نێچیرڤان بارزانی

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان

Disambig RTL.svg  ئەم وتارە سەبارەت بە نێچیرڤان بارزانی نووسراوە. بۆ بینینی وتارە هاوشێوەکان بڕوانە بارزانی (ڕوونکردنەوە).

نێچیرڤان بارزانی
لەدایکبوون (١٩٦٦-0٩-٢١) ٢١ی ئەیلوولی ١٩٦٦ (تەمەن ٥١)
بارزان
نیشتەجێ ھەولێر
نەتەوە کورد
پەروەردە زانستە سیاسییەکان، لە زانکۆی تاران
پیشە سەرۆکوەزیرانی ھەرێمی کوردستان
جێگر پارتی دیموکراتی کوردستان
حیزبی سیاسی پارتی دیموکراتی کوردستان
ھاوسەر نەبیلە بارزانی، کچی مەسعوود بارزانی
منداڵەکان ڕانیا، ئیدریس، چياڤان و مايا

نێچیرڤان بارزانی (لەدایکبووی ٢١ی ئەیلوولی ١٩٦٦، بارزان) کەسایەتیی سیاسیی کورد و پارتی دیموکراتی کوردستانە لە ئێستا سەرۆکی حکوومەتی ھەرێمی کوردستان و جێگری سەرۆکی پارتی دیموکراتی کوردستانە. نێچیرڤان بارزانی کوڕی ئیدریس بارزانی و نەوەی مەلا مستەفا بارزانییە.

ژیان[دەستکاری]

نێچیرڤان لە ٢١ی ئەیلوولی ١٩٦٦ لە بارزان لەدایکبووە. کاتێک لە ساڵی ١٩٧٥،‌ عێراق و ئێران لە جەزائیر لە دژی شۆڕشی کوردستان (شۆڕشی ئەیلول)، ڕێککەوتن و مەلا مستەفای بارزانی خەباتی چەکداری ڕاوەستاند، ئەو دەمە نێچیرڤان بارزانی لەگەڵ بنەماڵەکەی ئاوارەی ئێران بوون و لەوێ لە زانکۆی تاران، زانستە سیاسیەکانی خوێند. ئیدریس بارزانی باوکی نێچیرڤان بارزانی، ئەندامی مەکتەبی سیاسیی پارتی دێموکراتی کوردستان بوو‌ و ڕۆڵێکی دیاری هەبوو لە ناو تەڤگەری ڕزگاریخوازی کوردستاندا‌ ھەبوو، ھەر لە مناڵیەوە ‌لە ناو ڕێزەکانی شۆر‌شدا‌ بوو‌ و لەتەک پێشمەرگەکان ببوو. کاتێک ئیدریس بارزانی کۆچی دوایی کرد، نێچیرڤان بارزانی ناچار بوو بنەماڵەکەی بەجێ بھێلێت‌ و بەشداری لە شۆڕ‌ش و بەرخودانی چەکداری بکات‌. نێچیرڤان بارزانی زوو لە ناو ڕێزەکانی پێشمەرگە و شۆرەشدا‌ پێشکەوت و بەرپرسیاریەتی درایێ ، لە ساڵی ١٩٨٩ بوو بە ئەندامی مەکتەبی سیاسیی پارتی دیموکراتی کوردستان. لە ساڵی ١٩٩٦ ‌ بووە جێگرێ سەرۆکی حکوومەتی ھەرێمی کوردستان. لە ساڵی ١٩٩٩ ‌ بووە سەرۆکی حکوومەتی ھەرێمی کوردستان ( کابینەی چوار). لە ٧ی ئایاری ٢٠٠٦ ‌ بووە سەرۆک-وەزیرانی حکوومەتی ھەرێمی کوردستان (کابینەی یەکگرتنەوە) ئەمەش دوای دابەشبوونی حکوومەتی هەرێم بۆ دوو ئیدارە.

سەرۆکی حکوومەت[دەستکاری]

نێچیرڤان بارزانی زۆرترین ماوە سەرۆککحکوومەت یان سەرۆککوەزیرانی حکوومەتەکانی هەرێمی کوردستان لەسەرەتادا لە ساڵی ١٩٩٦ ‌ بووە جێگری سەرۆکی حکوومەتی ھەرێمی کوردستان ئینجا لە ٢٠ی کانوونی یەکەمی ١٩٩٩ تاکوو ١٤ی حوزەیرانی ٢٠٠٥ سەرۆککوەزیرانی حکوومەتی ناوچەی پارتی دیموکراتی کوردستان بووە ، . لە ٧ی ئایاری ٢٠٠٦ ‌ بووە سەرۆک-وەزیرانی حکوومەتی ھەرێمی کوردستان (کابینەی یەکگرتنەوە) ئەمەش دوای دابەشبوونی حکوومەتی هەرێم بۆ دوو ئیدارە ، نێچیرڤان لەساڵی ٢٠٠٦ تاکوو ٢٠٠٩ سەرۆکی حکوومەتی هەرێمی کوردستان بوو کە بە حکوومەتی یەگرتنەوە دەناسرێت.لەساڵی ٢٠٠٩ سەرۆکوەزیران دەدرێتە یەکێتیی نیشتمانیی کوردستان ئەمە بەپێی ڕێکەوتنی پارتی و یەکیتیی بوو لە ئەنجامدا بەرهەم ساڵح دەبێتە سەرۆککوەزیران ئینجا لە شووباتی ٢٠١٢ پۆستە دووبارە دەدرێتەوە پارتی دیموکراتی کوردستان و دووبارە نێچیرڤان بارزانی دەکرێەتوە سەرۆککوەزیران ئەمەش تاکوو ئەیلوولی ٢٠١٣ بەردەوام بوو. لە هەڵبژاردنەکانی ئەیلوولی ٢٠١٣ دووبارە پارتی دیموکراتی کوردتان هەڵبژاردنەکانی بردەو و نێچیرڤان بارزانیش بۆ جارێکی دی کرایەوە سەرۆککوەزیران.

ژیانی تایبەتی[دەستکاری]

نێچیرڤان بارزانی لەگەڵ نەبیلە بارزانی کچی مەسعود بارزانی ژیانی ھاوسەری پێکھێناوە و چوار مناڵیان ھەیە بە ناوەکانی‌ «ئیدریس»و «ڕانیە» و "چياڤان" و "مايا" . نێچیرڤان بارزانی جگە لە کوردی، زمانی فارسی باش دزانێت‌، ھەروەھا عەرەبی و ئینگلیزی باش دزانێت‌.[ژێدەر پێویستە]


سەرچاوەکان[دەستکاری]