ئەمە وتارێکی باشە. بۆ زانیاریی زۆرتر کرتەی لەسەر بکە.

وەن پیس

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
وەن پیس
One Piece, Volume 61 Cover (Japanese).jpg
بەرگی پەرتووکی شەست و یەکی "وەن پیس"، دەرچووە لە ژاپۆن لەلایەن شویشاوە لە ٤ی شوباتی ٢٠١١
(ONE PIECE(ワンピース
(Wan Pīsu)
چەشن ئەکشن، سەرکێشی، کۆمیدیای دراما، فەنتازیا
مانگا
نووسراوە لە لایەن ئییچیرۆ ئۆدا
کێشراوە لە لایەن  ئییچیرۆ ئۆدا
بڵاوکراوەتەوە لە لایەن شوئیشا
دێمۆگرافیا شۆنن
چاپمەن جەمپ کۆمیکس
گۆڤار ھەفتانەی شۆنن جەمپ
گۆڤاری ئینگلیزی شۆنن جەمپ (ئەمریکای باکوور)
وەشانی ڕەسەن ٢٢ی تەممووزی ١٩٩٧ – ئێستا
بەرگەکان ٨٦ پەرتووک (تا ئێستا)
زنجیرە تەلەفیزیۆنی ئەنیمێ
دەرھێنەر کونوسکی ئۆدا (#١–١٣٠، #١٩٦–٢٦٣)
(١٩٩٩ - ٢٠٠٦)

جونجی شیمیزو (#١٣١–١٩٥)
مونیھیسا ساکای (#٢٦٤–٣٨١)
(٢٠٠٦ - ٢٠٠٨)
ھیرۆواکی میامۆتۆ (#٣٨٢–٥١٦، ٦٢٩–٧٤٦) (٢٠٠٨ - ئێستا)
تۆشینۆری فوکازاوا (#٥١٧–٦٢٨، ٧٨٣–ئێستا)
ساتۆشی ئیتۆ (#٧٤٧–٧٨٢)
تاتسویا ناگامینی (#٧٤٧–٧٨٢)
بەرھەمھێنەر ماکۆتۆ سینو
ھیرۆیۆکی ساکورادا
نووسەر جۆنکی تاکیگامی (#١–١٩٥)
(١٩٩٩ - ٢٠٠٦)

ھیرۆھیکۆ ئۆیساکا (#١٩٦–ئێستا) (٢٠٠٦ - ئێستا)
ئاوازدانان کۆھێ تاناکا
شیرۆ ھاماگوچی
ستودیۆ تۆیی ئەنیمەیشن
شەبەکەی ڕەسەن فوجی تیڤی (وە ئێستگەکانی تری ئێف ئێن ئێس)
پەخشی ڕەسەن ٢٠ی تشرینی یەکەمی ١٩٩٩ – ئێستا
ئەڵقەکان ٨٠١
Anime P icon.png دەروازەی ئەنیمێ و مانگا
نیشانەی تیمی چەتەکانی کڵاو شەپقە

وەن پیس (ワンピース Wan Pīsu)، بریتییە لە زنجیرە مانگایەکی ژاپۆنی لە نووسینی ئییچیرۆ ئۆدا. زنجیرەکە دەستی بە بڵاوکردنەوە کرد لە گۆڤاری ھەفتانەی شۆنن جەمپ لە ٤ی ئابی ١٩٩٧، و بەشەکان بە شێوەیەکی سەربەخۆ بڵاودەکرێنەوە لە پەرتووکی تانکوبون لەلایەن شوئیشاوە؛ یەکەم تیراژ دەرچوو لە ١٤ی کانوونی یەکەمی ١٩٩٧، و پەرتووکی ٧٢ ھەمین دەرچوو لە تشرینی یەکەمی ٢٠١٣. وەن پیس چیرۆکی سەرکێشییەکانی مۆنکی دی لوفی دەگێڕێتەوە، کوڕێک کە جەستەی توانای کشانی وەرگرتووە دوای خواردنی میوەی شەیتان بە ھەڵە، لەگەڵ تیمە جیاوازەکەی لە چەتەکان، کە پێیان دەوترێت چەتەکانی کڵاو شەپقە. لوفی دەریا ئاشکرا دەکات لە کاتی گەڕان بە دوای مەزنترین گەنجینەی جیھان ناسراو بە «وەن پیس» بۆ ئەوەی ببێتە دووەم فەرمانڕەوای چەتەکان.

بەشەکانی زنجیرەکە گۆڕدراوە بۆ وێنەی جوڵاوی ڕاستەقینە بۆ ڤیدیۆ (ئۆڤا) لە بەرھەمھێنانی ئای جی لە ساڵی ١٩٩٨، و زنجیرەیەک ئەنیمێ لە بەرھەمھێنانی تۆیی ئەنیمەیشن کە لە ساڵی ١٩٩٩ پەخش کردنی دەست پێکرد لە ژاپۆن. لەو کاتەوە پەخش کردنی زنجیرەکە بەردەوامە. تا ئێستا گەیشتۆتە سەرو ٨٠٠ زنجیرە. تۆیی ئەنیمەیشن ١٢ فیلمی بڵاو کردووەتەوە، و پێنج زنجیرەی تایبەت (ئۆڤا). چەندین کۆمپانیای گەورە دەستیان کرد بە دروستکردن و بڵاوکردنەوەی کاغەزی بازرگانی، و ژمارەیەک زۆر لە یاری ڤیدیۆ. ھەروەھا چووە ناو پەرتووکی گینس بە «زۆرترین زنجیرەی چیرۆکی نەخشێندراو کە بڵاو کرابێتەوە و چاپ کرابێت لەلایەن ھەمان نووسەرەوە» و ئەمەش دوای ژمارەکانی کانوونی یەکەمی ٢٠١٤ ھات کە مانگاکە توانی ٣٢٠٫٨٦٦٫٠٠٠ تیراژ چاپ بکات لە جیھاندا. لە ساڵی ٢٠٠٨ وەن پیس بوو بە بڵاوترین زنجیرەی مانگا.[١] لە ساڵی ٢٠١٠ شۆیشا ڕایگەیاند کە تا ئێستا زیاتر لە ٢٦٠ میلیۆن پەرتووکیان فرۆشتووە لە مانگای وەن پیس، پەرتووکی ٦١ بە ناوی (شەڕی مارنفۆرد) توانی خۆی تومار بکات وەک بەرزترین یەکەم تیراژی پەرتووکێک کە لە ژاپۆن فرۆشراوە بە ٣٫٨ میلیۆن تیراژ (ژمارەی پێشوو دەگەڕێتەوە بۆ پەرتووکی ٦٠ بە ٣٫٤ میلیۆن تیراژ). پەرتووکی ٦٠ یەکەم پەرتووک بوو کە زیاتر لە میلیۆنێک تیراژی لێ فرۆشرابێت لە یەکەم ھەفتەی کردنەوەی لە پەرتووکەکانی ئۆریکۆن لە ژاپۆن.[٢] وەن پیس ئێستا دانراوە وەک باشترین زنجیرەی مانگا کە فرۆشراوە.[٣] وە بە ھاتنی ٢٠١٣ زنجیرەکە زیاتر لە ٣٤٥ میلیۆن تیراژی لێ فرۆشرا لە جیھاندا، کە ٣٠٠ ملیۆنی ھەر لە ژاپۆندا بوو.[ژێدەر پێویستە]


چیرۆک[دەستکاری]

زنجیرەکە دەست پێدەکات بە لەسێدارەدانی گۆڵد دی ڕۆجەری ناسراو بە "فەرمانڕەوای چەتەکان" (海賊王 Kaizokuō). پێش مردنی ڕۆجەر ڕایگەیاند کە گەنجینەکەی وەن پیس (ひとつなぎの大秘宝 (ワンピース) Wan Pīsu) دەبێتە موڵکی ھەر کەسێک کە بتوانێت بیدۆزێتەوە، ئەمەش بووە ھۆی دروستبوونی «گەورەترین سەدەی چەتەکان» (大海賊時代 Dai Kaizoku Jidai) لە مێژوودا. وەک ئەنجامێک بۆ ئەمە چەندین چەتە دەرچوون بەرەو سنووری گەورە بۆ گەڕان بە دوای گەنجینەکەدا.

