ویکیپیدیا:پرسگا

پرسگای ویکیپیدیا

• ئەم پەڕەیە تەنیا بۆ ئەو پرسیارانەیە کە دەربارەی چۆنییەتیی بەکارھێنان یان دەستکاریکردنی ویکیپیدیان. بۆ ھەر چەشنە پرسیارێکی تر، سندووقی گەڕان یان مێزی زانیاری بەکار بھێنە.
• ھەڵمەستە بە پێدانی ناونیشانی ئیمەیلەکەت یان ھەر زانیارییەکی تری پەیوەندی. وەڵامەکان تەنیا لەسەر ئەم پەڕەیە دەستەبەر دەکرێن.
• ئێمە ھەموومان خۆبەخشین، بۆیە لەوانەیە وەڵامدانەوە ھەندێک کاتی بوێت. تکایە پشوودرێژ بە. ناوەناوە بگەڕێوە و ئەم پەڕەیە بپشکنە تا بزانی ئاخۆ پرسیارەکەت وەڵام دراوەتەوە یان نا.
• بەکارھێنەرە نوێیەکان: لەکاتێکدا پرسگا شوێنێکی باشە تا پرسیارەکانت بکەیت، دەشێت بەکارھێنەرە نوێیەکان وا بە باش بزانن داوای یارمەتی لە چایخانە، کە شوێنێکی تایبەتە بۆ بەکارھێنەرە نوێیەکان تا ڕێنوینییان لەسەر دەستکاریکردن، دروستکردنی وتار، و بەکارھێنانی ویکیپیدیا بەگشتی، لە ژینگەیەکی دۆستانە دەست بکەوێت.

چۆن ژیاننامەی خۆم لە ویکیپیدییا دابنێم ؟

سڵاو ، من میلاد ، من ئەمەوێت (Google Knowledge Panel) بۆخۆم درووست بکەم بۆ ئەوەی (Blue Badge-سەحە شینەکە) لە فەیسبووک و ئینستاگرام و تیکتۆک وەربگرم ، هەربۆیە ، ئەم (Knowledge Panel)ـە پێویستی بە پەڕەیەکی تاکەکەسی هەیە لە ویکیپیدییا ، هەربۆیە من ئەمەوێت پەڕەیەک لە ویکیپیدییا درووست بکەم و ژیاننامەی خۆم باس بکەم تیایدا ، بەڵام نازانم چۆن درووستی بکەم ، تکایە یارمەتیم بدەن ! ❤🥺 Milad.Ghazi.696 (لێدوان) ‏٢١:٢٣، ٣٠ی ئایاری ٢٠٢١ (UTC)

سڵاو میلاد بەخێرھاتیت، تکایە ((خۆژیاننامە)) ببینە. —— 💖Sakura Hana🌸 (لێدوان) ‏٠٢:٤٧، ٢٣ی ئابی ٢٠٢١ (UTC)

سڵاو @Milad.Ghazi.696: ویکیپیدیا جێی سازکردنی وتار بۆ خوودی ھیچ کەسێک نییە وە تەنانەت ئەم کەسانە دەتوانن وتاریان ھەبێت کە کەسێکی ناسراو و دیار بن، ئێستا ھیچ یەک لە ئەندامانی ویکیپیدیای کوردی وتاری کەسایەتی خۆیان نییە، بەڵام دەتوانی لە وتاری بەکارھێنەری خۆتدا ئاماژە بە خۆت وە ژیاننامەکەت بکەی، بەڵام نابێت ڕیکلام یان شتێکی دژی یاساکانی ویکیپیدیای تێدا بێت. ☀️AGH☀️ _{(لێدوان)} ‏٢٣:٥٦، ٣٠ی ئایاری ٢٠٢١ (UTC)

سەبارەت بە سازکردنی «وتاری بەکارھێنەری» دەبێت لێرەدا ئەو قەڵەمەی لەلای سەرێیە لێبدەی وە ئەم جار دەتوانی ئاماژە بە خۆت وە ژیاننامەکەت بکەی، بەڵام تکایە پێشدا ویکیپیدیا:سیاسەتەکان و ڕێساکان وە ویکیپیدیا:پەڕەی بەکارھێنەر بخوێنەوە. ☀️AGH☀️ _{(لێدوان)} ‏٠٠:٠٠، ٣١ی ئایاری ٢٠٢١ (UTC)

