یاریی کۆتاییی جامی جیھانیی فیفای ٢٠١٨
| یاریی کۆتاییی جامی جیھانیی فیفای ٢٠١٨ | |
|---|---|
 | |
| بەشێکە لە | 2018 FIFA World Cup knockout stage |
| پۆلی پێشبڕکێ | تۆپی پێی پیاوان |
| وەرزش | تۆپی پێ |
| وڵات | ڕووسیا |
| جێ | Luzhniki Stadium |
| پۆتانی شوێن | ٥٥°٤٢′٥٧″N ٣٧°٣٣′١٣″E |
| بەشێک لە زنجیرەی | جامی جیهانیی فیفای ٢٠١٨، France national association football team match |
| پاشکۆ | یاریی کۆتاییی جامی جیھانیی فیفای ٢٠١٤ |
| لەدوای ئەو | یاریی کۆتایی جامی جیھانیی فیفای ٢٠٢٢ |
| کاتی ڕوودان | ١٥ی تەممووزی ٢٠١٨ |
| ڕێکەوتی دەستپێکردن | ١٥ی تەممووزی ٢٠١٨ |
| ڕێکخەر | فیفا |
| یانە بەشداربووەکان | هەڵبژاردەی تۆپی پێی فەڕەنسا، ھەڵبژاردەی تۆپی پێی کرواتیا |
| براوە | هەڵبژاردەی تۆپی پێی فەڕەنسا |
| Statistical leader | ئانتوان گریزمان |
 | |
یاریی کۆتاییی جامی جیھانیی فیفای ٢٠١٨ کۆتا یاری جامی جیھانیی فیفای ٢٠١٨ بوو، کە ٢١ەمین خولی کێبڕکێی فیفا بۆ ھەڵبژاردە نیشتمانییەکانی تۆپی پێ بوو.[١] یارییەکە لە ١٥ی تەممووزی ٢٠١٨ لە یاریگای لوزنیکی لە شاری مۆسکۆ لە ڕووسیا لە نێوان ھەردوو وڵاتی فەرەنسا و کرواتیا ئەنجامدرا. پاڵەوانێتییەکە لە ڕووسیای میواندار و ٣١ ھەڵبژاردەی دیکە پێکھاتبوو. ٣٢ ھەڵبژاردەکە لە قۆناغی کۆمەڵەکاندا ڕکابەرییان کرد، لەو قۆناغەدا ١٦ ھەڵبژاردە سەرکەوتنیان بۆ بۆ قۆناغی ١٦ بەدەستھێنا. لە ڕێگای گەیشتن بە یاریی کۆتاییی، فەرەنسا لە کۆمەڵەی سێیەمدا پلەی یەکەمی بەدەستھێنا، بە دوو بردنەوە و یەکسانبوون، دوای ئەوە لە قۆناغی ١٦دا لە ئەرژەنتین و لە قۆناغی چارەکی کۆتایی ئۆروگوای و لە قۆناغی پێش کۆتاییدا لە بەلجیکای بردەوە. کرواتیا بە سێ بردنەوە پلەی یەکەمی کۆمەڵەی چوارەمی بەدەستھێنا، پێش ئەوەی لە قۆناغی ١٦دا لە دانمارک بباتەوە و لە قۆناغی چارەکی کۆتاییدا لە ڕووسیا بباتەوە – ھەردووکیان لە ڕێگەی لێدانەکانی یەکلاکەرەوە و دواتر لە قۆناغی پێش کۆتایی ئینگلتەرا بردەوە. یاریی کۆتاییی لە بەردەم ٧٨ ھەزار و ١١ ھاندەر بەڕێوەچوو کە زیاتر لە ملیارێک کەس لە تەلەڤیزیۆنەکانەوە بینەری بوون و ناوبژیوانی یارییەکە نێستۆر پیتانای ئەرژەنتینیی بوو.