کەشتی ساوزند سەنی "ھەزار خۆری"

بیست و دوو ساڵ تێپەڕیوە بەسەر لە سێدارەدانی ڕۆجەر، و مۆنکی دی. لوفی بەڕێکەوتووە، کوڕێکی بچکۆلانەی گەنج کە لەلایەن ھاوڕێی منداڵییەوە «شانکسی قژ سوور» بیرۆکەی وەرگرتووە، (کە ئەندامێکی پێشووی تیمی چەتەکانی گۆڵد دی ڕۆجەر بوو لەو کاتەی کە دەگەڕان بۆ دۆزینەوەی وەن پیس و بوون بە فەڕمانڕەوای چەتەکان)، بۆ گەڕان و دروستکردنی تیمێکی چەتە (چەتەکانی کڵاو شەپقە 麦わらの一味 Mugiwara no Ichimi)، لوفی شمشێربازێکی ناسی بە ناوی رۆرۆنۆ زۆرۆ، ئەوان بە یەکەوە دەستیان کرد بە گەشتەکەیان بۆ دۆزینەوەی وەن پیس. دوای ماوەیەکی کورت چاویان بە نامی کەوت (ڕێ نیشاندەر و دز)، ئۆسۆب (نیشانەشکێن و درۆزن)، سانجی (چێشتلێنەر و مێباز) کە بووە ھۆی بەریەککەوتن لەگەڵ باگی، و کاپتن کورۆ، و دۆنگ کریگ، و دواتر لەگەڵ پیاوی ئاوی ئۆرلۆنگ کە ئەندام بوو لە تیمی چەتەکانی خۆر، کە پێی وابوو کە پیاوی ئاوی پێگەی بەرزترە لە مرۆڤ. دوای بەزاندنی ئۆرلۆنگ لەلایەن لوفییەوە نامی بە فەرمی ھاتە ناو چەتەکانی کڵاو شەپقە، و ھێزی دەریاییی خەڵاتێکی بۆ سەری لوفی دانا. دوای ئەمە لوفی چاوی بە کاپتن سمۆکەر کەوت، کاپتنێک لە ھێزی دەریایی کە دەتوانێت شێوەی خۆی بگۆڕێت بۆ دووکەڵ، سمۆکەر لوفی دەستگیر کرد، بەڵام ڕزگاری بوو بە ھۆی باوکییەوە، مۆنکی دی دراگۆن. دوای گەیشتنیان بە سنووری گەورە، تیمەکە چاویان بە نیفیرتاری فیفی کەوت، شازادەیەک کە دەیەوێت یارمەتی وڵاتەکەی بدات (دەوڵەتی ئارەباستا) لە ڕێکخراوی بارووک وۆرکس. لەکاتی ئەمانەدا چاویان بە ئاسکی مێینە تۆنی تۆنی چۆپەر کەوت لە دوورگەی زستان (بەفر).

چەتەکانی کڵاو شەپقە گەیشتنە ئاراباستا، کە ئەمەش بووە ھۆی بەریەککەوتن لەگەڵ ڕێکخراوی بارووک وۆرکس و سەرکردەکەیان کرۆکۆدایل، لوفی کرۆکۆدایلی بەزاند و لە کۆتاییدا ئاراباستای ئازاد کرد. لە کاتێکی تردا نیکۆ ڕۆبین زانایەکی شوێنەوارناسی و ئەندامێکی پێشووی ڕێکخراوی بارووک وۆرکس ھاتە ناو تیمەکەوە. دواتر چاویان بە ڕیش ڕەش کەوت، کە خەون دەبینێت ببێت بە فەڕمانڕەوای چەتەکان. دواتر ڕۆشتن بۆ دوورگەی فڕیوی سکایبیا، تیمەکەی کڵاو شەپقە تێکەڵی جەنگی نێوان سکایبیاییەکان و شاندریاییەکان بوون، کە بە ھۆیەوە ناچار بوون شەڕکەن بەرامبەر فەرمانڕەوای دوورگەکە بە ناوی «ئینێل»، کە خاوەنی ھێزی ھەورەبرووسکەیە، لوفی ئینێلی بەزاند و کۆتایی بە شەڕەکە ھێنا. دواتر تیمەکە چاویان بە ئەدمیرالی ھێزی دەریا «ئۆکیجی» کەوت، کە ئاشکرای کرد کە ڕۆبین تێوەگلاوە لە گەڕان بە دوای پۆنیگلیف، کە بریتییە لە بەردێک بە ھێمای سەیر کە لەلایەن شارستانییەتی پێشووەوە بەجێھێڵدراوە بۆ ئاشکراکردنی ئەو سەد ساڵە ونبووەی کە حکوومەتی جیھان سڕیوێتییەوە. تیمەکە ڕۆیشتن بۆ وۆتری کەشتی، کە تێیدا چاویان بە ئەندازیاری گەشتی سایبۆرگ فرانکی کەوت، و بەوەیان زانی کە کەشتییەکەیان، گۆینگ مێری، پێویستە پارچە پارچە بکرێت کە ئەمەش بووە ھۆی ڕۆشتنی ئۆسۆب بۆ ماوەیەکی کاتی. لەو کاتەدا، سایڤەر پوول ٩، کە دەزگای زانیاری حکوومەتی جیھانە، ڕۆبین و فرانکیان دەستگیر کرد لە پێناو دەستکەوتنی زانیاری دەربارەی پۆنیگلیف و چەکە کۆنەکان کە لەوانەیە لێیەوە دەربکرێت. فرانکی دوای سووتاندنی زانیارییەکانی دروست کردنی چەکەکە، ھاوپەیمانێتی خۆی لەگەڵ کڵاو شەپقە ڕاگەیاند بەرامبەر حکوومەتی جیھان، کە بووە ھۆی شەڕ لە نێوان سایڤەر پوول ٩ (سی پی ٩) و چەتەکانی کڵاو شەپقە. شەڕە درێژەکەی نێوان سی پی ٩ و چەتەکانی کڵاو شەپقە کۆتایی ھات بە ڕزگارکردنی ڕۆبین و دروست کردنی کەشتییە نوێکەی تیمەکە بە ناوی خۆری ھەزاری، لەلایەن فرانکییەوە، کە بووە یەکێک لە ئەندامانی تیمەکە. دوای ماوەیەک تیمەکە یارمەتی ئێسکەبەندی مۆسیقاژەن "برۆکیان" دا بۆ وەرگرتنەوەی سێبەرەکەی لە سریلەر بارک، کە لەلایەن یەکێک لە حەوت چیچبۆکاییەکان دزرابوو، کە ئەویش گیکۆ مۆریایە، و برۆک بوو بە ئەندام لە تیمەکەدا.

کەشتی گۆینگ مێری

دواتر تیمەکە خۆی ئامادە کرد بۆ ڕۆشتن بۆ جیھانی نوێ، نیوەی دووەمی جیھان، بۆیە لە دوورگەی ئەرخەبیل شاپۆندی وەستان، و لەوێ چاویان بە سیلڤەر رایلی کەوت (ئەندامی پێشووی تیمی چەتەکانی ڕۆجەر) کە داوای ئەوەیان لێ کرد کە کەشتییەکەیان داپۆشێت تا بتوانن گەشت بکەن بە ژێر ئاودا، بەڵام لە کۆتاییدا تیمەکە لە یەک جیابوونەوە بە ھۆی شەڕکردن لەگەڵ بارسولۆمیۆ کوما (سایبۆرگێکی زەبەلاح کە کاری بۆ ھێزی دەریایی دەکرد) و بووە ھۆی ناردنی لوفی بۆ دوورگەی ژنان بە تەنھا. دواتر بەوەی زانی کە براکەی پۆرتوگاس دی ئێس دەستگیرکراوە لە زیندانی ئیمبل دۆن؛ لوفی ڕۆشت بۆ ئەوێ و توانی چەند زیندانییەک ئازاد بکات، لە نێوانیاندا جینبێی پیاوی ماسی و ھەندێک لە دووژمنە کۆنەکانی. دواتر لوفی بەوەی زانی کە ئێس نێردراوە بۆ مارینفۆرد بۆ لەسێدارەدانی، و لە کاتی ڕۆشتنیدا بۆ ئەوێ جەنگێکی گەورە ڕوویدا لە نێوان ھێزی دەریاییی و تیمی چەتەکانی ڕیش سپی، جەنگەکە کۆتایی ھات بە کووژرانی ئێس و ڕیش سپی (ئێدوارد نیوجەیت). دواتر لوفی بە ھۆی داواکارییەکەی رایلییەوە فەرمانی کرد بە تیمەکەی کە دەستکەن بە ڕاھێنانێکی قورس بۆ پەرە پێدانی تواناکانیان؛ لەم کاتەدا ھەر یەکێکیان لە شوێن و دوورگەیەکی جیاواز بوون.