Help panel question on نەریمان بابان (‏١١:١٧، ٢ی ئەیلوولی ٢٠٢١)

هونەرمەند و گۆرانی بێژ "نەریمان بابان" هیچ سەرچاوەیەکی نییە کە بتوانم لە پەڕەی هونەرمەندی ناوبراودا دایبنێم، وە لە ماوەی هەفتەیەکی تر ئەگەر داینەنێم ووتارەکەم دەسردرێتەوە. ئایا چیبکەم؟ --Mhamad Shwan (لێدوان) ‏١١:١٧، ٢ی ئەیلوولی ٢٠٢١ (UTC)

سڵاو @Mhamad Shwan: لەوانەیە بتوانم یارمەتیت بکەم، تەنانەت دەتوانی بڵێی ئەو وتارەت لە کوێوە و لەڕووی چییەوە نووسیوە؟ AGH _{(وتووێژ📝)} ‏١١:٢٧، ٢ی ئەیلوولی ٢٠٢١ (UTC)

سڵاو @Mhamad Shwan ھەر خوودی داڕێژەکە پێت ئەڵێت چی بکەیت بۆ نمونە لەناو وتارەکە سەیر بکە —— 💖Sakura Hana🌸 (لێدوان) ‏١٦:٤٨، ٢ی ئەیلوولی ٢٠٢١ (UTC)

وەرگێڕانی داڕێژەکان، چاکسازیی نووسە عەرەبییەکان

سڵاو ھاوڕێیان، چۆن پارامیتەری داڕێژەکان بکەمە کوردی؟، ھەندێک داڕێژە ھەیە زۆر جوان بە کوردی بەردەستن، بەڵام ھەندێک وشەی تێدا ھێشتا کوردیە وەک: داڕێژە:Name day=نەورۆز١ Infobox given name Infobox given name

دانیال

دانیال لەگەڵ شێرەکان
ڕۆژی ناوەکە	٢١ی حوزەیران
بنچینە
بنچینەی وشەکە	عیبری

Daniel abdullah (لێدوان) ‏٠٧:١٨، ٢١ی ئەیلوولی ٢٠٢١ (UTC)

پەڕەی داڕێژەکە بکەوە، ئەوا ئەو شتانەی لەپاڵ label نووسراون دەتوانیت وەرگێڕانیان بۆبکەیت بەڵام ئەوانەی لەپاڵ data مەیانکە نموونە؛

| label20 = nickname

| data20 =

بیکە بە

| label20 = نازناو

| data20 =

Kushared (لێدوان) ‏٠٧:٢٣، ٢١ی ئەیلوولی ٢٠٢١ (UTC)

زۆر سوپاس، دەستان خۆش بێت. Daniel abdullah (لێدوان) ‏٠٨:٥٠، ٢١ی ئەیلوولی ٢٠٢١ (UTC)

گۆڕینی ھەندێک وشە بە یەکجار لە ویکیدا بۆ ڕێنووسی ستاندارد

سڵاو ھاوڕێیان، لەم وتارە بە نموونە وشەی "عەڕەبی"ـم بینی کە بە ھەڵە نووسراوە، لە جیاتی "عەرەبی" لە ھەندێک جێگەی تریش ڕەنگە شتی وامان ھەبێت، کە وشەکە لە ھەندێک وتاردا جۆرێکی جیاواز نووسراوە.
ئایا شتێک نییە نازانم بۆت بێت یان ھەر شتێک بەڕیوەبەرە بەڕێزەکان و بەکارھێنەرە پێشکەوتووەکان شارەزان، ھەتا وا بکەن کە ھەندێک وشە وەک ستاندارد بکەینە ناو ئەو شتەوە تاوەکو بە خۆکاری لە ھەر وتارێکدا ئەو وشە ھەڵانەی بینی بیکات بە ڕاستەکە بۆ نموونە، عەڕەبی بۆ عەرەبی، بەرە بەرە وشەی پێ زیاد بکەین، ھەر بۆ نموونە لە وتارێک بە ھەڵە لەجیاتی ھەولێر نووسیبووم ھەولێڕ، ھاوڕێیەک ئاگاداری کردمەوە و چاکم کردەوە، ئەگەر بە خۆکاری ئەو دەستکاریانە بکرێت زۆر باش ئەبێت. لەگەڵ ڕێزداDaniel abdullah (لێدوان) ‏١٢:٤٢، ٢١ی ئەیلوولی ٢٠٢١ (UTC)

