دکتۆر ستۆن
| دکتۆر ستۆن | |
|---|---|
 | |
| سەرناو | Dr.STONE |
| کاری وەرگیراو | Dr. Stone |
| چەشن | science fiction anime and manga، post-apocalyptic manga، ئیسێکای |
| دانەر | Riichiro Inagaki |
| بڵاوکەرەوە | Jump Comics |
| وڵاتی بنەڕەت | ژاپۆن |
| زمان | زمانی ژاپۆنی |
| ڕێکەوتی بڵاوکردنەوە | ٦ی ئازاری ٢٠١٧ |
| Illustrator | Boichi |
| کەسایەتییەکان | Senku Ishigami |
| وێبگە | https://dr-stone.jp/ |
| بڵاوکراوەتەوە لە | ھەفتانەی شۆنن جەمپ |
| مەبەستی گشتی | شۆنن مانگا |
| تاگی "ستەک ئێکسچەینج" | https://anime.stackexchange.com/tags/dr.stone |
دکتۆر ستۆن زنجیرە مانگایەکی ژاپۆنییە لەلایەن ڕیچیرۆ ئیناگاکی ەوە نووسراوە و لەلایەن نەخشێنەری کۆریای باشوور بۆیچی مانگاکە نەخشێندراوە. لە مانگی ٣ی ساڵی ٢٠١٧ەوە لە ھەفتانەی شۆنن جەمپ بەزنجیرە کراوە، و چاپتەرەکانی لەلایەن شوێشاەوە کۆکراونەتەوە و بڵاوکراونەتەوە لە ١٩ بەرگدا تا ئەم ساتە.
ڕەسەنایەتی مانگاکە لە ئەمریکای باکوور لەلایەن ڤیز میدیاوە قۆرغکراوە. شوێشا لە مانگی یەکی ساڵی ٢٠١٩ەوە دەستی بە بڵاوکردنەوەی ئەنیمێیەکە کردووە بە زمانی ئینگلیزی لە پێگە و نەرمەواڵای مانگا پڵەس دا.
ستۆدیۆی تی ئێم ئێس ئینتەرتەیمەند لە مانگی ٧ی ساڵی ٢٠١٩ دا یەکەمین زنجیرەی لە ئەنیمێیەکە پەخشکردوو لە مانگی ١٢ی ھەمان ساڵدا توانی وەرزی یەکەم کۆتایی پێ بھێنێت. وەرزی دووھەمی زنجیرەکە سەرنج دەخاتە سەر جەنگەکانی چاخی بەردین و لە مانگی ١ی ساڵی ٢٠٢١دا یەکەمین زنجیرەی لێ پەخشکرا.
تا مانگی یەکی ساڵی ٢٠٢١ مانگای دکتۆر ستۆن زیاتر لە ٨٫٤ ملیۆن کۆپی لێ دەرچووە، و مانگاکە لە ساڵی ٢٠١٩دا بووە براوەی خەڵاتی ٦٤ھەمینی (Shogakukan Manga Award) بۆ چەشنی شۆنن.
چیرۆک
[دەستکاری]سەرەتای مانگی چواری ٥٧٣٨ـی پاش زاینەو، ٣٬٧٠٠ ساڵ بەسەر ئەو ڕووداوە نامۆیەدا تێپەڕبووە کە ڕوناکییەک بووە ھۆکاری بەبەردبوونی بەنزیکەیی ھەموو مرۆڤایەتی. کەسێکی ١٨ ساڵی زیرەک بە ناوی سێنکو ئیشیگامی بەھۆکارێکی نادیار ڕزگاری بوو لەوەی کە بەسەر مرۆڤایەتیدا ھاتووە و پاش ھەستانەوەی تێبینی ئەوەی کرد کە ئاسەواری مرۆڤایەتی لەلایەن کاتەوە بەتەواوەتی سڕدراوەتەوە. سێنکو ھەڵدەستێت بە سازدانی بنکەیەک و دەستکردن بە توێژینەوەی لەسەر ئەو مرۆڤانەی کەوا بەبەردبوون تا ھۆکاری ئەو ڕووداوە بدۆزێتەوە کە بەسەر مرۆڤایەتیدا ھاتووە، و لەھەمان کاتدا دۆزینەوەی چارەسەرێک بۆی.