دوای دوو ساڵ، تیمەکە کۆبوونەوە لە دوورگەی شاپۆندی، و دەستیان کرد بە گەشت کردن بۆ دوورگەی ماسییەکان کە ناسراو بە دوورگەی یوجین، بۆ ڕۆیشتن بۆ جیھانی نوێ. لەو کاتەدا کە لوفی و تیمەکەی گەیشتنە دوورگەی یوجین، تیمێکی ماسی دەرکەوتن کە دەیانەوێت ببن بە گەورەی مرۆڤەکان، ھەڵسان بە کودەتایەک بۆ دیاریکردنی چارەنووسی دوورگەکە. لەو کاتەدا لە نێوان جینبی و نامیدا چەند شتێک ڕوویدا (جینبی دانی بەوەدا نا کە ئەو کەسە بوو کە ڕێگەی داوە بە ئۆرلۆنگ دەست بەسەر شینی ڕۆژھەڵاتدا بگرێت) و نامی لە جینبی خۆش بوو لەبەر بەڕەڵاکردنی ئۆرلۆنگ لە شینی ڕۆژھەڵات. دواتر شەڕێک لە نێوان چەتەکانی کڵاو شەپقە و چەتەکانی یوجین ھەڵگیرسا و بە بردنەوەی لوفی و تیمەکەی کۆتایی پێھات، کە بەمەش دوورگەکەیان ڕزگار کرد. دواتر لوفی و تیمەکەی دوورگەی یوجینیان بەجێھێشت و لە کۆتاییدا گەیشتنە جیھانی نوێ، بەڵام پێش گەیشتنیان دووژمنایەتی خۆیان بۆ یەکێک لە چوار بەھێزترین چەتەکانی جیھانی نوێ، ناسراو بە بیگ مام، ڕاگەیاند. دوای ئەمانە گەیشتنە دوورگەیەک کە نیوەی ئاگرە و نیوەی بەستەڵەکە، بانک ھازارد، و لەوێ چاویان بە ھاوڕێیەکی کۆن و یەکێک لە حەوت چیچبۆییەکان کەوت، ترافەلگار لاو. ئەمان ھاوپەیمانییەکیان ئەنجامدا و یەکیان گرت بۆ بەزاندنی چوار بەھێزەکەی جیھانی نوێ "یۆنکۆ" (四皇 Yonkō). ھاوپەیمانییەکە کێشکرا بۆ شەڕێکی گەورە دژ بە سیزار کلاون، ئەو زانایەی کە بەرپرس بووە لە وێرانکردنی بانک ھازارد پێش چوار ساڵ. دوای بەزاندنی سیزار و دەستگیرکردنی، ھاوپەیمانییەکە بەڕێکەوت بۆ دریسرواز (دەوڵەتێک لە ژێر فەرمانڕەوای دۆنکیھۆتی دۆفلامینگۆ)، لە پێناو تێکشکاندنی کارگەی سمیایل وەک دووەم ھەنگاو بۆ لەناوبردنی چوار یۆنکۆکە (کایدۆ). ئێستا لەو کێبڕکێیەدایە کە دۆفلامینگۆ ڕێکیخستووە، ئەوەش ڕووی دا کاتێک زانی کە خەڵاتەکە میوەی مێرا مێرا نۆمی تایبەتە بە ئێسە، و پێویستە ڕێگە بە کەس نەدات کە ئەو میوەی تایبەتە بە براکەی بکەوێتە دەستی کەسانی تر، وە ھەر لەم کێبڕکێیەدا بەوەی زانی کە براکەی تری "سابو" زیندووە؛ بۆیە شوێنی خۆیان گۆڕییەوە لە کێبڕکێیەکەدا، و لەو کاتەی سابو خەریکی شەڕە بۆ بردنەوەی مێرا مێرا ئەو خەریکی ڕۆشتنە بۆ شەڕکردن لەگەڵ دۆفلامینگۆ. لە کۆتاییدا، سابو مێرا مێرای بردەوە و لەو کاتەدا لوفی و لاو دەستیان بە شەڕەکەیان کرد لەگەڵ دۆفلامینگۆ و تریبۆل، «جێبەجێکاری گەورە لە بنەماڵەکەدا.» لەو کاتەدا ھێزی دەریایی ئامادە دەبێت لەگەڵ ئەدمیراڵە نوێکەی «فوجیتورا.» دوای شەڕێکی گەورە لوفی دۆفلامینگۆی بەزاند، بەوەش دڵخۆشیی خۆی ڕاگەیاند و گەڕایەوە بۆ دریسرواز. دوای تێپەڕبوونی ماوەیەکی کورت بەسەر ڕووداوەکانی دریسروازدا، پەردە لەسەر یەکێک لە چوار یۆنکۆکە لابرا، «کایدۆ» و تیمەکە دابەش بوو بۆ دوو بەش، تیمی یەکەم بە سەرۆکایەتی لوفی ڕۆشت بۆ ئازادکردنی سانجی (دوای فڕاندنی لەلایەن بیگ مامەوە) و تیمی دووەم بە سەرۆکایەتی زۆرۆ و لاو چاوەڕێی گەڕانەوەی ھاوپەیمانییەکەی نێوان مینک و نینجا و سامۆرای لەگەڵ چەتەکانی پێشووی ڕیش سپی دەکەن.[٤]

ناوەڕۆک[دەستکاری]

نەخشەی جیھانی وەن پیس

جیھانی وەن پیس پێکھاتووە لە مرۆڤ و چەندین بوونەوەری تر، لێیان زەبەلاحەکان و پەری دەریا و یوجین، «پیاوانی ماسی» (ڕەگەزێک لە ماسی/مرۆڤە جێھێڵدراوەکان). جیھان داپۆشراوە بە دوو زەریای فراوان، کە زنجیرە شاخێک جیایان دەکاتەوە کە پێی دەوترێت «ھێڵی سوور» (赤い土の大陸(レッドライン)Reddo Rain؟).[٥] «ھێڵی گەورە» (偉大なる航路(グランドライン) Gurando Rain)، زەریاکە بە شێوەیەکی ئاسۆیی دەڕوات بە ھێڵی سووردا، بەمەش زەریاکەی دابەش کردووە بۆ چوار دەریا: شینی باکوور (北の海(ノースブルー) Nōsu Burū)، شینی ڕۆژھەڵات (東の海(イーストブルー) Īsuto Burū؟)، شینی ڕۆژاوا (西の海(ウェストブルー) Uesuto Burū)، و شینی باشوور (南の海(サウスブルー) Sausu Burū).[٦] ھەروەھا دوو ھێڵ بە ناوی «ناوچەی ئارام» (凪の帯(カームベルト) Kāmu Beruto) ھەیە، کە تێیدا ھیچ ھەوایەک یان شەپۆلی دەریایی تێیدا تێپەڕ نابێت. ئەوێ شوێنی زیاد بوونی بوونەوەرێکە بە ناوی فەرمانڕەوای دەریا (海王類 Kaiō-rui). ھەر بۆیە وەک بەربەستێکی گەورە دادەنرێت بۆ ئەو کەسانەی کە دەیانەوێت بچنە ناو ھێڵی گەورە.[٧] ئەمەش لە کاتێکدایە کە کەشتییەکانی ھێزی دەریایی بەردێکی تایبەتی زەریایی (海楼石 Kairōseki) بەکار دێنن بۆ تێپەڕ بوون بە ئاسانی،[٨] بەڵام ھەر پێویستە لەسەر زۆربەیان کەناڵی شاخە پێچەوانەییەکە (リヴァース・マウンテン Rivāsu Maunten) بەکار بێنن، لە شاخەکەدا ڕێگای یەکەم لەگەڵ ھێڵی گەورە و ھێڵی سوور بەیەک دەگات.[٩] ئاوی زەریا لە ھەر چوار دەریاکەی جیھانەوە بەیەک دەگات لە لوتکەی شاخەکە کە دەبێتە ھۆی دروستبوونی کەناڵێکی پێنجەم کە بۆ نیوەی یەکەم لە ھێڵی گەورە دەڕوات، لەگەڵ نیوەی دووەم لە ھێڵی سوور، و ھەروەھا ناسراوە بە «جیھانی نوێ» (新世界Shin Sekai).[١٠]

