر، گەشتیارێکی فەرەنسی کە لە کۆتایی سەدەی نۆزدەھەمدا سەردانی پارێزگای کرماشانی کرد، لە سەفەرنامەکەیدا بە ناونیشانی «لە کوردستان، لە میزۆپۆتامیا و فارس» کە لە ساڵی ١٨٨٧دا بڵاوکراوەتەوە، ئایینی باڵادەستی خەڵک بە یاساران دەزانێت. لە سەردانەکەیدا بۆ شارۆچکەی قەسری شیرین دەنووسێت:

زۆربەی کوردانی ئێران سەر بە مەزھەبی عەلیئوڵڵاھین. ئەگەر ئازاد بن بۆ ئەنجامدانی کارەکانیان، ئەوا دەستێوەردان لە کاری کەسانی دیکە ناکەن. ھەستی ڕێزگرتن لە بیروباوەڕی ئایینی ئەوانی تر لە چاوی ئەواندا زۆر بەرزە.

ھەروەھا لە کاتی سەردانی شاری کرماشان دەنووسێت:

کوردانی پارێزگای کرماشان کەسانێکی ئارام و دۆستانەن. سەر بە مەزھەبی عەلیوڵاھین کە کۆنترین مەزھەبی ئایینییە. لە ھەندێک گونددا شوێنکەوتوانی ئەم مەزھەبە لەگەڵ مەسیحییەکان جووتبوون دەکەن، کە لێبوردەیییان کەمترە.

گرووپە ڕەگەزییەکان لە پارێزگای کرماشان (٢٠١٦)^[١٦]
گرووپە ڕەگەزییەکان			ڕێژە
کورد			٩٩٫٠٪
فارس			١٫٠٪

مەزارگەکان

لە پارێزگای کرماشان زۆر مەزارگەلێک ھەیە کە پەیوەندییان بە ئیسلامەوە ھەیە (شیعە و سوننە) و ئایینی یارسان. لە پارێزگای کرماشان ٤٥ گۆڕستان و مەزارگە ھەیە. گرنگترین مەزارگە شیعەکانی لە پارێزگای کرماشان بریتین لە ئیمام زادە باقر بێستون، ئیمام زادە ئەحمەد سنوقوڕ، ئیمام زادە ئیبراھیم کەنگاوەر و مەزارگەی ئەحمەد بن ئیسحاق سەرپێڵی زەھاو.^[١٧] ھەروەھا گۆڕی سەید عوبێدوڵڵا ناسراو بە کۆسەی ھەجیج لە شاری پاوە، گۆڕی خەلیفە حەیدەر حەیدەری باینگانی لە ناوچەی باینگان و گۆڕی ویس نەزەر لە ڕەوانسەر لە گرنگترین مەزارگە سوننەکانی کرماشانن.^[١٨] سەبارەت بە پەیڕەوانی ئایینی یارسانەکان، گرنگترین مەزارەکانیان وەک مەزارەکانی سوڵتان ئیسحاک، داوکەوسوار و خاتوون ڕۆزبار لە کۆمەڵگەی پێردیوەر لە شێخان، بابایادگار لە زەردە، پیر بنیامین و پیرموسا لە کەرەند، شا حەیاس لە جیھۆن ئاباد و ئەتاشبەگ ھەڵکەوتوون لە گەرھبان لە پارێزگای کرماشان، پەیڕەوانی ئەم ئایینە لە ھەموو ئێران و عێراقەوە دێنە پارێزگای کرماشان بۆ سەردانیان.^[١٩]