پاش ٦ مانگ، سێنکو بەھۆی ترشی نایتریک ەوە توانی چارەسەرێک بۆ ڕزگاربوون بدۆزێتەوە. بەم دۆزینەوەیەی توانی تێکەڵەیەک بھێنێتە بەرھەم کە توانای چارسەرکردنی مرۆڤەکانی دیکەی ھەیە کە بەبەردبوون و ھەڵنا بستێنێتەوە. سێنکو تێکەڵەکەی بەکاربرد بۆ ڕزگارکردنی ھاوڕێکەی تایجیۆ ئۆکی و ھاوپۆلی ھەردووکیان یوزوریھا ئۆگاوا، و کەسێکی دیکەش بەناوی تسوکاسا شیشیۆ کە شارەزای ھونەرە جەنگییەکانە، ئامانجی سێنکو لەم کارە دووبارە بونیاد نانەوەی شانشینێک بوو کە سەرنج بخاتە سەر زانست.
تسوکاسا' بۆی دەرکەوت کە ئەوەی سێنکو ھەوڵی بۆدەدات کە بونیادنانی شانشینێکی نوێی زانستیانەیە ئەم لە دژییەتی، ئەو وابیردەکاتەوە کە ئەو شارستانییەتە نابێت بگەڕێندرێتەوە چونکە خراپەکاری زۆر تێدا بووە. لەجێگەی ئەو شارستانییەتە ئەو وا بەباش دەزانێت کە دونیایەکی نوێ بونیاد بندرێت کە ھێز و توانا فەرمانڕەوایی تێدا بکات. لەسەر ئەو مەبەستەش ھەڵدەستێت بە شکاندنی سەرجەم ئەو بەبەردبوانەی کەوا دێنە بەردەمی بە بیانووی ئەوەی نەبنە بەربەست لەبەردەم ئامانجەکەی.
پاش ئەوەی سێنکو تێکەڵەیەکی دۆزییەوە بۆ ڕزگارکردنی مرۆڤە بەبەردبووەکان، تسوکاسا ھەوڵدەدات سێنکو بکوژێت چونکە پاش دۆزینەوەی تێکەڵەکە سێنکو دەتوانێت چەکێک دروست بکات کە تسوکاسا ناتوانێت بەرامبەری بوەستێتەوە. بە باوەڕبوون بەوەی سێنکو ی کوشتووە، تسوکاسا دەڕوات بەدوای بەدیھێنانی خەونەکەی لە چاخی بەردیندا.
پاش ڕزگاربوونی لە مردن، سێنکو ھۆزێک دەدۆزێتەوە کە لەسەر ھەمان ھەسارە دەژین و بۆی دەرکەوت کە ئەمە ھەلێکە بۆی تا بتوانێت شانشینێکی زانستیانە بونیاد بنێت. لە سەرەتادا ھۆزەکە نیگەران بوون لە ھاتنی سێنکو، بەڵام پاش ماوەیەک بۆیان دەرکەوت کە دەکرێت زانست بەسوود بێت و ڕزگاریان بکات لەو بار و گوزەرانەی تێیدان. لەگەڵ کاتدا، سێنکو متمانەی زیاتری پەیدا کرد و، لەگەڵ ئاگاداربوون لە مێژووی ھۆزەکە بۆی دەرکەوت کە گوندەکە لەلایەن باوکییەوە دامەزراوە، بە ھاوکاری ٥ ئاسمانەوانی دیکە، کە ڕووداوەکە کاریگەری لەسەریان نەبووە بەھۆی ئەوەی ئەوان لە وێستگەیەکی ئاسمانی بوون لەکاتی ڕوودانی بەبەردبوونەکەدا.