شەپۆلەکانی زەریای ھێڵی گەورە ناتوانرێت پێشبینی بکرێت، ئەمەش لە کاتێکدایە کە دوو دوورگەکە لە پاڵ یەکدیدایە.[١١] و ئەوەی وا لە ڕێگانیشاندەر دەکات زۆرتر دژوارتر بێت ئەوەیە کە نیشاندەری ئاسایی لەوێ کار ناکات.[١٢] بەڵکو نیشاندەرێکی تایبەت پێویستە بەکار بێت کە بە ناوی دەرزی تۆمارکەر (記録指針(ログポース) Rogu Pōsu) دەناسرێت.[١٣] شێوازی کار کردنی دەرزی تۆمارکەر ئەوەیە کە نیشاندەرەکە پێویستە کێڵگەی موگناتیسی دوورگەکە تۆمار بکات و دواتر نیشاندەرەکە ڕێگای دوورگەی دواتر نیشان دەدات.[١٤] کاتی دیاریکراو بۆ تۆمارکردنی کێڵگە موگناتیسییەکە دەگۆڕێت لە دوورگەیەکەوە بۆ دوورگەیەکی تر.[١٥] دەتوانیت لەم کردارە خۆت ڕزگار بکەیت بە بەکارھێنانی نیشاندەری ھەتا ھەتاییی (永久指針(エターナルポース) Etānaru Pōsu)، کە تەنھا ڕێگای یەک دوورگە نیشان دەدات، واتە تەنھا بەستراوەتەوە بە یەک دوورگەوە.[١٦]

جیھانی وەن پیس پڕیەتی لە جیابوونەوەی مێژوویی، وەک ھێلکە شەیتانۆکەی وەڵام دەرەوە (電伝虫 Den-Den Mushi)، ئاژەڵێکە ھاوشێوەی ھێلکە شەیتانۆکەیە کە دەتوانرێت ببەسترێت بە کارەباوە و وەک تەلەفون بەکار بێت،[١٧] و ئامێری فاکس،[١٨] و کامێرای چاودێری،[١٩] و ئامێرە ھاوشێوەکان.[٢٠] دیسک (貝(ダイアル) Daiaru)، کڕکڕاگەی ئاژەڵانێک کە لە ئاسماندا دەژین، دەتوانرێت بەکاربھێنرێت بۆ ھەڵگرتنی وزە، ھەوا، دەنگ، وێنە، ئاگر، و چەندەھا شتی تر، ھەروەھا چەندەھا شێوەی بەکارھێنانی ھەیە.[٢١]

میوەی شەیتان[دەستکاری]

میوەی شەیتانی (悪魔の実 Akuma no Mi) بریتییە لە جۆرێک لە میوە کە کاتێک دەخورێت خاوەنەکەی ھێزێکی تایبەت بەدەست دێنێت.[٢٢] سێ جۆر میوەی شەیتانی بوونی ھەیە.[٢٣] میوەی زۆن (動物系(ゾオン) Zōn) ڕێگە بە بەکارھێنەرەکەی دەدات کە بە تەواوی یان بەشێک لێی بگۆڕێت بۆ ئاژەڵێکی دیاری کراوی ڕاستەقینە (بەڵام ھەندێک لە میوەکان ڕێگە بە بەکارھێنەرەکانی دەدات کە بگۆڕێن بۆ ئاژەڵێکی ئەفسانەیی وەک قەقنەس و ئەژدیھا).[٢٤] میوەی لۆگیا (自然系(ロギア) Rogia) کۆنتڕۆڵ کردن دەبەخشێت و ڕێگە بە بەکارھێنەرەکەی دەدات «لاشەی خۆی بگۆڕێت بۆ ھێزە سروشتییەکان.»[٢٥] پارامیسا (超人系(パラミシア) Paramishia) بریتییە لە فراونترین جۆری میوە کە بەکارھێنەرەکەی دەبێتە خاوەنی ھێزی سەروو مرۆڤایەتی.[٢٦] دەوترێت میوەی شەیتان بریتییە لە بەرجەستە بوونی خودی شەیتانی دەریا، و وەک ئەنجامێک بۆ ئەمە بەکارھێنەرانی میوەی شەیتان ناتوانن لە ئاوی دەریادا مەلە بکەن، کاتێک ئەوان «دەریا ڕقی لێیانە.»[٢٧] تەنانەت ئەو کاتەی تەنھا بەشێکیان دەچێتە ناو دەریاوە، ئەوان ھەموو ھێزی خۆیان و ھاوسەنگییان لەدەست دەدەن، بەڵام ھەندێک لە تواناکان دەمێنێتەوە، وەک تواناکەی لوفی لە درێژ بوون. ئاوی "جوڵاو" وەک باران و شەپۆل کاریگەری نییە. ئەو کاتەی بەکارھێنەرێکی میوەی شەیتان دەمرێت ئەوا میوەکە دیسانەوە بەرجەستە دەبێت لە شێوەی میوەیەکی شەیتانی نوێ.[٢٨]

ھاکی[دەستکاری]

ھاکی (覇気 Haki، "بەرزخواست") بریتییە لە توانایەک کە ھەموو بوونەوەرێک لە وەن پیسدا ھەیەتی بەڵام لە ھەندێکیاندا خامۆشە. سێ جۆر ھەیە: ھاکی پێشبینی (見聞色の覇気Kenbunshoku no Haki) ڕێگە بە ھەستکردن بە بوونەوەرەکانی تر دەدات و ھەروەھا پێشبینی جوڵەکانیان دەکات. ھاکی خۆ چەک کردن (武装色の覇気 Busōshoku no Haki) ڕێگە بە کەسەکە دەدات کە بەشێک لە لاشەکەی دابپۆشێت بە ھێزێکی ھاو شێوەی قەڵغان کە دەتوانرێت بۆ خۆ پاراستن و ھێرش کردن بەکار بێت، ھەروەھا توانای زیانگەیاندن بە بەکارھێنەرەکەی دەدات بەرامبەر بەکارھێنەرانی میوەی شەیتانی لۆگیا، ھاکی پاشایەتی (覇王色の覇気 Haōshoku no Haki) ڕێگە بە بەکارھێنەرەکەی دەدات کە ئەو بوونەوەرانەی خاوەنی ئارەزوویەکی لاوازن بیانترسێنێت یان بێ ھۆشیان بکات، دەتوانرێت لەکاتی شەڕدا بەکار بێت وەک ئەوەی ڕوویدا کاتێک لوفی لەگەڵ دۆفلامینگۆدا شەڕی کرد.

کەسایەتییە سەرەکییەکان[دەستکاری]

تیمی کڵاو شەپقە[دەستکاری]

ھێزی دەریایی[دەستکاری]

وێنەی جلی یەکێک لە ئەندامەکانی ھێزی دەریایی

بریتییە لە ھێزێکی سەربازی کە فەرمانەکانی حکوومەتی جیھان جێبەجێ دەکات و گرنگی بە بابەتەکانی چەتە و ھێزە سەربازییەکان دەدات. ھێزەکە لە لایەن ئەدمیراڵی کەشتیگەلەوە بەڕێوەدەبرێت، وە ڕاستەوخۆ لە ژێرییەوە پلەی ئەدمیراڵ بوونی ھەیە کە بە گشتی سێ لە بەھێزترین سەربازەکانی ھێزی دەریایی بەڕێوەی دەبەن، وە لە ژێرییەوە پلەی جێگری ئەدمیراڵ ھەیە.