زمان

لە پارێزگای کرماشان زاراوە جیاوازەکانی زمانی کوردی قسەی پێدەکرێت. زاراوە جۆراوجۆرەکانی کوردیی باشووری وەک کرماشانی، کەڵھوڕی، زەنگنەیی، سەنجابی و کەلیایی لە شارەکانی کرماشان، شاباد، داڵاھۆ، گیەڵان، سەرپێڵی زەھاو، قەسری شیرین، سونقوڕ و بەشێک لە سەحنە و کەنگاوەر.^[٢٠] زاراوە گورانییەکان لەوانە گۆرێجوی لە داڵاھۆ و ھۆرامی لە شاری پاوە و گوندەکانی قەندۆڵ و زەردە، زاراوەی مامناوەندی کوردی وەک ئەردەڵانی و جافی لە شارەکانی جۆانرۆ، ڕەوانسەر، سەڵاس باباجانی و بەشێک لە شارەکانی داڵاھۆ، سەرپوڵ زەھاب، قەسر شیرین و کرماشان.^[٢١] و لەکی لە شاری ھەرسین و بەشی باشووری شاری کرماشان و بەشێک لە شارەکانی سەحنە و کەنگاوەر قسەی پێدەکرێت.^[٢٢] لە بەشێکی دانیشتووانی شاری کەنگاوەردا، زاراوەی لوڕی قسەی پێدەکرێت. زمانی ئازەربایجانی لە شارۆچکەی سونقوڕ قسەی پێدەکرێت.^[٢٣] لە ناوەندی پارێزگای کرماشان، جگە لە زاراوە جیاوازەکانی زمانی کوردی،^[٢٤] زاراوەی فارسی کرماشانی ھەروەھا بووەتە باو کە تایبەتە بە شاری کرماشان، و دەگوترێ بە فراوانبوونی فەرمانگە ئیدارییەکان لە سەردەمی قاجاڕەکانەوە و ھەروەھا لەژێر کاریگەری کۆچبەرانی پارێزگاکانی تر و زیارەتکاران کە لە کرماشانەوە دەچوونە ئێتبات دروست بووە.^[٢٥]^[٢٦]

مێژووی کرماشان

پارێزگای کرماشان بێشکەی یەکێک لە کۆنترێن شارستانییەتەکانە لە جیھان. کۆنترین گوند کە لە پارێزگای کرماشان و بگرە لە ھەموو کوردستان تا ئێستە دۆزراوەتەوە، گوندی شێخئاوا یە، کە مێژووەکەی دەگەڕێتەوە بۆ ٦٠±٩٨١٠ پێش زایین یان نێزیکەی ٦٠±١١٨٢٥ ساڵ پێش ئێستا.^[٢٧]

شێوەزارکانی زمانی کوردی لە پارێزگای کرماشان

خەڵکی ئەم پارێزگایە پتر لە ٩٠ لە سەدی کوردزمانن کە بە چەندین شێوەزار و زاراوە دەپەیڤن. شێوەزاری سەردەست لە شاری کرماشان زاراوەی کرماشانییە. بە گوێرەی سەرژمێریی ساڵی ٢٠١٣ ژمارەی دانیشتووانی شاری کرماشان زیادترە لە ١٠٥٧١٦٦ کەس کە زۆرتر لە سەدا ٥٣ی دانیشتووانی پارێزگاکە پێک دێنێ.^[٢٨] ھەروەھا لە بەر گرنگی و کاریگەری شاری کرماشان بۆ سەر ناوچەکانی دەوروبەری دەتوانین بڵێن شێوەزاری سەردەست لە کۆی پارێزگای کرماشان شێوەزاری کوردیی کرماشانییە.

شێوەزاری زمانی کوردی لە ھەر ١٤ شارستانەکەی پارێزگای کرماشان تەقریبەن بەم شێوەیە:

لە شارستانی کرماشان: کوردیی باشووری (کەڵھوڕی/کرماشانی/زەنگنەیی)، لەکی، فارسی، سۆرانی (جافی)، ھەورامی
لە شارستانی ئارووناوا (شاباد): کوردیی باشووری (کەڵھوڕی/زەنگنەیی)
لە شارستانی داڵاھۆ: کوردیی باشووری (کرنی/کەڵھوڕی/گاوارەیی)، گۆرانی (ھەورامی، گەورەجوویی)
لە شارستانی سەرپێڵی زەھاو: کوردیی باشووری (کەڵھوری)، سۆرانی
لە شارستانی قەسری شیرین: کوردیی باشووری (کەڵھوری)، سۆرانی
لە شارستانی گیەڵان: کوردیی باشووری (کەڵھوڕی)
لە شارستانی سەلاسی باوەجانی: کوردیی باشووری (کەڵھوڕی)، سۆرانی، ھەورامی
لە شارستانی جوانڕۆ: سۆرانی (جافی)
لە شارستانی ھەورامان: گۆرانی (ھەورامی)، سۆرانی (جافی)
لە شارستانی ڕوانسەر: سۆرانی (ئەردەڵانی، جافی)
لە شارستانی سەحنە؛ کوردیی باشووری (سەحنەیی)، لەکی
لە شارستانی کەنگاوەر: لوڕی، کوردیی باشووری (کرماشانی، کولیایی)، لەکی
لە شارستانی ھەرسین؛ لەکی، کوردیی باشووری (زەنگنەیی)
لە شارستانی سونقور و کولیایی؛ کوردیی باشووری (کولیایی)، سۆرانی، تورکیی ئازەربایجانی (سونقوری)