سڵاو @Daniel abdullah:  کرا زۆر سپاس بۆ بەخەمەوەبوونی پڕۆژەکە! ڕاستییەکەی ئەو وشانە ھەڵەی بچووکن نەک ھێندە گەورە. دەتوانی سەرەتا لە بەشی گەڕان بگەڕێیت و بزانیت ئەنجامەکانی کەمن یا زۆر. بڕوانە وشەی عەڕەبی. بۆ ئێستاکە تەنیا ١٩ ئەنجام ھەبوون و شتێکی وا نەبوون؛ چاک کران و زۆر سپاس! ⇐ئارام _{وتووێژ💭} ‏١٩:٥٠، ٢١ی ئەیلوولی ٢٠٢١ (UTC)

زۆر سوپاس، ڕاستیەکەی ھەر بۆ باشترکردنی ویکیپیدیام بوو، ئەگەر نا وایە، ئێمە شتی لەوە گرنگترمان ھەیە ئەوانە بەرە بەرە چاک ئەکرێن، دەستان خۆش بێت.Daniel abdullah (لێدوان) ‏٠٨:٥٢، ٢٢ی ئەیلوولی ٢٠٢١ (UTC)

دروستکردنی داڕێژەیەکی نوێ، هێنانی لە ویکی ئینگلیزیەوە

سڵاو، چۆن بتوانم داڕێژەیەکی نوێ دروست بکەم، بۆ نموونە وەک ئەمە. Daniel abdullah (لێدوان) ‏١٧:٤٠، ٢٢ی ئەیلوولی ٢٠٢١ (UTC)

سڵاو @Daniel abdullah: ڕاستییەکەی ئێمە ھیچ ڕێنمایییەکمان نییە و ئەوەی فێر بووە، خۆی فێر بووە. لە ویکیپیدیای ئینگلیزی کۆمەڵێک پەڕە ھەن کە سەرەداوەکان لێرە کۆکراونەتەوە و بەھیوای وەرگرتنی کەڵک لێیان. بۆ ئەو داڕێژەیەش کە بەستەرت پێی داوە، پێشنیار دەکەم ھەر ناوەڕۆکە ئینگلیزییەکە لەبەر بگریتەوە و لە ژێرپەڕەیەکی خۆت دای بنێیتەوە. ئینجا ناوەڕۆکەکە بکە کوردی و تاقیکردنەوە بکە تا بزانیت چی ڕوودەدات. ⇐ئارام _{وتووێژ💭} ‏١٧:٥٥، ٢٢ی ئەیلوولی ٢٠٢١ (UTC)

دەست خۆش، حەزمم نەکرد لەخۆمەوە شت بکەم، وتم با تێکی نەیەم، خۆتان ئەوەنە ئیشتان کەم نییە ئەوانەی منیشی بێتە سەر :). زۆر سوپاسDaniel abdullah (لێدوان) ‏١٨:٠٠، ٢٢ی ئەیلوولی ٢٠٢١ (UTC)

کاک @Daniel abdullah: زۆر سپاس بۆ تێگەشتنت! دەتوانیت لەژێر پەڕەیەکی خۆت تاقیکردنەوەکانت بکەیت و ئەو کات کێشە بۆ ئێمە دروست ناکات. ھەر شتێکیشت ویست، لێرە داوای بکە و کەسێک ھەر دەبێت تا یارمەتیت بدات. :) ⇐ئارام _{وتووێژ💭} ‏١٨:١٣، ٢٢ی ئەیلوولی ٢٠٢١ (UTC)

سڵاو @Daniel abdullah: من دروستم کرد بۆخۆشم پێویست پێبوو سەیری ئێرە بکە  زۆر سوپاس! —— 💖Sakura Hana🌸 (لێدوان) ‏٢٢:١٧، ٢٢ی ئەیلوولی ٢٠٢١ (UTC)