ناو نازناو مانای نازناو تەمەن زانیارییەکان
پۆرسالینۆ کیزارۆ مەیموونی زەرد ئەو یەکێکە لە ئەدیمیراڵەکانی ئێستا و پێشووی ھێزی دەریایی و تەمەنی ئێستای ٥٨ ساڵە، ئەو دووەم ئەدمیراڵە دەربکەوێت. کیزارۆ میوەی بیکا بیکای خواردووە کە بریتییە لە میوەی ڕووناکی، کە ھێزێکی زۆر گەورەی ھەیە و توانای جوڵەی ھەیە بە خێرایی ڕووناکی، وە یەکێکە لە میوەکانی لۆگیا.
ئیچیۆ فۆجیتۆرا پڵنگی مۆر ئەو یەکێکە لەو ئەدمیراڵانەی کە دوای دوو ساڵ دەرکەوتووە و خاوەنی شمشێرێکە. ئەو زۆر بەھێزە بەڵام ھێشتا ڕێک ھێزی میوەکەی نەزانراوە بەڵام وا دیارە پەیوەندی بە کێشکردنەوە ھەیە. ئەو توانی بە ئاسانی لێدانێکی دۆفلامینگۆ بوەستێنێت.
نەزانراوە ریوکۆگیۆ گای سەوز ئەو یەکێکە لەو ئەدمیراڵانەی کە دوای دوو ساڵ دەرکەوتووە، بەڵام تەنھا لە وێنەیەکی کەمی ناو ئەنیمێ و مانگادا دەرکەتووە. ھێزی نەزانراوە

یۆنکۆ[دەستکاری]

OOjs UI icon article-ltr.svg وتاری سەرەکی: یۆنکۆ

لە ڕاستەوە: شانکس، ڕیش ڕەش، کایدۆ، بیگ مام

یۆنکۆ یان چوار پاڵەوانەکە بریتیین لە چوار چەتە فەرمانڕەوایی جیھانی نوێ دەکەن، وە لە ھەمان کاتدا ئەوان بە بەھێزترین چەتەی دەریا دادەنرێن. کە بریتیین لە: شانکس، بیگ مام، کایدۆ، ڕیش ڕەش (پێشتر ڕیش سپی یەکێک بوو لە چوار یۆنکۆکە).

ناو نازناو زانیاری ھێز
چارلۆت لینلین بیگ مام ژنێکی گەورەیە، قەبارەی جەستەی گەورەیە، عەزی پەمەیی لەبەر دەکات و ھەروەھا شیرینی خۆشدەوێت. میوەی ڕۆح[٢٩].
کایدۆ پاشای دڕندە خاوەنی سەد دڕندە خاوەنی بەھێزترین لاشەیە لە جیھانی وەن پیسدا. خاوەنی بەھێزترین لاشەیە لە جیھاندا (تا ئێستا ھێزی تەواوی دەرنەکەوتووە لە ئەنیمێکەدا)[٣٠].
شانکس قژ سوور چەتەیەکی پێشوو بووە لەلای گۆڵد ڕۆجەر وە ھەروەھا ئەو کەسەیە کە کڵاو شەپقەکەی داوەتە لوفی. خاوەنی ھاکی پاشەیەتییە، یەکسان بووە لەگەڵ بەھێزترین شمشێرباز لە جیھاندا (میھۆک)[٣١].
مارشاڵ دی تیچ ڕیش ڕەش چەتەیەکی پێشوو بووە لەلای یۆنکۆ ڕیش سپی و شوێنی گرتۆتەوە. میوەی تاریکی و میوەی بوومەلەرزە[٣٢].

چیچیبۆکای[دەستکاری]

ئەوان حەوت چەتەن واز لە بەدوا کەوتنیان ھێنراوە و خاوەنی تایبەتمەندین کە لە لایەن حکوومەتی جیھانەوە پێیان دراوە بەرامبەر ئەو ھاوپەیمانییەی کە لەگەڵ حکوومەتی جیھاندا کردوویانە. کە ئەوانیش بریتیین لە: میھوک، بارسۆلۆمیۆ کوما، بۆا ھانکۆک، باگی قۆشمەچی، دۆفلامینگۆ، ترافەلگار لاو، ئێدوارد ویبل.

ناو خەڵاتی پێشوو نازناو تەمەن زانیاری
میھوک ٦٠٠ میلیۆن بیلی چاوی ھەڵۆ ٤٣ ساڵە، ٤١ (پێش دوو ساڵ) بەھێزترین شمشێربازە لە جیھاندا، وە ئەو ھەروەھا بەھێزترین چیچیبۆکایە، ئەو ھەموو کات ھاوسەنگ بووە لەگەڵ یۆنکۆ شانکس، وە ھەروەھا لە شەڕی ماریفۆردا پارێزگاری لە پۆستەکەی کرد.
باگی قۆشمەچی ١٥ میلیۆن بیلی ئەستێرە قۆشمەچی نەزانراوە ئەو سەرکردەی چەتەکانی باگییە لە شینی ڕۆژھەڵاتەوە، زۆر بەھێز نییە، بەڵام خاوەنی ناوبانگێکی زۆرە، ھەروەھا ئەو ئەندامێکی پێشووی چەتەکانی گۆڵد دی ڕۆجەرە.
بۆا ھانکۆک ٨٠ میلیۆن بیلی شازادەی مارەکان، شاژنی چەتەکان ٣١ ساڵە، ٢٩ (پێش دوو ساڵ) ئەو جوانترین ژنی ناو وەن پیسە، وە ئەو زۆر بەھێزە خاوەنی ھاکی پاشایەتییە، ئەو کۆیلەیەکی پێشووی ئەژدیھا ئاسمانییەکان بوو، وە ھەروەھا ئەو پاڵەوانی زنجیرەکە مۆنکی دی لوفیی خۆشدەوێت.
بارسۆلۆمیۆ کوما ٢٩٦ میلیۆن بیلی ستەمکار ٤٧ ساڵە

٤٥ (پێش دوو ساڵ)

ئەو ئەندامێکی پێشووی سوپای شۆڕشگێڕانە و لەلایەن زانا فیگابانکەوە جەستەی گۆڕدراوە بۆ سایبۆرگ، وە ئەو زۆر بەھێزە، ئەو یەکێکە لە کەسایەتییە بەھێزەکانی زنجیرەکە و ھەروەھا زۆرێک لە لوفی بەھێزترە.
دۆن کیھۆتی دۆفلامینگۆ ٣٤٠ میلیۆن بیلی جۆکەر ٤١ ساڵە ٣٩ (پێش دوو ساڵ) ئەو سەرکردەی چەتەکانی دۆنکیھۆتییە، ئەو پیاوێکی باڵا درێژە و خاوەنی میوەی پەتە کە دەتوانێت بە بەکارھێنانی ھەر بەشێکی بەرامبەرەکەی بقڕتێنێ و کۆنتڕۆڵی خەڵکی پێ بکات.
ترافەلگار لاو ٥٠٠ میلیۆن بیلی نەشتەرگەری مەرگ ٢٦ ساڵە ٢٤ (پێش دوو ساڵ) ئەو سەرکردەی چەتەکانی دڵە و پزیشکێکی زۆر لێھاتووە، وە ھەروەھا ئەو زۆر بەھێزە، توانی زۆر بە ئاسانی پۆستی چیچیبۆکای بەدەست بھێنێت.

سپای شۆڕشگێڕ[دەستکاری]

بریتییە لە کۆمەڵەیەک مەبەستیان ڕووخاندنی حکوومەتی جیھانە لە پێناو بە دەستھێنانی ئازادی، کۆمەڵەکە سەرکردایەتی دەکرێت لەلایەن باوکی لوفییەوە "مۆنکی دی دراگۆن".

سوپەرنۆڤا[دەستکاری]

OOjs UI icon article-ltr.svg وتاری سەرەکی: چەتەکانی سوپەرنۆڤا

سوپەرنۆڤا ئەوان یازدە چەتەن دەرکەوتوون لە ئەنیمێ و مانگای وەن پیسدا. ئەوان ئەو چەتە سەرکەوتووانە بوون کە گەیشتنە دوورگەکانی شاپۆندی لە ھەمان کاتدا و خەڵاتەکانی سەریان ۱۰۰ میلیۆن بیلی تێپەڕاند بوو لە کاتی گەیشتنیان. وە ھەروەھا ئۆدا ئەوەی ئاشکرا کرد کە ئەوان کەسایەتی نەمرن و لە داھاتوودا ڕۆڵێکی گەورەیان دەبێت.