مێژوو

پارچەکردنی پارێزگە

کرماشان خاوەنی شارستانییەتی مێژوویییە، لە سەدساڵی بیستەمدا دەوڵەتانی ناوەندیی ئێران زۆر ھەوڵیان داوەتەوە تا بەشەکانی لەم پارێزگا جیا بکەن و بیانخەتە سەر پارێزگاکانی دیکەی ئێران.

ھەموو شارە لەکنشینەکان تا ساڵی ١٩٦٨ی زایینی سەر بە پارێزگای کرماشان بوون. لەو ساڵەدا دەوڵەتی ئەوکاتی ئێران ئەم ناوچانەی لە کرماشان دابڕی و خستیانە سەری فەرمانداریی تایبەتی لوڕستان کە لەو کاتە بەشێگ لە پارێزگای خووزستان بوو.^[٢٩] ئەم ناوچانە لە ساڵی ١٩٧٣ی زایینیدا، بوون بە پارێزگایەکی نوێ بە ناوی پارێزگای لوڕستان،^[٣٠] بەڵام شارە لەکنشینەکانی کەنگاوەر، ھەرسین، سەحنە و ھەروەھا ناوچەکانی جەلاڵەوەند و سەرفیرووزاوا ھێشتا بەشێک لە پارێزگاێ کرماشان ماونەتەوە.

دابەشی کارگێڕی

ناوەندی پارێزگای کرماشان شاری کرماشانە و لە ١٤ شارستان پێکھاتووە کە ئەمانەن:

شارستان	ژمارەی دانیشتووان (٢٠١٦)
شارستانی ئارووناوا	١٤٠٨٧٦
شارستانی پاوە	٦٠٤٣١
شارستانی سەلاسی باوەجانی	٣٥٢١٩
شارستانی جوانڕۆ	٧٥١٦٩
شارستانی داڵاھۆ	٣٥٩٨٧
شارستانی ڕوانسەر	٤٧٦٥٧
شارستانی سەرپێڵ	٨٥٣٤٢
شارستانی سونقوڕ	٨١٦٦١
شارستانی سەحنە	٧٠٧٥٧
شارستانی قەسر	٢٣٩٢٩
شارستانی کرماشان	١٠٨٣٨٣٣
شارستانی کەنگاوەر	٧٦٢١٦
شارستانی گیەڵان	٥٧٠٠٧
شارستانی ھەرسین	٧٨٣٥٠

شارە گەورەکانی ئەم پارێزگا بریتین لە کرماشان، شائاباد، ھەرسین، کەنگاوەر، سونقوڕ، جوانڕۆ، سەرپێڵ، سەحنە، ڕوانسەر.