بەھاوکاری ھاوکارەکانی، شانشینی زانست ی سێنکو خۆی سەلماند کە ئەوان ھێزێک نین کە دەبێت بە کەم تەماشابکرێت. پاش بردنەوەی جەنگەکە بۆیان دەرکەوت کە باوکی سێنکو کانزایەکی بەنرخی بۆ جێھێشتوون کە دەتواندرێت بەکاربھێندرێت وەک ھاندەرێک بۆ دروستکردنی تێکەڵەیەک بۆ ڕزگارکردنی مرۆڤە بە بەردبووەکان لە دوورگەیەکی نزیک خۆیان کە لە ئێستادا ھۆزێک تێیدا نیشتەجێن بە ناوی شانشینی بەبەرکردن، کە ئەو ئامێرەی لێیە ساڵانێکی زۆر لەوەوپێش بەکارھاتووە بۆ بەبەرکردنی مرۆڤایەتی.
دەرچوونەکان
[دەستکاری]مانگا
[دەستکاری]لەلایەن ریچیرۆ ئیناگاکیەوە نووسراوە و لەلایەن بۆیچی ەوە کاری وێنەکێشانی بۆ کراوە، مانگای دکتۆر ستۆن پاش ئامادەکردنی ١٤ بەشی لە ھەفتانەی شۆنن جەمپی شوئیشا دەست بە بڵاوکردنەوەی کراوە لە ٦ی مانگی ٣ی ساڵی ٢٠١٧دا.[١] مانگاکە یەکێک بوو لەو بژاردانەی ئیناگاکی خستییە بەردەم سەرنووسەرەکەی کە ھەڵبژاردنیشی بەھۆی ئەوەبوو کە نەیدەزانی چیرۆکەکە چۆن گەشە دەکات لەداھاتوودا. بۆیچیش کە بەدوای چیرۆکێک دا دەگەڕا تاوەکو کاری نەخشاندنی بۆ بکات، لەو کاتەدا بە ئیناگاکی (کە ھەوادارێکی نەخشاندنەکانییەتی) گەیشت کە کۆتایی بە نەخشەسازییەکانی سێھەمین چاپتەر ھێنابوو.
لە پانێڵێکدا لە ئەنیم بۆستن، ڤیزمیدیا ڕایگەیاند کە ڕەسەنایەتی مانگاکەیان بۆخۆیان قۆرغکردووە، و یەکەمین بەرگیان لە مانگی ٩ی ساڵی ٢٠١٨دا بڵاوکردەوە.[٢][٣] شوئیشا لە مانگی یەکی ساڵی ٢٠١٩ دەستی کرد بە بڵاوکردنەوەی زنجیرەکە بە ئینگلیزی لە پێگە و نەرمەواڵای مانگا پڵەس.[٤]
ئەنیمێ
[دەستکاری]لە ٥١ھەمین بەشی مانگاکە لە ھەفتانەی شۆنن جەمپدا لە ڕێکەوتی ١٩ی ١١ی ساڵی ٢٠١٨ ڕاگەیەندرا کە زنجیرە مانگاکە دەکرێتە زنجیرەیەکی ئەنیمێ.[٥][٦] ئەنیمێکە لەلایەن ستۆدیۆی TMSەوە بەرھەمھێندرا، کە شینیا یینۆ دەرھێنەرەکەی بوو، یویچیرۆ کیدۆ نووسەری دەقەکان بوو، یوکۆ ئیساوا نەخشێنەری کارەکتەرەکان بوو. تاتسویا کاتۆ، ھیرۆواکی تسوتسومی، و یوکی کانێساکاش بەرپرسی موزیکی ئەنیمێکە بوون.[٧] زنجیرە ئەنیمێکە لە ٥ی ٧ی ساڵی ٢٠١٩ یەکەمین ئەڵقەی لێ پەخشکرا لە تەلەڤیزیۆنی تۆکیۆ و کۆمەڵێک کەناڵی دیکە،[٨][٩] لە ١٣ی مانگی ١٢ی ھەمان ساڵدا کۆتایی پێ ھێندرا. لەو ماوەیەدا ٢٤ زنجیرەی ئەنیمێیەکە پەخشکرا.[١٠]