ناو خەڵات شوێنی لەدایک بوون تەمەن زانیاری
یوستاس کید ٤۷۰ میلیۆن بیلی، ۳۱٥ میلیۆن بیلی (پێشتر) شینی باشوور ۲۳ ساڵە، ۲۱ (پێش دوو ساڵ) ئەو سەرکردەی چەتەکانی کیدە، وە ئەو خاوەنی میوەی موگناتیسە کە وای لێ دەکات ئاسن ڕابکێشێت، ھەروەھا ئەو خەڵاتێکی بەرزتر لە لوفی ھەبوو پێش دوو ساڵ بەڵام دواتر لوفی بەشداری شەڕی ماریفۆرد کرد کە ئەمە بووە ھۆی دابەزینی خەڵاتەکەی بۆ دووەم بەرزترین خەڵات لە ناو سوپەرنۆڤادا، ئەو زۆر بەھێزە کاتێک کە خاوەنی دوورگەیەکە لە جیھانی نوێدا، ئەو لە دوو سڵەکەدا ھەر خەریکی شەڕ بووە تا دەستێکی لەدەستاوە و دوو کەشتی بیگ مامی تێک شکاندووە. ئەو ھاپەیمانی ئاپۆ و ھوکنزە.
ترافەلگار لاو ٥۰۰ میلیۆن بیلی، ٤٤۰ میلیۆن بیلی (پێشتر) شینی باکوور ۲٦ ساڵە، ۲٤ (پێش دوو ساڵ) ئەو نەشتەرگەر و سەرکردەی چەتەکانی دڵە، وە ئەو زۆر بەھێزە و خاوەنی میوەی ژوورە کە ڕێگەی پێ دەدات کە ھەر شتێک بییەوێت بیبڕێ، ئەو دەناسرێت بە نەشتەرگەری مەرگ، ئەو یەکێکە لە سێ بەھێزترین چەتەکانی سوپەرنۆڤا. ھاوپەیمانی لوفییە.
مۆنکی دی لوفی ٥۰۰ میلیۆن بیلی شینی ڕۆژھەڵات، لادێی فوشا ۱۹ شاڵە، ۱۷ (پێش دوو ساڵ) ئەو سەرکردەی چەتەکانی کڵاو شەپقەیە و پاڵەوانی زیرەی وەن پیسە. وە ئەو یەکێکە لە سێ بەھێزترین چەتەی ناو سوپەرنۆڤا، وە ھەروەھا ئەو بچووکترین چەتە تێیاندا (تەمەن)، وە ئەو خاوەنی بەرزترین خەڵاتە لە ناو سوپەرنۆڤادا کە پێشتر ٤۰۰ میلیۆن بیلی بوو، وە پاشان بوو بە ٥۰۰ میلیۆن بیلی دوای بەزاندنی دۆفلامینگۆی کۆتا دووژمنیان. ئەو بەکارھێنەری میوەی (مطاط) ە، وە خاوەنی ھاکی پاشایەتییە، ھەروەھا ئەو کوڕی مۆنکی دی دراگۆنە سەرکردەی سوپایی شۆڕشگێڕ، وە نەوەی مۆنکی دی گاربە جێگری ئەدمیراڵی ھێزی دەریایی.
سکراچمین ئاپۆ ۳٥۰ میلیۆن بیلی،

۱۹٨ میلیۆن بیلی (پێشتر)

گراند لاین ۳۱ ساڵە، ۲۹ (پێش دوو ساڵ) ئەو سەرکردەی چەتەکانی ئاپۆیە و لە ھۆزی قۆڵ درێژەکانە، وە ئەو خاوەنی میوەیەکی شەیتانییە کە توانای ژەنینی پێ دەدات لەگەڵ تەقاندنەوەی بەرامبەرەکەی. وە ئەو ھاوپەیمانی کید و ھوکنزە.
باسیڵ ھوکنز ۳۲۰ میلیۆن بیلی، ۲٤۳ میلیۆن بیلی (پێشتر) شینی باکوور ۳۱ ساڵە، ۲۹ (پێش دوو ساڵ) ئەو سەرکردەی چەتەکانی ھوکنزە و خاوەنی توانای میوەی شەیتانییە کە ڕێگە دەدات ئەو لێدانەی بەری دەکەوێت بیگۆڕێت یان بیگوازێتەوە بۆ کەسێکی تر. ئەو ھاوپەیمانی کید و ئاپۆیە.
ئێکس درەیک ۲۲۲ میلیۆن بیلی (پێشتر) شینی باکوور ۳۱ ساڵە، ۲۹ (پێش دوو ساڵ) ئەو سەرکردەی چەتەکانی درەیکە و جێگرێکی پێشووی ھێزی دەریاییە، ئەو لە ھوکنز و ئاپۆ بەھێزترە و خاوەنی میوەیەکی شەیتانییە لە جۆری زۆن کە وای لێ دەکات خۆی بگۆڕێت بۆ دایناسۆڕ، ھێشتا خەڵاتە نوێکەی نەزانراوە.
کیلەر ۲۰۰ میلیۆن بیلی، ۱٦۲ میلیۆن بیلی (پێش دوو ساڵ) شینی باشوور ۲۷ ساڵە، ۲٥ (پێش دوو ساڵ) ئەو جێگری سەرکردەی چەتەکانی کیدە و ھەروەھا ئەو شمشێربازێکی لێھاتووە و خێراییەکی باشی ھەیە.
جۆلری بۆنی ۱٤۰ میلیۆن بیلی شینی باشوور ۲٤ ساڵە، ۲۲ (پێش دوو ساڵ) ئەو تاکە ژنە لە سوپەرنۆڤادا و سەرکردەی چەتەکانی بۆنییە، حەزی بە خواردنە، توانای میوەی شەیتانی ھەیە کە وای لێ دەکات کۆنتڕۆڵی تەمەنی خۆی و بەرامبەرەکەی بکات، وە ئەو لە لایەن ڕیش ڕەشەوە دەستگیر کرا تا ئەکاینۆ ھاتوو و ڕزگاری کرد.
کابوونی بیجی ۱۳٨ میلیۆن بیلی شینی ڕۆژاوا ٤۲ ساڵە، ٤۰ (پێش دوو ساڵ) ئەو سەرکردەی چەتەکانی تانکی ئاگرە، خاوەنی توانای میوەی شەیتانی قەڵایە کە ئەوە ڕێگەی پێ دەدات کە سەربازەکانی بکاتە ناو جەستەی خۆیەوە و بەکاریان بھێنێت بۆ ھێرش کردن لە ڕێگەی سوارچاکەوە کە دوای دەرچوونی لە لاشەی گەورە دەبێت، وە ئەو بوو بوو بە شوێنکەوتەی بیگ مام دوای دوو ساڵ بەڵام دواتر لەگەڵ چووە پاڵ لوفی بۆ خستنی.
رۆرۆنۆ زۆرۆ ۳۲۰ میلیۆن بیلی شینی ڕۆژھەڵات ۲۱ ساڵە، ۱۹ (پێش دوو ساڵ) ئەو شمشێربازی چەتەکانی کڵاو شەپقەیە و یەکێکە لە ھەرە گرنگترین کەسایەتییەکان، وە ئەو زۆر بەھێزە وەک ئەنجامێک بۆ ڕاھێنانەکەی بە دەستی میھوک، شێوازی سێ شمشێری بەکاردێنێت کە زۆر جیاواز و بەھێزە، خەونەکەی ئەوەیە ببێتە بەھێزترین شمشێرباز لە جیھاندا.
ئاوروج ۱۰٨ میلیۆن بیلی دوورگەی ئاسمان ٤۷ ساڵە، ٤٥ (پێش دوو ساڵ) ئەو سەرکردەی چەتەکانی کەشیشی کەوتووە لە دوورگەی ئاسمانەوە، وە ئەو خاوەنی باڵە (ھاوشێوەی باڵی فریشتەکان)، ھێزی میوەی شەیتانی ھەیە کە وای لێ دەکات زیانە جەستەییەکان بگۆڕێت بۆ ھێزی جەستەیی.