سەرچاوەکان

^ https://www.britannica.com/place/Kermanshah
^ https://kermanshah.ir/News/3dffa6962f/شھردار ٢٩ی ئابی ٢٠٢٢ لە وەیبەک مەشین، ئەرشیڤ کراوە.
^ https://web.archive.org/web/20190327172500/https://azgharbi.mporg.ir/FileSystem/View/File.aspx?FileId=5667c51a-59d4-482f-a804-bfe650b98de0
^ https://web.archive.org/web/20130901222122/http://www.iran.ir/about/city/kermanshah
^ http://chap.sch.ir/books/1161
^ الفجر، مطلع. «مطلع الفجر | آمار جمعیت استان کرمانشاه به تفکیک شهرها در سال ۱۴۰۰». مطلع الفجر (بە فارسی). لە ڕەسەنەکە لە ٣٠ی تەممووزی ٢٠٢٣ ئەرشیڤ کراوە. لە ٣٠ی تەممووزی ٢٠٢٣ ھێنراوە.
^ «کرمانشاه؛ پرجمعیت ترین شهر کردنشین ایران - خبرگزاری مهر | اخبار ایران و جهان | Mehr News Agency». www.mehrnews.com. لە ٣٠ی تەممووزی ٢٠٢٣ ھێنراوە.
^ http://andisheh-kermanshah.ir/ ٢٩ی ئابی ٢٠٢٢ لە وەیبەک مەشین، ئەرشیڤ کراوە.
^ https://web.archive.org/web/20190807042522/http://tarikhirani.ir/fa/events/3/EventsDetail/33
^ طرح بررسی و سنجش شاخصھای فرھنگ عمومی کشور (شاخصھای غیرثبتی){گزارش}:استان کرمانشاھ/بە سفارش شورای فرھنگ عمومی کشور؛ مدیر طرح و مسئول سیاست گذاری:منصور واعظی؛ اجرا:شرکت پژوھشگران خبرە پارس -شابک:۱–۵۷–۶۶۲۷–۶۰۰–۹۷۸ *وضعیت نشر:تھران-موسسە انتشارات کتاب نشر ۱۳۹۱ *وضعیت ظاھری:۲۹۶ ص:جدول (بخش رنگی)، نمودار (بخش رنگی)
^ https://seymare.com/گفتگو/خبر/149-2013-10-24-02-03-25.html^{[بەستەری مردوو]}
^ https://www.iranicaonline.org/articles/turkic-languages-overview
^ https://www.isna.ir/news/kermanshah-23037/نگاھی-بھ-موقعیت-شھرستان-کنگاور-در-منطقھ
^ گودرزینژاد، ۱۳۵۲: ص ۵–۶.
^ https://www.justice.gov/sites/default/files/eoir/legacy/2013/06/11/Kermanshah-Shia%20Kurds.pdf
^ نەسیری، موژگان (١٣٩٥ ھەتاوی). جوگرافیا. تاران: ئەنجامی کتێب. ISBN 978-964-415-206-1. {{cite book}}: نرخەکانی ڕێکەوت بپشکنە لە: |year= (یارمەتی)ڕاگرتنی شێوازی سەرچاوەی ١: خاڵبەندیی زیادە (بەستەر) ڕاگرتنی شێوازی سەرچاوەی ١: ساڵ (بەستەر)
^ https://www.isna.ir/news/91070201375/45-امامزادھ-در-استان-کرمانشاھ
^ https://www.isna.ir/news/8907-02826/گذری-بر-بناھای-مذھبی-کرمانشاھ-15-زیارتگاھ-اویس-قرنی
^ http://www.shiitestudies.com/article_21857.html
^ https://web.archive.org/web/20090209083336/http://kshpol.ir/kermanshah%20moshakhsat.htm
^ https://web.archive.org/web/20100621084030/http://www.salamkermanshah.ir/test/kermanshah-mad-info.htm
^ https://www.iranicaonline.org/articles/lak-tribe
^ ایل کلھر در دورە مشروطیت، علیرضا گودرزی انتشارات کرمانشاە، ۱۳۸۱
^ دن ودینگ.arrest of the Assyrian leader of the kermanshah church in iran.february21,2010
^ https://www.isna.ir/service/province/kermanshah
^ https://web.archive.org/web/20100203102116/http://ebtekarnews.com/Ebtekar/News.aspx?NID=25936
^ «وەشانی ئەرشیڤکراو». لە ڕەسەنەکە لە ١٨ی ئابی ٢٠١٦ ئەرشیڤ کراوە. لە ٨ی ئایاری ٢٠١٥ ھێنراوە.
^ «وەشانی ئەرشیڤکراو» (PDF). لە ڕەسەنەکە (PDF) لە ١٨ی ئایاری ٢٠١٥ ئەرشیڤ کراوە. لە ٨ی ئایاری ٢٠١٥ ھێنراوە. ١٨ی ئایاری ٢٠١٥ لە وەیبەک مەشین، ئەرشیڤ کراوە.
^ ڕۆژنامەی ھەمشەھریی پارێزگاکان: پارێزگاکانی ئێران لە کەی بوون بە پارێزگا؟ (فارسی)، نووسراوی ٥ی گەڵاوێژی ٢٠١٤؛^{[بەستەری مردووی ھەمیشەیی]} سەردان لە ١٠ی نیسانی ٢٠١٨.
^ پێگەی ھەواڵی یافتە: پارێزگادارانی لوڕستان (لە سەرەتاوە تاکۆ ئێستاکە)، نووسراوی ٦ی گەڵاوێژی ٢٠١٦؛ ١١ی نیسانی ٢٠١٨ لە وەیبەک مەشین، ئەرشیڤ کراوە. سەردان لە ١٠ی نیسانی ٢٠١٨.

