فەرموودەی غەریب

فەرموودەی غەریب (بە عەرەبی: حديث غريب‎) بریتییە لەو فەرموودەیەی کە تەنیا یەک کەس گێڕابێتیەوە. ئەو یەک کەسە لەهەموو بەشەکانی ڕشتەکەیدا بێت یان لەهەندێک یاخود تەنیا لەبەشێکی ڕشتەکەیدا بێت.

جۆرەکانی فەرموودەی غەریب

١_فەرموودەی غەریبی ڕەها(موتڵەق) ئەو فەرموودەیەیە کە لە بنچینەی ڕشتەکەیدا تەنیا کەسێک گێڕابێتیەوە. بۆ نموونە پێغەمبەری ئیسلام دەڵێت: "بەدڵنیاییەوە کارەکان بە مەبەستەکانی پشتیانەوەن" بە عەرەبی "إنما الأعمال بالنيات" ئەم فەرموودەیە لە بنچینەی ڕشتەکەیدا تەنیا عومەری کوڕی خەتاب گێڕاویەتیەوە.

٢_فەرموودەی غەریبی ڕێژەیی(نیسبی) ئەو فەرموودەیەیە کە لە بەشێک لە بەشەکانی ڕشتەکەیدا یان زیاتر تەنیا کەسێک هەبێت. بۆ نموونە "پێغەمبەر صلى الله عليه وسلم چوە ناو شاری مەککە و خوددەی لەسەردا بوو" بە عەرەبی "دخل النبي صلى الله عليه وسلم المكة وعلى رأسه المغفر"ئەم فەرموودەیە ئیمامی مالیک تەنیا لە زوهریەوە گێڕاویەتیەوە.

دیارترین ئەو کتێبانەی فەرموودەی غەریبیان تێدایە

١_مسند البزار

٢_المعجم الأوسط. الطبراني

دیارترین ئەو کتێبانەی دەربارەی فەرموودەی غەریب نوسراون

١_غرائب مالك. الدارقطني

٢_الأفراد. الدارقطني

٣_السنن التي تفرد بكل سنة منها أهل بلدة. أبو داود السجستاني.