بنەماڵەی بارزانی

بارزان کۆنفدراسیۆنێکە بریتییە لە یەکگرتنی نێوان ٧ ھۆزی کوردستان، پێکھاتوون لە ھۆزەکانی: مزووری باڵا، شێروانی، دۆلەمەری، بەڕۆژی، نزاری، ھەرکی، گەردی.

ئەم ھۆزانە دانیشتووی ناوچەکانی باکووری پارێزگای ھەولێرن لە سەرەتای سەدەی ٢٠ لەلایەن شێخ عەبدولسەلامی دووەمی بارزانی کران بە یەک کۆنفدراسیۆن لە پێناو ئامانجی نەتەوەیی دا ھەموویان بڕیاڕیان دا لە دەوری شێخ عەبدولسەلام کوببنەوە. زۆرجار ئەم کۆنفیدراسۆنە بە عەشیرەت ناو دەبرێت بەڵام ئەمە بۆچوونێکی ھەڵەیە بەڵکو کۆنفیدراسیۆنی بارزان ھاوپەیمانییەتییە و زیادتر لە ١٢٥ ساڵە لە نێوان ٧ ھۆز پێکھێنراوە ناویان لە ناوی گوندی بارزان سەر بە ھۆزی بەڕۆژی وەرگیراوە و نازناویان بارزانی-یە و بە جامانەی سوور کە لەگەڵ جلی کوردی لەسەردەکرێت دەناسرێنەوە.

ھاونیشتیمانییانی کۆنفیدراسیۆنی دەڤەری بارزان لە نێوان ١٥٠،٠٠٠ بۆ ١٧٥،٠٠٠ کەسدایە. بنەماڵەی بارزانی لە ئێستادا وەک یەکێک لە بەھێزترین بنەماڵە کوردییەکان ھەژمار دەکرێن.

کەسایەتییە دیارەکان

• 

  خشتەی کەسایەتییە دیارەکانی بارزانی بە کورتی

  شێخ عەبدولسەلام بارزانی (١٨٨٧–١٩١٤): سەرکردەیەکی کورد.
• ئەسینات بارزانی (١٥٩٠–١٦٧٠): یەکەم ژنی جوو کە لە مێژوودا ناوی ھاتبێت.
• ئەیووب بارزانی: نووسەر و سیاسەتوان.
• ئەحمەد بارزانی (١٨٩٦–١٩٦٩): سەرۆکی بنەماڵەی بارزانی لە باشووری کوردستان.
• مەلا مستەفا بارزانی (١٩٠٣–١٩٧٩): دروستکەری پارتی دیموکراتی کوردستان.
• مەحبووبە بارزانی (نادیار): ھاوسەری یەکەمی مەلا مستەفا.
• مۆشێ بارزانی (١٩٢٨–١٩٤٧): ئەندامی ڕێکخراوەی لحا.
• دلۆڤان بارزانی (١٩٦٦–٢٠١٨): سیاسەتوان و برای دوانەی نێچیرڤان بارزانی.
• ئیدریس بارزانی (١٩٤٤–١٩٨٧): یەکەم شۆفێری فرۆکەی کورد.
• مەسعوود بارزانی (١٩٤٦): سەرۆکی پارتی دیموکراتی کوردستان (١٩٤٦-ئێستا).
• ئەدھەم بارزانی (١٩٦٢): ئەندامی پەرلەمانی کوردستان.
• مەسروور بارزانی(١٩٦٨): کوڕی مەسعود بارزانی، سەرۆکی حکوومەتی ھەرێمی کوردستان.
• نێچیرڤان بارزانی (١٩٦٦): سەرۆکی ھەرێمی کوردستان (٢٠١٩-ئێستا).
• ڕەوان بارزانی (١٩٨١): پێشمەرگە و سیاسەتوان.
• سیروان بارزانی (١٩٧١): فەرماندەیەکی پێشمەرگە و بازرگان.
• مەنسوور بارزانی (١٩٧٣): پێشمەرگە.
• نەبیلە بارزانی: هاوسەری نێچیرڤان بارزانی و کچی مەسعوود بارزانی یە.
• چیاڤان بارزانی: کوڕی نێچیرڤان بارزانی یە.