[1] ttps://www.britannica.com/place/Kermanshah

[2] ttps://kermanshah.ir/News/3dffa6962f/شھردار ٢٩ی ئابی ٢٠٢٢ لە وەیبەک مەشین، ئەرشیڤ کراوە.

[3] ttps://web.archive.org/web/20190327172500/https://azgharbi.mporg.ir/FileSystem/View/File.aspx?FileId=5667c51a-59d4-482f-a804-bfe650b98de0

[4] ttps://web.archive.org/web/20130901222122/http://www.iran.ir/about/city/kermanshah

[5] ttp://chap.sch.ir/books/1161

[6] الفجر، مطلع. «مطلع الفجر | آمار جمعیت استان کرمانشاه به تفکیک شهرها در سال ۱۴۰۰». مطلع الفجر (بە فارسی). لە ڕەسەنەکە لە ٣٠ی تەممووزی ٢٠٢٣ ئەرشیڤ کراوە. لە ٣٠ی تەممووزی ٢٠٢٣ ھێنراوە.

[7] «کرمانشاه؛ پرجمعیت ترین شهر کردنشین ایران - خبرگزاری مهر | اخبار ایران و جهان | Mehr News Agency». www.mehrnews.com. لە ٣٠ی تەممووزی ٢٠٢٣ ھێنراوە.

[8] ttp://andisheh-kermanshah.ir/ ٢٩ی ئابی ٢٠٢٢ لە وەیبەک مەشین، ئەرشیڤ کراوە.

[9] ttps://web.archive.org/web/20190807042522/http://tarikhirani.ir/fa/events/3/EventsDetail/33

[10] طرح بررسی و سنجش شاخصھای فرھنگ عمومی کشور (شاخصھای غیرثبتی){گزارش}:استان کرمانشاھ/بە سفارش شورای فرھنگ عمومی کشور؛ مدیر طرح و مسئول سیاست گذاری:منصور واعظی؛ اجرا:شرکت پژوھشگران خبرە پارس -شابک:۱–۵۷–۶۶۲۷–۶۰۰–۹۷۸ *وضعیت نشر:تھران-موسسە انتشارات کتاب نشر ۱۳۹۱ *وضعیت ظاھری:۲۹۶ ص:جدول (بخش رنگی)، نمودار (بخش رنگی)

[11] ttps://seymare.com/گفتگو/خبر/149-2013-10-24-02-03-25.html^{[بەستەری مردوو]}

[12] ttps://www.iranicaonline.org/articles/turkic-languages-overview

[13] ttps://www.isna.ir/news/kermanshah-23037/نگاھی-بھ-موقعیت-شھرستان-کنگاور-در-منطقھ

[14] گودرزینژاد، ۱۳۵۲: ص ۵–۶.

[15] ttps://www.justice.gov/sites/default/files/eoir/legacy/2013/06/11/Kermanshah-Shia%20Kurds.pdf

[16] نەسیری، موژگان (١٣٩٥ ھەتاوی). جوگرافیا. تاران: ئەنجامی کتێب. ISBN 978-964-415-206-1. {{cite book}}: نرخەکانی ڕێکەوت بپشکنە لە: |year= (یارمەتی)ڕاگرتنی شێوازی سەرچاوەی ١: خاڵبەندیی زیادە (بەستەر) ڕاگرتنی شێوازی سەرچاوەی ١: ساڵ (بەستەر)

[17] ttps://www.isna.ir/news/91070201375/45-امامزادھ-در-استان-کرمانشاھ

[18] ttps://www.isna.ir/news/8907-02826/گذری-بر-بناھای-مذھبی-کرمانشاھ-15-زیارتگاھ-اویس-قرنی

[19] ttp://www.shiitestudies.com/article_21857.html

[20] ttps://web.archive.org/web/20090209083336/http://kshpol.ir/kermanshah%20moshakhsat.htm

[21] ttps://web.archive.org/web/20100621084030/http://www.salamkermanshah.ir/test/kermanshah-mad-info.htm

[22] ttps://www.iranicaonline.org/articles/lak-tribe

[23] ایل کلھر در دورە مشروطیت، علیرضا گودرزی انتشارات کرمانشاە، ۱۳۸۱

[24] دن ودینگ.arrest of the Assyrian leader of the kermanshah church in iran.february21,2010

[25] ttps://www.isna.ir/service/province/kermanshah

[26] ttps://web.archive.org/web/20100203102116/http://ebtekarnews.com/Ebtekar/News.aspx?NID=25936

[27] «وەشانی ئەرشیڤکراو». لە ڕەسەنەکە لە ١٨ی ئابی ٢٠١٦ ئەرشیڤ کراوە. لە ٨ی ئایاری ٢٠١٥ ھێنراوە.