دەست خۆش، منیش دامنابوو، بەڵام بە قاچاغ بوو، نەمزانی ئاوا دروستی کەم. Daniel abdullah (لێدوان) ‏٢٢:٢٢، ٢٢ی ئەیلوولی ٢٠٢١ (UTC)

ژێرپەڕەیەک بۆ سەرجەم فەرهەنگ و وشەدانە کوردییەکان

سڵاو ھاوڕێیان، ئایا ئەتوانم ژێرپەڕەیەک دروست بکەم وەک ئەمەی کاک @Serchia:، بۆ کۆکردنەوەی ھەموو فەرھەنگە بەردەستە کوردییەکان لە ئینتەرنێتدا؟ لەگەڵ بەستەری بینینیان.
ئێستا نزیکی ٣٠٠ فەرھەنگی کوردیم لایە، ئەگەر بەڕێوەبەرەکان ڕازی ببن و کێشەی بۆ ویکی نەبێت ئەتوانم دایبنێم لە ژێرپەڕەیەکدا، لەسەر شێوەی ئەم فەرھەنگە پزیشکیانەی کە دامناون.

کاک @Calak: باسی مافی لەبەرگرتنەوەی کردبوو لەسەر فەرھەنگەکانی کاک سەرچیا، ئیتر نازانم ئەگەر ئەوە کێشە دروستبکات یان نا. Daniel (گفتوگۆ) ‏١٨:٣٤، ٣ی تشرینی یەکەمی ٢٠٢١ (UTC)

@Daniel abdullah ئەگەر لەژێر پەڕەی بەکارھێنەریتە ھیچ کێشەیەک دروست ناکات تا ئەوکاتەی پەیوەندی بە ویکیپیدیا ھەبێت. —— 💖Sakura Hana🌸 (لێدوان) ‏٢٠:٥٢، ٣ی تشرینی یەکەمی ٢٠٢١ (UTC)

سوپاس.Daniel (گفتوگۆ) ‏٠٨:٥٣، ٤ی تشرینی یەکەمی ٢٠٢١ (UTC)

سڵاو @Daniel abdullah: من پێش ئەوەی بێمە ویکیپیدیا و ئەوکاتەشی کە ھاتم، ئاواتەخواز بووم کە کەسێک یا شوێنێک ئەو کارەی بکردایە و فەرھەنگەکانمان لە شوێنێکدا کۆکردایەتەوە. بەھەرحاڵ، بۆ کردنی ئەو کارە لە ویکیپیدیا، خۆی ویکیپیدیا شوێنی ئەوە نییە و دەبێت ھەمیشە ئەوەمان لەبیر بێت کە ویکیپیدیا چی نییە. دەزانم ئێوە لەبەر دڵسۆزیتانە ئەگینا چ مەجبوورن ئەم کارە بکەن. ئینجا وەک خۆم و حەزی خۆم، حەز دەکەم بکرێت، بەڵام لە ڕووە یاسایییەکەیەوە، دەبێت مشتومڕێکی باشی لەسەر بکرێت. وەک دەستپێکێک، ئایا ئەو بەستەر(ان)ەی گووگڵ درایڤ(ان)ە ھی کێن؟ مۆڵەت لە خاوەنی پی دی ئێفەکان وەرگیراوە؟ ⇐ئارام _{وتووێژ💭} ‏١٣:٥٦، ٤ی تشرینی یەکەمی ٢٠٢١ (UTC)

سڵاو کاکە ئارام گیان، زۆر سوپاس، بێگوومان پەلە ناکەین لەو کارە چونکە ڕەنگە کێشە دروست بکات، با بزانین برادەرانی تر چی ئەڵێن، چونکە لێرەش کاک چالاک باسی مافی لەبەرگرتنەوەی کردووە.

سەبارەت بە پرسیاری دووەم، ڕاستیەکەی گووگڵ درایڤەکە هی خۆمە، بەڵام کتێبەکان هەر یەکەو لە شوێنێک دامبەزاندوون و کۆمکردوونەتەوە، بۆ ئەوەی وەک کۆکردنەوەکانی تر کێشەیان بۆ دروست نەبێت دوای نەمانی وێبسایتەکە ئەمانیش بەستەرەکەیان بمرن، بۆیە لای خۆم باریان ئەکەمەوە هەم لە گووگڵ درایڤ هەم لە ئەرکایڤس.

