ئەندرۆید

لە ئینسایکڵۆپیدیای ئازادی ویکیپیدیاوە
Jump to navigation Jump to search
ئەندرۆید
Android robot.svg
دانەر(ان)ی سەرەتاییگۆگڵ
نووسراوە بەXML, C, C++, Java
زمانەکانزیاتر لە ١٠٠ زمان
وێبگەhttp://www.android.com/

ئەندرۆید سیستەمێکی کارپێکەری مۆبایلە کە لەسەر ناوکی لینوکس ٢٫٦ بنچینە کراوە و لەلایەن هەریەک لە ئاندی ڕۆبن، ڕیچ ماینەر، نیک سێرس و کریس وایتەوە لەژێر ناوی کۆمپانیای ئەندرۆید (.Android Inc) لە ساڵی ٢٠٠٣ لە کالیفۆرنیا لە ناوچەی Palo Alto دامەزرا، کاریان پەرەپێدان و بەرھەمھێنانی نەرمەکاڵا software بوو بۆ ئامێری مۆبایل، پلانیشیان ھەبوو کە سیستەمێکی کارگێڕی برەو پێبدەن، لە ساڵی ٢٠٠٥ کۆمپانیای گۆگڵ کۆمپانیاکەی کڕییەوە، بەو ئامانجەی کە دەسەڵاتی خۆی لە بواری تەکنۆلۆژیای مۆبایلدا فراوان بکات. سیستەمی کارپێکەری ئەندرۆید بۆ یەکەمجار لەسەر مۆبایلی کۆمپانیای ئێچ تی سی HTC ـی تایوانـی بەناوی HTC Dream یەکەم وەشانی لە ساڵی ٢٠٠٨ بڵاوکرایەوە، لەو کاتەوە زۆر بەخێرایی گەشەی کردووە و بەرفراوانترین کۆمەڵەی پەرەپێدەری لە پشتەوەیە کە نزیکەی ٣.٥٠٠٠٠٠٠ سێ ملیار و نیو پڕۆگرامی بۆ دروست کراوە.

تایبەتمەندی[دەستکاری]

  • پرۆگرام و یاری زۆری ھەیە کە بەکارھێنەر دەتوانێت دایابمەزرێنێتە سەر ئامێرەکەی.
  • نرخی ھەندێک لە ئامێرەکان زۆر ھەرزانن ئەگەر بەراورد بکرێن لەگەڵ ئامێری دیکە کە ھەمان شێواز کار جێبەجێ بکەن.
  • زۆر بە باشی و ئاسانی تێکەڵاوی ڕاژەکانی گووگڵـە و کار زۆر ئاسان دەکاتەوە بۆ ئەو بەکارھێنەرانەی کە لە کار و ژیانی ڕۆژانەیاندا ڕاژەکانی گووگڵ بەکار دەھێنن.
  • سیستمەکە بە شێوەیەکی زۆر دەکرێت ڕێکبخرێت بە پێی ویستی بەکارھێنەر.

ماناکەی[دەستکاری]

مانای ووشەی ئەندرۆید Android، بە زمانی ئینگلیزی واتە رۆبۆتێک کە لە شێوەی مرۆڤ درووست کرابێت.

کۆگای ئەندڕۆید[دەستکاری]

سیستمی ناوبراو کۆگایەکی گەورە و پڕ لە پرۆگرامی ھەیە کە ئەمڕۆ زۆرتر لە ١٥٠ ھەزار پرۆگرام و یاری جیاوازی تێدایە کە ھەردوو جۆری خۆڕایی و بە پارە لە خۆ دەگرن، ساڵی ٢٠٠٨ ماڵپەڕی Google play کرایەوە کە تێیدا ھەموو پرۆگرامەکان ڕیزکراون.

وەشانەکانی ئەندرۆید[دەستکاری]

وەشان ناوی کۆد ڕۆژی دەرچوون
١٫٠ ناوی نییە ٢٣ـی ئەیلولی ٢٠٠٨
١٫١ Petit Four ٩ـی ڕەشەمێی ٢٠٠٩
١٫٥ Cupcake ٢٧ـی گوڵانی ٢٠٠٩
١٫٦ Donut ١٥ـی ئەیلولی ٢٠٠٩
٢٫٠-٢٫١ Eclair ٢٦ـی گەڵاڕێزانی ٢٠٠٩
٢٫٢-٢٫٢. ٣ Froyo ٢٠ـی جۆزەردانی ٢٠١٠
٢٫٣-٢٫٣. ٧ Gingerbread ٦ـی بەفرانباری ٢٠١٠
٣٫٠-٣٫٢. ٦ Honeycomb ٢٢ـی ڕەشەمێی ٢٠١١
٤٫٠-٤٫٠. ٤ Ice Cream Sandwich ١٨ـی گەڵاڕێزانی ٢٠١١
٤٫١-٤٫٣. ١ Jelly Bean ٩ـی خەرمانانی ٢٠١٢
٤٫٤-٤٫٤. ٤ KitKat ٣١ـی گەڵاڕێزانی ٢٠١٣
٥٫٠-٥٫١. ١ Lollipop ١٢ـی سەرماوەرزی ٢٠١٤
٦٫٠-٦٫٠. ١ Marshmallow ٥ـی گەڵاڕێزانی ٢٠١٥
٧٫٠-٧٫١. ٢ Nougat ٢٢ـی گەلاوێژی ٢٠١٦
٨٫٠-٨٫١ Oreo ٢١ـی گەلاوێژی ٢٠١٧
٩٫٠ Pie ٦ـی گەلاوێژی ٢٠١٨
١٠ Q ٧ـی سەرماوەزی ٢٠١٩
١١ R ٨ـی سەرماوەزی ٢٠٢٠
١٢ S نەزانراوە

داوانامەکان لە ئاندرۆید[دەستکاری]

داوانامەکان کە ئەوانەی دەبیرێن لە مارکێتی ئاندرۆید بڵاو دەکرێنەوە، بە چەند شێوەیەک دروست دەکرێن بەڵام سەرەکی تریان بریتیە لە بەکارھێنانی زمانی پرۆگرامکردنی Java بەکاردێنن بە یارمەتی Android SDK، یان بەھۆی بەکارھێنانی ئامرازی NDK، وە لە کۆتایدا یان بە بەکارھێنانی App Inventor کە ئەمەش لە لایەن گووگڵ ەوە بۆ ئەو کەسانە بۆیە ئاسان کاری کە زمانەکانی پرۆگرام کردن نازانن بەڵکوو بە ئاسانی دەتوانن داوانامە دروست بکەن و پێکی ببستنەوە لەگەڵ ھاندیئاندرۆید ەکە.

سەرچاوەکان[دەستکاری]