دەرچوونەکان[دەستکاری]

نیشاندەری تۆمارکەر: جۆرێکی تایبەتی نیشاندەرە بەکاردێت لە ڕێگا نیشاندان لە گراند لایندا.

مانگا[دەستکاری]

مانگاکە نووسراوە و کێشراوە لە لایەن ئییچیرۆ ئۆداوە، زنجیرە مانگاکە بڵاو کراوەتەوە لە گۆڤاری ھەفتانەی شۆنن جەمپ لە بەرواری ٢٢ی تەممووزی ١٩٩٧.[٣٣] وە ژمارەکانی مانگاکە کۆ کراوەتەوە لە کتێبی تانکۆبۆن لەلایەن شۆیشاوە لە کانوونی یەکەمی ١٩٩٧.[٣٤] تا ئێستا ٨۷۳ ژمارە لە مانگاکە دەرچووە لەگەڵ ٨٦ کتێبی تانکۆبۆن.[٣٥] ئۆدا ھاوپەیمانییەکی لەگەڵ ئاکیرا توریاما کردووە بۆ ئەوەی کرۆسێکی تایبەت لە وەن پیس و دراگۆن بۆڵ دروست بکەن. وە یەکەم دیمەن بڵاو کراوەتەوە لە ۲٥ کانوونی یەکەمی ۲۰۰٦ لە ھەفتانەی شۆنن جەمپ ھەروەھا لە نیسانی ۲۰۱۱ لە گۆڤاری شۆنن جەمپی ئینگلیزی.[٣٦]

ئەنیمێ[دەستکاری]

ژمارەی زنجیرەکانی ئەنیمێی وەن پیس گەیشتۆتە نزیکەی ٨۰۱ زنجیرە، وە زنجیرەکە نزیکەی ھەموو ھەفتەیەک دەر دەچێت یان چوار زنجیرە مانگانە، وە بە ھۆی نزیک کەوتنەوەی زنجیرەکە لە مانگاکە گۆڕانکاری لە زنجیرەکە کراوە بۆ ئەوەی یەک زنجیرەی زنجیرەکە ببێتە یەک ژمارەی مانگاکە لەگەڵ زیادکردنی زۆرێک لە زانیاری.

فیلم[دەستکاری]

دوای دەرکەوتنی ئەنیمێکە لەسەر تەلەڤیزیۆن، کۆمپانیاکە ھەڵسا بە دروست کردنی ۱۲ فیلمی درێژ (بێجگە لە فیلمی ۱۱ کە تەنھا ۳۰ خولەکە)، ھەموو بەھارێک لە ساڵی ۲۰۰۰ بڵاو دەکرێتەوە، وە فیلمەکان بە بەکارھێنانی مادەی گرابەھا و وێنەی بەرز دروست دەکرێت. ھەروەھا لەگەڵ ئەوەشدا سێ فیلمی کورت و تایبەتی دروست کردووە، وە ئەم فیلمانە پەیوەندی بە زنجیرەکەوە نییە (سەما، تۆپی پێ، بەیسبۆڵ)

فیلمەکان بەم شێوەیە:

  • بەدواکەوتنی گەنجینەی ئۆن
  • سەرکێشی لە دوورگەی کاتژمێردا
  • شانشینی چۆپەر لە دوورگەی ئاژەڵان
  • سەرکێشی کۆتایی داخراو
  • یاری شمشێری پیرۆز
  • بارۆن ئۆماتسۆری و دوورگەی نھێنی
  • سەربازی قەڵای کاراکوری ئامێر
  • شازادەی بیابان و چەتەکان
  • گوڵی زستان و پەرچووی ساکورا
  • جیھانێکی بەھێز
  • بەدواکەوتنی کڵاو شەپقە (فیلمەکە بە شێوەی 3D پیشان دەدرێت)
  • وەن پیس Z
  • وەن پیس گۆڵد

ئۆڤا (OVA)[دەستکاری]

  • خەونی ۹ تۆریکۆ و وەن پیس و دراگۆن بۆل Z سوپەر (ھاوپەیمانییەکی تایبەت)
  • وەن پیس 3d2y

فیلمی شانۆیی[دەستکاری]

سێزدە فیلمی شانۆیی ئەنیمەیشن بەپێی زنجیرەی ئەنیمی وەن پیس بڵاو کراوەتەوە لە لایەن تۆیی. لە ساڵی ۲۰۰۰ فیلمەکان بەپێی خوو و نەریتی کۆن (کلاسیک) بڵاو دەکرێتەوە لە کاتی پشووی بەھارەی قوتابخانە ژاپۆنییەکان.[٣٧] فیلمەکان بە گشتی بەشێک لە پیلانە بنەڕەتییەکان یان گرتە ڕاستەقینییەکانی زنجیرەکەی تێدایە، ھەروەھا جۆریەتییەکی فیلمەکە بەرزترە لەو زنجیرە ئەنیمێیەی کە ھەفتانە پێشکەش دەکرێت. فیلمەکانی ھەشتەم، دەیەم، و دوازدەیەم لە ئەمریکای باکوور بڵاو دەکرێتەوە لە ڕێگەی فیونیمەیشن.[٣٨][٣٩]

یاری ڤیدیۆ[دەستکاری]

یاری ڤیدیۆیی وەن پیس بریتییە لە کۆمەڵەیەک یاری ڤیدیۆیی دروست کراوە لەسەر ئەو مانگا و ئەنیمێیەی کە ئییچیرۆ ئۆدا دروستی کردووە، کە ناسراوە بە ناوی وەن پیس. زنجیرەکە بۆ یەکەم جار دەرچوو لە ژاپۆن لە ١٩ی تەممووزی ٢٠٠٠.[٤٠] یارییەکان لە لایەن کۆمپانیای باندای و کۆمپانیای بانپریستۆوە پێش خراوە، پاشان بوو بە بەشێک لە باندای نامکۆ ئینتەرتەینمەنت. یارییەکە ڕوو دەدات لە جیھانی خەیاڵی وەن پیسدا لەگەڵ ئەو سەرکێشییانەی دێتە ڕێی مۆنکی دی لوفی و تیمی کڵاو شەپقە. یارییەکە دەرچووە لە سەر زۆر ئامێری یاری کردن وەک: پلەیستەیشن و ئێکس بۆکس وەن و ئای ئۆ ئێس و ئەندرۆید و مایکرۆسۆفت ویندۆز و پلەیستەیشن ڤیتا و سیستەمی وی.

مۆسیقا[دەستکاری]

مۆسیقای تۆمارکەری زنجیرەی یەک پارچە (وەن پیس) تۆمار کراوە لە لایەن کۆھێ تاناکا و شیرۆ ھاماگوچی. زۆربەی بابەتەکانی گۆرانییەکە و پیتەکانی نزیکەی ٤۹ تاکە گۆرانی بوو. ھەشت ئەلبومی تۆمارکردن دەرچووە لەگەڵ حەڤدە مۆسیقای تۆمارکردن لە ڕێگەی CD کە تێیدا ئەو گۆرانی و مۆسیقانەی تێدایە کە لە زنجیرەکەدا بەشداری پێ کراوە.

پەخش کردن[دەستکاری]

ژاپۆن[دەستکاری]

ھەموو ھەفتەیەک زنجیرەیەک لە بەیانی ڕۆژی یەک شەممە پەخش دەکرێت.[ژێدەر پێویستە]


کوردستان[دەستکاری]

ھێشتا ھیچ کەناڵێک مافی پەخش کردنی نییە.