وە ڕاستیەکەی من ئەوەی زۆر بەلامەوە گرنگە کە لەم کۆکردنەوەیا، ئەو ڕیزبەندیەیە وەک ئەو فەرهەنگە پزیشکیانەی کە دامناون، ئەتوانیت بە ئاسانی فەرهەنگی ئەو زمانەی ئەتەوێت بیدۆزیتەوە(ئینگلیزی، عەرەبی، تورکی، ڕووسی، فەرەنسی، دانیمارکی، ئەڵمانی، هۆڵەندی، فارسی، چەند زمانێکی تریشی تێدایە). ئینجا زۆربەی ئەو فەرهەنگانەی ئێستا بەردەستن لە ئینتەرنێت وەک پی دی ئێف، چونکە وەک وێنە سکان کراون ناتوانیت گەڕان بەناو وشەکانیانا بکەیت و ئەبێت بە دەستی بگەڕێیت بەدوایانە، بە هۆی تووڵی OCR دووبارە دەستکاریم کردوون هەتا لەکاتی گەڕان بۆ وشەیەک بە ئاسانی بدۆزرێنەوە.

وە بۆ مافی لەبەرگرتنەوەش هیچ زانیارییەکم لەسەری نییە، کە نووسەرەکەی ئەو مافەی داوە یان نا. Daniel (گفتوگۆ) ‏١٤:٢٤، ٤ی تشرینی یەکەمی ٢٠٢١ (UTC)

بە ڕای من ئاسایییە ئەگەر بەکارھێنەرێک بیەوێت پەڕەیەکی وا دروست بکات، بەڵام بە گرنگی دەبینم لە سەری پەڕەکە ئاماژە بەوە بکرێت کە ئەو پەڕەیە وتاری ویکیپیدیا نییە و بەکارھێنەر لە ناوەڕۆکەکەی بەرپرسە. سەبارەت بەو لیستە، ئەگەر بتوانیت لە شوێنێکی دیکە دایبنێیت، بەڕای من باشتر دەبێت، بۆ ئەوەی لە گەڕانی گووگڵیش بەردەربکەوت. ئەوەی بزانم ژێرپەڕەکان شانسیان باش نییە لە دەرکەوتنی گەڕانی گووگڵ. سەرچیا — ‏٢٠:٠٣، ٦ی تشرینی یەکەمی ٢٠٢١ (UTC)

دەست خۆش، ڕاستییەکەی شوێنێکی وا شک نابەم تیتایا بڵاوی بکەمەوە، لێرە وەرگێڕان زۆر بەکار یەت وتم ڕەنگە سوودی لێ ببینن، ئەگەر دروستم کرد خشتەکە، دواتر هەرکەس ویستی ئەتوانێت بیبات و لای خۆی بڵاوی بکاتەوە.Daniel (گفتوگۆ) ‏٢٠:٢٩، ٦ی تشرینی یەکەمی ٢٠٢١ (UTC)

تشرینی یەکەمی ٢٠٢١

سڵاو ویکیپیدیا، من هێدی زۆر دڵخۆشم کە دەتوانم بە زمانی دایک و بە ئاسوودە بدوێم لەگەڵ ئێووە ، داوام ئەوەیە پەڕەی زیاتر و وتاری زیاتر بە زمانی من هەبێ لە ویکیپیدیا ، وە زیاترگرنگی بە زمانی کوردی(سۆرانی) بدرێ ڕێز.. — ئەم لێدوانە لەلایەن 185.203.54.17 (لێدوان) واژوونەکراوە ٢٠:٣٧، ١٤ی تشرینی یەکەمی ٢٠٢١ (UTC)

سڵاو لە ئێوەش، ھەمووان، بە ئێوەشەوە دەتوانن دەستکاریی ویکیپیدیا بکەن. تکایە مەترسە و ئازا بە. ⇐ئارام _{وتووێژ💭} ‏٢١:٤٠، ١٤ی تشرینی یەکەمی ٢٠٢١ (UTC)

