فەرموودەی مەقتووع

فەرموودەی مەقتوع بریتییە لەو فەرموودەیەی کە کارێک یان وتەیەک دەداتە پاڵ شوێنکەوتوێک(تابیعیەک).

جۆرەکانی فەرموودەی مەقتوع:

1. فەرموودەی مەقتوعی وتەیی (قەولی) وەک ئەوەی فەرموودەکە بڵێ فڵان شوێنکەوتوو (تابعی) وایگوت. بۆ نموونە حەسەنی بەسری دەربارەی نوێژ لەدوای بیدعیە چیەوە دەڵێ (نوێژی لەدوا بکە و بیدعەکەی لەسەر خۆی) بە عەرەبی (صلِّ وعليه بدعته).
2. فەرموودەی مەقتوعی کردەیی(فعلی) وەک ئەوەی فەرموودەکە بڵێ فڵان شوێنکەوتوو (تابعی) وایکرد. بۆ نموونە ئیبڕاهیمی کوڕی موحەممەد کوڕی مونتەشیر دەڵی (مەسروق پەردەی بە نێوان خۆی ماڵو منداڵیدا دەدا، وخەریکی نوێژکردن دەبوو، وازی لە ئەوان و دنیاکەیان دەهێنا) بەعەرەبی (كان مسروق يرخي الستر بينه وبين أهله، ويقبل على صلاته، ويخليهم ودنياهم).

حوکمی فەرموودەی مەقتوع

فەرموودەی مەقتوع نابێ بە بەڵگە و حوکمی شەرعی لێوە وەرناگیرێ ئەگەر ڕشتەکەشی تەواو بێ و فەرموودەکە سەحیحیش بێ. بەڵام بەزۆری بۆ ڕونکردنەوەی قورئان و فەرموودەکان بەکاردەهێنرێت.

ناسراوترین ئەو کتێبانەی فەرموودەی مەقتوعیان تێدایە؛

1. مصنف.ابن أبي شيبة
2. مصنف. عبدالرزاق الصنعاني
3. تفسير الطبري
4. تفسير ابن أبي حاتم
5. تفسير ابن المنذر.