لە گێمی یەکەم ماریۆ مانزۆکیچ یارزانی کرواتی لە خولەکی "١٨" بە ھەڵە گۆڵی یەکەمی یارییەکەی لە خۆیان تۆمارکرد و فەڕەنسای بە گۆڵیێک پێشخست. پێش ئەوەی کە یاریزان ئیڤان پێریشیچ ئەنجامەکە یەکسان بکاتەوە. دوای ماوەیەکی کەم، فەرەنسا لێدانی سزای پێدرا کاتێک پیتانا بڕیاریدا کە پێریشیچ بە ئەنقەست مامەڵەی لەگەڵ تۆپەکەدا کردووە. بڕیارەکە لە ئەنجامی ڕاوێژکاری لەگەڵ یاریدەدەری ناوبژیوانی ڤیدیۆیی، کە بۆ یەکەمجار لە مۆندیالێکدا لە پاڵەوانێتی ٢٠١٨ بەکارھێنرا.[٢] بڕیارەکە لەلایەن ھەندێک لە شارەزایانی وەک ئالان شیرەرەوە ڕەخنەی لێگیرا، لەکاتێکدا ھەندێکی دیکەی وەک کریس وادل پێیانوابوو ڕاستە. ئەنتوان گریزمان لێدانەکەی جێبەجێ کرد و توانی گۆڵ تۆماربکات. ئەنجامی گێمی یەکەم بە ٢–١ لە بەرژەوەندی فەڕەنسا کۆتایی ھات. لە خولەکی ٥٩دا ئەو پێشکەوتنەیان درێژکردەوە، دوای ئەوەی پۆڵ پۆگبا گۆڵی سێیەمی تۆمارکرد. کیلیان مباپێ گۆڵی چوارەمی فەڕەنسا لە دەرەوەی ناوچەی سزا تۆمارکرد و، بووە دووەم لاو کە گۆڵی لە یاری کۆتایی جامی جیھانییدا تۆمارکردبێت دوای پێلێ لە ساڵی ١٩٥٨, پێش ئەوەی ماندوکیچ سوود لە ھەڵەیەکی ھوگۆ لۆریس وەربگرێت و گۆڵی دووەمی بۆ کرواتیا تۆمار بکات و یارییەکە بە ئەنجامی ٢–٤ کۆتایی ھات.
فەڕەنسا دووەم نازناوی لە مێژووی خۆیدا بەرزکردەوە، دوای سەرکەوتنەکەی لە ساڵی ١٩٩٨ کە میواندار بوو. گریزمان وەک باشترین پیاوی یارییەکە دەستنیشانکرا، لە بەرامبەردا لۆکا مۆدریچی کرواتی خەڵاتی تۆپی زێڕینی پێبەخشرا وەک باشترین یاریزانی نایابی فیفا. پاڵەوانی بەرگریکاری جامی جیھانیی فیفای ٢٠١٤ ئەڵمانیا بوو.[٣] لە قۆناغی کۆمەڵەکان دەرکرا پاش ئەوەی لە دوای سوید و مەکسیک و کۆریای باشوورەوە پلەی چوارەمی کۆمەڵەکەی بەدەستھێنا.[١]
سەرچاوەکان[دەستکاری]
- ^ ئ ا Stokkermans, Karel (9 August 2018). "World Cup 2018". RSSSF. Archived from the original on 30 June 2020. Retrieved 17 October 2021.
- ^ 2018 WORLD CUP FINAL: France 4-2 Croatia (بە ئینگلیزی), retrieved 2023-12-01
- ^ Stokkermans, Karel (5 July 2018). "World Cup 2014". RSSSF. Archived from the original on 19 October 2018. Retrieved 22 September 2021.
- "France v Croatia – 2018 FIFA World Cup Final – Full Match". FIFA. 17 May 2020. Retrieved 25 October 2021 – via YouTube.
بەستەرە دەرەکییەکان[دەستکاری]
 |
کۆمنزی ویکیمیدیا، میدیای پەیوەندیدار بە یاریی کۆتاییی جامی جیھانیی فیفای ٢٠١٨ تێدایە. |