ڕونکردنەوە

تکایە بەڕێزان من وەکوو نووسەر و ڕۆماننووس دووجار بابەتێکم لەسەر ژیاننامەی خۆم بڵاوکردەوە، جاری یەکەم بە هۆی نەبوونی سەرچاوە، ئەوم چارەسەر کرد جاری دووەم دەڵێی ناوی دڵشاد کاوانی تاگی لەسەرە تکایە هوکاریم بکەن لەسەر لادانی تاگەکە زانارییم پێویستە. دڵشاد کاوانی (لێدوان) ‏٠٧:٥١، ٢١ی تشرینی یەکەمی ٢٠٢١ (UTC)

بەرێز @دڵشاد کاوانی بەخێرھاتیت بۆ ویکیپیدیا خۆشحاڵین کە لێرەیت، بەڕێز ئارام و پیرەھەڵۆکان لەسەر ئەم بابەتە وەڵامی بەڕێزتانی داوەتەوە بڕوانە

سڵاو و ڕێز بۆ ئێوە دڵشاد کاوانی. تکایە ویکیپیدیا:سەلماندنیبوون بەتایبەت بەشی سەرچاوەکانی بخوێننەوە.
— بەکارھێنەر:Pirehelokan

بەخێربێن! دەتوانن چاو لەم ڤیدیۆیانە بکەن. دروستکردنی وتارێکی نوێ لە ویکیپیدیای کوردی و دانانی سەرچاوە لە ویکیپیدیا. بەدەر لەوەش، چاوێک لە ویکیپیدیا:خۆژیاننامە بکە
— بەکارھێنەر:Aram

بەکورتی داوا لە بەڕێزتان دەکەم سەرەتا شارەزابن لە چۆنیەتی کارکردنی ویکیپیدیا، بۆ تێگەیشتن لە چۆنییەتی کارکردنی ویکیپیدیا، پێویست ناکات ھەموو سیاسەت و ڕێساکانمان بخوێنەوە، تەنھا بچن پێنج کۆڵەکە بخوێننەوە کە زۆربەی یاساکانی تیادا کورتکراوەتەوە.

وتاری بەڕێزتان کێشەی سەرچاوەی ھەبوو، وە بایەخدار نەبوو، ھەر شتێک لە ویکیپیدیا دەینووسین پێویستە ئاماژە بە سەرچاوەکەی بدەین تا بێتە ویکیپیدیا، وە بۆ بایەخداری مەبەستمان ئەوەیە ئایا گرنگی ئەو بابەتە چیە کە دێتە ویکیپیدیا، چونکە ویکیپیدیا ڕاگەیاندن یان ڕۆژنامە یان گۆڤار نییە بزانە ویکیپیدیا چی نییە، لەسەروو ھەموو ئەمانەش ئێمە خۆژیاننامە لە ویکیپیدیا پەسەند ناکەین داوا دەکەین کەس لەسەر ژیانی خۆی یان ھاوڕێکەی نەنووسێت ئەمە لەبەر ئەوەیە ١. گەر کەسێکی بەناوبانگیت چاوەڕوان بە لە ئایندە کەسێک وتارت لەسەر دەنووسێت، ٢. کاتێک وتار لەسەر خۆت دەنووسیت بەلایەنی زۆرەوە ئەگەری ھەیە بە لایەنگریەوە وتارەکە بنووسرێت. —— 💖Sakura Hana🌸 (لێدوان) ‏٠٨:١٢، ٢١ی تشرینی یەکەمی ٢٠٢١ (UTC)

@دڵشاد کاوانی: سپاس بۆ بەشداریکردنت لەم پرۆژەیە، بەڵام دڵشاد کاوانی و دڵشاد کاوانی نووسەر وڕۆماننووس ھەردووکیان لەلایەن کەسەکە خۆی (کە ئێوەن) دروست کراون و دەچنە قاڵبی خۆژیاننامەوە کە ئەو جۆرە پەڕانە لە ویکیپیدیا شوێنیان نابێتەوە. تکایە چاوەڕێ بە تا بەکارھێنەرانی تر لەسەر ئێوە دەنووسن نەک ئێوە خۆتان لەسەر خۆتان بنووسن. سپاس بۆ تێگەیشتنت. ⇐ئارام _{وتووێژ💭} ‏١٨:٢٤، ٢١ی تشرینی یەکەمی ٢٠٢١ (UTC)