پاش تەواوبوونی وەرزی یەکەمی زنجیرەکە ڕاستەوخۆ وەرزی دووھەمیشی ڕاگەیەندرا.[١١] وەرزی دووھەم سەرنج دەخاتە سەر ئارکی «جەنگەکانی چاخی بەردین» لە زنجیرە مانگاکە.[١٢][١٣] وەرزی دووھەمی زنجیرە ئەنیمێکە بە شێوەیەکی فەرمی ناونیشانەکەی (دکتۆر ستۆن: جەنگەکانی چاخی بەردین) دەبێت و یەکەمین زنجیرەشی لە ١٤ی ١ی ساڵی ٢٠٢١ پەخشکرا.[١٤][١٥][١٦]
زنجیرەکە لە دەرەوەی 'ئاسیا'دا لەلایەن کڕەنچیڕۆلەوە پەخشدەکرێت، فەنیمەیشن یش چەشنی DUBی بۆ ئەنیمێیەکە بەرھەمھێناوە.[١٧]
یاری ڤیدیۆیی
[دەستکاری]لە مانگی ١٢ی ساڵی ٢٠٢٠، ڕاگەیەندرا یارییەک کە چیرۆکەکەی لەسەر ئەم زنجیرەیەیە بڵاودەکرێتەوە لە ساڵی ٢٠٢١. یارییەکە لەلایەن Poppin Games Japanەوە پەرە پێدەدرێت و یارییەکە لە چەشنی ستراتیژی دەبێت، و نەخشەی یارییەکە دونیایەکی کراوە دەبێت و یاریکەر کەسایەتی ناو یارییەکە کۆنتڕۆڵ دەکات.[١٨]
سەرچاوەکان
[دەستکاری]- ^ Pineda، Rafael Antonio (٢٦ی کانوونی دووەمی ٢٠١٧). «Shonen Jump Magazine to Launch 6 New Series By Kuroko's Basketball, Beelzebub, More Authors». Anime News Network. لە ١ی حوزەیرانی ٢٠١٨ ھێنراوە.
- ^ «Viz Licenses Dragon Ball's Yamcha Spinoff, Ao Haru Ride, Radiant Manga, More». Anime News Network. لە ١ی حوزەیرانی ٢٠١٨ ھێنراوە.
- ^ «Viz Media to Release Dr. Stone Manga in Print». Anime News Network. لە ١ی حوزەیرانی ٢٠١٨ ھێنراوە.
- ^ «Shueisha Launches Free Global MANGA Plus Service». Anime News Network. ٢٧ی کانوونی دووەمی ٢٠١٩. لە ٢٣ی ئایاری ٢٠١٩ ھێنراوە.
- ^ «Dr. Stone Manga Gets TV Anime Starring Yūsuke Kobayashi in Summer 2019». Anime News Network. ١٨ی تشرینی دووەمی ٢٠١٨. لە ١٨ی تشرینی دووەمی ٢٠١٨ ھێنراوە.
- ^ Funimation. «[Master Thread] Dr. STONE (Dubbed)». funimation.com. لە ڕەسەنەکە لە ٢٠ی تەممووزی ٢٠١٩ ئەرشیڤ کراوە. لە ٢٠ی تەممووزی ٢٠١٩ ھێنراوە.
- ^ «Dr. Stone Anime Reveals Main Staff, New Visual». Anime News Network. ١٧ی ئازاری ٢٠١٩. لە ١٧ی ئازاری ٢٠١٩ ھێنراوە.
- ^ «Dr. Stone Anime Reveals Promo Video, Teaser Visual, 3 New Cast Members». Anime News Network. ٢٢ی کانوونی یەکەمی ٢٠١٨. لە ٢٢ی کانوونی یەکەمی ٢٠١٨ ھێنراوە.
- ^ Valdez، Nick (٢٢ی کانوونی یەکەمی ٢٠١٨). «'Dr. Stone' Anime Releases First Teaser». ComicBook. لە ٢٦ی کانوونی یەکەمی ٢٠١٨ ھێنراوە.
- ^ «Dr. Stone Anime to Have 24 Episodes». Anime News Network. ٧ی تەممووزی ٢٠١٩. لە ٧ی تەممووزی ٢٠١٩ ھێنراوە.
