مستەفا خۆشناو
| مستەفا خۆشناو | |
|---|---|
| |
| ١٩١٢–١٩٤٧ | |
| وردەکاریی تاکەکەسی | |
| لەدایکبوون | ١٩١٢ سلێمانی، شارەدێی بێتواتە، باشووری کوردستان |
| مردن | ١٩٤٧ بەغدا، عێراق |
| نەتەوە | کورد |
| پارتی سیاسی | پارتی دیموکراتی کوردستان |
| ھاوسەر(ەکان) | زەکییە فەرەج |
| منداڵ(ەکان) | سێ کچ و کوڕێک |
| نیشتەجێ | سلێمانی |
| خوێندن لە | سەرەتایی کۆیە، ئامادەیی ھەولێر، خانەی مامۆستایانی بەغدا، مامۆستا لە ھەڵەبجە |
| پیشە | پێشمەرگە، سیاسەتوانی کورد |
| ئایین | ئیسلام سوننی |
مستەفا مستەفا عەبدوڵڵا ناسراو بە مستەفا خۆشناو (لەدایکبووی ١٩١٢، بێتواتە، سلێمانی - ١٩٤٧ لە بەغدا، شانشینی عێراق) ئەفسەر و سیاسەتمەدارێکی کورد بوو، لە کۆماری مەھاباد و عێراق خزمەتی کردووە. لە ١٩٤٦، لە ناو کۆماری مەھاباد ئەو یەکێک بوو لە ئەندامانی دەستەی دامەزرێنەرانی پارتی دیموکراتی کوردستان.[١]
سەرەتای ژیان
[دەستکاری]لە ڕۆژگاری تاریک و سەختی گرانی گەورەی جەنگی یەکەمی جیھانیدا، کۆرپەیەکی چاوگەشی لە سۆز و میھرەبانی باوک بێ بەش، لە دایکێکی ھەژار لە شارەدێی بێتواتەی خۆشناوەتی پارێزگای سلێمانی، لە ساڵی (١٩١٢)ی زایینی، (مستەفا)ی پاش باب، لەدایک دەبێت، دایکی بەناوی باوکییەوە ناوی نا مستەفا).[١]
کاری سیاسی
[دەستکاری]دەکەوێتە ژێر کاریگەری بیری کوردایەتی و تێکەڵاوی سیاسەت دەبێت. ئەندامی دامەزرێنەری پارتی دیموکراتی کوردستان و کۆمەڵەی ژیانەوەی کوردستان بوو؛ لە ساڵی ١٩٤٦ بووەتە ئەندامی ناوەندی کۆمیتەی حیزبی دێموکراتی کوردستانی عێراق، ئەندامی سەرکردایەتی حیزبی ھیوا، لە ساڵی ١٩٤٣ بۆ ١٩٤٥ پەیوەندی بە شۆڕشی بارزان کردووە، لە ساڵی ١٩٤٤ ئەفسەری پەیوەندییەکانی حکوومەتی عێراق بوو لە ناوچەی بارزان، دامەزرێنەری کۆمەڵەی ئازادی بوو لە ساڵی ١٩٤٤، دوای ئەوەی لە خۆشناوەتییەوە گەیشتە بارزان، لەوێ بوو بە کەسایەتییەکی سیاسی و سەربازی کاریگەر و متمانەپێکراوی شۆڕشی بارزان و لەلایەن ( مەلا مستەفای بارزانی چەند ئەرکێکی گرنگی پێ سپێردرا (مەلا مستەفای بارزان ھەموو پرس و ڕایەکی بە مستەفا خۆشناو دەکرد، پێی دەگووت، تۆ خوێندەوارییەکی باشت ھەیە و ئەوەی تۆ دەیزانی من نایزانم).[٢]
مردن
[دەستکاری]لە سپێدەی ١٩ی حوزەیرانی ١٩٤٧، بەپێی فەرمانێکی ساڵح جەبر کە سەرۆکوەزیرانی ئەوکاتەی عێراق بوو، ئەوا مستەفا خۆشناو و سێ ئەفسەری دیکەی کورد (محەممەد قودسی، عیزەت عەبدولعەزیز و خەیروڵڵا عەبدولکەریم) لە سوپای عێراق لە سێدارە دران.[٣]
یادکردنەوە
[دەستکاری]ساڵانە لە باشووری کوردستان، لە ساڵڕۆژی لە سێدارەدانی چوار ئەفسەرەکە ئەوا یادیان دەکرێتەوە.[٤] لە دەروازەی شەقامی مەولەوی لە شاری سلێمانی، وێنەی ھەر ئەفسەرەکە دانراوە.[٥]
ئەلبوومی وێنە
[دەستکاری]-
دەقی پەیامی ئەفسەرانی شەھید بۆ نەتەوەی کورد -
چوار ئەفسەری کۆماری مەھاباد
سەرچاوەکان
[دەستکاری]- ^ ئ ا ranyar (١٧ی ئابی ٢٠٢٢). «16ی ئابی 1946 وەرچەرخانێكی مێژوویی بوو لە بزووتنەوەی شۆڕشی ڕزگاری خوازی كوردستان». رۆژنامه‌ی خه‌بات. لە ٢٥ی ئازاری ٢٠٢٣ ھێنراوە.
- ^ کوردیپێدیا، Kurdipedia-. «مستەفا خۆشناو». Kurdipedia.org. لە ٢٦ی ئازاری ٢٠٢٣ ھێنراوە.
- ^ «یادی 74 ساڵەی لە سێدارەدانی چوار ئەفسەرەکەی کورد». pukmedia.com (بە کوردی). لە ٢٥ی ئازاری ٢٠٢٣ ھێنراوە.
- ^ «هەولێر، یادی چوار ئەفسەرە شەهیدەکەی کۆماری کوردستانی بەرز ڕاگرت». www.kdp.info. لە ٢٥ی ئازاری ٢٠٢٣ ھێنراوە.
- ^ «تۆڕی هەواڵی بوار». www.bwar.news. لە ٢٥ی ئازاری ٢٠٢٣ ھێنراوە.
کتێب
[دەستکاری]- ئەرشیفی دەستەی ئێنسکلۆپیدیا، فایلیfe-٣٦.
- مێژووی پارتی دیموکراتی کوردستان، کۆنگرە و کۆنفرانس (پرۆگرام و پەیڕەوی ناوخۆ)، دەستەی ئینسکلۆپیدیای پارتی دیموکراتی کوردستان، بەرگی یەکەم، (ھەولێر- چاپخانەی رۆکسانا- ٢٠٢١).
- حبیب محمد کریم، تأریخ الحزب الدیمقراطی الکوردستانی- العراق (فی محطات رئیسیة)١٩٤٦–١٩٩٣، (دھوک- مطبعة خەبات- ١٩٩٨).
- مسعود بارزانی، بارزانی و بزووتنەوەی ڕزگاریخوای کورد، بەرگی یەکەم١٩٣١–١٩٥٨، (ھەولێر- ٢٠١٢).
- معروف قەرەداغی، بارزان و نھێنییەکانی، (بەغداد- چاپخانەی مەعارف- ١٩٥٩).
- بەختیار محەممەدئەمین، خۆشناوەتی لەسەدەی بیستەمدا بەرگی دووەم ١٩٠٠–١٩٩١.
| کەسایەتییەکان |
| ||||||
|---|---|---|---|---|---|---|---|
| ڕێکخراوەکان | |||||||
| پەیوەندیدار | |||||||