ئەمانەش ببینە[دەستکاری]

سەرچاوەکان[دەستکاری]

  1. ^ http://comipress.com/article/2008/12/31/3733.html
  2. ^ http://www.oricon.co.jp/news/81934/full/
  3. ^ http://asiapacificarts.usc.edu/w_apa/showarticle.aspx?articleID=16431&AspxAutoDetectCookieSupport=1
  4. ^ پەرتووکەکانی تانکۆبۆنی مانگای وەن پیس (One Piece) لە ١ بۆ ٨٥
  5. ^ ئۆدا ئییچیرۆ (September 2008). "ヤルキマン·マングローブ". 11人の超新星. وەن پیس (بە زمانی ژاپۆنی). ٥١. شوئیشا. ISBN 978-4-08-874563-3
  6. ^ ئۆدا ئییچیرۆ (شوباتی ٢٠٠٠). "リヴァースマウンテン". 伝説は始まった. وەن پیس (بە زمانی ژاپۆنی) ١٢. شوئیشا. لاپەڕە 36. ISBN 4-08-872822-X.
  7. ^ ئۆدا ئییچیرۆ (شوباتی ٢٠٠٠). "リヴァースマウンテン". 伝説は始まった. وەن پیس (بە زمانی ژاپۆنی). ١٢. شوئیشا. لاپەڕەکانی 38–43. ISBN 4-08-872822-X.
  8. ^ ئۆدا ئییچیرۆ (مارتی ٢٠٠٧). "その海の名は". 心中お察しする. وەن پیس (بە زمانی ژاپۆنی). ٤٥. شوئیشا. لاپەڕەکانی 52–53. ISBN 978-4-08-874314-1.
  9. ^ ئۆدا ئییچیرۆ (شوباتی ٢٠٠٠). "リヴァースマウンテン". 伝説は始まった. وەن پیس (بە زمانی ژاپۆنی). ١٢. شوئیشا. لاپەڕەکانی 44–45. ISBN 4-08-872822-X.
  10. ^ ئۆدا ئییچیرۆ (مارتی ٢٠٠٧). "その海の名は". 心中お察しする. وەن پیس (بە زمانی ژاپۆنی). ٤٥. شوئیشا. لاپەڕەکانی 55–56. ISBN 978-4-08-874314-
  11. ^ ئۆدا ئییچیرۆ (ئەیلوولی ٢٠٠٠). "ね". まっすぐ!!!. وەن پیس (بە زمانی ژاپۆنی). ١٥. شوئیشا. لاپەڕەکانی 116–117. ISBN 4-08-873009-7.
  12. ^ ئۆدا ئییچیرۆ (شوباتی ٢٠٠٠). "記録指針". 伝説は始まった. وەن پیس (بە زمانی ژاپۆنی). ١٢. شوئیشا. لاپەڕەکانی 116–117. ISBN 4-08-872822-X.
  13. ^ ئۆدا ئییچیرۆ (شوباتی ٢٠٠٠). "記録指針". 伝説は始まった. وەن پیس (بە زمانی ژاپۆنی). ١٢. شوئیشا. لاپەڕە 118. ISBN 4-08-872822-X.
  14. ^ ئۆدا ئییچیرۆ (شوباتی ٢٠٠٠). "記録指針". 伝説は始まった. وەن پیس (بە زمانی ژاپۆنی). ١٢. شوئیشا. لاپەڕە 119. ISBN 4-08-872822-X.
  15. ^ ئۆدا ئییچیرۆ (شوباتی ٢٠٠٠). "歓迎の町". 伝説は始まった. وەن پیس (بە زمانی ژاپۆنی). ١٢. شوئیشا. لاپەڕە 146. ISBN 4-08-872822-X.
  16. ^ ئۆدا ئییچیرۆ (نیسانی ٢٠٠٠). "大丈夫!!!". 大丈夫!!!. وەن پیس (بە زمانی ژاپۆنی). ١٣. شوئیشا. لاپەڕەکانی 98–99. ISBN 4-08-872863-7.
  17. ^ ئۆدا ئییچیرۆ (کانوونی یەکەمی ١٩٩٩). "二人目". 東一番の悪. وەن پیس (بە زمانی ژاپۆنی). ١١. شوئیشا. لاپەڕەکانی 74–75. ISBN 4-08-872797-5.
  18. ^ ئۆدا ئییچیرۆ (کانوونی یەکەمی ١٩٩٩). "二人目". 東一番の悪. وەن پیس (بە زمانی ژاپۆنی). ١١. شوئیشا. لاپەڕەکانی 74–75. ISBN 4-08-872797-5.
  19. ^ ئۆدا ئییچیرۆ (حوزەیرانی ٢٠٠٩). もう誰にも止められない. وەن پیس (بە زمانی ژاپۆنی). ٥٤. شوئیشا.ISBN 978-4-08-874662-3.
  20. ^ ئۆدا ئییچیرۆ (حوزەیرانی ٢٠٠٩). もう誰にも止められない. وەن پیس (بە زمانی ژاپۆنی). ٥٤. شوئیشا.ISBN 978-4-08-874662-3.
  21. ^ ئۆدا ئییچیرۆ (کانوونی یەکەمی ٢٠٠٢). "ダイアル·エネルギー". 神の島の冒険. وەن پیس (بە زمانی ژاپۆنی). ٢٦. شوئیشا. لاپەڕەکانی 72–76. ISBN 4-08-873336-3.
  22. ^ ئۆدا ئییچیرۆ (حوزەیرانی ١٩٩٨). "悪魔の実". 偽れぬもの. وەن پیس (بە زمانی ژاپۆنی). ٣. شوئیشا. ISBN 4-08-872569-7.
  23. ^ ئۆدا ئییچیرۆ (تشرینی یەکەمی ٢٠٠٣). 狂想曲. وەن پیس (بە زمانی ژاپۆنی). ٣٠. شوئیشا. لاپەڕە 86. ISBN 4-08-873502-1.
  24. ^ ئۆدا ئییچیرۆ (شوباتی ٢٠٠١). "ڕامبل!!". ヒルルクの桜. وەن پیس (بە زمانی ژاپۆنی). ١٧. شوئیشا. لاپەڕەکانی 71–72. ISBN 4-08-873073-9.
  25. ^ ئۆدا ئییچیرۆ (تشرینی یەکەمی ٢٠٠٣). 狂想曲. وەن پیس (بە زمانی ژاپۆنی). ٣٠. شوئیشا. لاپەڕە 86. ISBN 4-08-873502-1.
  26. ^ ئۆدا ئییچیرۆ (ئابی ٢٠٠٤). 「水の都」ウォーターセブン. وەن پیس (بە زمانی ژاپۆنی). ٣٥. شوئیشا. لاپەڕە 146. ISBN 4-08-873638-9.
  27. ^ ئۆدا ئییچیرۆ (ئەیلوولی ١٩٩٧). "Romance Dawn —冒険の夜明け—". Romance Dawn —冒険の夜明け—. وەن پیس (بە زمانی ژاپۆنی). ١. شوئیشا.ISBN 4-08-872509-3.
  28. ^ ئۆدا ئییچیرۆ (حوزەیرانی ٢٠٠١). "解放". 反乱. وەن پیس (بە زمانی ژاپۆنی). ١٩. شوئیشا. لاپەڕە 177.ISBN 4-08-873133-6.
  29. ^ بیگ ماما وەن پیس ویکیا
  30. ^ کایدۆ وەن پیس ویکیا
  31. ^ شانکس وەن پیس ویکیا
  32. ^ ڕیش ڕەش وەن پیس ویکیا
  33. ^ "Shonen Jump Magazine Outlines 10 Projects Included in One Piece 20th Anniversary Issue on July 15". Anime News Network. July 8, 2017. وەرگیراوە لە July 27, 2017. 
  34. ^ "One Piece/1" (بە Japanese). Shueisha. ئەرشیڤ کراوە، نووسراوەی سەرەکی لە ٢٢ی ئازاری ٢٠٠٩. وەرگیراوە لە March 22, 2009. 
  35. ^ "One Piece/82" (بە Japanese). Shueisha. وەرگیراوە لە June 1, 2016. 
  36. ^ Lawson, Corrina (March 9, 2011). "Comics Spotlight on Shonen Jump #100". Wired. وەرگیراوە لە December 19, 2015. 
  37. ^ "One Piece Movie 10 tentative information". Anime News Network. وەرگیراوە لە January 7, 2009. 
  38. ^ "Funi Adds Seikishi, Yamato: R, One Piece: Strong World, Fairy Tail Film, Akira (Updated)". Anime News Network. July 28, 2012. ئەرشیڤ کراوە، نووسراوەی سەرەکی لە November 27, 2016. وەرگیراوە لە May 4, 2015. 
  39. ^ "Funimation to Release One Piece Film: Z on Home Video". Anime News Network. April 7, 2014. وەرگیراوە لە May 4, 2015. 
  40. ^ From TV Animation: One Piece for WonderSwan - Technical Information, Game Information, Technical Support - Gamespot

سەرچاوە دەرەکییەکان[دەستکاری]