- ^ «Dr. STONE Season 2 release date: Anime sequel confirmed! Episode 24's ending to begin Stone Wars». Monsters and Critics. ١٢ی کانوونی یەکەمی ٢٠١٩. لە ڕەسەنەکە لە ١١ی ئەیلوولی ٢٠١٩ ئەرشیڤ کراوە. لە ١٢ی کانوونی یەکەمی ٢٠١٩ ھێنراوە.
- ^ «Dr. STONE Season 2 anime for Stone Wars announced in Weekly Shonen Jump issue 3 of 2020». Monsters and Critics. ١٢ی کانوونی یەکەمی ٢٠١٩. لە ڕەسەنەکە لە ١٢ی کانوونی یەکەمی ٢٠١٩ ئەرشیڤ کراوە. لە ١٢ی کانوونی یەکەمی ٢٠١٩ ھێنراوە.
- ^ «Dr. Stone Anime Gets 2nd Season». Anime News Network. ١٣ی کانوونی یەکەمی ٢٠١٩. لە ١٣ی کانوونی یەکەمی ٢٠١٩ ھێنراوە.
- ^ «Dr. STONE Season 2 release date confirmed for Winter 2021: Stone Wars sequel spoilers». Monsters and Critics. ٤ی کانوونی یەکەمی ٢٠٢٠. لە ڕەسەنەکە لە ١٨ی تشرینی دووەمی ٢٠٢٠ ئەرشیڤ کراوە. لە ٤ی کانوونی یەکەمی ٢٠٢٠ ھێنراوە.
- ^ «Dr. Stone Anime Season 2 Premieres in January 2021». Anime News Network. ٢ی تەممووزی ٢٠٢٠. لە ٢ی تەممووزی ٢٠٢٠ ھێنراوە.
- ^ «Fujifabric, Hatena Perform Theme Songs for Dr. Stone: Stone Wars Anime». Anime News Network. ٦ی کانوونی یەکەمی ٢٠٢٠. لە ٦ی کانوونی یەکەمی ٢٠٢٠ ھێنراوە.
- ^ «Crunchyroll Streams Dr. Stone Anime in July». Anime News Network. ٢٩ی ئایاری ٢٠١٩. لە ٢٩ی ئایاری ٢٠١٩ ھێنراوە.
- ^ «Dr. Stone Franchise Gets Smartphone Game in 2021». Anime News Network. ١٣ی کانوونی یەکەمی ٢٠٢٠. لە ١٤ی کانوونی یەکەمی ٢٠٢٠ ھێنراوە.
بەستەرە دەرەکییەکان
[دەستکاری]- وێبگەی فەرمیی مانگای دکتۆر ستۆن لە ھەفتانەی شۆنن جەمپ (ژاپۆنی)
- وێبگەی فەرمیی ئەنیمێی دکتۆر ستۆن (ژاپۆنی)
- دکتۆر ستۆن (مانگا) لەسەر ھێڵی ھەواڵی ئەنیمێ
- Pages using the JsonConfig extension
- ئەنیمێ و مانگای خەیاڵی زانستی
- ئەنیمێ و مانگای سەرکێشی
- ئەو زنجیرە ئەنیمێیانەی پشت بە مانگا دەبەستێت
- تی-ئێم-ئێس ئێنتێتەینمنت
- شۆنن مانگا
- فەنیمەیشن
- مانگای شوئیشا
- مانگای ڤیز میدیا
- وەرگرانی خەڵاتی شۆگاکوکان مانگا بۆ بەشی شۆنن مانگا
- مانگاکانی ٢٠١٩
- مانگاکانی ٢٠١٧
- زنجیرە مانگاکان
- ئەو زنجیرە تەلەڤیزیۆنییە ئەنیمێیانەی لە ٢٠١٩ دەستیان پێکردووە
- کایە ڤیدیۆییەکانی ٢٠٢١
- یارییەکانی ئەندرۆید
- کرانچیڕۆڵ
- ئەو یارییە ڤیدیۆییانەی لە ژاپۆن گەشەپیان پێدراوە
- یارییەکانی ئای ئۆ ئێس
- ئەو زنجیرە تەلەڤیزیۆنییە ئەنیمێیانەی لە ٢٠٢١ دەستیان پێکردووە
- تونامی