[28] «وەشانی ئەرشیڤکراو» (PDF). لە ڕەسەنەکە (PDF) لە ١٨ی ئایاری ٢٠١٥ ئەرشیڤ کراوە. لە ٨ی ئایاری ٢٠١٥ ھێنراوە. ١٨ی ئایاری ٢٠١٥ لە وەیبەک مەشین، ئەرشیڤ کراوە.

[ھەمشەھری_ئانلاین_١-29] ڕۆژنامەی ھەمشەھریی پارێزگاکان: پارێزگاکانی ئێران لە کەی بوون بە پارێزگا؟ (فارسی)، نووسراوی ٥ی گەڵاوێژی ٢٠١٤؛^{[بەستەری مردووی ھەمیشەیی]} سەردان لە ١٠ی نیسانی ٢٠١٨.

[یافتە_١-30] پێگەی ھەواڵی یافتە: پارێزگادارانی لوڕستان (لە سەرەتاوە تاکۆ ئێستاکە)، نووسراوی ٦ی گەڵاوێژی ٢٠١٦؛ ١١ی نیسانی ٢٠١٨ لە وەیبەک مەشین، ئەرشیڤ کراوە. سەردان لە ١٠ی نیسانی ٢٠١٨.

[١]

[٢]

[٣]

[٤]

[٥]

[٦]

[٧]

[٨]

[٩]

[١٠]

[١١]

[١٢]

[١٣]

[١٤]

[١٥]

[١٦]

[١٧]

[١٨]

[١٩]

[٢٠]

[٢١]

[٢٢]

[٢٣]

[٢٤]

[٢٥]

[٢٦]

[٢٧]

[٢٨]

[٢٩]

[٣٠]

ب و د پارێزگای کرماشان
ناوەند	کرماشان
شارستانەکان	ئارووناوا پاوە جوانڕۆ داڵاھۆ ڕوانسەر سەرپێڵی زەھاو سەلاسی باوەجانی سونقوڕ سەحنە قەسری شیرین کرماشان کەنگاوەر گیەڵان ھەرسین
شارەکان	ئارووناوا ئەزگڵە بانەوڕێ باینگان بێستوون پاوە تازاوا جوانڕۆ ڕبات ڕوانسەر ڕێژاو سەتەر سەحنە سەرپێڵی زەھاو سەرمەست سونقوڕ سوومار شاھۆ شەروێنە قەسری شیرین قەڵا کرماشان کرن کۆزەران کەنگاوەر گاوارە گەودین گیەڵان میانڕیان نۆدشە نەوسوود ھۆمەیل ھەرسین ھەڵەشی
بابەتی گەشتیاری	ئەشکەوتی دووئەشکەوت ئەشکەوتی خاڵۆ حوسێن کۆکەن ئەشکەوتی کاوات ئەشکەوتی قوڕەقەڵا بەنداوی داریان پەرەسگەی ئاناھیتا پەیکەرەی ھێرکوول پردی خەسرەو تاقی گەرا تاقوەسان تاڤگەی پیران تەکیەی بەگلەربەگی تەکیەی موعاوینولمولک چیای ئاتەژگە چیای بێستوون چیای شاھۆ چیای ماکوان چوارقاپی داری ڕەحمەت دووکانی داوود ڕووباری سیروان ڕووباری لێڵە ڕووباری زمکان سەراوی بێستوون سەراوی ڕوانسەر سەراوی نیلووفەر سەراوی نژیوەران فەراتاش کانی بڵ کانی ڕێزە ناوچەی گەشتیاری مەیگۆڕێ مزگەوتی جامیعی کرماشان مزگەوتی شافعییەکانی کرماشان مزگەوتی عەبدوڵڵای کوڕی عومەر وێنەبەردینەی بێستوون (یان بەردنووس) وێنەبەردینەی گوودەرز (یان بەردنووس)
وتاری پەیوەندیدار	زمان: کوردی (باشووری، ناوەندی ، ھەورامی) و ئازەری ئایین: شیعە و سوننەی شافعی و یارسان مێژوو: دەوڵەتی حەسنەویان پێرستی گوندەکانی پارێزگای کرماشان